သတင်းနှင့် လှုပ်ရှားမှုများ

                  ကျောက်ဆည်ခရိုင် ၊ စားသုံးသူရေးရာဦးစီးဌာနမှ စစ်ဆေးရေးအရာရှိများသည် ဒီဇင်ဘာလ (၁၇)ရက်နေ့တွင် မြို့နယ်စည်ပင်သာယာရေးအဖွဲ့ နှင့် ပူးပေါင်း၍ တံတားဦးမြို့ရှိ  စားသုံးဆီ အရောင်းဆိုင်များသို့သွားရောက်ပြီး စျေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါ သည် ။ ထိုသို့စစ်ဆေးရာတွင် ဆီဆိုင်များအနေဖြင့် စီးပွား‌ရေးနှင့်ကူးသန်းရောင်းဝယ်ရေးဝန်ကြီး ဌာနမှ ထုတ်ပြန်ထားသည့် ညွှန်ကြားချက်အမှတ်(၁/၂၀၂၁)အား လိုက်နာရမည်ဖြစ်ကြောင်း ၊ ပဲဆီ ၊ နေကြာဆီ ၊ နှမ်းဆီ နှင့် ဟင်းသီးဟင်းရွက်ဆီများအား Packaging ဘူးများဖြင့်ရောင်းချရာတွင် ပင်ရင်းပါဝင်ပစ္စည်းကို အခြေခံသော ကုန်စည်၏ အမျိုးအမည်ကို တိကျစွာ မြန်မာဘာသာဖြင့် ဖော်ပြရမည်ဖြစ်ကြောင်း ၊ ဥပမာ အနေဖြင့် ဟင်းသီးဟင်းရွက်ဆီ(စားအုန်းဆီ)၊ ဟင်းသီးဟင်းရွက်ဆီ (အဆင့်မြင့်စားအုန်းဆီ)ဟု ဖော်ပြရမည်ဖြစ်ပြီး ကုန်စည်၏အသားတင်ပမာဏ နှင့် အရွယ်အစားတို့ကို မြန်မာအလေးချိန် ယူနစ်ဖြစ်သောပိဿာ၊ကျပ်သားအားမြန်မာဘာသာဖြင့်ဖော်ပြရမည်ဖြစ်ကြောင်း ၊ နိုင်ငံတော်မှ သတ်မှတ်ပေးသည့် ရည်ညွှန်းစျေးဖြင့် ရောင်းချသည့် ဆီဆိုင်များအနေဖြင့် ခွဲတမ်းရရှိ သောစားအုန်းဆီများကို ရည်ညွှန်းစျေး ၊ သယ်ယူပို့ဆောင်ခ ကုန်ကျစရိတ်များ ပေါင်းပြီး ၂ ရာခိုင်နှုန်း အထက်ပိုပြီးရောင်းချခြင်းမရှိရန်လိုအပ်ကြောင်း၊ထိုသို့ရောင်းချရာတွင် ဆီအရည်အသွေး၊အလေးချိန်ပြည့်ဝအောင်ရောင်းချရန်ပြောကြားခဲ့ကြောင်း သတင်းရရှိပါသည်။

DOCA(မန္တလေး)                                                                             

    ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာကော်မတီ၏ တတိယအကြိမ်မြောက် လုပ်ငန်း ညှိနှိုင်းအစည်းအဝေးကို (၁၇.၁၂.၂၀၂၅) ရက်နေ့ နေ့လယ်  (၁၄:၀၀)နာရီတွင် မအူပင်ခရိုင် အထွေထွေ အုပ်ချုပ်ရေး ဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့ပါသည်။

