သတင်းနှင့် လှုပ်ရှားမှုများ

                 ပဲခူးတိုင်းဒေသကြီး၊ သာယာဝတီခရိုင်၊ စားသုံးသူရေးရာဦးစီးဌာနရုံး၊ လက်ပံတန်းမြို့တွင် ၂၀၂၆ခုနှစ် ဖေဖော်ဝါရီလ ၁၂ ရက်နေ့၊နေ့လည် (၂:၀၀) နာရီအချိန်တွင် စားသုံးသူရေးရာဦးစီးဌာန၊ သာယာဝတီခရိုင် ဦးစီးမှူး ဦးနိုင်လင်းထွန်း၊ ဒု-ခရိုင်ဦးစီးမှူး ဒေါ်ခိုင်ခိုင်ရီ၊ သတင်းအချက် အလက် နည်းပညာဌာနခွဲတာဝန်ခံဒေါ်ကြည်ကြည်ချို၊စားသုံးသူရေးရာဦးစီးဌာနလက်ပံတန်းမြို့နယ်တာဝန်ခံ ဦးကျော်မျိုးထွန်း၊ အထူးစုံစမ်းစစ်ဆေးရေးအဖွဲ့(စစစ) ဌာန၊ခရိုင်ဦးစီးအရာရှိ ဦးမျိုးမင်းအောင်၊ လက်ပံတန်းမြို့နယ်ဆန်စက်လုပ်ငန်းရှင်များ အသင်းဥက္ကဌ၊ ဦးရဲထွန်းဦးနှင့် ဆန်စက်လုပ်ငန်းရှင်များ အသင်း ဒုဥက္ကဌ-၂ ဦးလှဦးတို့နှင့် ဆန်စက်လုပ်ငန်းရှင်များ တက်ရောက်ဆွေးနွေးခဲ့ပါသည်။

          အစည်းအဝေးတွင် စားသုံးသူရေးရာဦးစီးဌာန၊ သာယာဝတီခရိုင်ဦးစီးမှူးမှ ဆန်စက်လုပ်ငန်း ရှင်များအနေဖြင့် My r o တွင်မှတ်ပုံတင်ထားသော သိုလှောင်ရုံများကို လစဉ်ကုန်ရ၊ကုန်ထုတ်၊လက်ကျန်များ အချိန်မီဖြည့်သွင်းနိုင်ရေး ဆန်စပါးဈေးကွက် တည်ငြိမ်စေရန်အတွက် စီးဝင်၊စီးထွက် မှန်ကန်မှု့ရှိစေရေးတို့ကို အသေးစိတ်ရှင်းပြ ဆွေးနွေးခဲ့ပါသည်။သတင်းဌာနခွဲတာဝန်ခံမှလည်း သိုလှောင်ရုံရထုတ်ကျန် စာရင်းများကို လစဉ်ဖြည့်သွင်းရမှာဖြစ်ပြီး လစဉ်မဖြည့် သွင်းပဲ၊ ဖြည့်တဲ့ လဖြည့်ပြီး မဖြည့်ပဲလကျော်၍ ဖြည့်သွင်းမှု့များ တွေ့ရှိရကြောင်း ကုန်ရ ကုန်ထုတ်၊လက်ကျန် ဖြည့်သွင်းရန် အခက်အခဲရှိပါက ကူညီဖြည့်သွင်းပေးနေကြောင်း ဆွေးနွေးခဲ့ပါသည်။

          သာယာဝတီခရိုင် အထူးစုံစမ်းရေးအဖွဲ့ (စစစ) ဌာန ဦးစီးအရာရှိ ဦးမျိုးမင်းအောင်မှလည်း မိမိတို့အဖွဲ့မှလည်း အခါအားလျော်စွာ ဝင်ရောက်စစ်ဆေးသွားမည်ဖြစ်ကြောင်း တင်ပြဆွေးနွေး ပြောကြားခဲ့ပါသည်။

