သတင်းနှင့် လှုပ်ရှားမှုများ

   ၂၀.၂.၂၀၂၆ ရက်နေ့ နံနက်(၁၀:၀၀)နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်အထွေထွေအုပ်ချုပ်ရေးဦးစီးဌာန၊ အမှတ် (၇၇) ယာဉ်ထိန်းတပ်ဖွဲ့စိတ် (မုဒုံ)၊ မြို့နယ် စည်ပင်သာယာရေးအဖွဲ့၊ မြို့နယ်မော်တော်ယာဉ်ကြီးကြပ်ထိန်းသိမ်းမှုကော်မတီတို့နှင့်ပူးပေါင်း၍ သယ်ယူပို့ဆောင်ရေးဝန်ဆောင်မှုနှင့် စပ်လျဉ်း၍ စစ်ဆေးဆောင်ရွက်ခဲ့ကြောင်း သိရသည်။

     ထိုသို့ စစ်ဆေးရာတွင် သယ်ယူပို့ဆောင်ရေးမော်တော်ယဉ်များ၌ သတ်မှတ်လူဦးရေ ထက် ပိုမိုတင်ဆောင်ခြင်းရှိ/မရှိ၊ ယာဉ်မောင်းအရက်သေစာသောက်စားထားခြင်းရှိ/မရှိ၊ ယာဉ်အန္တရာယ်ကင်းရှင်းစေရေးထုတ်ပြန်ထားသောသက်ဆိုင်ရာဌာနများ၏ စည်းကမ်းချက် များနှင့်အညီ လိုက်နာဆောင်ရွက်ခြင်း ရှိ/မရှိ၊ အများပြည်သူသုံး သယ်ယူပို့ဆောင်ရေး ယာဉ်လိုင်းများအနေဖြင့် ခရီးသည်ပို့ဆောင်မှုနှင့်ကုန်စည်တန်ဆာပို့ဆောင်ရေးစသည့် ဝန်ဆောင်မှုများကို အသုံးပြုသည့် စားသုံးသူများအနေဖြင့် အခြေခံလိုအပ်ချက်များအပေါ် စိတ်ကျေနပ်ဖွယ် ရရှိစေရန်နှင့် နစ်နာဆုံးရှုံးမှုဖြစ်လာပါက ဖြစ်သင့်ဖြစ်ထိုက်သော ကုစားခွင့် ရရှိစေရေး စစ်ဆေးခြင်း၊ ကားလက်မှတ်ကို သတ်မှတ်ဈေးနှုန်းဖြင့် ရောင်းချခြင်း ရှိ/မရှိ၊ ပစ္စည်းများကို တန်ဆာခရယူသယ်ဆောင်ရာတွင် ပေးပို့သူက စိတ်ချလုံခြုံမှု ရရှိနိုင်မှု ရှိ/မရှိ၊ ကုန်စည်များကို သတ်မှတ်ရက်အတွင်း ပို့ဆောင်မှု ရှိ/မရှိ၊ ပစ္စည်းများတစိတ်တဒေသ ပျက်စီးခြင်း၊ အားလုံးပျက်စီးခြင်း ဖြစ်ပေါ်ပါကပေးလျော်ရန် သတ်မှတ်ချက်များ ရှိ/မရှိ၊ ရှိပါက ထိုကဲ့သို့ ဆောင်ရွက်ပေးခဲ့ခြင်း ရှိ/မရှိ၊ ခရီးသည်များလိုက်ပါစီးနင်းသောခုံများသည် သင့်လျော်သောအခြေအနေ ရှိ/မရှိ၊ ယာဉ်ထွက်ခွာရန် သတ်မှတ်သောအချိန်တွင် ထွက်ခွာခြင်း ရှိ/မရှိ၊ ယာဉ်အတွင်း မကောင်းသောအနံ့များ မရှိစေရန်၊ ကွမ်းတံထွေး၊ အမှိုက်ကဲ့သို့သော ပစ္စည်းများမရှိစေရန် သန့်ရှင်းမှု ရှိ/မရှိ တို့ကို စစ်ဆေးခဲ့ကြောင်း သိရှိရပါသည်။

DOCA(မွန်)

