ပြည်ပကုန်သွယ်မှုသတင်းများ

အင်ဒိုနီးရှားနိုင်ငံသည် B 50 ဇီဝဒီဇယ်အစီအစဥ်ဖြင့် ၂၀၂၆ ခုနှစ်တွင် ဒီဇယ်တင်သွင်းမှုကို အဆုံးသတ်ရန် စီစဥ်

အင်ဒိုနီးရှားနိုင်ငံသည် ၅၀ ရာခိုင်နှုန်း ဇီဝဒီဇယ် (B 50) အစီအစဥ်ကို အကောင် အထည်ဖော် ပြီးနောက် ဒီဇယ်တင်သွင်းမှုကို ၂၀၂၆ ခုနှစ် ဒုတိယနှစ်ဝက်မှစတင်၍ ရပ်တန့် သွားမည်ဖြစ်ကြောင်း အောက်တိုဘာလ ၂၃ ရက်နေ့တွင် စွမ်းအင်နှင့် သတ္ထုအရင်း အမြစ်ဝန်ကြီး Bahlil Lahadalia ၏ ပြောကြားချက်အရ သိရပါသည်။

Bahlil က အင်ဒိုနီးရှားအစိုးရသည် လက်ရှိတွင် B 50 ဇီဝဒီဇယ် အတွက် ၆ လ မှ ၈ လ အတွင်း ပြီးစီးရန်မျှော်လင့်ထားသည့်အတွက် စတုတ္ထအဆင့်နှင့် နောက်ဆုံး အဆင့်စမ်းသပ်မှုများ လုပ်ဆောင်နေကြောင်း သိရပါသည်။ စမ်းသပ်မှုများတွင် သင်္ဘောအင်ဂျင် များ၊ ရထားများ၊ စက်ယန္တရားကြီးများနှင့် အခြားအရာများပါဝင်ကြောင်း သိရပါသည်။

စားအုန်းဆီအခြေပြု ဇီဝလောင်စာ ၅၀ ရာခိုင်နှုန်းနှင့် ဒီဇယ် ၅၀ ရာခိုင်နှုန်း ရောစပ်ပြုလုပ် ထားသော B 50 ဇီဝဒီဇယ်လောင်စွာ အစီအစဥ်သည် အင်ဒိုနီးရှားနိုင်ငံ၏ စွမ်းအင်အမှီအခိုကင်းမှု ကို မြှင့်တင်ရန်နှင့် လောင်စာဆီများအပေါ် မှီခိုမှုကို လျော့ချရန်အတွက် ရေရှည်စီမံကိန်း၏ အစိတ် အပိုင်းတစ်ခုဖြစ်ကြောင်း သိရပါသည်။ အဆိုပါမူဝါဒသည် ၂၀၂၅ ခုနှစ်တွင် သတ်မှတ်ထားသော ကီလိုလီတာ ၁၅.၆ သန်း ကို ၆၄.၇ ရာခိုင်နှုန်းကိုယ်စားပြုသည့် လက်ရှိ ကီလိုလီတာ ၁၀ သန်းခန့် ရောက်ရှိနေသာ B 40 အစီအစဥ်နှင့် ကိုက်ညီလျက်ရှိကြောင်း သိရပါသည်။ ဝန်ကြီးဌာန၏ ထုတ်ပြန်ကြေညာချက်အရ အင်ဒိုနီးရှားနိုင်ငံသည် B 40 အစီအစဥ်အကောင်အထည်ဖော် ဆောင် ရွက်ခြင်းဖြင့် အမေရိကန်ဒေါ်လာ ၉.၃ ဘီလီယံခန့် သက်သာစေခဲ့ကြောင်း သိရပါသည်။

DOCA (ရန်ကုန်)

