ဖြေရှင်းဆောင်ရွက်ပေးမှုများ

      တနင်္သာရီတိုင်းဒေသကြီး၊ ကော့သောင်းမြို့နယ် နေတိုင်ကြားသူတစ်ဦးသည် လေကြောင်းလိုင်းဝန်ဆောင် မှုလုပ်ငန်းမှ ခရီးစဉ်အား အသိပေးမှုမရှိဘဲ ရက်ရွှေ့ဆိုင်း သည့်အတွက် ခရီးသည်(၄)ဦးမှာ ဟိုတယ်တွင် တစ်ရက် တည်းခိုနေထိုင်ခဲ့ရသဖြင့် တည်းခိုခငွေကျပ် ၃၀၀,၀၀၀/- ကုန်ကျခဲ့မှုကို လျော်ကြေးငွေ ပြန်လည်ရယူလို၍ စားသုံးသူရေးရာဦးစီးဌာနသို့ Website Complaint System မှတစ်ဆင့် ဆက်သွယ်တိုင်ကြားလာပါသည်။

     ဖြေရှင်းဆောင်ရွက်မှုအခြေအနေ။     တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား မှုကို စိစစ်ရာတွင်  တိုင်ကြားသူဝန်ဆောင်မှုရယူထားသော လေကြောင်းလိုင်းက  ၈-၁၀-၂၀၂၅ ရက် နေ့ ကော့သောင်းမြို့မှရန်ကုန်မြို့ ခရီးစဉ်အား ကြိုတင်သတိပေးချက်မရှိဘဲ ၉-၁၀-၂၀၂၅ ရက်နေ့သို့ ရွှေ့ဆိုင်းခဲ့သဖြင့် ခရီးသည် (၄)ဦးသည် ဟိုတယ်တွင် တစ်ရက်တည်းခိုနေထိုင်ခဲ့ရသည့်အတွက် နစ်နာသည့်ကုန်ကျငွေကျပ် ၃၀၀,၀၀၀/-ကို ပြန်လည်ရယူလို၍ တိုင်ကြားခြင်းဖြစ်ကြောင်း စိစစ် တွေ့ရှိရသဖြင့် လေကြောင်းလိုင်း(ကော့သောင်းရုံးခွဲ)မှ တာဝန်ခံသို့ဆက်သွယ်ပြီး စားသုံးသူကာ ကွယ်ရေးဥပဒေပုဒ်မ ၂၁ ပုဒ်မခွဲ (က)၊ ပုဒ်မ ၂၇ ပုဒ်မခွဲ (က)အရ လုပ်ငန်းရှင်ဘက်မှ အာမခံချက် ပေးထားသည့်ကာလအတိုင်း ဝန်ဆောင်မှုပေးရန် ပျက်ကွက်ခဲ့မှုကြောင့် နစ်နာဆုံးရှုံးမှုအပေါ် လျော် ကြေးပေးဆောင်ရမည်ဖြစ်ကြောင်း ဆွေးနွေးပြောကြားခဲ့ရာ လေကြောင်းလိုင်းတာဝန်ရှိသူမှ နစ်နာ ဆုံးရှုံးမှုအတွက် လျော်ကြေးငွေကျပ် ၃၀၀,၀၀၀/-ကို တိုင်ကြားသူသို့ ပေးအပ်ခဲ့ပြီး တိုင်ကြားသူ မှလည်း ကျေနပ်မှုရှိပါသောကြောင့် စားသုံးသူကာကွယ်ရေးဥပဒေအရ ဆုံးရှုံးမှုတန်ဖိုးနှင့်အညီ ငွေပြန်လည်ပေးစေ ခြင်းနည်းလမ်းဖြင့် တိုင်ကြားမှုကို ဖြေရှင်းဆောင်ရွက်ခဲ့ပါသည်။

      ရန်ကုန်တိုင်းဒေသကြီး၊ ဒဂုံမြို့သစ်တောင်ပိုင်းနေ တိုင် ကြားသူတစ်ဦးသည် အီလက်ထရောနစ်ပစ္စည်း ပြုပြင်ရောင်း ဝယ်ရေးဆိုင်တစ်ဆိုင် နှင့်ပတ်သက်၍ Robotic Vaccum အား ပြင်ဆင်ရန် ဆိုင်သို့ ပေးပို့ထားသော်လည်း (၄)လကြာသည်အထိ ပြင်ဆင်ပေးမှုမရှိသောကြောင့် စားသုံးသူရေးရာ ဦးစီးဌာန၏ Website Complaint System မှတစ်ဆင့် တိုင်ကြားလာပါသည်။

ဖြေရှင်းဆောင်ရွက်မှုအခြေအနေ။     တိုင်ကြားမှုနှင့်ပတ်သက်၍ ဌာနမှ တာဝန်ရှိသူများက တိုင်ကြား ခံရသည့်  အီလက်ထရောနစ်ပစ္စည်းပြုပြင်ရောင်းဝယ်ရေးဆိုင်သို့ အကြောင်းကြားဆောင်ရွက်ခဲ့ရာ အီလက်ထရောနစ်ပစ္စည်းပြုပြင်ရောင်းဝယ်ရေးဆိုင်မှ တာဝန်ရှိသူများက တိုင်ကြားသူထံဆက်သွယ်၍ ပြင်ဆင်ရန်ပေးပို့ထားသည့် ပစ္စည်းအစား အသစ်(၁)လုံး လဲလှယ်ပေးမည်ဖြစ်ကြောင်း ပြောကြားခဲ့မှု အပေါ် တိုင်ကြားသူမှလည်း ကျေနပ်လက်ခံခဲ့သည့်အတွက် ပစ္စည်းအား လဲလှယ်ပေးခဲ့ကြောင်း အကြောင်းပြန်ကြားလာပါသည်။ ဌာနမှ တာဝန်ရှိသူများက တိုင်ကြားသူထံ ဆက်သွယ်မေးမြန်းရာ တွင် ပစ္စည်းလဲလှယ်ပေးခဲ့၍ ကျေနပ်မှုရှိပါကြောင်းနှင့် တိုင်ကြားမှုအား ပိတ်သိမ်းလိုကြောင်း ပြန် လည်ပြောကြားခဲ့သဖြင့် တိုင်ကြားမှုကို စားသုံးသူကာကွယ်ရေးဥပဒေအရ စေ့စပ်ညှိနှိုင်းခြင်းဖြင့် ဖြေရှင်းဆောင်ရွက်ခဲ့ပါသည်။

      ပြည်ထောင်စုနယ်မြေ၊ နေပြည်တော်နေ တိုင်ကြားသူ တစ်ဦးသည် Online Page တစ်ခုထံမှ တာလီပုတီး ဝယ်ယူရာ တွင် ငွေကျပ် ၄၅,၀၀၀/- ကြိုလွှဲပေးထားသော်လည်း ပစ္စည်း ပေးပို့မှုမရှိသဖြင့် စားသုံးသူရေးရာဦးစီးဌာနသို့ Call Center (၁၅၃၅)မှတစ်ဆင့် ခေါ်ဆိုတိုင်ကြားလာပါသည်။

ဖြေရှင်းဆောင်ရွက်မှုအခြေအနေ။     တိုင်ကြားမှုနှင့်ပတ်သက်၍ နေပြည်တော်ဦးစီးမှူးရုံးမှ တာဝန်ရှိ သူများက ပဏာမစုံစမ်းစစ်ဆေးရန် တိုင်ကြားသူသို့ ဆက်သွယ်မေးမြန်းခဲ့ရာတွင် မှာယူထားသော ပစ္စည်းရောက်ရှိလာသော်လည်း ပြထားသောပုံနှင့် ကွဲလွဲမှုရှိနေကြောင်း ပြောကြားခဲ့သဖြင့် Online Page သို့ ဆက်သွယ်ပြောကြားရာတွင် တိုင်ကြားသူ မှာယူထားသောပစ္စည်းကို ပြန်လည်ပေးပို့ပါက ငွေပြန်အမ်းပေးမည်ဖြစ်ကြောင်း ပြောကြားခဲ့ပါသည်။ ဌာနမှ တာဝန်ရှိသူများက စားသုံးသူကာကွယ် ရေးဥပဒေပါ စီးပွားရေးလုပ်ငန်းရှင်များ လိုက်နာရမည့် တာဝန်ဝတ္တရားများအကြောင်း အသိပညာပေး ပြောကြားခဲ့ပြီး နောက်နောင်ယခုကဲ့သို့ မဖြစ်စေရန် သတိပေးပြောကြားခဲ့ပြီး တိုင်ကြားသူသို့လည်း ဆက်သွယ်ပြောကြားကာ မှာယူထားသောပစ္စည်းအား ပြန်လည်ပေးပို့စေခဲ့ပြီး ငွေပြန်လည်အမ်းပေး ခဲ့သောကြောင့် ကျေနပ်မှုရှိသဖြင့်  တိုင်ကြားမှုကို စားသုံးသူကာကွယ်ရေးဥပဒေအရ စေ့စပ်ညှိနှိုင်းခြင်းဖြင့် ဖြေရှင်းဆောင်ရွက်ခဲ့ပါသည်။

