ပြည်တွင်းကုန်သွယ်မှုသတင်း

       ကမ္ဘာကြီးတိုးတက်လာသည်နှင့်အမျှ စက်မှုကိရိယာများပိုမိုအသုံးပြုလာခြင်းကြောင့် အပူချိန် မြင့်တက်လာသောအခါ မြန်မာ့ရိုးရာချည်ထည်များကို အများအပြားဝတ်ဆင်လာကြပါသည်။ ထို့နည်းတူ အညာဒေသတွင်လည်း ဝယ်လိုအားလိုအပ်ချက်အရ လုပ်ငန်းများတွင် ကျယ်လာစေရန် လက်ယက္ကန်းများ နေရာတွင် စက်ယက္ကန်းများ အစားထိုးဝင်ရောက်ကာ ကျယ်ကျယ် ပြန့်ပြန့် လုပ်ကိုင်လာကြပါသည်။ အထည်ယက်လုပ်ရာတွင် လိုအပ်သောချည်အတွက် ပြည်ပမှဝင်ရောက် လာသောချည်များကိုနီးစပ်ရာမြို့ရှိ ကုန်သည်များထံမှ ပြန်လည်ဝယ်ယူ၍ ဆေးဆိုးခြင်း၊ ချည်စာ နင်းခြင်း၊ ချည်ချခြင်းနှင့် ယက္ကန်းချည်ခြင်း အစရှိသဖြင့် အဆင့်ဆင့်လုပ်ကိုင်ကြရာတွင်လည်း ယခင်ကလုပ်သား အင်အားကို အသုံးပြုကြသော်လည်း ယခုအခါတွင် စက်အစားထိုး လုပ်ကိုင် လာကြပါသည်။

       ထိုကဲ့သို့ ယောက်ျားဝတ် ပုဆိုးယက်လုပ် ကြရာတွင်အတိုင်ချည်(၄၀)ချည်ကို အသုံးပြု၍ အဖောက်ချည်အဖြစ် (၂၀) ချည် (ကပြား)နှင့် (၄၀) ချည်ကို အသုံးပြုကြသည်။ စက်ယက္ကန်း ပုဆိုးတစ်တန်းလျှင် အတိုင်ချည် (၁၂)ထုပ်၊ တစ်ထုပ်လျှင် အလိမ်(၄၀)၊ တစ်လိမ်လျှင်(၅)ခင် ပါဝင်ပြီး အတိုင်ချည်နှင့် အဖောက်ချည် ညီတူညီမျှ အသုံးပြုကြရသည်။ ယက္ကန်းတစ်ဆင်၏ အထွက်နှုန်းမှာ (၁၂) ထုပ်တန်း တစ်တန်းလျှင် ကွင်း(၄၀၀)ကျော် (၅၀၀) နီးပါးထွက်သည်ဟု လည်းသိရပါသည်။ အထည်ဈေးနှုန်းမှာ (၄၀x၄၀) ချည် တစ်ကွင်းလျှင် ကျပ်(၉၅၀၀)နှုန်းနှင့် (၄၀x၂၀)ချည် တစ်ကွင်းလျှင် (၆၅၀၀) ကျပ်နှုန်းဖြင့် ရောင်းချကြောင်း ယခုအခါလျှပ်စစ်မီး အခက်အခဲများကြောင့် ယခင်ကာလများကဲ့သို့ မတွင်ကျယ်လှသော်လည်း မိမိတို့ဒေသအတွင်း သာမက နီးစပ်ရာဒေသများသို့လည်း ရောင်းဝယ်ဖောက်ကားလျက်ရှိကြောင်း သိရပါသည်။

DOCA(မန္တလေး)