     အစည်းအဝေးတွင် မအူပင် ခရိုင်စားသုံးသူရေးရာကော်မတီဥက္ကဌ မှ အဖွင့်အမှာစကားပြောကြားရာ ပြည်သူများ နေ့စဉ်အသုံးပြုလျက်ရှိသော အစားအသောက်၊ ဆေးဝါး၊ လူသုံးကုန်ပစ္စည်း သုံးစွဲမှုဟာ ဘေးအနွတရာယ် ကင်းရှင်းရန် အရေးကြီးကြောင်း၊ စားသုံးသူသည် အဓိက သုံးစွဲသူဖြစ်၍ အသိပညာပေးခြင်းလုပ်ငန်းများကို ကျယ်ကျယ်ပြန့်ပြန့်ဟောပြောနိုင်ရန်လိုအပ်ကြောင်း၊ မိမိတို့’ အခွင့်အရေးကို သိရှိနိုင်ရန်လိုအပ်ကြောင်း၊ အခွင့်အရေး ကို မှန်ကန်စွာ‌တောင်းဆိုတက်ရန် လိုအပ်ကြောင်း၊ ဈေးကွက်အတွင်း ဘေးအန္တရာယ်ရှိသော ထုတ်ကုန် များ ပပျောက်ရန်လိုအပ်ကြောင်း၊ ဦးစားပေး ကုန်စည် ၁၀မျိုးကို လစဉ် မပျက်ကွင်းဆင်းစစ်ဆေး၍ တွေ့ရှိချက် များကို ကော်မတီတွင် တင်ပြဆွေးနွေးရန်လိုအပ်ကြောင်း၊ သို့မှ သာ ပပျောက်နိုင်မည်ဖြစ်၍ စားသုံးသူ အခွင့်အရေးနှင့် အကျိုး စီးပွာကာကွယ်ရေးလုပ်ငန်းသည် အဓိကအလေးထား ဆောင်ရွက်ပေးဖို့ လိုအပ်ကြောင်း ကိုပြောကြားခဲ့ပြီး တက်ရောက်လာသူများမှ အသီးသီးဆွေးနွေးကြရန်ပြောကြားခဲ့ပါသည်။

    ဆက်လက်၍  အတွင်းရေးမှူး မှ အထက်ဌာနများ၏ ညွှန်ကြားချက်များနှင့် အမှာစာများကိုဆွေးနွေးခဲပြီး အခြား သက်ဆိုင်ရာဌာနအဖွဲ့ဝင်များက ဆက်သွယ်ရေး အင်တာနက်ဝန်ဆောင်မှု လုပ်ငန်းများကို မကြာခဏ စစ်ဆေး ဆောင်ရွက်ရန်လိုအပ်ကြောင်း၊ အများပြည်သူသုံး သယ်ယူပို့ဆောင်ရေးလုပ်ငန်းမျာအားလည်း စားသုံးသူများ လိုအက်ဆန္ဒနှင့်အညီ လုံခြုံချောမွေစွာပိုဆောင်နိုင်ရေး၊ သတ်မှတ်ဦးရေထက်ပိုမိုတင်ဆောင်ခြင်း မပြုရန်၊ တန်စာခ ပေး၍ ပိုဆောင်ရသော လုပ်ငန်းများ မှန်ကန်စိတ်ချစွာ ပို့ဆောင်နိုင်ရေး စားသုံးသူအခြေခံလိုအပ်ချက်အပေါ် ကျေနပ်မှု ရှိစွာ ဝန်ဆောင်မှုပေးနိုင်ရေး ကို ကွင်းဆင်းစစ်ဆေးဆောင်ရွက်ရန် ရှင်းလင်းပြီး မိတ်ဖက်ဌာနများကပါ ပူးပေါင်းပါဝင် စစ်ဆေးစေလိုကြောင်းကို ဆွေးနွေးတင်ပြခဲ့သည်။