DOCA(ပဲခူး)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့် ညွှန်ကြားချက်များအား ရှင်းလင်းဆွေးနွေးခြင်းများ ဆောင်ရွက်လျက်ရှိသည့်အပြင် ထုတ်ကုန်များလုံခြုံ စိတ်ချရမှုရှိစေရေးနှင့် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြရေးအတွက် ဈေးကွက်စောင့်ကြည့် စစ်ဆေးခြင်းများကို လစဉ်ဆောင်ရွက်လျက်ရှိရာ မအူပင်ခရိုင်စားသုံးသူရေးရာဦးစီးဌာနမှ လမ်းညွှန်မှုအရ လစဉ် စစ်ဆေးဆောင်ရွက်ခြင်းလုပ်ငန်းကို ပန်းတနော်မြို့နယ်တာဝန်ခံနှင့် ဝန်ထမ်းတို့သည် (၉.၂.၂၀၂၆)ရက်နေ့၊ နံနက်(၁၀:၃၀)နာရီအချိန်တွင် အရှေ့ပိုင်းရပ်ကွက်  သောက်ရေသန့်အမျိုးမျိုး အ‌ရောင်းဆိုင် ၄ဆိုင် အား ဈေးကွက်စောင့်ကြည့် စစ်ဆေးခဲ့ပါသည်။

       ထိုသို့ဈေးကွက်စောင့်ကြည့်စစ်ဆေးရာတွင် ပန်းတနော်မြို့နယ်တာဝန်ခံမှ  စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသား ဖော်ပြခြင်းအကြောင်းများ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)ပါအကြောင်းများ၊ သောက်ရေသန့်အမျိုးမျိုးတွင် ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏနှင့် ထားသိုသိမ်းဆည်းမှု အညွှန်းတို့ကို မြန်မာဘာသာ ဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြရမည့်အကြောင်းများ၊  စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသော လုပ်ငန်းများကို သိရှိလိုပါက ရုံးဖွင့်ရက်ရုံးချိန်အတွင်း Consumer Call Center No 1535သို့ ဆက်သွယ်မေးမြန်းနိုင်သည့် အကြောင်းများကို ရှင်းလင်းဆွေးနွေးခဲ့ကြကြောင်း သတင်းရရှိပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်း မြို့နယ်အတွင်း အသုံးပြုလျက်ရှိသည့် Gasifier ဆန်စက်(၁၉)လုံး အား ပူးပေါင်းစစ်ဆေးရေးအဖွဲ့နှင့်အတူ ၉-၂-၂၀၂၆ ရက်နေ့ နံနက် ၉ နာရီအချိန်က ကွင်းဆင်းစစ်ဆေးခဲ့ကြောင်း သိရသည်။

            ယင်းသို့ ကွင်းဆင်းစစ်ဆေးမှုများဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့၏ စီမံညွှန်ကြားမှုဖြင့် မြို့နယ်စားသုံးသူရေးရာဦးစီးဌာနမှ ဒေါ်ချိုမီဇင်နှင့် မြို့နည်စည်ပင်သာယာရေးအဖွဲ့ မီးသတ်ဦးစီးဌာန လက်ထောက်မီးသတ်ဦးစီးမှူး ခွန်အား၊ သီဟသူ၊ ကောင်းမြတ်သုခ၊ ရွှေပြည်သစ်၊ ထူးဇေအောင်၊ စသောစက်များအား  မြို့နယ်အတွင်း အသုံးပြုလျက်ရှိသည့် Gasifier ဆန်စက်များဖြစ်‌သော ကွင်းဆင်း ကြည့်ရှုစစ်ဆေးရာ Gasifier အသုံးပြု၍လည်ပတ်နေသည့် ဆန်စက်များအနေဖြင့် သဘာဝပတ်ဝန်း ကျင်ထိခိုက်မှုမရှိစေရေး အထူးအလေးထားဆောင်ရွက်ရန်၊ သတ်မှတ်ထားသည့် စည်းမျဉ်းစည်းကမ်းများနှင့် အညီ လည်ပတ်မောင်းနှင်ရန်၊ Gasifier စနစ်မှထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှုအခြေအနေများ၊ ပိုမိုကောင်းမွန်သည့် ရေသန့်စင်စနစ်များ အသုံးပြုစေရေးစစ်ဆေး၍ လိုအပ်သည်များ လမ်းညွှန်မှာကြားခဲ့ကြောင်း သိရှိရပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ်(ခရိုင်ဦးစီးမှူး)နှင့်ဝန်ထမ်းများသည် (၁၈.၂.၂၀၂၆ )ရက်နေ့၊ နေ့လယ်(၁၄:၀၀)နာရီအချိန်တွင် ပြည်သူ့ကျန်းမာရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာနတို့နှင့် ပူးပေါင်း၍ သင်္ဃန်းကျွန်း မြို့နယ်ရှိ ဆေးကုမ္မဏီများအား ပြည်တွင်းဆေးဝါးပြတ်လပ်မှုမရှိစေရေးနှင့် လက်လီ/ လက်ကား ရောင်းချနေမှုအပေါ် ဈေးနှုန်းတည်ငြိမ်စေရေးအတွက် ဆက်စပ်ဌာနများပါဝင်သော အဖွဲ့စုံများနှင့် ပူး ပေါင်း၍  ကွင်းဆင်းစစ်ဆေးခဲ့ကြောင်း သိရှိရပါသည်။

