သတင်းနှင့် လှုပ်ရှားမှုများ

                ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင် မြို့နယ်တာဝန်ခံ ဦးမင်းဇော်လတ်သည် (၁၆.၁၂.၂၀၂၅)ရက်နေ့၊ နံနက်(၁၀;၃၀)နာရီက မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဗိုလ်ချုပ်ဈေးရှိ ဆန်လက်လီ လက္ကား အရောင်းဆိုင်များအား ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းဆောင်ရွက်ရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ လက််လီ၊ လက္ကား ရောင်းချနေသော ဆိုင်ရှင်များအား ဆန်ဈေးနှုန်းကြီးမြင့်နေမှုကို ဆိုင်ရှင်များအနေဖြင့် စားသုံးသူပြည်သူများအား ဈေးနှုန်းမြှင့်တင်ရောင်း ချခြင်းမပြုကြရန် သတ်မှတ်ရည်ညွှန်းဈေးဖြင့်သာ ရောင်းချပေးရန်၊ ဆန်ဈေးနှုန်းများကို အများ ပြည်သူမြင်သာသောနေရာတွင် မြင်သာသောအရွယ်အစားဖြင့် ရေးသားဖော်ပြ၍ ရောင်းချကြရန်၊ ဆန်စပါးသိုလှောင်မှု အနေဖြင့် မြန်မာ့ဆန်စပါး အွန်လိုင်း Myanmar Rice Online (My R O) တွင် မှတ်ပုံတင်ထားခြင်းမရှိပါက သက်ဆိုင်ရာ မြို့နယ်အလိုက် စားသုံးသူရေးရာဦးစီးဌာနရုံးများနှင့် ချိတ်ဆက်၍ မှတ်ပုံတင်ခြင်းဆောင်ရွက်ကြရန် ဈေးကွက်အတွင်း ဈေးနှုန်း မြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများတွေ့ရှိပါက အရေးကြီး ကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း ဆိုင်ရှင်များအား ရှင်းလင်းဆွေးနွေး ပြောကြားခဲ့ပါသည်။

DOCA (ဧရာဝတီ)

                 ဖျာပုံမြို့နယ်တွင် ကုန်ဈေးနှုန်းတည်ငြိမ်ရေးအတွက် မြို့မဈေးကြီးအတွင်းရှိ စားသုံးဆီဆိုင် များသို့ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် ၂၀၂၅ခုနှစ်၊ ဒီဇင်ဘာလ (၁၆)ရက်နေ့၊ နံနက် ( ၁၁ : ၃၀ ) အချိန်တွင် ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးရာတွင် စားသုံးဆီလက်လီ/လက်ကားအရောင်းဆိုင်များအနေဖြင့် ဈေးနှုန်းမြှင့်တင်ရောင်းချခြင်းရှိ/မရှိ၊ ဆီများသန့်ရှင်းမှု ရှိစေရေး၊ ရည်ညွှန်းလက်ကားဈေးနှုန်း အပေါ်ကုန်သည်များ ညွှန်ကြားချက်နှင့်အညီ ရောင်းချမှုရှိ/မရှိ ကွင်းဆင်းစစ်ဆေးခဲ့ရာ ဈေးနှုန်း မြှင့်တင်ခြင်းမရှိဘဲ ညွှန်ကြားချက်များနှင့်အညီ ရောင်းချနေကြောင်း စစ်ဆေးတွေ့ရှိရသဖြင့် အရေးယူဆောင်ရွက်မှုမရှိကြောင်း သိရှိရပါသည်။

DOCA (ဧရာဝတီ)

            ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနတွင် ၂၀၂၅ခုနှစ်၊ ဒီဇင်ဘာလ (၁၆) ရက်နေ့၊ နံနက် (၁၀:၀၀)နာရီအချိန်တွင် ခရိုင်ဦးစီးမှူးက ကျေးရွာရှိ စားအုန်းဆီကော်မတီ အဖွဲ့ဝင်များအား တွေ့ဆုံဆွေးနွေးမှာကြားခဲ့ပါသည်။

