ပြည်တွင်းကုန်သွယ်မှုသတင်း

        ရွှေဘိုမြို့ပေါ်ရှိ ဈေးများ၊ လမ်းဆုံလမ်းခွများတွင် ဘုရားပန်းများကိုရောင်းချလျက်ရှိရာ ရာသီအလိုက်ပေါ်သည့်ပန်းများအပြင် အောင်သပြေငုတ်များကိုလည်း ရောင်းချလျက်ရှိပါသည်။     ဘုရားပန်းတစ်မျိုးဖြစ်သည့် အောင်သပြေငုတ်များမှာ ဘုရားပန်းအိုးထိုးရာတွင် ရက်တာရှည်စွာ အထာခံသဖြင့် အောင်သပြေငုတ်ကို ပို၍လူကြိုက်များကြောင်း၊ အောင်သပြေငုတ်ကို (၃)ရက်(၁)ခါ ဘုရားပန်းအိုး ရေလဲပေးလျှင် ပို၍အထားခံကြောင်း၊ အောင်သပြေငုတ်ကို မန္တလေးတိုင်း၊ ကျောက်ဆည် ခရိုင်တွင် စိုက်ပျိုးပြီး ရွှေဘိုမြို့မှ သယ်ယူရောင်းချကြောင်း၊ ရွှေဘိုမြို့တွင် အောင်သ ပြေငုတ်များကို လိုက်ထရပ်ကားဖြင့်လည်းကောင်း၊ ဆိုက်တွဲဖြင့်လည်းကောင်း လူစည်ကားသည့် နေရာများတွင်ရောင်းချလျက်ရှိကြောင်း၊ အောင်သပြေငုတ်ကို ရွှေဘိုမြို့တွင်းအပြင်မြို့၏အနီး တဝိုက်ဖြစ်သည့် ကျေးရွာများ၊  ရေဉီး၊ ခင်ဦးမြို့မှလည်း ပြန်လည်ရောင်းချရန် ဝယ်ယူကြောင်း၊ အပင်အလုံးပတ်အကြီးအသေးပေါ်မူတည်ပြီး ရောင်းချကြကြောင်း၊ အောင်သပြေငုတ်ကို အပင်(၁) ပင်မှစ၍ အစည်းလိုက်လည်းဝယ်ယူ၍ရကြောင်း၊ လက်သန်းလုံးခန့် အောင်သပြေငုတ် (၁)ပင်လျှင် (၁၅၀ဝိ/-)ကျပ်ဖြင့်ရောင်းချပြီး ထိုထက်ပို၍ကြီးပါက  (၂၅၀ဝိ/-)ကျပ်၊ (၄၀၀ဝိ/-)ကျပ်၊ (၇၀၀ဝိ/-) ကျပ်ဖြင့် ရောင်းချကြပြီး ပို၍ရင့်ပြီး လုံးပတ်ပိုကြီးပါက (၁၃၀၀ဝိ/-)ကျပ်ထိ ဈေးနှုန်းဖြင့် ရောင်းချရကြောင်း အောင်သပြေငုတ် ရောင်းချသည့် ဈေးဆိုင်ထံမှ သိရှိရပါသည်။

DOCA (စစ်ကိုင်း)      

           ရွှေဘိုမြို့တွင် လူသုံးကုန်ပစ္စည်းများ၊ အသား/ငါးများကို ရောင်းချလျက်ရှိရာ အသင့် စားသုံးနိုင်သည့် ဖက်ထမင်းကိုလည်း ရောင်းချလျက်ရှိပါသည်။ အချိန်ကုန်သက်သာပြီး မီးကုန်သက်သာသည့်အတွက် အသင့်စားသုံးနိုင်သည့် ဖက်ထမင်းကို ဝယ်ယူစားသောက် လျက်ရှိကြောင်း၊ လျှပ်စစ်မီးပျက်သည့်အချိန်မျိုးတွင် ဖက်ထမင်းမှာ ရောင်းအားကောင်း ကြောင်း၊ ဖက်ထမင်းဆိုသည်မှာ ရွှေဘိုပေါ်ဆန်းဆန်ဖြင့်ချက်သည့် ထမင်းကို ကြိုက်သည့် အသားမျိုးစုံထည့်ပြီး  ဟင်းအနှစ်ထည့်ကာ ရောင်းချကြောင်း၊ ဖက်ထမင်းထဲတွင် အသား ဟင်း(၁)မျိုး၊ ကုလားပဲနှပ် (သို့မဟုတ်)ပဲလှော်ကြော်၊ ရာသီပေါ်အချဉ်တစ်မျိုးမျိုးနှင့် ငရုတ်သီးစိမ်း၊ ငပိကြော်တို့ပါဝင်ကြောင်း၊ ကြက်သားဖြင့် ရောင်းချသည့် ဖက်ထမင်း (၁)ပွဲလျှင် (၅၀၀ဝိ/-)ကျပ်၊ ဝက်သားဖြင့် ရောင်းချသည့်ဖက်ထမင်း (၁)ပွဲလျှင် (၆၀၀ဝိ/-) ကျပ်၊ ဆိတ်သားဖြင့် ရောင်းချသည့် ဖက်ထမင်း(၁)ပွဲလျှင် (၇၀၀ဝိ/-)ကျပ်ဖြင့် ရောင်းချလျက်ရှိကြောင်း၊ ကြက်ရိုးဖြင့် ရောင်းချသည့် ဖက်ထမင်းမှာ (၁)ပွဲလျှင် (၃၀၀ဝိ/-) ကျပ်ဖြင့် ရောင်းချကြောင်း၊ ငပိရည်နှင့် တို့စရာ (၁)ပွဲလျှင် (၁၀၀ဝိ/-)ကျပ်ဖြင့်ရောင်းချပြီး ချဉ်ရည်ကျို(၁)ပွဲလျှင် (၅၀ဝိ/-)ကျပ်ဖြင့် ရောင်းချလျက်ရှိကြောင်း ဖက်ထမင်းရောင်းချသည့် ထမင်းဆိုင်မှ သတင်းရရှိပါသည်။