          ကော်ဖီသီးနှံကို(၁၃)ရာစုတွင် အီသီရိုးပီးယားနိုင်ငံမှစတင်စိုက်ပျိုး၍ ယခုအခါ မြန်မာနိုင်ငံ အပါအဝင် နိုင်ငံပေါင်း(၇၀)တွင်စိုက်ပျိုးကာ နိုင်ငံခြားဝင်ငွေများရရှိနေသော Export သီးနှံဖြစ် ကြောင်းလေ့လာတွေ့ရှိရပါသည်။ ကော်ဖီသီးနှံကို မြန်မာနိုင်ငံတွင် ၁၈၈၅ ခုနှစ်တွင်စတင်၍ စိုက်ပျိုးခဲ့ပြီး မန္တလေးတိုင်းဒေသကြီး၊ပြင်ဦးလွင်၊မိုးကုတ်၊တောင်ကြီး၊ရွာငံ၊ဟဲဟိုး၊အောင်ပန်း၊ကရင် ပြည်နယ်၊ပဲခူးတိုင်း၊ဧရာဝတီတိုင်းတို့တွင်လည်း စိုက်ပျိုးလုပ်ကိုင်လျက်ရှိကြောင်းလေ့လာတွေ့ရ ပါသည်။ကော်ဖီသီးနှံအမျိုးအမည်(၅)မျိုးရှိရာ (၁)အာရေးဗီးကား ၊ (၂)ရိုဘက်စတာ၊ (၃)လိုင်ဖရီက၊ (၄)အရော့အင်ဒီးနီ၊(၅)အိတ်ဆယ်ဆာဟူ၍ ခွဲခြားသိရပြီး ကုန်းမြင့်ကော်ဖီနှင့်မြေနိမ့်ကော်ဖီဟူ၍ ခွဲခြားစိုက်ပျိုးကြပါသည်။ကုန်းမြင့်ကော်ဖီမှာ ပင်လယ်ရေမျက်နှာပြင်အထက် ပေ ၃၀၀၀ တွင် စိုက်ပျိုးဖြစ်ထွန်းပြီး ကုန်းနိမ့်ကော်ဖီမှာ ပြင်လယ်ရေမျက်နှာပြင် ပေ ၂၀၀၀ တွင်သာ စိုက်ပျိုးနိုင် ကြောင်းသိရှိရပါသည်။ ပြင်ဦးလွင်မြို့နယ်သည် ပင်လယ်ရေမျက်နှာပြင် ပေ ၃၀၀၀ ကျော်တွင် တည်ရှိသောကြောင့် ကုန်းမြင့်ကော်ဖီဖြစ်သော အာရေးဗီးကားကော်ဖီတစ်မျိုးတည်းသာ အဓိက ထား၍စိုက်ပျိုးပါသည်။ ယခု ၂၀၂၄ ခုနှစ်အထိ စိုက်ဧက(၁၀၃၇၈)စိုက်ပျိုးထားပြီး အသီးခူးဆွတ် နိုင်မှုဧကမှာ(၁၉၃၀)ရှိပြီး အထွက်နှုန်း(၁)ဧကလျှင် (၁၅၀-၈၅)ပိဿာ ထွက်ရှိ၍ အထွက်စုစုပေါင်း ဧက(၁၉၃၀)နှင့်တွက်လျှင်(၂၉၁၁၉၀)ပိဿာထွက်ရှိပါသည်။ ယခုဖော်ပြပါ အထွက်ပိဿာများ သည် ခူးဆွတ်ချိန် အစိုသီး၏ ပိဿာချိန်များဖြစ်ပါသည်။ ကော်ဖီသီးနှံကို စတင်စိုက်ပျိုးချိန်မှာ မေ၊ဇွန်၊ဇူလိုင်လများတွင် စတင်စိုက်ပျိုးနိုင်ပြီး အသီးခူးဆွတ်ချိန်ဇယားများမှာ နိုဝင်ဘာ၊ဒီဇင်ဘာ၊ ဇန်နဝါရီလများတွင်ခူးဆွတ်ကြပါသည်။စတင်စိုက်ပျိုးချိန်မှ သက်တမ်း(၃)နှစ်ကြာလျှင် အသီးများ စတင်ခူးဆွတ်နိုင်မည်ဖြစ်ပါသည် ။ ကော်ဖီစတင်စိုက်ပျိုးမည်ဆိုပါက အရေးကြီးဆုံးအချက်မှာ ကော်ဖီပင်သည် ဆီးနှင်းကိုကြောက်သော အပင်အမျိုးဖြစ်သောကြောင့် အရိပ်ရပင်ကြီးမျိုးဖြစ် သော ခါတော်မှီ၊ ဒညင်းသီး၊ ပိန္နဲ စသည့်နှစ်ရှည်ပင်များစိုက်ပျိုးပြီးမှ ကော်ဖီပင်ကိုစိုက်ပျိုးရ ကြောင်းလေ့လာတွေ့ရှိရပါသည်။ စိုက်စနစ်မှ ပင်ခြား၊တန်းခြား(၄’×၄’)စိုက်ပျိုးနိုင်ပြီး (၁)ဧကတွင် အပင်ရေ(၁၃၆၀)စိုက်ပျိုးနိုင်ပါသည်။ (၁)ဧက ကုန်ကျစရိတ်မှာ ကျပ်သိန်း(၆၀-၈၀)ကုန်ကျ ကြောင်းသိရှိရပါသည်။ယခုသီးနှံထွက်ပေါ်ချိန်တွင် တောင်ကြီး၊ရွာငံ၊ကလော၊ပြင်ဦးလွင် ပွဲစား ဝယ်လက်များမှ ကော်ဖီသီးအစို တစ်ပိဿာလျှင် (၄၂၀၀/-)ကျပ်ဖြင့် ဝယ်ယူနေပြီး ဖေဖော်ဝါရီလ တွင် (၄၈၀၀-၅၀၀၀)စျေးထိ ရောက်ရှိနိုင်ကြောင်း သိရှိရပြီး ကော်ဖီကုန်ချောအနေဖြင့် လှော်စေ့ မရွလျှင်(၃၅၀၀၀-၃၇၀၀၀)ကျပ်၊ ကော်ဖီမှုန့် (G1) 1kg (၃၅၀၀၀/-)၊ ကော်ဖီမှုန့် (G2) 1kg (၃၀၀၀၀/-)၊( 3 in 1 ) ၁၀ထုတ်ပါ(၉၅၀၀/-) အသင့်သောက် အထုပ်သေးတစ်ထုပ်လျှင် (၅၅၀-၆၀၀)ကျပ်ဖြင့် ပြင်ဦးလွင်မြို့ပေါ်ရှိ ဆိုင်များတွင်ရောင်းချလျှက်ရှိ ပါသည်။