    ဆက်လက်၍ တက်ရောက်လာသော အဖွဲ့ဝင်အသီးသီးတို့မှ သိလိုသည်များတင်ပြ မေးမြန်း ဆွေးနွေး ဆောင်ရွက်ခဲ့ကြပြီး အခြေခံလူတန်းစားမှ ၊ အလွှာအသီးသီး လူတန်းစားမခွဲခြားပဲ စားသုံးသူ တန်းတူ အခွင့်အရေး ရရှိရေး အခြေခံအဆင့်ဆင့် ဆွေးနွေးတင်ပြနိုင်ရန်လိုအပ်ကြောင်း အထက်ဌာန၏ အမိန်၊ ညွှန်ကြားချက်များနှင့် အညီ ဆောင်ရွက်ရန်ကို အသိပေးမှာကြား ဆွေးနွေးခဲ့ပြီး အစည်းအဝေးကို (၁၅:၄၅)နာရီတွင် ရုတ်သိမ်းခဲ့ကြောင်း သိရပါသည်၊၊

DOCA(ဧရာဝတီ)

     မအူပင်ခရိုင်၊ ညောင်တုန်းမြို့နယ် တူးချောင်းကျေးရွာ အခြေခံပညာ အလယ်တန်းအဆင့် ကျောင်းသား လူငယ်များကို လူငယ်ရေးရာအသိပညာ ဟောပြောပွဲ အခန်းအနားတွင် စားသုံးသူကာကွယ်ရေးဥပဒေအကြောင်းနှင့် ကုန်အညွှန်အညွှန်းအသားအကြောင်း အသိပညာပေးခြင်းကို ၁၇-၁၂-၂၀၂၅ ရက်နေ့ နံနက် (၁၀:၁၅) အချိန်က ကျန်းမာရေးဦးစီးဌာနနှင့်အတူ စားသုံးသူရေးရာဦးစီးဌာနတို့ ဟောပြောဆွေးနွေးခဲ့ကြောင်း သိရသည်။

