သတင်းနှင့် လှုပ်ရှားမှုများ

           ၉.၂.၂၀၂၆ ရက်နေ့၊ နံနက် (၁၁:၃၀) နာရီအချိန်တွင်   စားသုံးသူရေးရာဦးစီးဌာန၊ ရန်ကုန် အရှေ့ပိုင်းခရိုင်ဦးစီးမှူးရုံးမှ စစ်ဆေးရေးအရာရှိ ဦးသိန်းထွန်းနှင့် ဝန်ထမ်းများသည် မြို့နယ်စည် ပင်သာယာရေးဦးစီးဌာနတို့ ပူးပေါင်း၍ တောင်ဒဂုံမြို့နယ် (Toe Toe) အားလူးကြော်လုပ်ငန်းအား ဈေးကွက်မရောက်မီ ထုတ်ကုန်လုံခြုံစိတ်ချမှုရှိစေရန်အတွက် ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

            ထိုသို့ ဈေးကွက်စောင့်ကြည့်စစ်ဆေးရာတွင် (Toe Toe) အားလူးကြော်လုပ်ငန်းအနေဖြင့် သက်ဆိုင်ရာဌာန၏ ထောက်ခံချက်များနှင့် ကုန်အညွှန်းအမှတ်အသားပြည့်စုံစွာဖော်ပြထားသည်ကို စစ်ဆေးတွေ့ရှိရပါသည်။ ထို့နောက်စစ်ဆေးရေးအရာရှိနှင့် ဌာနဆိုင်ရာတာဝန်ရှိသူများသည် လုပ်ငန်းရှင်အား စားသုံးသူများဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ ထုတ်လုပ်မှုအဆင့်တိုင်းတွင်သန့်ရှင်းသပ်ရပ်မှုရှိစေရန်၊ စီးပွားရေးလုပ်ငန်းရှင်များအား ပစ္စည်းများ၏ ထုတ်ပိုးမှုအပြင်အဆင်ပေါ်တွင်စားသုံးသူကာကွယ်ရေးဥပဒေ ပါအခန်း (၁၈) ၌ပါရှိသည့် ကုန်အညွှန်းအမှတ်အသားများပြည်စုံစွာပါရှိစေရန်နှင့် စားသုံးသူကာကွယ်‌ရေးဥပဒေပါ စားသုံးသူများရရှိနိုင်မည့်အခွင့်အရေးများ၊ လိုက်နာရမည့်တာဝန်များ၊ စီးပွားရေးလုပ်ငန်းရှင်များလိုက် နာရမည့်တာဝန်များ၊ တားမြစ်ချက်များကို အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဒေါ်သစ္စာဖူး(ဦးစီးအရာရှိ) ဦးဆောင်၍ ၂၀၂၆ ခုနှစ်၊ ဖေဖော်ဝါရီလ(၂၁)ရက်နေ့ နံနက်(၁၀:၃၀)နာရီအချိန်တွင် လွိုင်ကော်မြို့ပေါ်ရှိ အလှကုန် ပစ္စည်းအမျိုးမျိုးရောင်းချနေသော ဒေါ်လှလှသန်း၊ Honey၊ နွေကံ့ကော် အရောင်းဆိုင်(၃)ဆိုင်အား မြန်မာ နိုင်ငံစားသုံးသူကာကွယ်ရေးကော်မရှင်၏(  ၂/၂၀၁၉  )ပါ ကုန်အညွှန်းအမှတ်အသားသတ်မှတ်ချက် များနှင့် ကိုက်ညီမှုရှိ/မရှိ သက်ဆိုင်ရာမိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေး ဆောင်ရွက်ခဲ့ပါသည်။