         အဆိုပါတွေ့ဆုံပြောကြားရာတွင် “အောက်ကွင်း” ကျေးရွာအုပ်စုရှိ ပြည်သူများ သက်သာ သော ဈေးနှုန်းဖြင့် စာအုန်းဆီ ဖြန့်ဖြူးရောင်းချနိုင်ရေးအတွက်   ကျေးရွာအတွင်း ရှိအိမ်ထောင်စု ဝင်အားလုံး စားသုံးဆီရရှိစေ‌ရေး၊  သတ်မှတ်ညွှန်ကြားပေးသော ဈေးနှုန်းအတိုင်း ရောင်းချစေရေး၊ အလေးချိန် အချိန်အတွယ် မှန်ကန်မှုရှိစေရေးနှင့် ပြည်သူများထံသို့ရောင်းချ နေမှုတို့အား ဓာတ်ပုံ မှတ်တမ်းများ ပေးပို့ရန်ပြောကြားခဲ့ပြီး ကျေးရွာရှိစားသုံးဆီ ကော်မတီအဖွဲ့ဝင်များအား လိုအပ်သည် များကို မှာကြားခဲ့ကြောင်းသိရှိရပါသည်။

DOCA (ဧရာဝတီ)

           ဖျာပုံခရိုင် ၊ ဒေးဒရဲမြို့နယ်စားသုံးသူရေးရာဦးစီးဌာနနှင့် ဒေးဒရဲမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်းပြီး ၂၀၂၅ခုနှစ်၊ဒီဇင်ဘာလ(၁၆)ရက်နေ့၊‌ နံနက်(၁၀:၃၀) တွင် ဒေးဒရဲမြို့ လူထုအခြေပြု Community Center ခန်းမ၌ ထုတ်ကုန်များ လုံခြုံစိတ်ချရမှုရှိစေ ရေးအသိပညာပေး Talk Show ဆွေးနွေးပွဲဆောင်ရွက်ခဲ့ပါသည်။

              အဆိုပါဆွေးနွေးပွဲတွင် ဒေးဒရဲမြို့၊ ပြန်ကြားရေးနှင့် ပြန်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်မြင့်မြင့်ခိုင်က အသိပညာပေး Talk Showကျင်းပရခြင်း၏ရည်ရွယ်ချက်များအားရှင်းလင်းပြောကြားခဲ့ပြီးစားသုံးသူရေးရာဦးစီးဌာန၊ဒေးဒရဲမြို့နယ်တာ၀န်ခံရုံးမှဒုတိယလက်ထောက်ကြီး ကြပ်ရေးမှူး ဦးခန့်စည်သူက ထုတ်ကုန်များ လုံခြုံစိတ်ချရမှုနှင့်ပတ်သက်၍ စားသုံးသူ ရေးရာဦးစီးဌာနရှိ ဝန်ထမ်းများမှာ ဘေးအန္တရာယ် ကင်းရှင်းရေးနှင့် ထုတ်ကုန်များလုံခြုံ စိတ်ချရမှုရှိ စေရေးအတွက် ဈေးများ၊ ကျောင်းများ၊ ကျေးရွာများ၊ အသင်းအဖွဲ့များ၊ ဌာနဆိုင်ရာများနှင့် တက္ကသိုလ်အသီးသီးအား စားသုံးသူကာကွယ် ရေးအတွက် အသိပညာပေးဟောပြောပွဲများ ကျင်းပပြုလုပ်လျက်ရှိကြောင်း၊ ကုန်အညွှန်းအမှတ်အသား ဖော်ပြချက်များ ပါဝင်မှုရှိ/မရှိ စောင့်ကြည့် စစ်ဆေးခြင်း၊ လုပ်ငန်းရှင်များအနေဖြင့် ကုန်အညွှန်းအမှတ်အသားများကို မဖြစ်မနေထည့်သွင်း ဖော်ပြရမည့် အချက် များ၊ လိုက်နာရမည့် ဥပဒေများအကြောင်းနှင့် ကုန်စည် ဝန်ဆောင်မှုများနှင့် ပတ်သက်၍ ဈေးကွက် မရောက်မီ Pre Market ဈေးကွက်စောင့်ကြည့်ခြင်းများကိုလည်း သက်ဆိုင်ရာဌာနများနှင့် ပူးပေါင်းပြီး ဆောင်ရွက်လျက်ရှိကြောင်း၊ စီးပွားရေးလုပ်ငန်းရှင်များ အနေဖြင့် စားသုံးသူကာကွယ်ရေး ဥပဒေပါ လုပ်ငန်းရှင်၏တာဝန်များနှင့် ကုန်အညွှန်းအမှတ် အသား ပြဌာန်းချက်များအား အလေးထား လိုက်နာဆောင်ရွက်မှုသာ လုံခြုံစိတ်ချရသော ကုန်ပစ္စည်း များအား ထုတ်လုပ်နိုင်မှာဖြစ်ပြီး စားသုံးသူများအား ဘေးအန္တရာယ်ကင်းရှင်းစေမှာဖြစ်ကြောင်းနှင့် နစ်နာဆုံးရှုံးမှုများဖြစ်ပါ်လာပါက တိုင်ကြားနိုင် မည့်နည်းလမ်းများကို အကျယ်တဝင့် ရှင်းလင်း ပြောကြားခဲ့ပါသည်။