       ပဲခူးတိုင်းဒေသကြီး၊ ပဲခူးမြို့နေ တိုင်ကြားသူတစ်ဦးသည် အဆင့်မြင့်ဆန်ရောင်းဝယ်ရေး တစ်ခုထံမှ ပေါ်ဆန်း(ရှယ်)အမျိုး အစားအား အလေးချိန် (၁၀၈)ပေါင်၊ (၂၄)ပြည် ဝင် ဆန်အိတ်ရေ (၃၃)အိတ်ကို အွန်လိုင်းစနစ်ဖြင့်ဝယ်ယူခဲ့ရာ ပေးပို့လာသည့်ဆန် များ၏အရည်အသွေးသည် နမူနာပြထားသည့်ဆန်အရည်အသွေး နှင့်တူညီမှုမရှိဘဲလွန်စွာကွဲလွဲမှုများရှိနေသောကြောင့် အဆင့်မြင့် ဆန်ရောင်းဝယ်ရေးသို့ ဆက်သွယ်ပြောကြားသော်လည်း တာဝန်ယူမှုမရှိသောကြောင့် စားသုံးသူရေး ရာဦးစီးဌာနသို့စာဖြင့် တိုင်ကြားလာပါသည်။

      ဖြေရှင်းဆောင်ရွက်မှုအခြေအနေ။     တိုင်ကြားမှုနှင့်ပတ်သက်၍ ဌာနမှတာဝန်ရှိသူများက မြန်မာ နိုင်ငံဆန်စပါးကုန်သည်များအသင်းနှင့် ချိတ်ဆက်ဆောင်ရွက်ခဲ့ရာ မြန်မာနိုင်ငံဆန် စပါးကုန်သည် များအသင်းက ၂၂-၈-၂၀၂၅ရက်နေ့တွင် တိုင်ကြားခံရသည့် အဆင့်မြင့်ဆန်ရောင်းဝယ်ရေးမှ တာဝန်ရှိ သူနှင့် တိုင်ကြားသူတို့အား အသင်းရုံးသို့ခေါ်ယူ၍ ညှိနှိုင်းဖြေရှင်းပေးမှုအရ ဆန်အိတ်လက်ကျန် (၂၀)အိတ်အတွက် တန်ဖိုးငွေကျပ် ၉၀၀,၀၀၀/-တိတိကို တိုင်ကြားခံရသူမှ ပြန်လည်ပေးလျော်မှု အပေါ် တိုင်ကြားသူမှ သဘောတူကျေနပ်စွာ လက်ခံခဲ့ပြီး အသင်းမှ တာဝန်ရှိသူများ ရှေ့မှောက်တွင် သဘောတူညီချက် လက်မှတ်ရေးထိုးခဲ့ပါကြောင်း အကြောင်းပြန်ကြားလာပါသည်။ ဌာနမှတာဝန်ရှိ သူများသည် တိုင်ကြားသူထံ ဆက်သွယ်မေးမြန်းခဲ့ရာမှ အသင်းမှခေါ်ယူညှိနှိုင်း ဖြေရှင်းပေးမှုအပေါ် ကျေနပ်မှုရှိပါကြောင်းနှင့် တိုင်ကြားမှုအား ပိတ်သိမ်းလိုကြောင်း ပြန်လည်ပြောကြားခဲ့သဖြင့် တိုင်ကြားမှုအား  စားသုံးသူကာကွယ်ရေးဥပဒေအရ စေ့စပ်ညှိနှိုင်းခြင်းဖြင့် ဖြေရှင်းဆောင်ရွက်ခဲ့ပါသည်။

