သတင်းနှင့် လှုပ်ရှားမှုများ

              ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနတွင် ၂၀၂၆ခုနှစ်၊ ဧပြီလ (၃) ရက်နေ့၊ နေ့လယ် (၁၄:၀၀)နာရီအချိန်တွင် ဒု-ခရိုင်ဦးစီးမှူးက သလိပ်ကြီးကျေးရွာရှိ ပြည်သူများအား စားသုံးသူကာကွယ်ရေး အသိပညာပေးဟောပြောခဲ့ကြောင်း သိရသည်။

         အဆိုပါဟောပြောပွဲတွင် စားသုံးသူကာကွယ်ရေးနှင့် ပတ်သတ်၍ အသိပညာပေးဟောပြောခဲ့ပြီး စားသုံးသူကာကွယ်ရေး ဥပဒေပြဌာန်းချက်ပါ စားသုံးသူ၏အဓိပ္ပါယ်ဖွင့်ဆိုချက်များ၊ စားသုံးသူ၏ အခွင့်အရေးနှင့် တာဝန်များ၊  စီးပွားရေးလုပ်ငန်းရှင်၏ တာဝန်နှင့် ဝတ္တရားများ၊ ကုန်စည်တစ်ခုကို ဝယ်ယူမည်ဆိုပါက စစ်ဆေးကြည့်ရှုရမည့် သိသင့်သိထိုက်သည့်အချက်များ၊ စားသုံးရန် သင့်/ မသင့် သိရှိသင့်သည့် ကုန်အညွှန်းအမှတ်အသားပါ အချက်များအား ရှင်းလင်းပြောကြားခဲ့ပြီး စားသုံးသူကာကွယ်ရေးကိစ္စရပ်များနှင့် ပတ်သတ်သိရှိလိုသည်များကို မည်သူမဆို Call Centre 1535 သို့ မေးမြန်းနိုင်ပါကြောင်း အသိပညာပေးဟောပြောခဲ့မှုအပေါ် သတင်းရရှိခဲ့ပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်သည် ဆန်စပါးအဓိက စိုက်ပျိုးထုတ်လုပ်ပြီး အခြားတိုင်းဒေသကြီးသို့ ဆန်စပါးတင်ပို့ရောင်းချလုပ်ငန်းများ ဆောင်ရွက်လျက်ရှိရာ ၂၀၂၆ ခုနှစ်၊ ဧပြီလ (၃) ရက်နေ့၊ ညနေ (၁၆:၃၀)နာရီအချိန်တွင်၊ မြိတ်မြို့သို့တင်ပို့မည့် ဆန် တင်ထားသောရေယာဉ်အား ကွင်းဆင်းစိစစ်ခဲ့ကြပါသည်။

          အဆိုပါကွင်းဆင်းစစ်ဆေးခြင်းကို၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဌာန ဦးဆောင်၍ ခရိုင်စားသုံးသူရေးရာဦးစီးဌာန၊ မြို့နယ်စားသုံးသူရေးရာ ဦးစီးဌာန၊ မီးသတ်ဦးစီးဌာန၊ လ.ဝ.က ဦးစီးဌာန၊ အခွန်ဦးစီးဌာန၊ ရေကြောင်းပို့ဆောင်ရေးဦးစီးဌာန၊ ဆန်စက်ပိုင်ရှင်အသင်း စသည့်ပူးပေါင်းအဖွဲ့သည် (MV -မြမြမွန် ) ရေယာဉ်ပေါ်တွင် ပေါ်ဆန်းဆန်အိတ်များ၊ ဧည့်မထဆန်အိတ်များ သယ်ယူဆောင်ရွက်ခြင်း၊ ဆန်များသယ်ဆောင်ရာတွင် ကန့်သတ်ကုန်ပစ္စည်းများ သယ်ယူဆောင်ရွက်ခြင်းမရှိစေရေးနှင့် တရားဥပဒေနှင့်ညီညွှတ်မှုမရှိသည့် ကိစ္စရပ်များ ဖြစ်ပွားမှုမရှိစေရေး ကွင်းဆင်းကြည့်ရှုစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

          ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းတို့သည် စည်ပင်သာယာရေးအဖွဲ့နှင့် ပူးပေါင်း၍ (၂.၄.၂၀၂၆) ခုနှစ်၊ နေ့လယ် (၁၁:၀၀) နာရီအချိန်တွင် ဖျာပုံမြို့ ၊ မြို့မဈေးကြီးအတွင်းရှိ စားအုန်းဆီဆိုင်များအား သတ်မှတ်ရည်ညွှန်းဈေးထက် ကျော်လွန်ရောင်းချမှုမရှိစေရေး ကွင်းဆင်းစစ်ဆေးခဲ့ကြောင်း သိရသည်။

          အဆိုပါ ကွင်းဆင်းစစ်ဆေးရာတွင် ခရိုင်ဦးစီးမှူးနှင့်ဝန်ထမ်းများသည် စားအုန်းဆီရောင်းချရာတွင် လက္ကားကိုယ်စားလှယ်များအနေဖြင့် ရန်ကုန်အထိုင် ရည်ညွှန်းလက္ကားဈေးနှုန်းအပေါ် သယ်ယူပို့ဆောင်စရိတ်များ ထပ်ပေါင်း၍ (၂) ရာခိုင်နှုန်းအမြတ်ထက်မပိုသော ဈေးနှုန်းဖြင့် ဈေးကွက်အတွင်းပြန်လည်ရောင်းချခြင်းနှင့် ဈေးနှုန်းအဆမတန် မြှင့်တင်ရောင်းချခြင်း မရှိစေရေးအတွက် ကွင်းဆင်းစိစစ်ဆောင်ရွက်ခဲ့ပြီး လိုအပ်သည်များကို ထပ်မံမှာကြားခဲ့ကြောင်း ကွင်းဆင်းစိစစ်ခဲ့မှုအပေါ် သတင်းရရှိပါသည်။