    အသိပညာပေးပွဲတွင် ကျောင်းအုပ်ဆရာကြီးက အမှာစကားပြောကြားပြီးနောက် ကျောင်းသား၊သူများ အသိပညာပေးရာတွင် မှတ်မိလွယ်အောင် ဘဝတစ်လျောက် အသိပညာပြန်အသုံးချတက်စေရန် လေ့လာမှတ်သား ရန်ကို မှာကြားပြောကြားခဲ့ပြီးနောက် စားသုံးသူရေးရာဦးစီးဌာနက  ဒေါ်ချိုမီဇင် ဒုဦးစီးမှူးက က စီးပွားရေးနှင့်ကူး သန်းရောင်းဝယ်ရေးဝန်ကြီးဌာန၏ လုပ်ငန်းဆောင်ရွက်မှုများနှင့် စားသုံးသူရေးရာဦးစီးဌာန ဖြစ်ပေါ်လာပုံသမိုင်း ကြောင်းကို လည်း ကောင်း၊ ဥပဒေရေးဆွဲဖြစ်ပေါ်သည့် အကြောင်းကိုလည်းကောင်း၊ စားသုံးသူကာ ကွယ်ရေး ဥပဒေ သည် (၂၀၁၉ ခုနှစ်၊ ပြည်ထောင်စုလွှတ်တော်ဥပဒေအမှတ် ၉ ။)၁၃၈၀ ပြည့်နှစ်၊ တပေါင်းလဆန်း ၁၀ ရက်(၂၀၁၉ ခုနှစ်၊ မတ်လ ၁၅ ရက်)က ထုတ်ပြန်ခဲ့ပြီး အခန်း(၂၅)၊ ပုဒ်မ ၈၄ခုပါဝင်ကြောင်း ကိုရှင်းလင်းခြင်း၊ ကုန်အညွှန်အမှတ်အသားဖော်ပြခြင်းကို ကြည်ရှုဝယ်ယူတက်စေရန် ဖော်ပြရမည့် အချက်အလက်များကို ရှင်း လင်းရာ စီးပွားရေးလုပ်ငန်းရှင်သည် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်စည်အမျိုး အစားအလိုက် သတ်မှတ်ချက်များနှင့်အညီ အောက်ပါတို့ကို သိသာထင်ရှားစွာ ဖော်ပြရမည့် အချက်များဖြစ်သည့်(က) ကုန်စည်၏ တံဆိပ်အမှတ်အသား၊(ခ) ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်း ဆည်းမှု အညွှန်း၊ သုံးစွဲပုံနည်းလမ်း၊(ဂ) ထုတ်လုပ်သည့် ရက်စွဲနှင့် သက်တမ်းကုန်ဆုံးသည့် ရက်စွဲ၊ ထုတ်လုပ်မှု အမှတ်စဉ်၊(ဃ) ပြည်တွင်းသို့ တင်သွင်းလာသော ကုန်စည်ဖြစ်ပါက တင်သွင်းသူ၏အမည်နှင့် လိပ်စာ၊ ထုတ်လုပ်သည့် လုပ်ငန်းအမည်နှင့် လိပ်စာ၊(င) ထုတ်လုပ်သည့်နေရာ သို့မဟုတ် ပြည်ပမှ ကုန်စည်များ တင်သွင်းပြီး ပြန်လည်ထုပ်ပိုးသည့်နေရာ၊(စ) ကုန်စည်တွင်ပါဝင်သော ကုန်ကြမ်းပစ္စည်း အမျိုးအမည်များနှင့် ပစ္စည်းများ၏ ပမာဏ၊ ပါဝင်မှု အချိုးအစား၊(ဆ) ကျန်းမာရေးဆိုင်ရာ ဘေးထွက်ဆိုးကျိုး သို့မဟုတ် ဓာတ်မတည့်ကြောင်း ဖော်ပြချက်နှင့် ကြိုတင် သတိပေးချက်၊(ဇ) သက်ဆိုင်ရာ အစိုးရဌာနများက ဖော်ပြရန် သတ်မှတ်ထားသော အချက်အလက်များကိုသေခြာကြည့်ရှု ရွေးချယ်ဝယ်ယူကြရန်ကို ဥပမာပေး မုန့်များနှင့်အတူ ‌ကျောင်းသား/ကျောင်းသူများကို ကိုယ်တိုင်ရွေးချယ်စေပြီး လေ့လာမှတ်သားဆောင်ရွက်တက်သူများကို ဆုချီးမြင့်ပေးအပ်ခဲ့ကြောင်း အသိပညာပေးပွဲသို့ ကျောင်းသား/ကျောင်းသူ ၁၃၀ဦး တက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စားသုံးသူရေးရာဦးစီးဌာန၊  ခရိုင်ဦးစီးမှူးရုံးမှ ဦးအောင်ဇော်ဦး နှင့်ဝန်ထမ်းများသည် မအူပင်မြို့နယ်ရှိ ဆန်စက်၊ သိုလှောင်ရုံများ သို့သွားရောက်၍ MyRo တွင် ကုန်ရ/ကုန်ထုတ်/ကုန်လက်ကျန်စာရင်းများ လစဉ်ထည့်သွင်း နိုင်ရေးနှင့် ဆန်စပါးလက်ကျန်အခြေအနေများအား ဒီဇင်ဘာလအတွက် (၁၇.၁၂.၂၀၂၅)ရက်နေ့ နေ့လယ် (၁၃:၀၀)နာရီ အချိန်တွင် ရေလဲလမ်းမပေါ်ရှိ ဆန်စက်နှင့် သိုရုံများ သို့ မြေပြင် ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။

   ထိုသို့ဆောင်ရွက်ရာတွင် မြန်မာနိုင်ငံဆန်စပါးအသင်းချုပ်နှင့် စားသုံးသူရေးရာဦးစီးဌာနတို့ ပူးပေါင်းအကောင် အထည်ဖော်ဆောင်ရွက်လျက်ရှိသည့် မြန်မာဆန်စပါးအွန်လိုင်း(MyRo)တွင် ၂၀၂၃ ခုနှစ် နိုဝင်ဘာလ(၃၀) ရက်နေ့မှစတင်၍ ဆန်တန်ချိန် ၂၅ နှင့် အထက် သိုလှောင်ရုံ(သို့မဟုတ်) စပါးတင်း ၂၅၀၀ နှင့် အထက် သိုလှောင်မှု များအား မှတ်ပုံတင်လုပ်ငန်းများ ဆောင်ရွက်လျက်ရှိပြီး မအူပင်မြို့နယ်အတွင်း ဆန်စက်၊ သိုလှောင်ရုံ၊ ကုမ္ပဏီများ၊ ဆန်ဆိုင်နှင့် လုပ်ငန်းရှင်များ မှတ်ပုံတင်ဆောင်ရွက်ပြီး၊ သက်တမ်းတိုးလုပ်ငန်းများကိုလည်း ဆောင်ရွက်လျက်ရှိ ပါသည်။