DOCA (စစ်ကိုင်း)      

          ၁၈.၈.၂၀၂၅ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ အမြင့်ဆုံးဈေး ကျပ် ၁၉၀၀၀ မှ အနိမ့်ဆုံးဈေး ကျပ် ၁၈၅၀၀၊ အောင်ပန်းထူး-၂ ကျပ် ၄၅၀၀ ၊  အောင်ပန်းထူး-၃ ကျပ် ၅၅၀၀၊ အောင်ပန်းထူး-၄ ကျပ် ၆၅၀၀၊ အောင်ပန်းထူး-၅ ကျပ် ၇၅၀၀၊ ကြက်သွန်နီ ဈေးနှုန်းများမှာ ဆိပ်ဖြူ(သစ်) ရှယ် ကျပ် ၁၇၅၀ ၊ ဆိပ်ဖြူ(သစ်)လတ်ကြီး ကျပ်  ၁၆၀၀ ၊  ဆိပ်ဖြူ(သစ်)လတ်သန့် ကျပ် ၁၃၀၀၊ ဆိပ်ဖြူ(သစ်) လတ် ချော ကျပ် ၈၅၀၊ မြင်းခြံ (သစ်) ရှယ် ကျပ် ၁၄၀၀/၁၆၅၀၊ မြင်းခြံ(သစ်) လတ်ကြီး ကျပ် ၁၂၅၀/၁၅၀၀၊ မြင်းခြံ(သစ်) လတ်သန့် ကျပ် ၉၅၀/၁၂၅၀၊ မြင်းခြံ(သစ်) လတ်ချော ကျပ် ၇၀၀/၈၀၀၊ ရွှေဘို(သစ်) ရှယ် ကျပ် ၁၉၀၀၊ ရွှေဘို လတ်ကြီး ကျပ် ၁၈၀၀၊  ရွှေဘို လတ်သန့် ကျပ် ၁၄၅၀၊  ရွှေဘို လတ်ချော ကျပ် ၁၁၀၀၊ မုံရွာ(သစ်) ရှယ် ကျပ် ၁၆၅၀၊  မုံရွာ(သစ်) လတ်ကြီး ကျပ် ၁၆၀၀၊ မုံရွာ(သစ်) လတ်သန့် ကျပ် ၁၂၅၀/၁၃၀၀၊ မုံရွာ(သစ်) လတ်ချော ကျပ် ၈၅၀/၁၀၀၀၊ ပခုက္ကူ(သစ်) ရှယ် ကျပ် ၁၆၀၀၊ ပခုက္ကူ(သစ်) လတ်ကြီး ကျပ် ၁၅၅၀၊ ပခုက္ကူ(သစ်) လတ်သန့် ကျပ် ၁၂၅၀၊ ပခုက္ကူ(သစ်) လတ်ချော ကျပ် ၁၁၀၀  အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။ အာလူးတစ်ပိဿာ ဈေးနှုန်း များမှာ အောင်ပန်းအေဝမ်း(သစ်) ကျပ် ၂၅၀၀၊ အောင်ပန်းအိုကေ(သစ်) ကျပ် ၃၅၀၀၊ အောင်ပန်း အက်စ်ဝမ်း(သစ်) ကျပ် ၄၅၀၀၊ တရုတ်အာလူး ကျပ် ၅၇၀၀/၅၈၀၀ ရှိကြောင်းသိရှိရပါသည်။ ယခုတစ်ပတ် အာလူးဈေးနှုန်းများမှာ ဈေးနှုန်းအနည်းငယ်မြင့်တက်လျက်ရှိကြောင်း    သိရှိရပါသည်။