DOCA(ဧရာဝတီ)

          ၂၀၂၆ ခုနှစ်၊ ဧပြီလ ၇ ရက်နေ့၊ နံနက်(၁၀း၀၀)နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးရုံးမှ ဦးစီးအရာရှိနှင့်ဝန်ထမ်းများသည် ထားဝယ်မြို့၊ ကြက်စားပြင် ရပ်ရှိ ထားဝယ်ခရိုင်ဆန်စက်လုပ်ငန်းရှင်များအသင်းရုံးတွင် စားသုံးသူကာကွယ်ရေး ဥပဒေအကြောင်း ဟောပြောခဲ့ပါသည်။

          အဆိုပါဟောပြောပွဲတွင် တနင်္သာရီတိုင်းဒေသကြီးဦးစီးမှူးရုံး၊ အကြီးတန်းစာရေး ဦးထက် အောင်လှိုင်မှ စားသုံးသူကာကွယ်‌ရေးဥပဒေအကြောင်း၊ စားသုံးသူကာကွယ်ရေးဥပဒေပါ အခန်းများ အလိုက် စားသုံးသူများလိုက်နာရမည့် အချက်များ၊ စီးပွားရေးလုပ်ငန်းရှင်များအနေဖြင့် မိမိတို့၏ ထုတ်ကုန်များ ထုတ်လုပ်မည်ဆိုပါက ကုန်အညွှန်းအမှတ်အသားများအား ပြည်စုံစွာဖော်ပြရန် လိုအပ် ပါကြောင်းနှင့် လိုက်နာဆောင်ရွက်ခြင်းမရှိပါက စားသုံးသူကာကွယ်‌ရေးဥပဒေအရ အရေးယူခြင်း ခံရမည် ဖြစ်ကြောင်း၊ စားသုံးသူများအနေဖြင့်လည်း ကုန်စည်နှင့် ဝန်ဆောင်မှုများနှင့်ပတ်သက်၍ နစ်နာဆုံးရှုံးမှုများ ပေါ်ပေါ်က်လာပါက စားသုံးသူရေးရာဦးစီးဌာနသို့ လူကိုယ်တိုင်ဖြစ်စေ၊ စာဖြင့် ဖြစ်စေ၊ ဖုန်းဖြင့် ဖြစ်စေ၊ ဆက်သွယ်တိုင်ကြားနိုင်ကြောင်း၊ စားသုံးသူရေးရာဦးစီးဌာန၏ Website သို့လည်းကောင်း၊ စားသုံးသူရေးရာဦးစီးဌာန၏ Call Center No.1535 သို့ ရုံးချိန်အတွင်း ဆက်သွယ် တိုင်ကြားနိုင်ကြောင်းနှင့် စီးပွားရေးလုပ်ငန်းရှင်များ၏ တာဝန်များအကြောင်း၊ ဟောပြောခဲ့ကြောင်း သိရှိရပါသည်။

DOCA(တနင်္သာရီ)

          ၂၀၂၆ ခုနှစ်၊ ဧပြီလ ၄ ရက်နေ့၊ (၁၀း၀၀)နာရီ အချိန်တွင် ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ဟိုင်းဝေးယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ စီစဥ်မှုဖြင့် Myanmar Oil Alliance Co,Ltd မှ တင်ပို့ရောင်းချသည့် စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၈၁)ပေပါကို ယာဉ်မောင်း ဦးဇော်ဇော်၊ ယာဉ်အမှတ် 9K-9082/ Hino မော်တော်ယာဉ်ဖြင့်လည်းကောင်း၊ Yadanarbon Global Network Distribution Co,Ltd မှ စားအုန်းဆီ (၄၉) ပေပါနှင့် Kaung Hlyan New Asia Co,Ltd မှ စားအုန်းဆီ (၃၅) ပေပါကို ယာဉ်မောင်း ဦး‌ဌေးဟန်၊ ယာဉ်အမှတ် 7F-3017/ Nissan မော်တော်ယာဉ်ဖြင့်လည်းကောင်း တင်ဆောင်၍ ရောက်ရှိလာရာ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးစိုးဦး၊ အထူး စုံစမ်းစစ်ဆေးရေးဦးစီးဌာနမှ စုံစမ်း‌ရေးမှူးနှင့် ထားဝယ်ခရိုင် စားအုန်းဆီဖြန့်ဖြူးခြင်း လုပ်ငန်း ကြီးကြပ်ရေးအဖွဲ့မှတာဝန်ရှိသူများက သွားရောက်စစ်ဆေးခဲ့ကြောင်း၊ အဆိုပါ ရောက်ရှိလာသော စားအုန်းဆီစုစုပေါင်း (၁၆၅)ပေပါအား ကုမ္ပဏီ၏လက်ကားအ​ရောင်း ကိုယ်စားလှယ်မှတစ်ဆင့် ထားဝယ်မြို့၊ အိုးလုပ်ရပ်၊နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင် အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်းစျေးအတိုင်း စားသုံးသူများအားရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)