ပဲခူးတိုင်းဒေသကြီး၊ ပြည်ခရိုင်၊ ပြည်မြို့၊ စည်ပင်သာယာဈေးကြီးနှင့် အခြားဈေးများတွင် ရွှေဝါကန်စွန်ဥများ ရောင်းချနေကြောင်းသိရှိရသည်။ ကန်စွန်းဥမျိုးများမှာ ရွှေဝါရောင်နှင့် ငချိတ်မျိုး ဟူ၍ (၂)မျိုးရှိရာ ယခုအချိန်တွင် ရွှေဝါရောင်ကန်စွန်းဥများသာ ဈေးကွက်တွင် ရောင်းချနေကြောင်းသိရပါသည်။ကန်စွန်းဥသည် ကျန်းမာရေးနှင့်ညီညွတ်သော အသီးအနှံတစ်မျိုးဖြစ်သောကြောင့် ရွှေဝါရောင်ကန်စွန်းဥများ ဈေးကွက်တွင် အရောင်းသွက်နေကြောင်းသိရပါသည်။
ကန်စွန်းဥမှာ ဗီတာမင်အေ၊ ဗီတာမင်စီ၊ ပိုတက်စီယမ်၊ သတ္တုဓာတ်နှင့် အမျှင်ဓာတ်တွေပါဝင်လို့ ကျန်းမာရေးအတွက် အထူးသင့်တော်တဲ့ အစားအစာတစ်ခုပဲ ဖြစ်ပါသည်။ အမျှင်ဓာတ်ပါလို့ အစာအခြေစနစ်ကို အထောက် အကူပြုတဲ့အပြင် အဆာခံတဲ့အတွက် ခဏခဏ ဗိုက်ဆာတာ မဖြစ်တော့ပါဘူး၊ ကယ်လိုရီဓာတ်နည်းပါး သည့်အတွက် အရသာရှိတဲ့အပြင် ဝိတ်ချချင်သူတွေအတွက်လည်း အထူးသင့်လျော်တဲ့ သရေစာတစ်မျိုးလည်း ဖြစ်ပါသည်။ ကန်စွန်းဥကို ပြုတ်ပဲစားစား၊ ပေါင်းပဲစားစား၊ မီးဖုတ်ပြီးပဲစားစား၊ ရွှေကြည်လုပ် စားစား၊ ဆနွင်းမကင်း၊ သာကူတို့ထဲတွင်လည်း အတုံးလေးတွေထည့်ပြီး အသုံးပြုကြပါသည်။ ကန်စွန်းဥ ကို စိုက်ပျိုးခြင်းဖြင့် စိုက်ပျိုးတောင်သူများ၊ စီးပွားရေးလုပ်ငန်းရှင်များ၊ ရောင်းဝယ်ဖောက်ကား သူများနှင့် ဒေသခံပြည်သူများအနေဖြင့်လည်း အလုပ်အကိုင်အခွင့်အလမ်း များစွာ ရရှိသောကြောင့် နှစ်စဉ်စိုက်ပျိုး လျက်ရှိကြောင်း သိရှိရပါသည်။ ရွှေဝါကန်စွန်းဥကို ပြည်မြို့အနီးတဝိုက်ရှိ ကျေးရွာများနှင့် တစ်ပိုင် တစ်နိုင်စိုက်ပျိုးသူများမှ ပြည်မြို့ မြို့မစည်ပင်သာယာဈေးကြီးနှင့် အခြားဈေးများတွင်ပေါ်ဦးပေါ်ဖျားရောင်းချလျက်ရှိကြောင်းသိရသည်။ပေါ်ဦးပေါ်ဖျားဖြစ်သည့်အတွက် ဈေးကောင်းလည်းရပြီး အရောင်းအဝယ်ဖြစ် ကြောင်း သိရှိရပါသည်။ အရောင်းသွက်နေတဲ့ ရွှေဝါကန်စွန်းဥ အလုံးကြီးတစ်ပိဿာလျှင် ကျပ် (၇၀၀၀)၊ အလုံးသေးတစ်ပိဿာလျှင် ကျပ် (၆၀၀၀) ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(ပဲခူး)