သတင်းနှင့် လှုပ်ရှားမှုများ

                 စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးနှင့် ဝန်ထမ်းများသည် ၂၀၂၅ ခုနှစ် ဒီဇင် ဘာလ ၁၆ ရက်နေ့ နေ့လည် (၁၄:၀၀)နာရီအချိန်တွင် ဟင်္သာတမြို့၊ ဆေးရုံဟောင်းလမ်း၊ တာကလေး ရပ်ကွက်ရှိ  ဟင်္သာညီနောင် နှင့် မေတ္တာရှင် အဆင့်မြင့်ခရီးသည်ပို့ဆောင်ရးလုပ်ငန်းများသို့ ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

          ထိုသို့စစ်ဆေးခဲ့ရာတွင် သယ်ယူပို့ဆောင်ရေးလုပ်ငန်းများ၌ အရည်အသွေးပြည့်မီသော ဝန် ဆောင်မှုများရရှိစေရန်၊ စားသုံးသူများစိတ်ကျေနပ်မှုရရှိအောင်ဆောင်ရွက်ပေးနိုင်ရန်၊သတင်းအချက် အလက်များ ပြည့်စုံမှန်ကန်စွာ ကြိုတင်အသိပေးချက်များရှိ/မရှိ၊ တိုင်ကြားမှုများအား ဖြေရှင်း ဆောင်ရွက်ပေးနိုင်ရန်နှင့် စားသုံးသူအခွင့်အရေး ပြည့်ဝစွာရရှိစေရန် ရည်ရွယ်၍ စစ်ဆေးခဲ့ကြောင်း၊ သယ်ယူပို့ဆောင်ရေးတာဝန်ခံများအနေဖြင့် စီးပွားရေးလုပ်ငန်းရှင်တာဝန်များအား လိုက်နာဆောင် ရွက်ရန်လိုအပ်ကြောင်း အသိပညာပေးဆွေးနွေးခဲ့ပြီး၊ ယာဉ်လိုင်းအသုံးပြုသည့် စားသုံးသူများ အနေဖြင့် အခြေခံလိုအပ်ချက်များအပေါ် စိတ်ကျေနပ်မှုရရှိစေရန် ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

(DOCA ဧရာဝတီ)

              စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးသည် ၂၀၂၅ ခုနှစ်၊ ဒီဇင်ဘာလ (၁၆)ရက် နေ့ နံနက်(၁၁:၃၀)အချိန်တွင် ဟင်္သာတမြို့နယ်၊ အမှတ်(၁)ရပ်ကွက်၊ ရုံးလမ်းရှိမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်းတွင်ဌာနဆိုင်ရာဝန်ထမ်းများနှင့် ရပ်ကွက်/ ကျေး ရွာအုပ်ချုပ်ရေးမှူးများအား အသိပညာပေး ဟောပြောခြင်းကိုဆောင်ရွက်ခဲ့ပါသည်။

          ထိုအစည်းအဝေးတွင် မြို့နယ်ဦးစီးမှူး ဦးမိုးကျော်က ဌာန၏ လက်ရှိ ဆောင်ရွက်လျက်ရှိသော လုပ်ငန်းတာဝန်များ၊ ရပ်ကွက်/ကျေးရွာရှိ ပြည်သူများအား ဆီဖြန့်ဖြူးရောင်းချပေးနေသည့် အခြေအနေများအား ဌာနမှကြီးကြပ်၍ စစ်ဆေးဆောင်ရွက်နေမှုများအား အကျယ်တဝင့် ရှင်းလင်းဆွေးနွေးခဲ့ပါသည်။ ဆက်လက်၍ဌာန၏ လက်ရှိဆောင်ရွက်နေသော ဆန်စပါး သိုလှောင်ရုံ မှတ်ပုံတင်ခြင်း ဆိုင်ရာ ကိစ္စရပ်များ၊ Online မှတစ်ဆင့် ကုန်စည်ရောင်းဝယ်ခြင်းဆိုင်ရာကိစ္စရပ်များ အကြောင်း၊ ဈေးကွက်စောင့်ကြည့်စစ်ဆေးခြင်းများ၊ သက်ဆိုင်ရာဌာနဆိုင်ရာများနှင့် ပူးပေါင်း၍ ကျေးလက်ဒေသ ဖွံ့ဖြိုးတိုးတက်စေရေး ပူပေါင်းဆောင်ရွက်လျက်ရှိကြောင်း၊ စားသုံးသူသတင်းပြန်ကြားရေးနှင့် တိုင် ကြားမှုလက်ခံဆောင်ရွက်ရေးစင်တာ(Consumer Information and Complaint Center) CICC ဖွင့်လှစ်ထားရှိမှုအခြေအနေကိုလည်ကောင်း၊ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက် များ အကြောင်း သိရှိလိုပါက www.doca.gov. mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း စသည် တို့ကိုအသိပညာပေးဟောပြောခဲ့ကြောင်း သိရှိရပါသည်။(DOCA ဧရာဝတီ)