DOCA (ဧရာဝတီ)

             ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှမြို့နယ်တာ၀န်ခံနှင့်၀န်ထမ်းတို့သည် ၂၀၂၅ခုနှစ်၊ ဒီဇင်ဘာလ၁၅ရက်နေ့၊ နံနက်(၁၀:၀၀)နာရီအချိန်တွင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌စာဖတ်ပြည်သူ(၁၃)ဦးအားSMEဖွံ့ဖြိုးတိုးတက်ရေးနှင့်ပတ်သက်၍အသိပညာပေးဟောပြောခြင်းကိုဆောင်ရွက်ခဲ့ပါသည်။
            အဆိုပါဟောပြောပွဲတွင်မြို့နယ်တာ၀န်ခံမှSMEလုပ်ငန်းဖွံ့ဖြိုးတိုးတက်ရေးအတွက်စားသုံးသူရေးရာဦးစီးဌာနမှဆောင်ရွက်ပေးလျက်ရှိသောလုပ်ငန်းရှင်များနှင့်လစဉ်တွေ့ဆုံ၍ထုတ်လုပ်သောကုန်စည်များအရည်အသွေးကောင်းမွန်စေပြီး ပြည်တွင်း၊ ပြည်ပဈေးနှုန်းဈေးကွက်ရရှိမှုအခြေအနေ များ၊ ခေတ်မီစက်ကိရိယာများ တပ်ဆင်အသုံးပြုရေး၊ ထုတ်လုပ်မှုနည်းပညာ‌များရရှိစေရေးအတွက် မိမိဌာနနှင့်သက်ဆိုင်ရာဌာနများမှဖွင့်လှစ်သောသင်တန်းများတက်ရောက်နိုင်ရေးဆောင်ရွက်ပေးမှုအခြေအနေများကိုဆွေးနွေးဟောပြောခဲ့ပါသည်။
           ထို့ပြင်SMEလုပ်ငန်းများဆောင်ရွက်ရာတွင် ထုတ်လုပ်သောကုန်ပစ္စည်းများတွင် မိမိတို့ဌာနမှ သတ်မှတ်ထားသောကုန်အညွှန်းအမှတ်အသားများဖော်ပြနိုင်ရေးအတွက်ဆောင်ရွက်ပေးမှုအခြေနေ များနှင့် ယ‌နေ့နိုင်ငံတော်အကြီးအကဲအ‌နေဖြင့်လည်း “တိုင်းရင်သားများ၏ စီးပွားရေးလုပ်ငန်းများ ဖွံ့ဖြိုး တိုးတက်အောင်ဆောင်ရွက်ရန်နှင့်  ပြည်တွင်းစီးပွား ရေးလုပ်ငန်းများတွင် အဓိကအားဖြင့် SMEလုပ်ငန်းများဖွံ့ဖြိုးတိုးတက်အောင်အားပေးကူညီဆောင်ရွက်သွားရန်”  လမ်းညွှန်မှုပြုထားသဖြင့်   MSME များ ဖွံ့ဖြိုးတိုးတက်စေရေး လုပ်ငန်းစဉ်များကို  အထူးအလေးထား ကြိုးစားဆောင် ရွက်ရမည်ဖြစ်ကြောင်းအသိပညာပေးဟောပြောခဲ့ကြောင်းသတင်းရရှိသည်။ 

DOCA (ဧရာဝတီ)