နယ်ဝယ်လက် အဝယ်လိုက်နေတဲ့ ပြည်ချင်းဈေးကွက်
ချင်းထွက်ရှိရာ ရှမ်းပြည်နယ်၊ အောင်ပန်းချင်းများ ပြည်ဈေးကွက်အတွင်းသို့ ဒီဇင်ဘာဒုတိယပတ်မှစ၍ အဝင်များလာတာတွေ့ရပါတယ်။ ပြည်ဈေးကွက်မှ နတ္တလင်း၊ ပေါင်းတည်၊ သဲကုန်း၊ ရွှေတောင်၊ ဝက်ထီးကန်၊ ပေါက်ခေါင်းမြို့များမှ ဝယ်ယူမှုများလာတာ တွေ့ရပါသည်။ အဝယ်များပေမဲ့ ဈေးနှုန်းတက်မသွားပဲ ဈေးနှုန်းတည်ငြိမ်နေတာ တွေ့ရပါတယ်။ ယခင်နှစ် ၂၀၂၃ ခုနှစ် ဒီဇင်ဘာလ ချင်းဈေးမှာ တစ်ပိဿာလျှင် ပွဲရုံဈေး ၄၀၀၀-၆၅၀၀ကျပ် ဈေးဖြစ်ပြီး ၂၀၂၄ခုနှစ် ဒီဇင်ဘာလ ချင်းဈေးမှာ တစ်ပိဿာလျှင် ၃၀၀၀-၄၀၀၀ကျပ်တို့ဖြင့် ရောင်းချလျက်ရှိပြီး ယခင်နှစ်နှင့် နှိုင်းယဉ်လျှင် ဈေးကောင်းမရသော နှစ်ဖြစ်ပါသည်။ ပွဲရုံများတွင် လက်လီ/လက်ကား ရောင်းဝယ်သူများနှင့် အခြားမြို့နယ်များသို့ တင်ပို့မှုအပါအဝင် ပွဲရုံများ၌ ပိဿာ (၃၀၀)ခန့် အရောင်းအဝယ်ဖြစ်ပြီး ယခင်ကာလများထက် အရောင်းပါးလျက်ရှိကြောင်း သိရှိရပါသည်။
DOCA(ပဲခူး)