DOCA(မန္တလေး)

မြင်းခြံမြို့ရှိ မြို့မစည်ပင်သာယာဈေး၌ ၂၀၂၄ ခုနှစ်၊ ဒီဇင်ဘာလ (၂၃)ရက်နေ့၊ နံနက် ၀၈:၀၀ နာရီအချိန်တွင် မြို့နယ်စည်ပင် သာယာရေးအဖွဲ့၊ ခရိုင်စားသုံးသူရေးရာဦးစီးဌာနနှင့် မြင်းခြံကုန် စည်ဒိုင်တို့ပူးပေါင်း၍ စားသုံးသူ ပြည်သူများ အခြေခံစားသောက်ကုန်များအား ဈေးနှုန်းချိုသာစွာဖြင့် ဝယ်ယူနိုင်စေရန် ပြည်သူ့သက်သာဈေး အရောင်းဆိုင်ဖြင့် ရောင်းချ ပေးခဲ့ပါသည်။

          အဆိုပါအရောင်းဆိုင်တွင် ဆန်တစ်ပြည်လျှင်(၃၅၀၀)ကျပ်၊ ကြက်ဥတစ်လုံးလျှင်(၄၀၀) ကျပ်၊ ဆိတ်သား(အသားသန့်) တစ်ပိဿာလျှင်(၁၆၀၀၀)ကျပ်၊ အရိုးနှင့်အသားပါတစ်ပိဿာ လျှင် (၁၄၀၀၀)ကျပ်၊ ကလီစာတစ်ပိဿာလျှင်(၁၁၀၀၀)ကျပ်၊ အရိုးအကြမ်း တစ်ပိဿာလျှင် (၄၀၀၀) ကျပ်၊ ဝက်သား(သုံးထပ်သား)တစ်ပိဿာလျှင်(၁၅၀၀၀)ကျပ်၊ အရိုးနှင့်အသားတွဲလျက် တစ်ပိဿာလျှင်(၁၃၀၀၀)ကျပ်၊ ကလီစာတစ်ပိဿာလျှင်(၈၀၀၀)ကျပ်၊ အရိုးကြမ်း တစ်ပိဿာ လျှင်(၃၅၀၀)ကျပ်၊ အမဲသား(အသားသန့်) တစ်ပိဿာလျှင်(၁၁၀၀၀)ကျပ်၊ အရိုးနှင့်အသားတွဲ လျက်တစ်ပိဿာလျှင်(၉၀၀၀)ကျပ်၊ ကလီစာတစ်ပိဿာလျှင်(၇၀၀၀)ကျပ်၊ အရိုးတစ်ပိဿာ လျှင်(၃၅၀၀)ကျပ် နှုန်းများဖြင့် ရောင်းချပေးခဲ့ပါသည်။ မြန်မာနိုင်ငံဆီကုန်သည်နှင့် ဆီလုပ်ငန်း ရှင်ကြီးများအသင်း (မြင်းခြံ)မှလည်း စားသုံးသူပြည်သူများ သက်သာသောဈေးနှုန်းဖြင့် ဝယ်ယူ နိုင်စေရေးအတွက် စားအုန်းဆီတစ်ပိဿာလျှင် (၈၅၅၀)ကျပ်နှုန်းဖြင့် ရောင်းချပေးခဲ့ကြောင်း သိရှိရပါသည်။

DOCA(မန္တလေး)

      ဂျူးဂျူး

       ပိန္နဲပင်သည် မြန်မာနိုင်ငံအနှံ့အပြားတွင် စိုက်ပျိုးဖြစ်ထွန်းလျက်ရှိသည်။ ယခုအခါတွင် ပိန္နဲသီးကင်းများ စတင်အသီးသီးချိန်ဖြစ်၍ ပေါ်ဦးပေါ်ဖျားခူးဆွတ်၍ ရောင်းချကြသည်။ ပိန္နဲသီးကင်း များကို ပအုန်းရည်ငပိဖျော်ဖြင့် သော်လည်းကောင်း၊ ငပိထောင်းများဖြင့် သော်လည်းကောင်း အတို့ အမြုပ်၍ စားရန်အတွက် အသီးကင်းများကို ဖြုတ်၍ရောင်းချကြသည်။ပိန္နဲကင်း ပြုတ်ပြီးသား တစ်ကွင်းလျှင် ကျပ်(၅၀၀)ခန့်မျှ ရှိကြောင်းသိရှိရပါသည်။

      ပိန္နဲသီးတွင် ဗီတာမင်အေ၊ ဗီတာမင်စီ၊ သတ္တုဓါတ်နှင့် ကာဗွန်ဟိုက်ဒရိတ်ဓါတ်များ ကြွယ်ဝစွာ ပါဝင်သည်။ လူသားတိုင်းအတွက် ကျန်းမာရေးနှင့် ညီညွတ်သော အသီးအနှံဖြစ်သည်။

DOCA(ဧရာဝတီ)

