သတင်းနှင့် လှုပ်ရှားမှုများ

     ၇.၉.၂၀၂၆ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ဒုတိယပြည်နယ် ဦးစီးမှူးနှင့် ဦးစီးအရာရှိ ဒေါ်ခင်မြတ်ကျော်တို့သည် မော်လမြိုင်မြို့နယ်၊ ရွှေတောင်ရပ်ကွက် ရှိ “ဝင်းဝင်း (စတိုး)” အမည်ဖြင့် အားကစားပစ္စည်းများ၊ လူသုံးကုန်ပစ္စည်းများ၊ အခြားသုံး ပစ္စည်းများ ရောင်းဝယ်ရေးလုပ်ငန်းသို့ အွန်လိုင်းမှတ်ပုံတင်ခြင်းနှင့် စပ်လျဉ်း၍ မြေပြင် ကွင်းဆင်းစစ်ဆေးခဲ့ကြောင်း သိရှိရသည်။

     ထိုသို့ ကွင်းဆင်းစစ်ဆေးခဲ့ရာ   အွန်လိုင်းစနစ်ဖြင့် ရောင်းချနေသော လုပ်ငန်းများ အား မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာ တွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည် (သို့) ဝန်ဆောင်မှု အမျိုးအစား စာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှု ရှိ/မရှိတို့ကို စစ်ဆေးခဲ့ပြီး၊ မှတ်ပုံတင်လက်မှတ် ရရှိသူ၏ တာဝန်များ၊ စားသုံးသူကာကွယ်ရေးဥပ‌ဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်း အမှတ်အသား ဖော်ပြမှုတို့နှင့်စပ်လျဉ်း၍ ဆွေးနွေးခဲ့ကြောင်း သိရှိရပါသည်။

DOCA (မွန်)

   ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်တွင် စာဖတ်ပြည်သူများအနေဖြင့် ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် စားသုံးသူအခွင့်အရေးနှင့် တာဝန်များကို သိရှိနားလည်ပြီး ဘေးအန္တရာယ်ကင်းရှင်းစွာ ရွေးချယ်ဝယ်ယူအသုံးပြုနိုင်စေရန် ရည်ရွယ်၍ စားသုံးသူကာကွယ်ရေး အသိပညာပေးဟောပြောခြင်းကို ၁၈-၈-၂၀၂၆ ရက်နေ့၊‌ နံနက်(၁၀:၃၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌ ပြုလုပ်ခဲ့ကြောင်း သိရသည်။
              အဆိုပါ အသိပညာပေးဟောပြောပွဲတွင် စာဖတ်ပြည်သူ စုစုပေါင်း (၉) ဦးအား စားသုံးသူကာကွယ်ရေးနှင့် စားသုံးသူ၏အဓိပ္ပာယ်ဖွင့်ဆိုချက်၊ စားသုံးသူများ၏ အခွင့်အရေးနှင့် တာဝန်များ၊ကုန်စည်နှင့်ဝန်ဆောင်မှုများဝယ်ယူသုံးစွဲရာတွင်လိုအပ်သော သတင်းအချက်အလက် များကိုပြည့်စုံမှန်ကန်စွာသိရှိခွင့်နှင့်ဘေးအန္တရာယ်ကင်းရှင်းစွာအသုံးပြုခွင့်ရှိခြင်းတို့ကို အသိပညာ ပေးရှင်းလင်းဟောပြောခဲ့သည်။ စားသုံးသူများအနေဖြင့်ကုန်စည်များဝယ်ယူရာတွင် ကုန်အညွှန်း အမှတ်အသား၊ထုတ်လုပ်သည့်ရက်စွဲ၊ သက်တမ်းကုန်ဆုံးရက်နှင့် သက်ဆိုင်ရာအချက်အလက်များကို စစ်ဆေးပြီးမှ ဝယ်ယူသုံးစွဲရန်လည်း အသိပေးခဲ့သည်။ထို့အပြင် ကုန်စည် /ဝန်ဆောင်မှုနှင့်စပ်လျဉ်း၍ စားသုံးသူများနစ်နာဆုံးရှုံးမှုဖြစ်ပေါ်ပါကသက်ဆိုင်ရာ စားသုံးသူရေးရာဦးစီးဌာနသို့ တိုင်ကြားနိုင် သည့်နည်းလမ်းများနှင့် Consumer Call Center (1535) သို့ ဆက်သွယ်မေးမြန်းတိုင်ကြား နိုင်ကြောင်းတို့ကိုလည်းရှင်းလင်းအသိပညာပေးခဲ့သည်။ယခုကဲ့သို့ စားသုံးသူကာကွယ်ရေး အသိပညာပေးလုပ်ငန်းများ ဆောင်ရွက်ခြင်းဖြင့် စားသုံးသူများအနေဖြင့် မိမိတို့၏ အခွင့်အရေးနှင့် တာဝန်များကို သိရှိနားလည်ကာ ကုန်စည်နှင့်ဝန်ဆောင်မှုများကို ဘေးအန္တရာယ်ကင်းရှင်းပြီး လုံခြုံစိတ်ချစွာရွေးချယ်ဝယ်ယူသုံးစွဲနိုင်မည်ဖြစ်ကြောင်းအသိပညာပေးဟောပြောခဲ့သည်ဟုသိရှိရပါသည်။ DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်တွင် (၂၇)ကြိမ်မြောက် အဆို၊ အက၊ အရေး၊ အတီး မြို့နယ်အဆင့်ပြိုင်ပွဲကို ၂၀၂၆ ခုနှစ်၊ ဩဂုတ်လ ၁၄ ရက် နေ့လယ်(၁၂:၀၀) နာရီအချိန်တွင် ဒေးဒရဲမြို့ အမှတ်(၂)ရပ်ကွက်ရှိ အမှတ်(၁)အခြေခံပညာအထက်တန်းကျောင်း ကရဝိတ်ခန်းမ၌ကျင်းပပြုလုပ်ခဲ့သည်။
        အဆိုပါအခမ်းအနားသို့ လွှတ်တော်ကိုယ်စားလှယ်များ၊ မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီအဖွဲ့ဝင်များ၊ မြို့နယ်အဆင့်ဌာနဆိုင်ရာအကြီးအကဲများ၊ ပြိုင်ပွဲကျင်းပရေးကော်မတီဝင်များ၊ အကဲဖြတ်ဒိုင်အဖွဲ့ဝင်များ၊ ဆရာ၊ ဆရာမများ၊ လူမှုရေးအသင်းအဖွဲ့များမှ ပုဂ္ဂိုလ်များ၊ ပြိုင်ပွဲဝင်ဝါသနာရှင်များနှင့် ကျောင်းသား၊ ကျောင်းသူများ စုစုပေါင်းအင်အား (၂၅၀) ဦးခန့် တက်ရောက်ခဲ့ကြသည်။အခမ်းအနားတွင်  မြို့နယ်အထွေထွေအုပ်ချုပ်ရေးဦးစီးဌာန ခေတ္တမြို့နယ် အုပ်ချုပ်ရေးမှူး ဦးအောင်မျိုးကျော်က အဖွင့်အမှာစကား ပြောကြားခဲ့ပြီး (၂၇)ကြိမ်မြောက်အဆို၊ အက၊အရေး၊အတီးမြို့နယ်အဆင့်ပြိုင်ပွဲကိုဆက်လက်ကျင်းပခဲ့သည်။ပြိုင်ပွဲတွင် အသက်(၁၀)နှစ်မှ (၁၅)နှစ်အဆင့်နှင့် အသက်(၁၅)နှစ်မှ (၂၀)နှစ်အဆင့် အဆိုပြိုင်ပွဲဝင် (၁၁) ဦးနှင့် အသက်(၁၅)နှစ်မှ (၂၀)နှစ်အဆင့် တစ်ဦးချင်း တပင်တိုင်အကပြိုင်ပွဲဝင် (၁) ဦး၊ စုစုပေါင်း ပြိုင်ပွဲဝင် (၁၂) ဦးတို့က သတ်မှတ်ချက်များနှင့်အညီသီဆို၊ကပြ၍ယှဉ်ပြိုင်ခဲ့ကြသည်။ထို့နောက် ခေတ္တမြို့နယ်အုပ်ချုပ်ရေးမှူး ဦးအောင်မျိုးကျော်နှင့် မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီအဖွဲ့ဝင်များ၊ မြို့နယ်အဆင့် ဌာနဆိုင်ရာအကြီးအကဲများက အဆိုပြိုင်ပွဲတွင် ပထမ၊ ဒုတိယ၊ တတိယဆုရရှိသူများနှင့် တပင်တိုင်အကပြိုင်ပွဲတွင် ဆုရရှိသူများအား ဆုများအသီးသီး ချီးမြှင့်ခဲ့ ကြောင်းသိရှိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့ အမှတ်(၂)ရပ်ကွက် တံတားချဉ်းကပ်လမ်းရှိ Cold World ရေသန့်စက်ရုံသို့ အသေးစား၊ အလတ်စားကုန်ထုတ်လုပ်ငန်းများ (MSME) ဖွံ့ဖြိုးတိုးတက် စေရေးအတွက် ကျန်းမာရေးဦးစီးဌာန၊ စည်ပင်သာယာရေးအဖွဲ့နှင့် စားသုံးသူရေးရာဦးစီးဌာနတို့ ပူးပေါင်း၍ (၁၅-၈-၂၀၂၆) ရက်နေ့ နေ့လည် (၁၂:၀၀) နာရီတွင် ကွင်းဆင်းသွားရောက် ဆောင်ရွက် ခဲ့ကြောင်းသိရသည်။
                    ကွင်းဆင်းဆောင်ရွက်ရာတွင် ရေသန့်ထုတ်လုပ်မှုလုပ်ငန်း၏ လုပ်ငန်းလည်ပတ်မှု အခြေအနေ၊ သန့်ရှင်းမှုနှင့် အရည်အသွေးစံချိန်စံညွှန်းလိုက်နာမှု၊ ကုန်ထုတ်လုပ်မှုလုပ်ငန်းစဉ် များနှင့် စားသုံးသူဘေးကင်းလုံခြုံရေးဆိုင်ရာ အခြေအနေများကို လေ့လာစစ်ဆေးခဲ့သည်။ ထို့အပြင် လုပ်ငန်းရှင်နှင့်တွေ့ဆုံ၍ လုပ်ငန်းဖွံ့ဖြိုးတိုးတက်ရေးအတွက် လိုအပ်ချက်များ၊ ကြုံတွေ့နေရသည့် အခက်အခဲများကိုမေးမြန်းဆွေးနွေးခဲ့ကြသည်။ထို့နောက်  MSME လုပ်ငန်းများ ရေရှည်ဖွံ့ဖြိုး တိုးတက်စေရန်၊ ထုတ်လုပ်မှုအရည်အသွေးမြှင့်တင်နိုင်ရန်နှင့် စားသုံးသူယုံကြည်မှုရရှိစေရန် သက်ဆိုင်ရာဌာနများအနေဖြင့် ပူးပေါင်းကူညီဆောင်ရွက်သွားရန် လမ်းညွှန်မှာကြားခဲ့ကြောင်း သိရသည်။Cold World ရေသန့်စက်ရုံကဲ့သို့ ဒေသအခြေပြုကုန်ထုတ်လုပ်ငန်းများဖွံ့ဖြိုးလာခြင်းဖြင့်ဒေသတွင်းစီးပွားရေးတိုးတက်မှုကိုအထောက်အကူပြုနိုင်မည်ဖြစ်ပြီးအလုပ်အကိုင်အခွင့် အလမ်း များလည်းပိုမိုရရှိလာစေမည်ဖြစ်ကြောင်းဆွေးနွေးပြောကြားခဲ့ကြောင်းသိရှိရပါသည်။