   မန္တလေးတိုင်းဒေသကြီး၊မော်တော်ယာဉ်အရောင်းစင်တာမြေပြင်စစ်ဆေးရေးအဖွဲ့ဝင်(၇)ဦးပါဝင်သည့်အဖွဲ့အနေဖြင့်  လျှပ်စစ်သုံးမော်တော်ယာဉ်အရောင်းပြခန်းနှင့် ၂ဘီး/ ၃ ဘီး မော်တော် ဆိုင်ကယ်အရောင်းပြခန်းဖွင့်လှစ်ခွင့်တင်ပြထားသည့်နေရာများသို့ သွားရောက်၍   ပြခန်းအတွက် အနိမ့်ဆုံးသတ်မှတ်ထားသည့်သတ်မှတ်ချက်များနှင့် ကိုက်ညီမှုရှိမရှိ  ကွင်းဆင်းစစ်ဆေးခြင်းနှင့်တင် ပြခြင်းလုပ်ငန်းများဆောင်ရွက်လျှက်ရှိကြောင်း သိရှိရပါသည်။၁၀.၂.၂၀၂၆ ရက်နေ့နံနက် (၀၉:၀၀) နာရီအချိန်တွင် Inspire Automotive Ltd. (Zeekr Brand)၏လျှပ်စစ်သုံးမော်တော်ယာဉ်အရောင်း ပြခန်း ဖွင့်လှစ်ခွင့်တင်ပြထားသည့်မန္တလေးတိုင်းဒေသကြီး၊ မဟာအောင်မြေမြို့နယ်၊ ချမ်းမြသာစည် မြောက်ရပ်ကွက်၊ ၇၈လမ်း၊ ရန်ကုန် - မန္တလေး၊ ခင်စောမူကွေ့နေရာနှင့်သိုလှောင်မည့် မန္တလေးတိုင်း ဒေသကြီး၊ ချမ်းအေးသာစံမြို့နယ်၊၂၇လမ်းနှင့် ၂၈ လမ်းကြား၊ ၇၃ လမ်းနေရာများသို့  သွားရောက်၍  လျှပ်စစ်သုံးမော်တော်ယာဉ် အရောင်းပြခန်းအတွက် သတ်မှတ်ထားသည့်အနိမ့်ဆုံး သတ်မှတ်ချက် များနှင့်အညီ  ဆောင်ရွက်ထားမှုရှိ/မရှိ ကွင်းဆင်းစစ်ဆေးခြင်းနှင့်တင်ပြခြင်းလုပ်ငန်းများ ဆောင်ရွက်ခဲ့ကြောင်း သိရှိရပါသည်။

DOCA(မန္တလေး)

   ၂၀၂၆ခုနှစ်၊ ဖေဖော်ဝါရီလ ၁၁  ရက်နေ့၊ နံနက် ၁၁:၀၀ နာရီအချိန်၌ စားသုံးသူရေးရာဦးစီး ဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးမြင့်နိုင်(စစ်ဆေးရေးအရာရှိ)  ဦးဆောင်၍ ဝန်ထမ်း (၄) ဦးတို့သည် အထွေထွေအုပ်ချုပ်ရေးဦးစီးဌာန၊ အစားအသောက်နှင့် ဆေးဝါးကွပ်ကဲရေး ဦးစီးဌာန၊ မြို့နယ်ရဲတပ်ဖွဲ့၊ ပြည်သူ့ကျန်းမာရေးဦးစီးဌာန၊ စည်ပင်သာယာ (ဈေးများဌာန) တို့နှင့် ပူးပေါင်း၍ ဥတ္တရသီရိမြို့နယ် အတွင်းရှိ Ocean  super  center  နှင့် ​ရွှေသဇင်​စျေး တို့တွင် စားသုံးသူ များ နေ့စဉ်အသုံးပြုလျက်ရှိသော ကုန်စည်နှင့်ဝန်ဆောင်မှုများဘေးအန္တရာယ်ကင်းရှင်းပြီး လုံခြုံ စိတ်ချရမှုရှိစေရေးအတွက် ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ကွင်းဆင်းစစ်ဆေးရာ၌ ဈေးကွက်အတွင်းရောင်းချနေသောကုန်စည်နှင့်ဝန်ဆောင်မှုများတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက်  မြန်မာနိုင်ငံစားသုံးသူကာကွယ်ရေး ကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ်(၂/၂၀၁၉)နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်နှင့်  စီးပွားရေးလုပ်ငန်းရှင်များအနေ ဖြင့် ထုတ်ပြန်ကြေညာထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ် လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသောကုန်စည်များကိုသာရောင်းချရန် ဆွေးနွေးပြောကြား၍ ဈေးကွက်စောင့်ကြည့်စစ်ဆေးခဲ့ကြောင်း သတင်းရရှိပါသည်။  

  DOCA (ပြည်ထောင်စုနယ်မြေ)

     စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံခရိုင်နှင့်ညောင်ဦးခရိုင် အတွင်းရှိ MSME လုပ်ငန်းများ ဖွံ့ဖြိုးတိုးတက်ရေး၊ ထုတ်ကုန်များလုံခြုံစိတ်ချရမှုရှိစေရေးနှင့် ဥပဒေ များနှင့်အညီ ထုတ်လုပ်နိုင်စေရေး အတွက်ဈေးကွက်စောင့်ကြည့် စစ်ဆေးခြင်းများကို စဉ်ဆက် မပြတ်ဆောင်ရွက်ရှိရာ (၁၁.၂.၂၀၂၆)  ရက်နေ့၊ နံနက်(၀၉:၀၀)နာရီအချိန်တွင် မြင်းခြံခရိုင်ဦးစီးမှူး ဦးသန်းစိုးနှင့် ညောင်ဦးခရိုင်တာဝန်ခံနှင့်ဝန်ထမ်းများသည် ညောင်ဦးမြို့၊ သီရိမင်္ဂလာ၊ ငှက်ပစ်တောင် ရပ်၊ အောင်မြေသာရပ်ကွက်ရှိ ပဲကြော်လုပ်ငန်း၊ ကိတ်မုန့်လုပ်ငန်းခွင်များသို့ကွင်းဆင်း၍ ဈေးကွက် စောင့်ကြည့်စစ်ဆေးခဲ့ပါသည်။

