ဖြေရှင်းဆောင်ရွက်ပေးမှုများ

      ရန်ကုန်တိုင်းဒေသကြီးနေ တိုင်ကြားသူတစ်ဦးသည် ပညာရေးဝန်ဆောင်မှု ကုမ္ပဏီတစ်ခု၏ Global Education တွင် တက်ရောက်ရန် Downpayment ငွေကျပ်(၁၀)သိန်း ပေးသွင်းခဲ့ ပြီး ကိုယ်ရေးကိုယ်တာကိစ္စများကြောင့်  ကျောင်းမတက်ဖြစ် သောကြောင့် ပေးသွင်းထားသည့် Downpayment ငွေအား ပြန် လည်တောင်းခံရာ ပေးအပ်ခြင်းမရှိသောကြောင့် စားသုံးသူရေး ရာဦးစီးဌာန၏ Website Complaint System မှတစ်ဆင့် တိုင် ကြားလာပါသည်။

ဖြေရှင်းဆောင်ရွက်မှုအခြေအနေ။    တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား ခံရသည့် ပညာရေးဝန်ဆောင်မှုကုမ္ပဏီတစ်ခု၏ Global Education မှ တာဝန်ရှိသူများထံ အကြောင်း ကြားဆောင်ရွက်ခဲ့ရာ ပညာရေးဝန်ဆောင်မှုကုမ္ပဏီအနေဖြင့် ကျောင်းအပ်နှံသည့်အချိန်ကတည်းက ကျောင်းအပ်နှံငွေသွင်းပြေစာတွင် ကျောင်းတက်ရောက်နိုင်ခြင်းမရှိပါက ပေးသွင်းငွေအား ပြန်လည် ထုတ်ပေးမည်မဟုတ်ကြောင်းပါရှိသော်လည်း ဌာန၏ညှိနှိုင်းမှုကို အလေးထားသည့်အနေဖြင့် ပညာရေး ဝန်ဆောင်မှုကုမ္ပဏီမှ Opertion Management Group ၏ အစည်းအဝေးဆုံးဖြတ်ချက်အရ ကျောင်း အပ်နှံပေးသွင်းငွေကျပ် (၁၀)သိန်းအား AYA Pay ဖြင့် တိုင်ကြားသူထံ လွှဲပြောင်းပေးပို့ပြီးဖြစ်ပါ ကြောင်း အကြောင်းပြန်ကြားလာပါသည်။ တိုင်ကြားသူမှလည်း ဌာနသို့ဆက်သွယ်၍ ကျောင်းဘက်မှ ပေးအပ်သည့် ငွေလက်ခံရရှိသောကြောင့် တိုင်ကြားမှုကို ပိတ်သိမ်းလိုကြောင်း ပြောကြားလာသဖြင့် တိုင်ကြားမှုအား စေ့စပ်ညှိနှိုင်းပေးသဖြင့် ငွေပြန်လည်ရရှိစေခြင်းဖြင့် ဖြေရှင်းဆောင်ရွက်ခဲ့ပါသည်။

      ရန်ကုန်တိုင်းဒေသကြီးနေ တိုင်ကြားသူတစ်ဦးသည် အင်တာ နက်ကုမ္ပဏီတစ်ခု၏ အင်တာနက်လိုင်း ပြတ်တောက်နေသော ကြောင့် Customer Service သို့ ဖုန်းဆက် အကြောင်းကြားခဲ့သော် လည်း လာရောက်ပြင်ဆင်ပေးခြင်းမရှိသောကြောင့် စားသုံးသူရေး ရာဦးစီးဌာန၏ Website Complaint System မှတစ်ဆင့် တိုင် ကြားလာပါသည်။

