သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ ညောင်ဦးခရိုင်တာဝန်ခံသည် စားသုံးသူကာကွယ်ရေးဥပဒေပါ အကြောင်းအရာများအား ကျောင်းနေအရွယ်ကလေးသူငယ်များနှင့်ဆရာ၊ဆရာမများ၊ ကျောင်းသား မိဘများ၊ ကျောင်းမုန့်ဈေးတန်းရောင်းချသူများအားလုံး သိရှိလိုက်နာစေရေးအတွက် (၁၃.၈. ၂၀၂၅)ရက်နေ့၊ နံနက် ၀၉:၀၀ နာရီ အချိန်တွင် ညောင်ဦးမြို့ရှိ အမှတ်(၂) အခြေခံပညာ မူလတန်းလွန် ကျောင်း၌ အသိပညာပေးဟောပြောပွဲအား ကျင်းပပြုလုပ်ခဲ့ပါသည်။

           အဆိုပါအသိပညာပေး ဟောပြောပွဲတွင် စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးမှ ခရိုင်တာဝန်ခံ ဦးတင်မျိုးခိုင်(ဦးစီးအရာရှိ)က စားသုံးသူကာကွယ်ဥပဒေပြဌာန်း ပေါ်ပေါက်လာပုံ အကြောင်း၊ ဥပဒေပြဌာန်းရခြင်း၏ ရည်ရွယ်ချက်များ၊ အသိပညာပေးဟောပြောပွဲ များဆောင်ရွက်ရ ခြင်း၏ ရည်ရွယ်ချက်များကိုလည်းကောင်း၊ စားသုံးသူကာကွယ်ရေးဥပဒေပါ စားသုံးသူ၏ အခွင့် အရေးနှင့် တာဝန်များအကြောင်း၊ ကုန်စည်နှင့်ဝန်ဆောင်မှုများ သုံးစွဲခြင်းကြောင့်နစ်နာဆုံးရှုံးမှုများဖြစ် ပေါ်လာပါက အရေးဆိုတိုင်ကြားနိုင်သည့် အခြေအနေများ၊ ကုန်စည်နှင့်ဝန်ဆောင်မှုများကို ဝယ်ယူသုံး စွဲရာတွင် သေချာစွာစိစစ်ကြည့်ရှု့ဝယ်ယူရမည့် ကုန်အညွှန်းအမှတ်အသားများအကြောင်းနှင့်  ကျောင်း သား/ကျောင်းသူများအနေဖြင့် ငယ်ရွယ်သူများဖြစ်သည့်အတွက် ကျန်းမာရေးကို အထူးဂရုပြုရမည်ဖြစ် ပါကြောင်း၊ ကျန်းမာမှသာ မိမိတို့သည် ကျောင်းပညာများနှင့်အခြားပညာရပ်များကို သင်ယူတတ် မြောက်နိုင်မည်ဖြစ်သည့်အတွက် ကျန်းမာရေးနှင့်ညီညွတ်သော အစားအသောက်များကိုသာ စားသုံး ကြရန်၊ အစားအစာများ၊ အသုံးအဆောင်ပစ္စည်းများကို ဝယ်ယူစားသောက်သုံးစွဲရာတွင် သက်ဆိုင် ရာဌာနများ၏ ထောက်ခံချက်ပါသော၊ ကုန်အညွှန်းအမှတ်အသားများပြည့်စုံစွာပါဝင်သော ကုန်စည် များကိုသာ ရွေးချယ်ဝယ်ယူကြရန်လိုအပ်ပါကြောင်းနှင့် ကျောင်းသား၊ကျောင်းသူများမှတ်သား၍ လွယ်စေရန် ဘ-၅ လုံးဖြင့်ရှင်းလင်း၍ နစ်နာဆုံးရှုံးမှုများဖြစ်ပေါ်လာလျှင် တိုင်ကြားနိုင်သည့် နည်းလမ်းများ စသည်ဖြင့် အသိပညာဟောပြောဆွေးနွေးခဲ့ရာ ဟောပြောပွဲသို့ ဆရာ/ဆရာမ(၁၃)ဦးနှင့် ကျောင်းသား/ကျောင်းသူ(၅၅၀)ဦး၊ ကျောင်းသားမိဘနှင့်ကျောင်းမုန့်ဈေးရောင်းချသူ(၆)ဦး၊ စုစုပေါင်း (၅၆၉)ဦး တက်ရောက်ခဲ့ကြောင်း သိရသည်။