           ဒေသတွင်း MSME လုပ်ငန်းများဖွံဖြိုးတိုးတက်ရေးကို အားပေးဆောင်ရွက်လျက်ရှိပြီး လုပ်ငန်း သုံးစားအုန်းဆီများကိုလည်း လုပ်ငန်းခွင်များတွင် မှန်ကန်စွာ သုံးစွဲမှုရှိစေရန်၊ ထုတ်လုပ်သုံးစွဲသည့့်် ကုန်ကြမ်းပစ္စည်းများ အရည်အသွေးကောင်းမွန်မှုရှိရန်၊ မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့်ညီညွတ်စေရေး အထူးအလေးထား လုပ်ဆောင် ကြရန်၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများအား ပြည့်စုံမှန်ကန်မှုရှိရန်၊ စားသုံးသူများဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာန များ၏ ပြဌာန်းချက်များကိုလည်း လိုက်နာဆောင်ရွက်ရန်တို့အတွက် ဈေးကွက်မရောက်မီ ကုန်စည် များအား လုပ်ငန်းခွင်များသို့ ကွင်းဆင်းစစ်ဆေးမှုများဆောင်ရွက်ခဲ့ပြီး ဆက်လက်၍လည်း ဒေသ အတွင်းရှိ MSME လုပ်ငန်းခွင်များသို့ စဉ်ဆက်မပြတ် ကွင်းဆင်းစိစစ်မှုများ ဆောင်ရွက်သွားမည် ဖြစ်ကြောင်းနှင့် ယခုလို ဈေးကွက်မရောက်မီကုန်စည်များကို စဉ်ဆက်မပြတ်ဈေးကွက်စောင့်ကြည့် စစ်ဆေးဖြင့်ဖြင့် လုပ်ငန်းရှင်များဘက်မှလည်း မှန်ကန်သည့်နည်းလမ်းများ၊ ဥပဒေများနှင့်အညီ အချိန်မီပြင်ဆင်ထုတ်လုပ်လာစေနိုင်ပြီး ဈေးကွက်အတွင်း၌လည်း လုံခြုံစိတ်ချရသော ကုန်စည်များ ကိုသာ စားသုံးသူများအနေဖြင့် ဝယ်ယူသုံးစွဲနိုင်မည်ဖြစ်ပါသည်။  

DOCA(မန္တလေး)

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဦးကျော်ဇင်ထွေး( ဒု-ဦးစီးမှူး )ဦးဆောင်၍ ၂၀၂၆ ခုနှစ်၊  ဖေဖော်ဝါရီလ( ၂၀ ) ရက်နေ့ နံနက်( ၁၀:၃၀ )နာရီအချိန်တွင်လွိုင်ကော်မြို့ပေါ်ရှိ အိမ်သုံး ဆေးဝါးများရောင်းချနေသော ဆေးအရောင်းဆိုင်များ၌ မြန်မာနိုင်ငံစားသုံးသူကာကွယ်ရေးကော်မရှင်၏   ( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှု ရှိ/မရှိ မိတ်ဖက်ဌာနဖြစ်သော အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စီမံခန့်ခွဲရေး နှင့်အုပ်ချုပ်ရေးကော်မတီတို့နှင့် ပူးပေါင်း၍ ဈေးကွက်စောင့်ကြည့်စစ်ဆေးဆောင်ရွက်ခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် လွိုင်ကော်မြို့ပေါ်ရှိ ဆေးအရောင်းဆိုင်များတွင် မြန်မာ နိုင်ငံစားသုံးသူကာကွယ်ရေးကော်မရှင်၏( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိသော အိမ်သုံးဆေးဝါးများကိုသာ တင်သွင်းဖြန့်ဖြူးရောင်းချနေသည်ကို စစ်ဆေးတွေ့ရှိရပြီး ဆေးဆိုင်ပိုင်ရှင်များအနေဖြင့် ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိသည့် ဆေးဝါး များသာ တင်သွင်းရောင်းချကြရန်၊ ဈေးနှုန်းမြှင့်တင်ရောင်းချခြင်းမပြုရန်၊ သက်ဆိုင်ရာဌာနများ၏ ခွင့်ပြု ချက်လိုင်စင်သက်တမ်းတိုးဆောင်ရွက်သွားရန်၊  စီးပွားရေးလုပ်ကိုင်ရာတွင် စီးပွားရေးကျင့်ဝတ်၊ စည်းကမ်း များနှင့်အညီ ဖြောင့်မတ်မှန်ကန်စွာဆောင်ရွက်ကြရန်နှင့် တရားမဝင်ကုန်စည်များရောင်းချခြင်း၏ ဆိုးကျိုး များအားအသိပညာပေး ဈေးကွက်စောင့်ကြည့်စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)