ဖြေရှင်းဆောင်ရွက်မှုအခြေအနေ။    တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား ခံရသည့် အင်တာနက်ကုမ္ပဏီမှ တာဝန်ရှိသူများထံ အကြောင်းကြားဆောင်ရွက်ခဲ့ရာ ကုမ္ပဏီမှ တာဝန်ရှိသူများအနေဖြင့်  အင်တာနက်လိုင်း ပြတ်တောက်ရခြင်းအား စစ်ဆေးခဲ့ပြီး တိုင်ကြားသူ၏ အိမ်သို့သွယ်တန်းထားသော ဖိုင်ဘာကြိုးချိတ်ဆက်ထားသည့် Fiber Access Terminal (FAT) Box နှင့် အဆိုပါ FAT သို့ ချိတ်ဆက်ထားသည့် Fiber Distribution Terminal (FDT) Box မှာ ချို့ယွင်း ပျက်စီးနေသဖြင့် FAT နှင့် FDT Box အသစ်များ တပ်ဆင်ခြင်းနှင့် ပြန်လည်ချိတ်ဆက်ခြင်း လုပ်ငန်း စဉ်များကို ဆောင်ရွက်ပေးခဲ့ပါကြောင်း၊ ထိုသို့ ဆောင်ရွက်နေစဉ်အတွင်း မိုးသည်းထန်စွာရွာသွန်းမှု များရှိသဖြင့် နှောင့်နှေးကြန့်ကြာမှုများရှိခဲ့ပါကြောင်း၊ ယင်းလုပ်ငန်းစဉ်များ ပြီးစီးသည်နှင့်တစ်ပြိုင် နက် မူလအတိုင်း ဝန်ဆောင်မှုပြန်လည်ရရှိရေးအတွက် ချက်ချင်းပြုပြင်ဆောင်ရွက်ပေးခဲ့ပါကြောင်း၊ အင်တာနက် အသုံးမပြုခဲ့ရသောရက်များအတွက် Compensation အဖြစ် လစဉ်ကြေး(၁)လစာ လျှော့၍ ကောက်ခံပေးခဲ့မှုအပေါ် တိုင်ကြားသူမှကျေနပ်မှုရှိပါကြောင်း အကြောင်းပြန်ကြားလာ သဖြင့်  တိုင်ကြားမှုအား  ပိတ်သိမ်းဆောင်ရွက်ခဲ့ပါသည်။

     ရန်ကုန်တိုင်းဒေသကြီး၊ ပုဇွန်တောင်မြို့နယ်နေ တိုင်ကြားသူ တစ်ဦးသည် ဖုန်းအပိုပစ္စည်းအရောင်းဆိုင်တစ်ခုမှ Power Bank ဝယ်ယူရာ အသုံးပြု၍မရသောကြောင့် ဆိုင်သို့ ပြန်လည်ပြသရာ ဆိုင်မှ Power Bank အား ကြည့်ရှုပေးမည်ဆိုကာ အခြား Power Bank အမျိုးအစားဖြင့် လဲလှယ်ယူဆောင်ခိုင်း ပါကြောင်း၊ ၎င်းအနေ ဖြင့် ပစ္စည်းလဲလှယ်လိုခြင်းမရှိသဖြင့် ပြန်အမ်းငွေအား ရယူလို ကြောင်းပြောကြားသော်လည်း ဆိုင်မှ အခြားအမျိုးအစားသာ ယူ ဆောင်ခိုင်းသောကြောင့် စားသုံးသူရေးရာဦးစီးဌာန၏ Website Complaint System မှတစ်ဆင့် တိုင်ကြားလာပါသည်။

 ဖြေရှင်းဆောင်ရွက်မှုအခြေအနေ။   တိုင်ကြားမှုနှင့်ပတ်သက်၍ ဌာနမှတာဝန်ရှိသူများက  တိုင်ကြား ခံရသည့် ဖုန်းအပိုပစ္စည်းအရောင်းဆိုင်မှ တာဝန်ရှိသူများထံ အကြောင်းကြားဆောင်ရွက်ခဲ့မှုအပေါ် ဆိုင်မှ တာဝန်ရှိသူများက  တိုင်ကြားသူအား ဆက်သွယ်၍ Power Bank တန်ဖိုး ငွေကျပ် ၁၆၁,၅၀ဝ/- အား Refund ပြန်ပေးခဲ့ပါကြောင်း အကြောင်းပြန်ကြားလာသဖြင့် ဌာနမှတာဝန်ရှိသူများက တိုင်ကြား သူထံ ဖုန်းဖြင့်ဆက်သွယ် မေးမြန်းခဲ့ရာ ငွေလက်ခံရရှိကြောင်း ပြောကြားခံပြီး စိတ်ကျေနပ်မှုရှိပါ သောကြာင့်၊ စားသုံးသူကာကွယ်ရေးဥပဒေအရ စေ့စပ်ညှိနှိုင်းပေးခြင်းဖြင့် ငွေပြန်လည်ရရှိစေခြင်း ဖြင့် တိုင်ကြားမှုအား ဖြေရှင်းဆောင်ရွက်ခဲ့ပါသည်။