           စားသုံးသူရေးရာဦးစီးဌာန ၊မြန်အောင်မြို့နယ်ဦးစီးမှူးရုံးမှဒု-ဦးစီးမှူးဒေါ်ယဉ်ယဉ်ထွန်းသည် (၁၅.၁၂.၂၀၂၅)ရက်နေ့ ၊ နံနက် (၁၁:၀၀)အချိန်တွင် သက်ဆိုင်ရာဌာနဆိုင်ရာများနှင့်ပူးပေါင်း၍ မြန်အောင်မြို့နယ်အတွင်းရှိ အခြေခံစားသောက်ကုန်အရောင်းဆိုင်များတွင် ဈေးနှုန်းမြှင့်တင်ရောင်းချ မှုရှိ/မရှိအား ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။

            ထိုသို့ကွင်းဆင်းရာတွင် မြန်အောင်မြို့နယ်အတွင်းရှိ အခြေခံစားသောက်ကုန်ပစ္စည်းများရောင်း ချနေသောဆိုင်များသို့ ဈေးနှုန်းမြင့်တက်မှုမရှိစေရေး၊ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေ ရေး၊ စားသုံးသူမိဘပြည်သူများဘေးအန္တရာယ်ကင်းရှင်းစွာအသုံးပြုနိုင်စေရန်၊ထုတ်ကုန်များလုံခြုံစိတ်ချရမှုရှိစေရန်၊ကုန်စည်၏အမျိုး အမည်၊ အသား တင် ပမာဏ၊ ထားသိုသိမ်းဆည်းမှု အညွှန်း များအား မြန်မာဘာသာဖြင့်ဖော်ပြရန်နှင့် ကုန်စည်များ ပေါ်တွင် ကုန်စည်အမျိုးအစားကို လိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ တို့ကိုစစ်ဆေးခဲ့ပြီး၊ အခြေခံ စားသောက်ကုန်ဈေးနှုန်းများအား ယခင်အပတ်နှင့် ယခုအပတ်နှိုင်းယှဉ်ပါကပြောင်းလဲမှုမရှိဘဲ ဈေးနှုန်း တည်ငြိမ်လျက်ရှိကြောင်း စိစစ်တွေ့ရှိရပါသည်။

(DOCA ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တာဝန်ခံ ဒေါ်ဇင်မာသန်း သည်(၁၆.၁၂.၂၀၂၅)ရက်နေ့၊ညနေ(၁၄;၀၀)အချိန်တွင်အိမ်မဲမြို့နယ်တာဝန်ခံရုံးတွင်အဝတ်အထည်လုပ်ငန်းရှင်များအား online Saleနှင့်ပတ်သက် သည့်စားသုံးသူအသိပညာပေးဟောပြောခဲ့ပါသည်။

