သတင်းနှင့် လှုပ်ရှားမှုများ

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူ အသိပညာပေးဟောပြောပွဲများကို အခြေခံပညာကျောင်းများ၊ ဌာနဆိုင်ရာများ၊ တပ်ရင်းတပ်ဖွဲ့များ၊ ရပ်ကွက်များ ၊ ကျေးရွာများ၊ ဈေးများနှင့်စက်ရုံအလုပ်ရုံတို့တွင် ဆောင်ရွက်လျက်ရှိကြောင်း သိရသည်။

      မတ်လအတွင်း စားသုံးသူအသိပညာပေးဟောပြောပွဲဆောင်ရွက်ရာတွင် (၁၂.၃.၂၀၂၄) ရက်နေ့တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Center) ခန်းမ၌ ကမ္ဘာ့စားသုံးသူအခွင့်အရေးများ နေ့အထိမ်းအမှတ် Talk Show ပြုလုပ်ဆောင်ရွက်ခြင်း၊   (၁၄.၃.၂၀၂၄)ရက်နေ့တွင် ကျွန်းလှမြို့ နယ်စိုက်ပျိုးရေးဦးစီးဌာနရှိ ဝန်ထမ်းများအား အသိပညာပေးဟောပြောခြင်းနှင် (၁၅.၃.၂၀၂၄)ရက် နေ့တွင် ကျွန်းလှမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Center) ခန်းမ၌ ကမ္ဘာ့စားသုံးသူအခွင့်အရေးများနေ့ Talk Show  ပြုလုပ်၍ တာဝန် ရှိသူများမှ ကမ္ဘာ့စားသုံးသူအခွင့်အရေးများနေ့ ကျင်းပရသည့် ရည်ရွယ်ချက်များအကြောင်း၊  “ပြည်သူတိုင်းဟာစားသုံးသူဖြစ်တယ်၊ စားသုံးသူတိုင်းမှာ စားသုံးသူအခွင့်အရေးရှိတယ်” ဆိုသည့်အတိုင်း စားသုံးသူအခွင့်အရေး(၈)ချက်ကို သိရှိနားလည်ထားရန်လိုအပ်ကြောင်း၊ စားသုံးသူနစ်နာ ဆုံးရှုံးမှုများကြုံတွေ့လာရပါက တိုင်ကြားနိုင်သည့်နည်းလမ်းများကိုလည်းကောင်း၊ ထုတ်ကုန်လုံခြုံ စိတ်ချရမှုရှိသော ကုန်စည်နှင့်ဝန်ဆောင်မှုများကို သေချာစိစစ်ရွေးချယ်ဝယ်ယူ အသုံးပြုကြရန် ဟောပြောဆွေးနွေးခဲ့ပြီး အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)

     စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဝန်ထမ်းများသည် (၂၂-၃-၂၀၂၄) ရက်နေ့၊ နံနက် (၁၀:၃၀)နာရီအချိန်မှစ၍ ခရိုင်ဉီးစီးမှူး၏ ကြီးကြပ်မှုဖြင့် စက်သုံးဆီအရောင်းဆိုင် များသို့သွားရောက်ကာ ဈေးကွက်စောင့်ကြည်စစ်ဆေးခြင်းလုပ်ငန်းများဆောင်ရွက်ခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် စက်သုံးဆီများပြတ်လပ်မှုမရှိစေရေး၊ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ ရည်ညွှန်းဈေးနှုန်းများအတိုင်း ရောင်းချခြင်းရှိ/မရှိ၊ အချင်အတွယ်မှန်ကန်စွာရောင်းချပေးရန်၊ ဈေးနှုန်းများမြှင့်တင်ရောင်းချခြင်းမပြုလုပ်ရန်နှင့် စက်သုံးဆီများပြတ်လပ်မှုရှိပါက အချိန်နှင့်တပြေးညီသက်ဆိုင်ရာဌာနများကို သတင်းပေးပို့ရန် ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ တွံတေးခရိုင် တွံတေးမြို့နယ်အတွင်းရှိ စားသုံးသူပြည်သူများ စားသုံးဆီ အမျိုးမျိုးတို့ဝယ်ယူသုံးစွဲရာတွင် ဘေးအန္တရာယ်ကင်းရှင်းစေရေးနှင့်ထုတ်ကုန်များ လုံခြုံစိတ်ချရမှုရှိစေရန် ရည်ရွယ်၍ မတ်လ(၁၄)ရက်နေ့၊ နံနက် (၁၀:၃၀)နာရီတွင် စည်ပင် သာယာမြို့မဈေး အတွင်း/အပြင် ကုန်ခြောက်ဆိုင်များသို့ ကွင်းဆင်းစစ်ဆေးခဲ့ကြောင်း သိရပါသည်။

        ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေး ဦးစီးဌာနမှ ဈေးတာဝန်ခံနှင့် စားသုံးသူရေးရာဦးစီးဌာနမှမြို့နယ်တာဝန်ခံတို့ပူးပေါင်း၍ တွံတေးမြို့နယ် စည်ပင်သာယာမြို့မဈေး အတွင်း/အပြင်ရှိ ကုန်ခြောက်ဆိုင်နှင့်ကုန်စုံဆိုင်များသို့ သွားရောက်ပြီး လုပ်ငန်းရှင်များနှင့်တွေ့ဆုံကာ စားသုံးသူပြည်သူများ၏ အဓိကစားသောက်ကုန်ပစ္စည်းဖြစ်သော စားသုံးဆီအမျိုးမျိုးတို့ကို ဖြန့်ဖြူးရောင်းချရာတွင် စားသုံးသူများဘေးအန္တရာယ် ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် စံချိန်၊စံညွှန်းနှင့်ကိုက်ညီမှု မရှိသော စားသုံးဆီများ၊ ကုန်အညွှန်းအမှတ်အသားဖော်ပြရာတွင်အမျိုးအမည်၊ အရွယ်အစား၊ အရေအတွက်၊ အသား တင်ပမာဏ၊ ထားသိုသိမ်းဆည်းမှုအညွှန်းတို့အား ပြည့်စုံစွာဖော်ပြထားခြင်း မရှိသော စားသုံးဆီအမျိုးမျိုးတို့အား ရောင်းချခြင်းမပြုစေရေးစသည့် စားသုံးသူကာကွယ်ရေး ဆိုင်ရာသိကောင်းစရာများကို အကြံပြု ဆွေးနွေးပြောကြားခဲ့ပြီး သက်ဆိုင်ရာဌာနများမှ တားမြစ်ထားသော စားသောက်ကုန်ပစ္စည်းများ မိမိတို့၏ဈေးဆိုင်တွင် ဖြန့်ဖြူးရောင်းချခြင်းအား စစ်ဆေးတွေ့ရှိပါက ထိရောက်စွာအရေးယူဆောင်ရွက်သွားမည် ဖြစ်ကြောင်း လုပ်ငန်းရှင်များအား အသိပညာပေးဆွေးနွေးပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ သန်လျင်ခရိုင် ခရမ်းမြို့နယ်၌ ဘိလပ်မြေအမျိုးအစားများ ဝယ်ယူသုံးစွဲရာတွင် ပစ္စည်းပြတ်လပ်မှုမရှိစေရေးနှင့် ဈေးနှုန်းအဆမတန်မြှင့်တင်ရောင်းချခြင်းများ မပြုလုပ်ရန် ရည်ရွယ်၍ ကုန်အမာဆိုင်ကြီးများသို့ မတ်လ(၁၄)ရက်နေ့၊ နံနက်(၁၀:၀၀)နာရီတွင် လုပ်ငန်းရှင် ဆိုင်ရှင်များနှင့်သွားရောက်တွေ့ဆုံပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရှိရပါသည်။