          ထိုသို့ဈေးကွက်စောင့်ကြည့်စစ်ဆေးရာတွင် လွိုင်ကော်မြို့ပေါ်ရှိ အလှကုန်ပစ္စည်းအမျိုးမျိုး ရောင်းချနေသော ဒေါ်လှလှသန်း၊ Honey၊ နွေကံ့ကော် အရောင်းဆိုင်( ၃ )ဆိုင်၌ မြန်မာနိုင်ငံစားသုံးသူ ကာကွယ်ရေးကော်မရှင်၏( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှု ရှိသော အလှကုန်ပစ္စည်းများကိုသာ တင်သွင်းဖြန့်ဖြူးရောင်းချနေသည်ကို စစ်ဆေးတွေ့ရှိရပြီး အလှ ကုန်ပစ္စည်းအမျိုးမျိုး ရောင်းချနေသော အရောင်းဆိုင်ပိုင်ရှင်များအနေဖြင့် ကုန်အညွှန်းအမှတ်အသား သတ်မှတ်ချက်များနှင့် ကိုက်ညီမှုရှိသော အလှကုန်ပစ္စည်းများသာ တင်သွင်းရောင်းချကြရန်၊ ဈေးနှုန်း မြှင့်တင်ရောင်းချခြင်းမပြုရန်၊ စီးပွားရေးလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းများနှင့်အညီ ဖြောင့်မတ်မှန်ကန်စွာ ဆောင်ရွက်ကြရန်နှင့် လုပ်ငန်းရှင်များအနေဖြင့်  အွန်လိုင်းစနစ်ဖြင့်ရောင်းချ ခြင်းလုပ်ငန်းများအတွက် မှတ်ပုံတင်ခြင်း လုပ်မည်ဆိုလျှင် မိမိတို့အနေဖြင့် ချိတ်ဆက်ဆောင် ရွက်ပေးမည်ဖြစ်ကြောင်း၊ အမိန့်နှင့်ညွှန်ကြားချက်များနှင့် အွန်လိုင်းစနစ်ဖြင့် ရောင်းချရာတွင် မှတ်ပုံတင်နိုင်ရေးအတွက် ကြိုတင်ပြင်ဆင်ထားသင့်သည့် အချက်အလက်များ၊ လျှောက်ထားရာတွင် သတိပြုရမည့်အချက်များ၊ ကုန်စည်အုပ်စုနှင့် ဝန်ဆောင်မှုအုပ်စု သတ်မှတ်ချက်များ၊ eComReg System အွန်လိုင်းစနစ်ဖြင့်ရောင်းချခြင်း မှတ်ပုံတင် လက်မှတ်လျှောက်ထား၊ ထုတ်ယူပုံအဆင့်ဆင့်အား အသိပညာပေး ဈေးကွက်စောင့်ကြည့် စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

             ဖျာပုံခရိုင်၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည် ၂၀၂၆ခုနှစ်၊ ဖေဖော်ဝါရီလ (၁၀) ရက်နေ့၊ နံနက် (၁၀:၀၀) နာရီအချိန်တွင် ဆီလုပ်ငန်းရှင်အသင်းနှင့် တွေ့ဆုံဆွေးနွေးမှုများ ပြုလုပ်ခဲ့ကြပါသည်။

       ဆီကုန်သည်နှင့် ဆီလုပ်ငန်းရှင်အသင်း (ယာယီ) ကို ၂၀၂၄ ခုနှစ် ဖေဖော်ဝါရီလ (၁၆) ရက်နေ့တွင် ဆီလုပ်ငန်းရှင်အသင်းကို (၁၁) ဦးဖြင့် ဥက္ကဌ ၊ ဒု- ဥက္ကဌ၊ အတွင်းရေးမှူး၊ဘဏ္ဍာရေးမှူး၊ စာရင်းစစ်၊ အမှုဆောင်အဖွဲ့ဝင်များဖြင့် အသင်းဖွံ့ဖြိုးတိုးတက်အောင် ဆောင်ရွက်နေပါကြောင်း မြို့နယ်အနေဖြင့် ဆီလက်လီ/လက်ကား ကိုယ်စားလှယ်များအား ကျေးရွာ၊ ရပ်ကွက် အိမ်ထောင်စုများအား ဆီစာအုပ်များဖြင့်ရောင်းချရာတွင် ဈေးနှုန်းမှန်ကန်စွာရောင်းချရေး၊ အရည်အသွေး ပြည့်ဝသော ဆီများအားအလေးချိန်ခွင် မှန်ကန်စွာရောင်းချရေး၊ သတ်မှတ်ရည်ညွှန်းဈေးနှုန်းအတိုင်း ဗီနိုင်းများချိတ်ဆွဲ၍ရောင်းချခြင်းရှိ/ မရှိကို စားသုံးသူဌာနနှင့်ပူး ပေါင်း၍ အပတ်စဉ်၊ လစဉ် ကွင်းဆင်းရာတွင် ပူးပေါင်းဆောင်ရွက်နိုင်ရေးကိုစားသုံးသူပြည်သူများအား စိတ်ကျေနပ်စွာရောင်းချပေးကြရန် ဆီအသင်းကြီးမှ ကြီးကြပ်ဆောင်ရွက်ပေးရန်လိုကြောင်း တွေ့ဆုံဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