                     ထိုသို့ဟောပြောဆွေးနွေးရာတွင် မြို့နယ်တာဝန်ခံမှ တက်ရောက်လာသော အဝတ်အထည်လုပ်ငန်းရှင်များအား မိတ်ဆက် စကားပြောကြားပြီး online Shopping မှတ်ပုံတင်လျှောက်ထားရန်အတွက် ကုမ္မဏီဖြစ်ပါက ကုမ္မဏီမှတ်ပုံတင် လက်မှတ်၊ SMEမှတ်ပုံတင်လက်မှတ်များတင်ပြရန်လိုအပ်ပြီး တစ်ဦးချင်းဖြစ်ပါကတင်ပြရန်မလိုကြောင်းရောင်းချမည့်ဆိုင်လိပ်စာမှန်ကန်ကြောင်းရပ်ကွက်ထောက်ခံ စာနှင့် ရဲစခန်းထောက်ခံစာ၊ လိုင်စင်ဓာတ်ပုံ၊ online sale owner၏ မှတ်ပုံတင်၊ နေထိုင်ကြောင်းလိပ်စာမှန်ကန်ကြောင်း၊ရပ်ကွက်ထောက်ခံစာ လျှောက်ထားရာတွင် email (သို့မဟုတ်)Mobile phone Number ဖြင့်Sing Up(Register)ပြုလုပ်၍ ဆောင်ရွက်ရမည်ဖြစ်ကြောင်း အွန်လိုင်းစနစ်ဖြင့် မှတ်ပုံတင်နိုင်ကြောင်းနှင့်  www.ecomreg.gov.mmမှတစ်ဆင့် မှတ်ပုံတင်လျှောက်ထား နိုင်ကြောင်း၊ online shopping မှတ်ပုံတင်လျှောက်ထားမှုမရှိပဲ online မှရောင်းဝယ်ခြင်း များစစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေပုဒ်မ(၅)အရအရေး ယူခံရမည်ဖြစ်ကြောင်း အသိပညာပေးဟောပြောဆွေးနွေးခဲ့ပါသည်။ ထိုဟောပြောပွဲသို့ အဝတ်အထည်လုပ်ငန်းရှင်(၁၀)ဦး တက်ရောက်ခဲ့ပါသည်။

DOCA (ဧရာဝတီ)

        ရန်ကုန်တိုင်းဒေသကြီး၊ သန်လျင်ခရိုင်အတွင်းရှိ သန်လျင်မြို့နယ်နှင့် ကျောက်တန်း မြို့နယ်တို့ရှိ ဓာတ်မြေဩဇာရောင်းချသည့် ဆိုင်များအား ယူရီးယားဓာတ်မြေဩဇာ (အလုံးကြီး) နှင့် Di Ammonium Phosphate အခြေခံ(၁၅)ပတ်လည် ဓာတ်မြေဩဇာများ သတ်မှတ်ရည်ညွှန်း ဈေးအပေါ် သယ်ယူစရိတ်အပါ အမြတ်ရာခိုင်နှုန်း(၈%)ထက်မပိုသော ဈေးနှုန်းများဖြင့် ရောင်းချနေခြင်းရှိ/ မရှိ သိရှိနိုင်ရန်အတွက် ခရိုင်ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ ခရိုင်စိုက် ပျိုးရေးဦးစီးဌာန၊ ခရိုင်ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန၊ ခရိုင်မြေ စာရင်းဦးစီးဌာန၊ ခရိုင်အသေးစားစက်မှုလက်မှုလုပ်ငန်း၊ မြို့နယ်အထွေထွေအုပ်ချုပ်ရေးဦးစီးဌာနနှင့် ခရိုင်စားသုံးသူရေးရာဦးစီးဌာနတို့ ပူးပေါင်း၍ ဒီဇင်ဘာလ(၁၇)ရက်နေ့၊ နံနက်(၁၀:၀၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရှိရသည်။

         မြေပြင်ကွင်းဆင်းစစ်ဆေးရာတွင် သန်လျင်မြို့နယ်နှင့် ကျောက်တန်းမြို့နယ်ရှိ ဓာတ်မြေဩဇာအရောင်းဆိုင်များတွင် ဆိုင်များအား ယူရီးယားဓာတ်မြေဩဇာ (အလုံးကြီး) နှင့် Di Ammonium Phosphate အခြေခံ(၁၅)ပတ်လည် ဓာတ်မြေဩဇာများ သတ်မှတ်ရည်ညွှန်းဈေး အပေါ် သယ်ယူစရိတ်အပါ အမြတ်ရာခိုင်နှုန်း (၈%)ထက်မပိုသောဈေးနှုန်းဖြင့်သာ ရောင်းချခြင်းပြုလုပ်ရန်နှင့် ဈေးနှုန်းမြှင့်တင်ရောင်းချခြင်း မပြုလုပ်ရန် အသိပညာပေးကွင်းဆင်းစစ်‌ဆေးခဲ့ကြောင်း သိရှိရပါသည်။

DOCA(ရန်ကုန််)