       အဆိုပါ ဈေးကွက်အတွင်း ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံသည် ခရမ်းမြို့နယ်အတွင်းရှိ ကုန်မာဆိုင်များဖြစ်ကြသော ဦးအောင်ဘာလေ အမှတ်(၆၆)၊ မင်းလမ်း(၂)ရပ်ကွက်၊ ရွှေခြင်္သေ့ အမှတ်(၁၈)၊ ကမ်းနားလမ်း(၂)ရပ်ကွက်၊  အောင်သုခ အမှတ်(၃၉၇)၊ မြေနီလမ်းကွေ့(၃)ရပ်ကွက်၊ ကုန်အမာဆိုင်သရဖူ အမှတ်(၄၄၄)၊ ဘုရားလမ်း (၂)ရပ်ကွက်၊ ကုန်အမာဆိုင်တို့တွင် ရောင်းချလျက်ရှိသော လုပ်ငန်းရှင်များနှင့် တွေ့ဆုံကာ ဘိလပ်မြေအမျိုးအစား များဖြစ်သော Alpha၊ ကြံ့နှစ်ကောင်၊ (ဖားအံ)မြိုင်ကလေးထုတ် နာရီအမှတ်တံဆိပ်စသည့် ဘိလပ်မြေများ ဈေးကွက်အတွင်းရောင်းချနေခြင်း ရှိ/မရှိ မေးမြန်းစုံစမ်းခဲ့ရာတွင် ခရမ်းမြို့နယ်အနေဖြင့် Alphaဘိလပ်မြေ၊  Yojinဘိလပ်မြေ၊ AAA တံဆိပ်ဘိလပ်မြေကိုသာ လှိုင်လှိုင်သုံးစွဲကြသဖြင့် မိမိတို့၏ဆိုင်တွင် ၎င်းဘိလပ်မြေအမျိုးအစားများကို ဝယ်ယူဖြန့်ဖြူးရောင်းချ ပေးလျက်ရှိကြောင်း အခြားဘိလပ်မြေအမျိုးအစားများအား ခရမ်းဈေးကွက်အတွင်း ဝယ်ယူဖြန့်ဖြူး ရောင်းချခြင်းများမရှိသဖြင့် ယခုချိန်တွင် ဈေးကွက်အတွင်းပစ္စည်းပြတ်လပ်မှုမရှိကြောင်း ဈေးနှုန်းအဆမတန်မြှင့်တင်ရောင်းချခြင်းများမရှိကြောင်း ပြန်လည်ပြောကြားခဲ့ပြီး ဆက်လက်၍ တာဝန်ရှိသူများက ခရမ်းမြို့နယ်သည် အကြီးစားစက်မှု၊ လက်မှုလုပ်ငန်းအကောင်အထည် ဖော်တည်ဆောက်နေသော စက်ရုံ၊ အလုပ်ရုံများလည်းမရှိပါသဖြင့် မိမိတို့မြို့နယ်အနေဖြင့် ဘိလပ်မြေများ လုံလောက်မှုရှိပါကြောင်း ဘိလပ်မြေများအား မိမိတို့ဆိုင်တွင် ဈေးကစားရန်ရည်ရွယ်ချက်ဖြင့် တရားမဝင် သိုလှောင်ထား ခြင်းမျိုးမပြုလုပ်ကြရန်နှင့် ဈေးနှုန်းများအဆမတန်မြှင့်တင်ရောင်းချခြင်းများ မပြုလုပ်ကြရန် ဘိလပ်မြေ လက်ကျန်များအား စစ်ဆေးရေတွက်ခဲ့ပြီး ဈေးကွက်အတွင်း အသိပညာပေး ဈေးကွက် စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

        စားသုံးသူရေးရာဦးစီးဌာန၊ ကော့သောင်းခရိုင်ဦးစီးမှူးရုံးအနေဖြင့် ပြည်သူများ ဆေးနှင့်ဆေးပစ္စည်းများကို သက်သာချောင်ချိမှုရှိစွာ ဝယ်ယူရရှိနိုင်စေရန်ရည်ရွယ်၍ တိုင်းဒေသကြီးဦးစီးမှူးရုံး၊ ခရိုင်စီမံအုပ် ချူပ်ရေးအဖွဲ့၏လမ်းညွှန်ချက်အရ ဆေးနှင့် ဆေးပစ္စည်းများကို ဒေသတွင်းဖြစ်သင့်ဖြစ်ထိုက်သည့် စျေးနှုန်း များဖြင့် ရောင်းဝယ်ဖောက်ကားမှုရှိစေရေးအတွက် ဆေးနှင့် ဆေးပစ္စည်း အရောင်းဆိုင်များအား  စျေးကွက် စောင့်ကြည့်စစ်ဆေးခြင်းများဆောင်ရွက်လျက်ရှိရာ အထူးစုံစမ်းစစ်ဆေးရေးဦးစီးဌာန၊ မြို့နယ်အထွေထွေ အုပ်ချူပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ခရိုင်စားသုံးသူ ရေးရာဦးစီးဌာန ပါဝင်သော မိတ်ဖက်ဌာနများနှင့်ပူးပေါင်း၍(၂၀.၃.၂၀၂၄)ရက်နေ့ ၊နေ့လယ်(၁၅:၀၀) အချိန် တွင် ကော့သောင်းမြို့ပေါ်ရှိ ဆေးနှင့်ဆေးပစ္စည်း လက်ကားအရောင်းဆိုင်များသို့ သွားရောက်ကာ စျေးကွက် စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ယင်းသို့ကွင်းဆင်းစစ်ဆေးခြင်းဆောင်ရွက်ရာတွင်  ကော့သောင်းမြို့ပေါ်ရှိဆေးဆိုင်များတွင် ရောင်း ချလျက်ရှိသော ဆေးနှင့်ဆေးပစ္စည်းစျေးနှုန်းများအနေဖြင့် ဒေသတွင်းသင့်တင့်မျှတမှုရှိသော စျေးနှုန်းများ ဖြင့်သာ ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)