           ယခုလို အသိပညာပေးဟောပြောပွဲများဆောင်ရွက်ပေးခြင်းဖြင့် ငယ်ရွယ်စဉ်အချိန်မှစ၍ ကုန်စည်များကို ဝယ်ယူသုံးစွဲစားသောက်ရာတွင် ဘေးအန္တရာယ်ကင်းစွာ လုံခြုံစိတ်ချရမှုရှိသော ကုန်စည်များကို ရွေးချယ်သုံးစွဲလာတတ်စေပြီး ကျန်းမာကောင်းမွန်သောဘဝများကို ရရှိလာမှာဖြစ် သလို တစ်ဖက်မှလည်း လုံခြုံစိတ်ချရမှုမရှိသော၊ အရည်အသွေးမမီသောကုန်စည်များ ဈေးကွက် အတွင်းမှ လျော့နည်းပပျောက်သွားကာ စီးပွားရေးလုပ်ငန်းရှင်များသည် အရည်အသွေးပြည့်မီသော ကုန်စည်များကိုသာ ထုတ်လုပ်လာခြင်းဖြင့် ကုန်ထုတ်လုပ်မှုလုပ်ငန်းများ ဖွံ့ဖြိုးတိုးတက်လာမှာဖြစ်ပါ သည်။

DOCA(မန္တလေး)

          စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဝန်ထမ်းများသည် (၁၈.၈.၂၀၂၅)ရက်နေ့ နံနက်(၀၉:၃၀) နာရီအချိန်တွင် အင်းစိန်မြို့နယ်ရှိ ဆေးဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် အခြေခံစားကုန်များ၊ ဆေးဝါးများဈေးနှုန်းတည်ငြိမ်ရေး ဈေးကွက်အတွင်းပစ္စည်းပြတ်လပ်မှုမရှိစေရေး အလေးထားဆောင်ရွက်လျက်ရှိရာ အိမ်သုံးဆေးဝါးများ ဈေးကွက်အတွင်းပြတ်လပ်မှုရှိ/ မရှိ စစ်ဆေးခြင်း၊ စီးပွားရေးလုပ်ငန်းရှင်များအနေဖြင့် သက်ဆိုင်ရာဌာနမှ ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊ အစားအသောက်နှင့်ဆေးဝါးကွပ်ကဲရေးဉီးစီးဌာန၏ ထောက်ခံချက်မရှိသော ဆေးဝါးများ၊ အာမခံချက်မရှိသော တရားမဝင်ဆေးဝါးများကို ရောင်းချခြင်းမပြုရန် အသိပညာပေး ဆွေးနွေးခဲ့ကြောင်း သိရှိရပါသည်။

DOCA (ရန်ကုန်)

            ၁၈.၈.၂၀၂၅ ရက်နေ့ နံနက်(၁၀:၄၀) နာရီအချိန်တွင် စားသုံးသူရေးရာဉီးစီးဌာန၊ မြောက်ပိုင်းခရိုင် ဉီးစီးမှူးရုံးမှ ဒေါ်နီလာဝင်း၊ ဉီးစီးမှူးပါ(၃)ဦး၊ အမှတ်(၉၄)၊ ကာယ(၅)လမ်း၊ မင်္ဂလာဒုံမြို့နယ်ရှိ Nautural Power Organic Fertillizer သို့ အွန်လိုင်းမှတ်ပုံတင်ခြင်းနှင့် စပ်လျဉ်း၍ မြေပြင်ကွင်းဆင်းစစ်ဆေးခဲ့ပါသည်။

