ရန်ကုန်တိုင်းဒေသကြီး၊ ရန်ကင်းမြို့နယ်နေ တိုင် ကြားသူ တစ်ဦးသည် ဆက်သွယ်ရေး ကုမ္ပဏီတစ်ခု၏ App မှ Flexi Card အား ငွေကျပ် ၃၅,၀၀၀/- ဖြင့် ဝယ်ယူခဲ့ရာ ပေးပို့လာခြင်း မရှိသောကြောင့် စားသုံးသူ ရေးရာဦးစီးဌာန၏ Website Complaint System မှတစ်ဆင့် တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား ခံရသည့် ဆက်သွယ်ရေးကုမ္ပဏီမှ တာဝန်ရှိသူများထံသို့ ဆက်သွယ်အကြောင်းကြားခဲ့ပါသည်။ ဆက်သွယ်ရေးကုမ္ပဏီမှ တာဝန်ရှိသူများက လိုအပ်သောစိစစ်မှုများပြုလုပ်ခဲ့ရာ ၂၄-၄-၂၀၂၆ ရက်နေ့ တွင် Flexi Card အား MGL ဖြင့် တိုင်ကြားသူထံ ပို့ဆောင်ခဲ့သော်လည်း လိပ်စာမှားယွင်းနေသည့် အတွက် တိုင်ကြားသူထံ အချိန်မီမရောက်ရှိခဲ့ခြင်းဖြစ်ပါကြောင်း၊ ထို့နောက် တိုင်ကြားသူ၏ လိပ်စာ အမှန်ပြန်လည်ရရှိပြီးနောက် MGL ဖြင့်ဆက်လက်ပို့ဆောင်ခဲ့ရာ တိုင်ကြားသူထံသို့ ရောက်ရှိခဲ့သော် လည်း တိုင်ကြားသူမှ Flexi Card အား လက်ခံရယူခြင်း မပြုတော့ဘဲ ပြန်အမ်းငွေကိုသာတောင်း ဆိုခဲ့ပါကြောင်း၊ ထိုကိစ္စကိုညှိနှိုင်းရန် တိုင်ကြားသူထံ ဖုန်းခေါ်ဆိုခဲ့သော်လည်း ဖုန်းလက်ခံဖြေကြား ခြင်းမရှိဘဲ အကြိမ်ကြိမ်ခေါ်ဆိုမှသာ ဖုန်းလက်ခံဖြေဆိုခြင်းပြုပါကြောင်း၊ Flexi Card ကို တိုင်ကြား သူမှလက်ခံရန် ငြင်းဆိုပြီး ပြန်အမ်းငွေကိုသာ ထပ်မံတောင်းဆိုလာသည့်အတွက် ပြန်အမ်းငွေကျပ် ၃၅,၀၀ဝ/- ကို ပြန်လည်ပေးအပ်ခဲ့ပြီးဖြစ်ပါကြောင်း အကြောင်းပြန်ကြားလာပါသည်။ ဌာနမှတာဝန်ရှိ သူများသည် တိုင်ကြားသူထံ ဖုန်းဖြင့်ဆက်သွယ်မေးမြန်းခဲ့ရာ ပြန်အမ်း ငွေလက်ခံရရှိပါကြောင်းနှင့် ကျေနပ်မှုရှိပါကြောင်း ပြန်လည်ပြောကြားလာသဖြင့် တိုင်ကြားမှုအား စားသုံးသူကာကွယ်ရေး ဥပဒေအရ စေ့စပ်ညှိနှိုင်းပေးသောကြောင့် ပြန်အမ်းငွေရရှိစေခြင်းဖြင့် ဖြေရှင်းဆောင်ရွက်ခဲ့ပါသည်။