   မအူပင်မြို့နယ် ဆန်စက်၊သိုရုံနှင့် ဆန်ဆိုင် လုပ်ငန်းရှင်တို့မှ မှတ်ပုံတင်ဆောင်ရွက်ပြီး လုပ်ငန်းများ၏ ဆန်/စပါးသိုလှောင်မှု  မြေပြင် အခြေ အနေမှန်များကို စားသုံးသူရေးရာဦးစီးဌာနမှ အဖွဲ့စုံဖြင့် လစဉ်ကွင်းဆင်းစစ် ဆေးခြင်း ဆောင်ရွက်လျက်ရှိပြီး  MyRo တွင် မှတ်ပုံတင်ထား ပြီး သည့်   ဆန်စပါး သိုလှောင်ရုံ လုပ်ငန်းရှင် များအနေဖြင့်  ကုန်ရ၊ ကုန်ထုတ်၊  ကုန်လက်ကျန်စာရင်းများအား လစဉ် လဆန်း ၁ ရက်နေ့ မှ  ၇ ရက်နေ့အတွင်း Update စာရင်းများကို မဖြစ်မနေ ဖြည့်သွင်းနိုင်ရေးနှင့် ဆန်စပါး လက်ကျန် အခြေအနေ များအား စာရင်းကောက်ယူစစ်ဆေးခြင်းများ ဆောင်ရွက်ခဲ့ကြောင်း  သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ  ဒေါ်သဇင်ဦး (ဒုဦးစီးမှူး) သည်(၁၈-၁၂-၂၀၂၅)ရက်နေ့ နံနက် (၁၀:၀၀)အချိန်တွင် စက်မှုသင်တန်းကျောင်းတွင် သင်တန်းသားများအား ကုန်အညွှန်းအမှတ်အသား စစ်ဆေးခြင်းဆိုင်ရာ သိကောင်းစရာ ပတ်သက်သည့် စားသုံးသူအသိပညာပေး ဟောပြောခဲ့သည်။