           ထိုသို့ကွင်းဆင်းစစ်ဆေးခဲ့ရာ အွန်လိုင်းစနစ်ဖြင့် ရောင်းချနေသော လုပ်ငန်းရှင်များသို့ မှတ်ပုံ တင် လက်မှတ်လျှောက်ထားသူနှင့်စပ်လျဉ်း၍ မြေပြင်ကွင်းဆင်းဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့်လိပ်စာအတိုင်း လုပ်ငန်းအမှန်တကယ်တည်ရှိခြင်း ရှိ/မရှိ၊ မှတ်ပုံတင်လက် မှတ်လျှောက်ထားစဉ်က ရောင်းချရန် တင်ပြထားသော ကုန်စည်(သို့)ဝန်ဆောင်မှုအမျိုးအစား၊ စာရင်းအတိုင်းမြေပြင်တွင် အမှန်တကယ် ရောင်းချနေသော စာရင်းကိုက်ညီမှုရှိ/မရှိတို့ကို စစ်ဆေးခဲ့ပြီး စားသုံးသူကာကွယ်ရေးဥပဒေပါ ကုန်စည်ပေါ်တွင် ဖော်ပြပါရှိရမည့်ကုန်အညွှန်းအမှတ်အသားဖော်ပြ မှုတို့ကို ကွင်းဆင်းစစ်ဆေး ခဲ့ကြောင်း သိရှိရပါသည်။

DOCA (ရန်ကုန်)

           စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့ အမှတ်(၁)အခြေခံပညာအထက်တန်း ကျောင်းတွင် သန့်ရှင်းသာယာလှပရေးအတွက် ဌာနဆိုင်ရာများ အပတ်စဉ်စုပေါင်းသန့်ရှင်းရေး ဆောင်ရွက်ခြင်းကို ဩဂုတ်လ ၁၆ ရက် နံနက် ၀၇:၀၀နာရီက ကျင်းပပြုလုပ်ခဲ့ကြောင်း သိရသည်။

        ထိုသို့စုပေါင်းသန့်ရှင်းရေးဆာင်ရွက်ရာတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးစောထွန်းဦးနှင့်အဖွဲ့ဝင်များ၊ ခရိုင်/မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ စားသုံး သူရေးရာဦးစီးဌာနမှ တာဝန်ခံဦးမျိုးဝင်းသန်းနှင့် ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ် တပ်ဖွဲ့ဝင်များ၊ စည်ပင်သာယာရေးအဖွဲ့၊ ခရိုင်/မြို့နယ်ဌာနဆိုင်ရာဝန်ထမ်းများ၊ ဆရာ/ဆရာမများ စုစုပေါင်းအင်အား(၃၀၀)ခန့်က အထက(၁)ကျောင်းဝင်းအတွင်း အမှိုက်များနှင့်ခြုံနွယ်များရှင်းလင်း ခြင်း၊ တံမြက်စည်းလှဲခြင်း၊ သစ်ကိုင်းသစ်ခက်များ ခုတ်ထွင်ရှင်းလင်းခြင်းတို့ကို စုပေါင်းဆောင်ရွက်ခဲ့ ကြောင်း သိရသည်။

DOCA (စစ်ကိုင်း)      

     ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံသည် (၁၄.၈.၂၀၂၅) ရက်နေ့နံနက်( ၉:၃၀ ) နာရီတွင် ဒေါ်သိမ့်သိမ့်စန်းဌေး ၊ လဲကျေးရွာရှိ ရတနာ စိုက်ပျိုးရေးပစ္စည်း ရောင်းဝယ်ရေးနှင့်တွေ့ဆုံ၍ စားသုံးသူကာကွယ်ရေး ဥပဒေပါ ကုန်အညွှန်းအမှတ်အသားများ ဖေါ်ပြမှုရှိစေရေးနှင့် ဓါတ်မြေသြဇာ များရောင်းချမှု့နှင့် စျေးနှုန်းများကောက်ယူဆွေးနွေးမှုများဆောင်ရွက်ခဲ့ပါသည်။

    ဓါတ်မြေဩဇာစျေးနှုန်းများ စူစံတံဆိပ်လုံးသေးတစ်အိတ်လျှင် (120000/)အကြီး တစ်အိတ်လျှင် (110000/)၊ ကောမတ် (46) တစ်အိတ်လျှင် (110000/) နှင့် R မို(၁၅) ပတ်လည် တစ်အိတ်လျှင် ( 135000/ ) တို့နှင့်ရောင်းချကြောင်း သိရှိရပါသည်။

DOCA(ပဲခူး)