မိတ္ထီလာဈေးကွက်တွင် အသား ၊ ငါး ၊ အသီးအရွက်များ ရောင်းချလျှက်ရှိရာ ပဲပင်ပေါက်နှင့် ပဲပြားများကိုလည်း ရောင်းချလျှက်ရှိကြောင်း တွေ့ရှိရပါသည်။ ပဲပင်ပေါက် ၊ ပဲပြားများကို နေပြည်တော်ဘက်မှဝင်ရောက်ပြီး၊ မိတ္ထီလာကုန်စိမ်းဈေး(ဘဲကန်)၊ မြို့မဈေးနှင့် မြို့ပေါ်ရပ်ကွက် ဈေးများတွင် ပြန်လည်ရောင်းချကြောင်းသိရပါသည်။ ပဲပင်ပေါက် ၊ ပဲပြားကိုရော၍ ကြော်စားခြင်း ၊ ရေနွေးဖျော၍သုပ်စားခြင်း ၊ အသုပ်စုံများတွင်ထည့်၍သုပ်စားခြင်း ၊ ဟင်းချိုချက်၍စားသုံးခြင်း စသည်ဖြင့် အမျိုးမျိုးစားသုံးကြပါသည်။ ပဲပင်ပေါက်နှင့်ပဲပြားကိုအများအားဖြင့် တွဲ၍ရောင်းချတာတွေ့ ရပါသည်။
မိတ္ထီလာဈေးကွက် နိုဝင်ဘာလ တတိယပတ်တွင် ပဲပင်ပေါက်(၂၅)ကျပ်သားလျှင် (၁၀၀၀) ကျပ် ၊ ပဲပြား(၂)ခဲတွဲ တစ်တွဲလျှင် (၁၀၀၀)ကျပ် ဈေးဖြစ်၍ ယခင်လဈေးနှုန်းနှင့် နှိုင်းယှဉ်လျှင် ဈေးနှုန်းငြိမ်နေကြောင်း ဈေးကွက်မှစုံစမ်းသိရပါသည်။
DOCA(မန္တလေး)