         ထိုသို့ကွင်းဆင်းစစ်ဆေးရာတွင် သင်္ဃန်းကျွန်းမြို့နယ်ရှိ ဆေးကုမ္မဏီများ၏ ဆေးဈေးနှုန်းများအတက်အကျရှိ/ မရှိ၊ ယခင်လဈေးနှုန်း၊ ယခုလဈေးနှုန်းများ၏ ဈေးနှုန်းကွာခြားမှုရှိ/မရှိ၊  ဈေးကွက်များအတွင်းဆေးနှင့်ဆေးပစ္စည်းများပြတ်လပ်မှုရှိ/ မရှိနှင့် စားသုံးသူကာကွယ်ရေးဥပဒေအရ သတ်မှတ်ထားသော ကုန်အညွှန်းအမှတ်အသားများပါဝင်မှုရှိ/ မရှိတို့ကို စစ်ဆေးမှုများဆောင်ရွက်ခဲ့ရာ စားသုံးသူကာကွယ်ရေးဥပဒေအခန်း (၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ သိရှိလိုက်နာဆောင်ရွက်ရမည်ဖြစ်ပါကြောင်း၊ သက်ဆိုင်ရာဌာနများ၏ ဥပဒေပြဌာန်းချက်များ၊ လုပ်ထုံးလုပ်နည်း၊ ညွှန်ကြားချက်များနှင့်အညီလိုက်နာ၍ ဖြန့်ဖြူးရောင်းချကြရန်အသိ ပညာပေးဈေးကွက်စောင့်ကြည့်စစ်ဆေးခဲ့ပြီး ဆေးကုမ္မဏီမှတာဝန်ရှိသူနှင့်တွေ့ဆုံ၍ ဆေးဝါးမှတ်ပုံတင်မရှိဘဲFDAမှတားမြစ်ထားသော ဆေးဝါးများအားရောင်းချခြင်းမပြုလုပ်ကြရန်၊ အမြတ်ရာခိုင်နှုန်းများစွာတင်၍ရောင်းချခြင်းမပြုလုပ်ဘဲ ဈေးနှုန်းမှန်ကန်စွာရောင်းချကြရန် ဈေးကွက်စောင့်ကြည့်စစ်ဆေးခဲ့ကြောင်း သိရှိရသည်။

DOCA(‌ရန်ကုန်)

         (၁၈.၂.၂၀၂၆) ရက်နေ့ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ တိုက်ကြီးခရိုင်၊ တိုက်ကြီးမြို့နယ်ခွဲတာဝန်ခံ ဦးရှင်းခန့်ကိုကိုသည် တိုက်ကြီးမြို့မဈေးတာဝန်ခံ နှင့်ပူးပေါင်း၍ ထုတ်ကုန်လုံခြုံစိတ်ချရမှုရှိစေရေးအတွက် တိုက်ကြီးမြို့မဈေးတွင် ရောင်းချနေသည့် စားသုံးဆီ အမှတ်တံဆိပ်အမျိုးမျိုးအား ကုန်အညွှန်းအမှတ်အသား ပြည့်စုံစွာထည့်သွင်း ဖော်ပြထားခြင်းရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။

         ထိုသို့ဈေးကွက်စောင့်ကြည့်စစ်ဆေးရာတွင် တိုက်ကြီးမြို့မဈေးအတွင်းရှိ ကုန်စုံဆိုင်များ တွင် ရောင်းချနေသော စားသုံးဆီအမှတ်တံဆိပ်အမျိုးမျိုးမှာ Meizan၊ Lotus၊ Goody၊ ရန်ကုန်၊ Duck နှင့် ရွှေအုံတို့ကို စစ်ဆေးခဲ့ပြီး အဆိုပါ စားသုံးဆီများမှာ မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉) တွင် ဖော်ပြထားသော ကုန်စည်အလိုက် ဖော်ပြရမည့်ကုန်အညွှန်း အမှတ်အသားဖော်ပြချက်နှင့်ကိုက်ညီမှုရှိ/ မရှိ စစ်ဆေးခဲ့ရာ ကုန်အညွှန်းအမှတ် အသားပြည့်စုံစွာ ဖော် ပြထားသည်ကို စစ်ဆေးတွေ့ရှိရကြောင်း သိရှိရပါသည်။

DOCA (ရန်ကုန်)