 DOCA(ဧရာဝတီ)

           ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနတွင် ၂၀၂၆ခုနှစ်၊ ဩဂုတ်လ (၁၆) ရက်နေ့၊ နံနက် (၁၁:၀၀)နာရီအချိန်တွင် ခရိုင်ဦးစီးမှူးက ကျေးရွာရှိ စားအုန်းဆီကော်မတီ အဖွဲ့ဝင် များအား ဆွေးနွေးမှာကြားခဲ့ပါသည်။ အဆိုပါတွေ့ဆုံပြောကြားရာတွင် “ကျုံတာ” ကျေးရွာအုပ်စုရှိ ပြည်သူများသက်သာသော ဈေးနှုန်း ဖြင့် စာအုန်းဆီဖြန့်ဖြူးရောင်းချနိုင်ရေးအတွက်   ကျေးရွာအတွင်း ရှိအိမ်ထောင်စုဝင်အားလုံး စားသုံးဆီရရှိစေ‌ရေး၊  သတ်မှတ်ညွှန်ကြားပေးသော ဈေးနှုန်းအတိုင်း ရောင်းချစေရေး၊ အလေးချိန် အချိန်အတွယ် မှန်ကန်မှုရှိစေရေးနှင့် ပြည်သူများထံသို့ ရောင်းချနေမှုတို့အား ဓာတ်ပုံမှတ်တမ်းများ ပေးပို့ရန်ပြောကြားခဲ့ပြီး ကျေးရွာရှိ စားသုံးဆီကော်မတီ အဖွဲ့ဝင်များအား လိုအပ်သည်များကို မှာကြားခဲ့ကြောင်းသိရှိရပါသည်။

DOCA(ဧရာဝတီ)