ပြည်တွင်းကုန်သွယ်မှုသတင်း

      ကျွဲကောပင်သည် ရှောက်၊ သံပုရာ၊ လိမ္မော်ပင် စသည်တို့နှင့်အတူ ရှောက်ပင်မျိုးတွင် ပါဝင်သည်။ ကျွဲကောပင်ကို အစေ့မှလည်းကောင်း၊ မြေထုပ်စည်းစနစ်ဖြင့်လည်းကောင်း မျိုးပွား ယူကြသည်။ အကိုင်း ကူးနည်း၊ မျက်စိဆက်နည်းတို့ဖြင့် စိုက်ပျိုးပါက အပင်လည်းကြီးထွား၍ အသီးလည်း ပိုမိုဖြစ်ထွန်းသည်။ ကျွဲကောသီးကို အသားအရောင်ကိုလိုက်၍ အဖြူမျိုး၊ အနီမျိုးဟူ၍လည်းကောင်း အရသာကိုလိုက်၍ အချဉ်မျိုး၊ အချိုမျိုးဟူ၍လည်းကောင်း ခွဲခြား ခေါ်ကြသည်။ ရာသီပေါ် မော်လမြိုင်ကျွဲကောသီးမှာ စားသုံးသူများပြားလာသည့်အတွက် ကျွဲကောသီး ရောင်းအားမှာ ကောင်းမွန်ကြောင်း သိရှိရပါသည်။ ကျွဲကောသီးများသည် ပြည်မြို့အနီးတဝှိက်ရှိ ကျေးရွာများနှင့် တစ်ပိုင်တစ်နိုင်စိုက်ပျိုးသူများအပြင် နယ်ဘက်မှ ဝင်ရောက်လာမှုကြောင့် စားသုံးသူများအတွက် ဈေးနှုန်းအသင့်အတင့်ဖြင့် ဝယ်ယူစားသုံး နိုင်ကြပါသည်။ ဩဂုတ်လပထမပတ်နှင့် ဒုတိယပတ်တို့တွင် အနယ်နယ်အရပ်ရပ်မှ ကျွဲကောသီးများ ဝင်ရောက်မှု များပြားလာသောကြောင့် ရောင်းအားကောင်းသလို စားသုံးသူ၏များလည်း ဒေသထွက် ကျွဲကောသီးနှင့် အခြားနယ်များမှထွက်ရှိသော ကျွဲကောသီးများကို ဈေးနှုန်းချိုသာစွာ စိတ်ကြိုက် ရွေးချယ်ဝယ်ယူစားသုံးနိုင်ကြပါသည်။ ပြည်ဒေသထွက်ကျွဲကောသီးသည် ကျွဲကောသီးအလုံးပေါ် မူတည် ၍ ဈေးနှုန်းကွာခြားမှုရှိပါသည်။ ကျွဲကောသီးအချောတစ်လုံးလျှင် ကျပ် ၃၀၀၀၊ အလတ်တစ်လုံးလျှင် ၂၀၀၀၊ အသေးတစ်လုံးလျှင် ကျပ် ၁၀၀၀ မှ ကျပ် ၈၀၀ အထိဈေးကောင်းရပြီး ရာသီပေါ်ဖြစ်သည့် အတွက် အရောင်းအဝယ်ဖြစ်ကြောင်း သိရှိရပါသည်။          

DOCA(ပဲခူး)

          ပြည်ဈေးကွက်အတွင်း စားဖိုဆောင်သီးနှံဖြစ်သော အဝါရောင် ရွှေဖရုံသီးဈေးနှုန်းများ မြင့်တက်လျက်ရှိပြီး ပုတီးကုန်း၊ ဝက်ပုတ်၊ ဆင်မြီးဆွဲ၊ ရွှေတောင်စတဲ့ နယ်ဘက်မှ ဝင်ရောက်မှုရှိနေ သည်။ တစ်ပတ်လျှင် နှစ်ကြောင်း ဝင်ရောက်မှုရှိပြီး ရွှေဖရုံသီး(စင်သီး)နှင့် လက်ရိုက်သီးခေါ် အလုံးသေးများရှိသည်။ တစ်ခါဝင်လျှင် အလုံး (၈၀ - ၁၀၀)ခန့်ဝင်ပြီး အရောင်းအဝယ်မှာ တစ်ပတ် အတွင်း အဝင်ရှိသလောက် အရောင်းအဝယ်ဖြစ်ပါသည်။ ဈေးနှုန်းမှာ ရွှေဖရုံသီး (စင်သီး) တစ်လုံးလျှင် (၇၀၀- ၈၀၀)နှုန်းအသီးသီးရောင်းဝယ်မှုရှိပါသည်။ လက်လေးလုံးခန့်(စင်သီး) တစ်စိပ်လျှင် (၇၀၀ - ၈၀၀)ခန့်ရောင်းချမှုရှိကြောင်း သိရပါသည်။