        စားသုံးသူရေးရာဦးစီးဌာန ဘိုကလေးမြို့နယ်တာဝန်ခံနှင့် ဝန်ထမ်းတို့သည် ဆန်စပါး ကြီးကြပ်ရေးအဖွဲ့ ဦးဆောင်မှုဖြင့် ၂၀၂၆ ခုနှစ်၊ ဖေဖော်ဝါရီလ (၁၁) ရက်နေ့ နံနက်(၁၀:၀၀) နာရီအချိန်တွင် ဘိုကလေးမြို့ပေါ်ရှိ ဆန်လက်လီ/ ကား အရောင်းဆိုင်များသို့ ကွင်းဆင်းစိစစ်ခဲ့ကြပါသည်။

         ထိုသို့ကွင်းဆင်းစစ်ဆေးရာတွင် ဘိုကလေးမြို့ပေါ်ရှိ ဆန်လက်လီ/ ကား အရောင်းဆိုင် များ၌ ပြည်တွင်းဆန်စပါး ဈေးကွက်အတွင်းဈေးနှုန်းမြှင့်တင်ရောင်းချခြင်း မဖြစ်ပေါ်စေရေး၊ သိုလှောင်ဈေး ကစားမှုများမဖြစ်ပေါ်စေရေး၊ ဈေးနှုန်းတည်ငြိမ်မှန်ကန်စေရေးတို့အတွက် မြို့နယ်ဆန်/စပါး ကြီးကြပ်ရေးအဖွဲ့များ၊ မိတ်ဖက်အဖွဲ့ဝင်များနှင့် ပူးပေါင်း၍ ကွင်းဆင်းစိစစ် ဆောင်ရွက်ရာတွင် မြို့ပေါ်ရှိဆန်အရောင်းဆိုင်များမှ ဈေးနှုန်းမြှင့်တင်ခြင်း၊ ဈေးကစားရန်သို လှောင်ခြင်းများမရှိပါကြောင်း သတင်းရရှိပါသည်။

DOCA(ဧရာဝတီ)

          ကျိုက်တ်မြို့ပေါ်ရှိ “အောင်ချမ်းသာ” ဆန်ဆိုင်၊ “အောင်” ဆန်ဆိုင် ၊ “ကိုကျေိာ်လင်း+ မဝါဝါမျိုး” ဆန်ဆိုင်များတွင် သတ်မှတ်ထားသော ရည်ညွှန်းဈေးဖြင့် ရောင်းချခြင်းရှိိ/မရှိ နှင့် ဆန်လက်ကျန်အခြေ အနေများကို စားသုံးသူရေးရာဦးစီးဌာန၊ စည်ပင်သာယာရေး အဖွဲ့ ၊ မြို့နယ်စီမံ ခန့်ခွဲရေးနှင့် အုပ်ချုပ် ရေးကော်မတီအဖွဲ့၊ ဆန်/စပါး ကုန်သည်လုပ်ငန်းရှင်အဖွဲ့ နှင့် ဆန်/စပါးကြီးကြပ်ရေးအဖွဲ့တို့သည် ကျိုက်လတ်မြို့ဆန်ဆိုင်များအား ကွင်းဆင်းစိစစ်ခဲ့ကြပါသည်။

          ထိုသို့ ကွင်းဆင်းဆောင်ရွက်ရာတွင် ကျိုက်လတ်မြို့ပေါ်ရှိ ဆန်ဆိုင်များတွင် ရောင်းချနေသော ဆန်များကို ဈေးနှုန်းမြှင့်တင်ရောင်းချခြင်းမရှိဘဲ သတ်မှတ်ထားသော ရည်ညွှန်းဈေးဖြင့် ရောင်းချနေကြောင်းနှင့် ဆန်လက်ကျန်များကို စိစစ်ကောက်ယူခဲ့ကြောင်း သတင်းရရှိခဲ့ပါသည်။

DOCA(ဧရာဝတီ)