     တောင်ကြီးမြို့ စားသုံးသူတစ်ဦးသည် Wifi ဝန်ဆောင်မှုနှင့်ပတ်သက်၍ သတ်မှတ် ရက်မတိုင်မှီ အင်တာနက်ဖြတ်တောက်ခံရခြင်းအတွက် နစ်နာဆုံးရှုံးမှုရှိကြောင်း  စားသုံးသူရေးရာ ဦးစီးဌာန၊ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေး စင်တာ(CICC)သို့ (၁၀.၈.၂၀၂၆) ရက်နေ့တွင် လူကိုယ်တိုင် လာရောက်တိုင်ကြားခဲ့ပါသည်။

                တိုင်ကြားမှုနှင့်ပတ်သက်၍ စားသုံးသူရေးရာဦးစီးဌာန အနေဖြင့်  တောင်ကြီးမြို့ရှိ Wifi ဝန်ဆောင်မှုမှ တာဝန်ရှိသူနှင့်တိုင်ကြားသူအား(၁၁.၈.၂၀၂၆) ရက်နေ့ နံနက်(၁၀း၀၀) နာရီတွင် ရှမ်းပြည်နယ် စားသုံးသူရေးရာဦးစီးဌာန ပြည်နယ်ဦးစီးမှူးရုံးသို့ ခေါ်ယူတွေ့ဆုံညှိနှိုင်းပေးခဲ့ရာ Wifi မှ တာဝန်ရှိသူကအင်တာနက်ဖြတ်တောက် ခံရခြင်းကိစ္စသည် ဝန်ဆောင်မှုပြောင်းလဲရယူလိုက်ခြင်း ကြောင့် သတ်မှတ်ရက်နှင့်ကွာဟသွားရခြင်းဖြစ်ကြောင်း၊ အဆိုပါဖြစ်စဉ်ကို   စားသုံးသူနားလည် စေရန် မိမိတို့၏ဝန်ထမ်းမှ သေချာစွာ ရှင်းလင်းပြောပြ‌ပေး နိုင်ခဲ့ခြင်းမရှိသည့်အတွက် စားသုံးသူနစ်နာမှု ပေါ်ပေါက်ခဲ့ရပါကြောင်း၊ အဆိုပါနစ်နာမှုအတွက် မိမိတို့ ကုမ္ပဏီဘက်မှ စားသုံးသူကျေနပ်သည်အထိ ပြန်လည်ဖြည့်ဆည်း ဆောင်ရွက်ပေးမည် ဖြစ်ကြောင်းပြောကြားခဲ့ပါ သည်။

                တိုင်ကြားသူဘက်မှလည်း ၎င်းနစ်နာခဲ့သော ရက်ပေါင်း (၃)ရက်ကိုသာ အစားထိုးပြန် လည်ပေးအပ်မည်ဆိုပါက ကျေနပ်မှုရှိမည်ဖြစ်ကြောင်း ပြောကြားခဲ့သဖြင့်  စားသုံးသူရေးရာဦးစီး ဌာန ၊စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) အနေဖြင့် စီးပွား‌ရေးလုပ်ငန်းရှင်ဘက်မှ စားသုံးသူနစ်နာခဲ့သော ရက်ပေါင်း(၃)ရက်အား အစားထိုးပေးခဲ့သဖြင့်  တိုင်ကြားသူဘက်မှလည်း ကျေနပ်လက်ခံခဲ့ပြီး အမှုကိုပိတ်သိမ်းခဲ့ကြောင်း သတင်းရရှိပါ သည်။