DOCA(ပဲခူး)

           ကျောက်ဆည်ခရိုင်အတွင်းရှိ စျေးများတွင် ပျိုးမှိုများရောင်းချလျက်ရှိရာ ပျိုးမှိုစိုက်ပျိုးသော သူများမှကိုယ်တိုင်လာရောက်၍ စျေးအတွင်းသို့ရောင်းချကြသလို ကုန်စိမ်းသည်များကိုလည်း (၁၀) ကျပ်သားအထုပ်များထုပ်၍ဖောက်သည်ပေးကြောင်း၊ ပျိုးမှိုစိုက်ပျိုးမှုတွင် ငွေနှင်းမှိုနှင့် ကောက်ရိုးမှို ဟူ၍(၂)မျိုးစိုက်ပျိုးရောင်ချကြကြောင်း၊ ငွေနှင်းမှိုကိုလူကြိုက်နည်းပြီး ကောက်ရိုးပျိုးမှိုကို စားသုံးသူများကြိုက်နှစ်သက်ကြောင်း၊ ကောက်ရိုးမှိုသည် နေရာဒေသမရွေး စိုက်ပျိုးနိုင်ပြီး(၁)နှစ်ပတ်လုံး စိုက်ပျိုး၍ရကြောင်း၊ ကုန်ကြမ်းအနေဖြင့် ကောက်ရိုး၊ ဗေဒါ၊ ငှက်ပျောရွက်၊ ဂျက်စက္ကူနှင့် နွားချေးများ အသုံးပြုရပြီး ရေလောင်းရာတွင် သန့်စင်သောရေကိုလောင်းပေးရကြောင်း၊ မှိုမျိုးအသုံးပြုမှုအနေဖြင့်(၁)ဘောင်လျှင် မျိုးထုပ် (၅)ထုပ်စိုက်ပျိုးရကြောင်း၊ မျိုးဈေးနှုန်းအနေဖြင့် တစ်ထုပ်လျှင် (၆၅၀/-)ကျပ်၊ မှိုစိုက်ဘောင်(၁၀)ခုပြုလုပ်ထားပြီး ဘောင်တစ်ခုလျှင် မှိုအထွက်(၇-၁၀)ပိဿာ အထိထွက်ရှိကြောင်း၊  စိုက်ပျိုးပြီး(၁၃-၁၅)ရက်အကြာတွင် မှိုများစတင် ခူးဆွတ်ရောင်းချနိုင်ကြောင်း၊ မှိုသက်တမ်း(၁)လအတွင်း အနည်းဆုံး (၂-၃) ကြိမ် အထိ ခူးဆွတ်ရောင်းချနိုင်ကြောင်း၊ မှိုစိုက်ပျိုးရာတွင် ရေခဏခဏလောင်းပေးရကြောင်း၊ မှိုသက်တမ်း (၁)လ အတွင်း(၁၀-၁၅) ပိဿာခန့်အထိ ထွက်ရှိကြောင်း၊ တစ်နိုင်တစ်ပိုင် မှိုစိုက်ပျိုးမှု ကုန်ကျစရိတ် အနေဖြင့် (၄၅၀၀၀၀/-) ကျပ်ခန့်ကုန်ကျကြောင်း၊ ယခုလက်ရှိ ပျိုးမှိုပေါက်စျေးအနေဖြင့် (၁)ပိဿာလျှင် ယခင်လ လက်လီ(၁၅၀၀၀/-) ကျပ်၊ ယခုလလက်လီ(၃၀၀၀၀/-)ကျပ်ဖြင့်ရောင်း ဝယ်လျက်ရှိပြီး ဖောက်သည်စျေး လက်ကား(၁)ပိဿာလျှင် ယခင်လ(၉၀၀၀/-)ကျပ်၊ ယခုလ(၂၀၀၀၀/-)ကျပ်ဖြင့် ဖောက်သည် ပေးကြောင်း၊ အကျိုးအမြတ်အနေဖြင့် အနည်းဆုံး(၂)ကြိမ် ခူးဆွတ်‌ရောင်းချပါက စိုက်ပျိုးစရိတ်နှုတ်ပြီး (၁၂၀၀၀၀၀/-)ကျပ်ခန့် အကျိုးအမြတ်ဖြစ်ထွန်းကြောင်း ယခင်လထက်ဈေးနှုန်းများ ကောင်းမွန်သောကြောင့် မှိုစိုက်ပျိုးသူများ အကျိုးအမြတ်ပိုမိုဖြစ်ထွန်းခဲ့ကြောင်း၊  ပျိုးမှိုကို ချက်ပြုတ်စားသုံးရာတွင် မှိုကန်စွန်းချက်၊ မှိုပလိန်းချက်စသည်ဖြင့် အမျိုးမျိုးချက်ပြုတ်စားသုံးကြောင်း၊ ဝယ်လိုအားရှိပြီး ကုန်ကျစရိတ် သက်သာပြီးစီးပွားလည်းဖြစ် မိသားစုအပိုဝင်ငွေတိုးသော ပျိုးမှိုများကို စိုက်ပျိုးရောင်းချသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