          မန္တလေးစျေးကွက်အတွင်း သံပုရာသီးနှင့်  သံပုယိုသီးဝင်ရောက်မှုအနေဖြင့်   ဒီဇင်ဘာလ စတုတ္ထပတ်တွင် အနည်းငယ်လျော့နည်းသွားပြီး သီးနှံစျေးနှုန်းအငယ်မြင့်သွားကြောင်း သိရှိရပါ တယ်။ စျေးကွက်အတွင်းရောက်ရှိလာသည့်သံပုရာသီးမှာ    တောင်အင်းမြောက်အင်း ကျေးရွာ၊ မီချောင်းတပ်ကျေးရွာတို့မှာ စိုက်ပျိုးထွက်ရှိသည့်အသီးများနှင့် သံပုယိုသီးမှာ ရွှေစာယံ ကျေးရွာ၊  မီးသွေးဘုတ်ကျေးရွာတို့မှစိုက်ပျိုးထွက်ရှိသည့်အသီးများပိုမိုဝင်ရောက်ပြီး၊ မန္တလေးတိုင်းဒေသကြီး ရှိအခြားမြို့နယ်များ နှင့်   စစ်ကိုင်းတိုင်းဒေသကြီးတို့မှလည်း   ဝင်ရောက်ကြောင်း   သိရှိရပါတယ်။

သံပုရာသီးနှင့်သံပုယိုသီးများမှာ မိုးရာသီတွင် ပိုမိုထွက်ရှိပြီး၊ ဆောင်းရာသီတွင် ထွက်ရှိမှုလျော့ကျ သည့်အတွက် စျေးအနည်းငယ်မြင့်တက်ကြောင်း သိရှိရပါတယ်။   သံပုရာသီးများအား ဖျော်ရည် အဖြစ်သုံးစွဲခြင်းနှင့်သံပုယိုသီးအား ယိုစုံနှင့်စားသောက်ကုန်လုပ်ငန်းများတွင် သုံးစွဲမှုများပြားပြီး ကျန်းမာ‌‌ရေးဓါတ်စာအဖြစ် အသုံးပြုခြင်းတို့ကြောင့် စျေးကွက်အတွင်း ရောင်းအားကောင်းသည့် အတွက် စျေးကောင်းရသီးနှံဖြစ်ကြောင်း သိရှိရပါတယ်။ မန္တလေးမြို့၊ မဟာအောင်မြေမြို့နယ်၊  ၄၁ လမ်း၊ဝေယံထွန်းစျေး၊ကုန်စိမ်းသီးနှံများ လက္ကားရောင်းချသည့်စျေးတွင် အသီးအရွယ်အစားအလိုက် စျေးအနည်းငယ်ကွာခြားမှုရှိပြီး၊ ဒီဇင်ဘာလစတုတ္ထပတ်အတွင်းဖြစ်ပေါ်လျက်ရှိသော  သံပုရာသီး လက္ကားစျေးမှာ ၂၅လုံးလျှင် ၃၀၀ဝိ/- နှင့် ၄၀၀ဝိ/- စျေး၊  သံပုယိုသီးလက္ကားစျေးမှာ ၂၅ လုံးလျင် ၁၅၀ဝိ/- နှင့်   ၂၀၀ဝိ/-စျေး၊   သံပုယိုချဉ်ထုတ်တစ်ထုတ်(တစ်ပိဿာပါ)လျင်  လက္ကားစျေး ၅၀၀ဝိ/- နှင့် ၆၀၀ဝိ/- စျေးအသီးသီးရောင်းချလျက်ရှိပြီး၊ လက်လီစျေးမှာ သံပုရာသီးတစ်လုံးလျင် ၂၀ဝိ/- နှင့် ၂၅ဝိ/-စျေး၊သံပုယိုသီးတစ်လုံးလျှင် ၁၀ဝိ/- နှင့် ၁၅ဝိ/- စျေးတို့ဖြင့် ရောင်းချလျက်ရှိကြောင်း ကုန်စိမ်း ရောင်းချသူတစ်ဦး၏ ပြောပြချက်အရ သိရှိရပါတယ်။

DOCA(မန္တလေး)