သတင်းနှင့် လှုပ်ရှားမှုများ

     (၂၉.၁၀.၂၀၂၅) ရက်နေ့ နံနက် (၁၁:၁၅) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ စစ်ဆေးရေးအရာရှိများသည် ကျူဆန်ရပ်ကွက်၊ မင်္ဂလာဒုံမြို့နယ်ရှိ New Item လုပ်ငန်းသို့ အွန်လိုင်းမှတ်ပုံတင် မြေပြင်ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ကြောင်း သိရသည်။

       ထိုသို့ကွင်းဆင်းစစ်ဆေးရာတွင် ဒေါ်နီလာဝင်း၊ ဦးစီးမှူးက New Item ပိုင်ရှင် ဦးဟိန်းမင်းထွေးနှင့် တွေ့ဆုံကာအွန်လိုင်းစနစ်ဖြင့် စပ်လျဉ်း၍ မြေပြင်ကွင်းဆင်းစစ်ဆေးရမည့် အချက် (၁၈) ချက်နှင့် ကိုက်ညီမှုရှိ/ မရှိ စစ်ဆေးခြင်း၊ တင်ပြထားသည့်လုပ်ငန်းတည်ရှိရာ လိပ်စာတွင် ရှိ/ မရှိ စစ်ဆေးခြင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းသည် အရေးကြီးကုန်စည်နှင့် ဝန်ဆောင်မှု ဥပဒေအဖြစ် သတ်မှတ်ထားကြောင်းနှင့် အခြားသိကောင်းစရာများအား အသိပညာပေးကွင်းဆင်း စစ်ဆေးခဲ့ကြောင်း သိရှိရပါသည်။

DOCA (ရန်ကုန်)

၂၀၂၅ ခုနှစ်အောက်တိုဘာလ(၂၄)‌ရက်နေ့တွင် စစ်ကိုင်တိုင်းတိုင်းဒေသကြီး၊ စားသုံးသူရေး ရာဦးစီးဌာန၊ အစည်းအဝေးခန်းမတွင်   စစ်ကိုင်းတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များ အသင်း(SRCCI)၏ ၂၀၂၅-၂၀၂၈ ခုနှစ်အတွက် အလုပ်အမှုဆောင် အသစ်ရွေးချယ် တင်မြောက်ပွဲကျင်းပရာ  inperson (၂၀)ဦး၊ Online ဖြင့်(၁၅)ဦး စုစုပေါင်း(၃၅)ဦး တက်ရောက် ခဲ့ပါသည်။

          အစည်းအဝေးကို မြန်မာနိုင်ငံကုန်သည်များနှင့်စက်မှုလုပ်ငန်းရှင်များအသင်း(UMFCCI) ၏ ကြီးကြပ်မှုဖွဲ့စည်းတာဝန်ပေးအပ်ထားသော ကြီးကြပ်မှုကော်မရှင်မှ ဦးဆောင်၍ အစီအစဉ်   (၁၆)ရပ်ဖြင့် ကျင်းပပြုလုပ်ပြီး စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးနှင့်စက်မှုကြီးကြပ်ရေးနှင့် စစ်ဆေးရေးဦးစီးဌာနတိုင်းဒေသကြီးဦးစီးမှူးတို့က ဦးဆောင်ကျင်း ပခဲ့ကြပြီး အလုပ်အမှုဆောင်၊ ဗဟိုအလုပ်အမှုဆောင်များကို အစီအစဉ်အတိုင်း ရွေးချယ်တင် မြောက်ပြီးနောက် စီမံခန့်ခွဲရေးဆိုင်ရာ တာဝန်ထမ်းဆောင်ကြမည့်သူများအား ရွေးချယ်တင်မြှောက်ခဲ့ကြပြီး ကော်မတီဥက္ကဌက ရွေးချယ်တင်မြောက်သူများ၏ အမည်စာရင်းများကို ဖတ်ကြား၍ အတည်ပြုခဲကြောင်း၊ အမှုဆောင် ဥက္ကဌအသစ်ကလည်း ရှေ့ဆက်ဆောင်ရွက်မည့် လုပ်ငန်လမ်းစဉ်များအကြောင်းနှင့်အသင်းအဖွဲ့ခိုင်မာတောင့်တင်းပြီး စည်းကမ်းဘောင်အတွင်းက အောင်မြင်တိုးတက်အောင်ပူးပေါင်း ဆောင်ရွက် ကြမည်ဖြစ် ကြောင်းပြောကြား၍ ၂၀၂၅-၂၀၂၈ ခုနှစ် ခုနှစ်သက်တမ်းအတွက် စစ်ကိုင်းတိုင်းဒေသကြီး ကုန်သည်များနင့် စက်မှုလုပ်ငန်းရှင်များ အသင်းအမှုဆောင်နှင့် ဥက္က‌ရွေးချယ်ခြင်း အခမ်းအနားအောင် မြင်စွာ ကျင်းပ ဆောင်ရွက်နိုင်ခဲ့ ကြောင်းသတင်းရရှိပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူး ဦးဆောင်၍ ဝန်ထမ်း(၂)ဦးသည် ခရိုင်ပြည်သူ့ ကျန်းမာရေးဦးစီးဌာန၊  မြို့နယ်စည်ပင်သာယာရေးအဖွဲ့မှ တာဝန်ရှိသူများနှင့်အတူ ၂၀၂၅ ခုနှစ်၊ အောက်တိုဘာလ(၂၄)ရက်နေ့တွင် စစ်ကိုင်းမြို့၊ စိန်ကုန်းရပ်ကွက်ရှိ ကုန်မျိုးစုံဆိုင်(၂)ဆိုင်သို ကွင်းဆင်း၍ အရန်သင့်အစားအစာအမျိုးအမျိုးအား ကုန်အညွှန်းအမှတ်အသားဖော်ပြခြင်းနှင့် စပ်လျဉ်း ၍ ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ ဈေးကွက်စောင့်ကြည့်စစ်ဆေးခဲ့မှုတွင် ‌စားသုံးသူရေးရာဦးစီးဌာနမှ တာဝန်ရှိသူက ဆိုင်ပိုင်ရှင်များအား မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသည့် (၂/၂၀၁၉) ညွှန်ကြားချက်ပါ အသေးစိတ်အချက်များ၊ စားသုံးသူကာကွယ်ရေးဥပဒေ အခန်း (၁၀)ပါ စီးပွားရေး လုပ်ငန်းရှင်၏ တာဝန်များ၊ ဥပဒေအခန်း (၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များ ရှင်းလင်းပြောကြားခဲ့ပြီး အွန်လိုင်းစနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ အသိပညာပေးခဲ့ကြောင်း သတင်းရရှိပါသည်။