  ငါန်းဇွန်မြို့နယ်တွင် စက်သုံးဆီအရောင်းဆိုင်(၁၀)ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ်ရောင်းချလျက်ရှိရာ ၂၀၂၅ခုနှစ်၊ဩဂုတ်လ(၁၅)ရက်နေ့ စက်သုံးဆီတစ်လီတာ အရောင်း ဈေးနှုန်းများအနေဖြင့် 92 Octance(၃၀၈၅)ကျပ်၊ 95 Octance(၃၁၅၀)ကျပ်၊ ရိုးရိုးဒီဇယ် (၂၈၀၀)ကျပ်၊ ပရီမီယမ် ဒီဇယ်(၃၄၂၅)ကျပ်ဝန်းကျင်ဖြင့် ရောင်းချလျက်ရှိကြောင်း သိရှိရသည်။

   စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၅-၈-၂၀၂၅ ရက်နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၃၀၁၀)ကျပ်၊ 95 Octance(၃၀၇၀)ကျပ်၊ ရိုးရိုးဒီဇယ်(၂၇၂၅)ကျပ်၊ ပရီမီယမ်ဒီဇယ် (၃၃၅၀)ကျပ် ဖြစ်ကြောင်း  သိရှိရသည်။ သတ်မှတ်ရည်ညွှန်းဈေးများသည် ယခင်အပတ်ထက် တစ်လီတာလျှင် 92 Octanceတွင်(၄၅)ကျပ်၊ 95 Octanceတွင်(၄၀)ကျပ်၊ ရိုးရိုးဒီဇယ်တွင်(၁၀၀)ကျပ်နှင့် ပရီမီယမ် ဒီဇယ်တွင်(၁၁၅)ကျပ် ဈေးနှုန်းကျဆင်းခဲ့ကြောင်း သိရှိရသည်။

DOCA(မန္တလေး)

   စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ၁၅-၈-၂၀၂၅ရက် နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၃၀၁၀)ကျပ်၊ 95 Octance(၃၀၇၀)ကျပ်၊ ရိုးရိုးဒီဇယ်(၂၇၂၅)ကျပ်၊ ပရီမီယမ်ဒီဇယ် (၃၃၅၀)ကျပ် ဖြစ်ကြောင်း  သိရှိရသည်။

   ညောင်ဦးမြို့နယ်တွင် စက်သုံးဆီအရောင်းဆိုင်(၁၇)ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ်ရောင်းချလျက်ရှိရာ ၂၀၂၅ခုနှစ်၊ဩဂုတ်လ(၁၅)ရက်နေ့ စက်သုံးဆီတစ်လီတာ အရောင်း ဈေးနှုန်းများအနေဖြင့် 92 Octance(၃၀၄၅)ကျပ်၊ 95 Octance(၃၁၅၅)ကျပ်၊ ရိုးရိုးဒီဇယ် (၂၇၆၅)ကျပ်၊ ပရီမီယမ် ဒီဇယ်(၃၄၀၅)ကျပ်နှုန်း ဝန်းကျင်ဖြင့် ရောင်းချလျက်ရှိကြောင်း သိရှိရသည်။ သတ်မှတ်ရည်ညွှန်းဈေးများသည် ယခင်အပတ်ထက် တစ်လီတာလျှင် 92 Octanceတွင်(၄၅)ကျပ်၊ 95 Octanceတွင်(၄၀)ကျပ်၊ ရိုးရိုးဒီဇယ်တွင်(၁၀၀)ကျပ်နှင့် ပရီမီယမ် ဒီဇယ်တွင်(၁၁၅)ကျပ် ဈေးနှုန်းကျဆင်းခဲ့ကြောင်း သိရှိရသည်။

DOCA(မန္တလေး)