     ဟောပြောဆွေးနွေးရာတွင် စားသုံးသူရေးရာဦးစီးဌာန ဖြစ်ပေါ်လာပုံသမိုင်းကြောင်းကိုလည်း ကောင်း၊ ဥပဒေရေးဆွဲဖြစ်ပေါ်သည့် အကြောင်းကိုလည်းကောင်း၊ စားသုံးသူကာ ကွယ်ရေး ဥပဒေ သည် (၂၀၁၉ ခုနှစ်၊ ပြည်ထောင်စုလွှတ်တော်ဥပဒေအမှတ် ၉ ။)၁၃၈၀ ပြည့်နှစ်၊ တပေါင်းလဆန်း ၁၀ ရက်(၂၀၁၉ ခုနှစ်၊ မတ်လ ၁၅ ရက်)က ထုတ်ပြန်ခဲ့ပြီး အခန်း(၂၅)၊ ပုဒ်မ ၈၄ခုပါဝင်ကြောင်း ကိုလည်းကောင်း၊ ဥပဒေထဲမှ အခန်း(၁၈) ကုန်အညွှန်းအမှတ်အသားဖော်ပြခြင်းနှင့် စပ်လျဉ်းသည့် အချက်များအကြောင်းကို ရှင်းလင်းရာ ကုန်အညွှန်းအမှတ်အသား ဆိုသည်မှာ ကုန်စည် သို့မဟုတ် ကုန်စည်ထုတ်ပိုးမှုအပြင်အဆင်ပေါ်တွင် စာဖြင့်ရေးသား၍ဖြစ်စေ၊ ပုံနှိပ်၍ဖြစ်စေ၊ ရုပ်ပုံဖြင့်ဖြစ်စေ၊ အခြားနည်းတစ်ရပ်ရပ်ဖြင့် ဖြစ်စေ ဖော်ပြထား သည့်ကုန်စည်နှင့် သက်ဆိုင်သည့် အချက်အလက် သို့မဟုတ် အမှတ်အသားကို ဆိုလိုကြောင်း၊ စားသုံးသူနှင့် ကုန်ပစ္စည်းအကြား ကြားခံတစ်ခုအဖြစ် ကုန်ပစ္စည်းအချက်အလက်ဖော်ပြထားခြင်း၊ ပုံစံအမျိုးမျိုး စာဖြင့် သင်္ကေတဖြင့် ဖော်ပြထားခြင်းဖြစ်ကြောင်း၊ စားသုံးသူ၏အလေ့အထအရ ဈေးနှုန်း၊ သက်တမ်းကုန်ဆုံးရက်စွဲ၊ ပါဝင်ပစ္စည်း၊ အမျိုးအစားတူ ကုန်စည်နှင့် နှိုင်းယှဉ် ကြည်ရှုတက်ကြကြောင်း၊  Labelling Provisions ၂၀၁၉ခုနှစ် မတ်လ ၁၅ရက်နေ့မှစ၍ စားသုံးသူကာကွယ်ရေးဥပဒေတွင် အာဏာတည်ကြောင်း၊ ၂၀၂၀ပြည်နှစ် မတ်လ ၁၆ရက်နေမှ ကုန်အညွှန်းအမှတ်အသား ပြဌာန်းချက်များစတင်အာဏာ တည်ကြောင်း ကိုလည်းကောင်း၊ ကုန်အညွှန်းအမှတ်အသားဖော်ပြခြင်း ပုဒ်မ ၄၁ ၅အရ စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များ နှင့်အညီ (၈)ချက်ကို ဖော်ပြရမည်ဖြစ်ကြောင်း အကျယ်တဝင့်ရှင်းလင်းခြင်း၊ ကုန်အညွှန်အမှတ်အသား ဖော်ပြချက်နှင့် ကိုက်ညီမှု ရှိမရှိကို စစ်ဆေးရေးအရာရှိမှ စစ်ဆေးဆောင်ရွက်စောင့်ကြည့်ရန် လိုအပ်ကြောင်း၊ ညွှန်ကြားချက်များထုတ်ပြန်ထားပြီး (၂/၂၀၁၉)၊ (၁/၂၀၂၀) (၁/၂၀၂၁) တို့၏ သတ်မှတ်ချက်များကို ရှင်းလင်းခြင်း၊ လုပ်ငန်းရှင်များမှ မိမိထုတ်ကုန်များအပေါ် တားမြစ်ချက် ပုဒ်မ ၆၇၊ ၆၈ရောင်းချခြင်းမပြုရန်ကိုလည်းကောင်း၊ လိုက်နာခြင်းမရှိ ဖောက်ဖျက်ကျူးလွန်ပါက ထောင်ဒဏ်နှစ်နှစ် မပိုသော၊ ငွေကျပ် သိန်း ၂၀၀ထက်မပိုသော ဒဏ်နှစ်ရပ်လုံးကိုလည်းကောင်း ချမှတ်နိုင်ပြီး ပုဒ်မ ၇၉အရ ရဲအရေးပိုင်ခွင့်ရှိသော ပြစ်မှုဖြစ်ကြောင်းသတ်မှတ်ထားရှိကြောင်းကို ရှင်းလင်းပြီး သင်တန်းသားများက သိလိုသည်များမေးမြန်း မှုကို တာဝန်ရှိသူက ပြန်လည်ဖြေကြားပေးခဲ့ကြောင်း သိရသည်။

DOCA(ဧရာဝတီ)