DOCA(ရန်ကုန်)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြကြောင်း သိရသည်။

       ယခုအခါ ကန့်ဘလူမြို့နယ်အတွင်းရှိ နတ်ပေးကျေးရွာ၊ တောက္ကရှပ်ကျေးရွာနှင့် မြို့ပေါ်ရပ် ကွက်များတွင် မုန်လာဥဖြူများကို တစ်နိုင်တစ်ပိုင် စိုက်ပျိုးကြကြောင်း၊ ထွက်ရှိသည့်မုန်လာဥဖြူ များကို ကန့်ဘလူမြို့မဈေးတွင်ရောင်းချကြောင်း ၊ ဩဂုတ်လ တတိယပတ်အတွင်း မုန်လာဥဖြူ အကြီး(၃)ဥပါတစ်တွဲလျှင် (၇၀၀)ကျပ်၊ မုန်လာဥဖြူ(အသေး)(၃)ဥပါတစ်တွဲလျှင် (၅၀၀)ကျပ်တို့ ဖြင့်ရောင်းချကြောင်း၊ ရာသီပေါ်သီးနှံဖြစ်သည့်အတွက် မုန်လာဥဖြူများ ရောင်းအားကောင်းလျက် ရှိကြောင်း မြို့မဈေးရှိကုန်စိမ်းရောင်းချသူ တစ်ဦးထံမှ သိရှိရပါသည်။

DOCA (စစ်ကိုင်း)      

          ၂၀၂၅ ခုနှစ်၊ ဩဂုတ်လ (၁၈ ) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက် ရာဒေသများဖြစ်သည့် ဆိပ်ဖြူ၊ မြင်းခြံနှင့် မုံရွာ၊ ပခုက္ကူ၊ ရွှေဘိုဒေသတို့မှ ကြက်သွန်နီ (၄၅၀၀၀၀) ပိဿာဝင် ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှု ရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၁၈၀၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူ ကြက်သွန်နီ(အသစ်) အချော တစ်ပိဿာ ကျပ် ၈၅၀၊ အသန့်မှာတစ်ပိဿာ ကျပ် ၁၃၀၀၊ အကြီးမှာ ကျပ် ၁၆၀၀၊ ရှယ်မှာ ကျပ် ၁၇၅၀၊ မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၇၀၀၊ အသန့်မှာ တစ်ပိဿာ ကျပ် ၁၂၅၀ ၊ အကြီးမှာ ကျပ် ၁၅၅၀၊ ရှယ်မှာ ကျပ် ၁၆၅၀၊ မုံရွာ ကြက် သွန်နီ(အသစ်)  အချော တစ်ပိဿာ ကျပ် ၁၀၀၀၊ အသန့်မှာ တစ်ပိဿာ ကျပ် ၁၃၀၀ ၊ အကြီးမှာ ကျပ် ၁၆၀၀၊ ရှယ်မှာ ကျပ် ၁၆၅၀၊ ပခုက္ကူ ကြက်သွန်နီ(အသစ်) အချော တစ်ပိဿာ ကျပ် ၁၁၀၀၊ အသန့်မှာ တစ်ပိဿာ ကျပ် ၁၂၅၀ ၊ အကြီးမှာ ကျပ် ၁၅၅၀၊ ရှယ်မှာ ကျပ် ၁၆၀၀၊ ရွှေဘို ကြက်သွန်နီ(အသစ်) အသန့်မှာ တစ်ပိဿာ ကျပ် ၁၄၅၀ ၊ အကြီးမှာ ကျပ် ၁၈၀၀၊ ရှယ်မှာ ကျပ် ၁၉၀၀ ဈေးတို့အသီးသီးရှိ ကြောင်း စုံစမ်းသိရှိရပါသည်။

            ၁၈.၈.၂၀၂၅ ရက်နေ့တွင် ဆိပ်ဖြူ ကြက်သွန်နီဈေးနှုန်းမှာ ၁၄.၈.၂၀၂၅ ရက်နေ့ကအတိုင်း ဈေး တူညီနေပြီး မြင်းခြံ ၊ မုံရွာ၊ ပခုက္ကူ ကြက်သွန်နီဈေးနှုန်းများမှာ ၁၄.၈.၂၀၂၅ ရက်နေ့ကထက် ဈေးအနည်းငယ်ကျသွားကြောင်း သိရှိရပါသည်။

DOCA(ရန်ကုန်)