      မန္တလေးတိုင်းဒေသကြီး၊ ကျောက်ဆည်မြို့နယ်နေ တိုင်ကြားသူတစ်ဦးသည် ခရီးသွားဝန်ဆောင်မှုနှင့် ကုန် စည်ပို့ဆောင်ရေးလုပ်ငန်းတစ်ခုမှတစ်ဆင့် “တောသူမ" သဘာဝဆေးဖက်ဝင် ထုတ်ကုန်များ (ခေါင်းလျှော်ရည် အပါ)အား ဂျပ်ဖာ(၄)ဖာကို ငွေကျပ် ၅၂,၀၀ဝ/- ဖြင့် ရန်ကုန်မြို့ရှိ  Super Market တစ်ခုသို့ Deli ပို့ခငွေကျပ် ၂၀,၀၀ဝ/- ဖြင့် အပ်နှံပို့ဆောင်ခဲ့ရာ  ရန်ကုန်မြို့ရှိ  Super Market  သို့ ပစ္စည်းများရောက်ရှိသော်လည်း ငွေကျပ် ၁၈,၉၁,၀၀၀/- တန်ဖိုးရှိ ကုန်ပစ္စည်းများ ပျက်စီးနေပါသဖြင့် နစ်နာဆုံးရှုံးမှုအတွက် ဖြေရှင်း ဆောင်ရွက်ပေးနိုင်ပါရန် စားသုံးသူရေးရာဦးစီးဌာနသို့ Call Center မှတစ်ဆင့် ခေါ်ဆိုတိုင်ကြားလာပါသည်။

    ဖြေရှင်းဆောင်ရွက်မှုအခြေအနေ။     တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား သူနှင့် တိုင်ကြားခံရသူတို့အား ကျောက်ဆည်ခရိုင်ဦးစီးမှူးရုံး၌  ခေါ်ယူ၍ တွေ့ဆုံဆွေးနွေးခဲ့ရာ တိုင်ကြားသူက တိုင်ကြားခံရသည့် ခရီးသွားဝန်ဆောင်မှုနှင့်ကုန်စည် ပို့ဆောင်ရေးလုပ်ငန်းအနေဖြင့် ပျက်စီးသွားသော ကုန်ပစ္စည်းများကို ယူဆောင်မှုမရှိပါက  ဆုံးရှုံးငွေမှ အနည်းငယ်ကို လျော့ပေါ့၍ လျော်ပေးရမည်ဖြစ်ကြောင်း၊ ပျက်စီးကုန်ပစ္စည်းများကို လက်ခံယူ ဆောင်သွားမည်ဆိုပါက ပစ္စည်း တန်ဖိုးငွေကျပ် ၁,၈၉၁,၀၀၀/-ကို ပေးလျော်စေလိုကြောင်း ပြောကြားခဲ့ပါသည်။ တိုင်ကြားခံရသူမှ ပျက်စီးသွားသည့် ကုန်ပစ္စည်းများအား ယူဆောင်သွားမည်ဖြစ်ပြီး ကျသင့်ငွေအား ပြန်လည် ပေးအပ် မည်ဖြစ်ကြောင်း ပြောကြားခဲ့ပြီး ကုန်ပစ္စည်းများ၏တန်ဖိုးငွေကျပ် ၁,၈၉၁,၀၀၀/-ကို ခရိုင်ဦးစီးမှူးရှေ့ မှောက်တွင် ပေးအပ်ခဲ့ပါသဖြင့် တိုင်ကြားသူမှကျေနပ်မှုရရှိခဲ့ပြီး တိုင်ကြားမှုကို စားသုံးသူကာကွယ် ရေးဥပဒေအရ နစ်နာဆုံးရှုံးမှုနှင့်အညီ ငွေပြန်လည်ပေးစေခြင်းဖြင့်  ဖြေရှင်းဆောင်ရွက်ခဲ့ပါသည်။