DOCA(ရှမ်း)

           မိတ္ထီလာခရိုင်၊မိတ္ထီလာမြို့နေ စားသုံးသူပြည်သူတစ်ဦးသည် ၎င်းပိုင်ဆိုင်သည့် Light Truck မော်တော်ယာဉ်ဖြင့် မိတ္ထီလာမှ ယင်းတော်ကျေးရွာသို့ ယာဉ်လိုင်းပြေးဆွဲလျှက်ရှိရာ မိတ္ထီလာမြို့ -------------- စက်သုံးဆီဆိုင်မှ (၁၃.၇.၂၀၂၆)ရက်နေ့တွင် ဆီထည့်ခဲ့ရာ ဆီထည့်သည့် Mile List No 900500ဖြစ်ပြီး (၂၁.၇.၂၀၂၆)ရက်နေ့တွင် ဆီထပ်မံသွားထည့်ခဲ့ရာ Mileage No 910000 ရိုက်ထည့်မှသာ ဆီထည့်လို့ရမည်ဖြစ်ကြောင်း ပြောဆို၍ ဆီထည့်ခဲ့ပါသည်။ ၎င်းမှာ --------- စက်သုံးဆီဆိုင်တွင်သာ ဆီထည့်ခြင်းဖြစ်ပြီး ဆီဆိုင်မှ Mileage များ ပိုမိုရိုက်ထားသဖြင့် မိမိမှာ တခြားစက်သုံးဆီဆိုင်တွင် ဆီထည့်လို့မရသဖြင့် Mileage အမှန်အတိုင်းဖြစ်စေရန် အတွက် လာရောက်တိုင်ကြားခြင်းဖြစ်ပါသည်။

          စားသုံးသူရေးရာဦးစီးဌာန၊မိတ္ထီလာခရိုင်ဦးစီးမှူးရုံးမှ အဆိုပါတိုင်ကြားမှုနှင့် စပ်လျဉ်း၍ တိုင်ကြားသူနှင့် စီးပွားရေးလုပ်ငန်းရှင်တို့အား(၆.၈.၂၀၂၆)ရက်နေ့၊ နေ့လည်(၂:၃၀)အချိန်တွင် ခေါ်ယူ ဆွေးနွေးခဲ့ရာ  တိုင်ကြားမှုဖြစ်စဉ်နှင့်စပ်လျဉ်း၍ စီးပွားရေးလုပ်ငန်းရှင်မှ  စက်သုံးဆီ Mileage ပိုသွား ရခြင်းမှာ Sofeware ပိုင်း Error ဖြစ်ခြင်းနှင့် ဆီထပ်မံထည့်လို့ရရန်အတွက် Kiloများ ညှိ၍ ထည့်ပေးရခြင်းဖြစ်သဖြင့် ယခုကဲ့သို့ Mileage များပိုသွားခြင်းဖြစ်ပါကြောင်းနှင့် မိမိတို့ ကုမ္ပဏီမှ တိုင်ကြားသူ၏ ကား Kilo Mileage အမှန်ရရှိရန်အတွက် PPRD နှင့်ချိတ်ဆက်၍ (၂၁.၈.၂၀၂၆) ရက်နေ့မတိုင်မီရရှိအောင် ဆောင်ရွက်ပေးသွားမည်ဖြစ်ပါကြောင်းနှင့် အဆင်မပြေ မှုများအတွက် စားသုံးသူအားအနူးအညွတ်တောင်းပန်ပါကြောင်း ဆွေးနွေးခဲ့ရာ စိတ်ကျေနပ် မှုရရှိသဖြင့် အမှုပိတ် သိမ်းဆောင်ရွက်ခဲ့ပါသည်။ (၁၇.၈.၂၀၂၆)ရက်နေ့တွင် စားသုံးသူမှ ၎င်း၏ မော်တော်ယာဉ် Mileage အမှန်ရရှိပါကြောင်း စားသုံးသူတစ်ယောက်အနေဖြင့် စိတ်ကျေနပ်မှု အပြည့်အဝရရှိပါကြောင်း သိရှိရပါသည်။

DOCA(မန္တလေး)