DOCA(စစ်ကိုင်း)

  စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံရုံးအနေဖြင့် ၂၀၂၅ ခုနှစ်၊ အောက်တိုဘာလ ၂၈ ရက် နံနက်(၀၉:၀၀)နာရီအချိန်တွင် ကန့်ဘလူမြို့နယ်တာဝန်ခံဦးမျိုးဝင်းသန်းသည် ကန့်ဘလူမြို့ပေါ်ရှိ ဘိလပ်မြေနှင့်အိမ်ဆောက်ပစ္စည်း ရောင်းချသည့်ဆိုင်များသို့ အပတ်စဉ် ကွင်းဆင်းစစ်ဆေးခြင်း ဆောင်ရွက်လျက်ရှိကြောင်း သိရသည်။

   ထိုသို့ကွင်းဆင်းစစ်ဆေးရာတွင် ကန့်ဘလူမြို့ပေါ်ရှိ ဘိလပ်မြေရောင်းချသည့်ဆိုင်များ၏ ဘိလပ်မြေ ဝယ်ယူရရှိမှုအခြေအနေ၊ လက်ကျန်အခြေအနေနှင့် ဈေးနှုန်းအခြေအနေအားလည်း ကောင်း၊ အိမ်ဆောက်ပစ္စည်းများ၏လက်ကျန် အခြေအနေများအားလည်းကောင်း၊ ကွင်းဆင်း စိစစ်ခဲ့ရာ ဘိလပ်မြေနှင့်ဆောက်လုပ်ရေး လုပ်ငန်းသုံးပစ္စည်းများကို မန္တလေးမြို့မှဝယ်ယူရကြောင်း၊ ယခုပတ်အတွင်း ဘိလပ်မြေများ ပစ္စည်းပြတ်လပ်မှုမရှိကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

     တနင်္သာရီတိုင်း၊ မြိတ်မြို့သို့ ဧရာဝတီတိုင်းမှ ဆန်များဝယ်ယူလျက်ရှိရာ (၂၅.၁၀.၂၀၂၅) ရက်နေ့တွင် ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်မှ MV စန္ဒီ(၁)ရေယာဉ်ဖြင့် ဆန်တန် (၃၆၀)၊ အိတ်ရေ (၇၂၀၀)တို့ဝယ်ယူ၍ သယ်ဆောင်လာခဲ့ရာ ၂၀၂၅ခုနှစ်၊ အောက်တိုဘာလ(၃၁) ရက်နေ့တွင် မြိတ်မြို့ရောက်ရှိလာသဖြင့် မြိတ်ခရိုင်ရှိ စစ်ဆေးရေးအဖွဲ့များမှ ကွင်းဆင်းစစ်ဆေးခဲ့ကြောင်း သိရှိရပါသည်။

     ကွင်းဆင်းစစ်ဆေးရာတွင်မြိတ်ခရိုင်စားသုံးသူရေးရာဦးစီးဌာနအပါအဝင်မြိတ်ခရိုင်အကောက် ခွန်ဦးစီးဌာန၊ မြိတ်ခရိုင်လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန၊ မြိတ်ကုန်သွယ်ရေးဦးစီးဌာန၊ မြိတ်ခရိုင်ရဲတပ်ဖွဲ့တို့ပါဝင်သောအဖွဲ့များဖြင့်  စစ်ဆေးခဲ့ကြကြောင်း သိရှိရပါသည်။

DOCA(တနင်္သာရီ)