ဖိလစ်ပိုင်နိုင်ငံသည် စပိန်နိုင်ငံမှ ကျွဲနွားတင်သွင်းမှုများ ယာယီပိတ်ပင်

ပြည်ပကုန်သွယ်မှုသတင်းများ

ဖိလစ်ပိုင်နိုင်ငံရှိ Cataluna ဒေသတွင် အရေပြား အကျိတ်အဖုရောဂါဖြစ်ပွားပြီးနောက် ဖိလစ်ပိုင်နိုင်ငံသည် စပိန်နိုင်ငံမှ ကျွဲနွားတိရိစ္ဆာန်အပါအဝင် သန္ဓေသားလောင်းနှင့် မျိုးစေ့များ တင်သွင်းမှုများကို ယာယီပိတ်ပင်လိုက်ကြောင်း အောက်တိုဘာလ ၂၂ ရက်နေ့တွင် ဖိလစ်ပိုင်နိုင်ငံ စိုက်ပျိုးမွေးမြူရေးဝန်ကြီးဌာနမှ ထုတ်ပြန်သော ထုတ်ပြန်ကြေညာချက်အရ သိရပါသည်။

စိုက်ပျိုး မွေးမြူရေးဌာနမှ အတွင်းရေးမှူးဆိုသူ Francisco Tiu Laurel က အဆိုပါလုပ်ဆောင်မှုသည် ဖိလစ်ပိုင်နိုင်ငံအတွင်း ဗိုင်းရပ်စ်ဝင်ရောက်မှုရန်မှ တားဆီးရန်နှင့် ပြည်တွင်းကျွဲနွားများ၏ ကျန်းမာရေးအပါအဝင် ကျွဲနွားအရေအတွက်ကို ကာကွယ်ရန်ဖြစ် ကြောင်း သိရပါသည်။

ပြည်တွင်း ကျွဲနွားများတွင် ရောဂါဖြစ်ပွားမှုကို စပိန်နိုင်ငံမှ ကျွဲနွားတိရိစ္ဆာန်ဆိုင်ရာ အာဏာပိုင် အဖွဲ့အစည်းက ကမ္ဘာ့ တိရိစ္ဆာန်ကျန်းမာရေးအဖွဲ့အစည်းအား တားမြစ်စာဖြင့် ထောက်ခံကြောင်း တင်ပြခဲ့ပါသည်။ LSD သည် ကျွဲနွားများကိုသာ ကူးစက်ထိခိုင်စေသော ဗိုင်းရပ်စ်ရောဂါတစ်မျိုးဖြစ်ပြီးအဓိကအားဖြင့်ယင်ကောင်နှင့်ခြင်များကဲ့သို့ အင်းဆက်ပိုးမွှားများ အကိုက်ခံရခြင်းမှ တစ်ဆင့်ကူးစက်ခြင်း ဖြစ်ကြောင်း သိရပါသည်။ အဆိုပါ LSD သည် လူများအပေါ် ကူးစက်နိုင်မှုမရှိသော်လည်း ကျွဲနွားမွေးမြူရေးလုပ်ငန်းများတွင် စီးပွားရေးအရ သိသိသာသာ ဆုံးရှုံးမှုများဖြစ်နိုင်ကြောင်း သိရပါသည်။

Source: Xinhua

Xi Jinping နှင့် တရုတ်နိုင်ငံ၏ ရုရှားရေနံဝယ်ယူမှုကို မြှင့်တင်မည့်ဟု Trump ပြောကြား

ပြည်ပကုန်သွယ်မှုသတင်းများ

အမေရိကန်နိုင်ငံသမ္မတ Trump သည် Kremlin နှင့် ဆက်နွယ်လျက်ရှိသော ထိပ်သီး ကုမ္ပဏီများအပေါ် ပိတ်ဆို့မှုများပြုလုပ်အပြီးတွင် တရုတ်နိုင်ငံ သမ္မတ Xi Jinping နှင့် တောင်ကိုရီးယားနိုင်ငံတွင် တရုတ်နိုင်ငံ၏ ရေနံဝယ်ယူမှုနှင့် ပတ်သက်၍ ၎င်းအနေဖြင့် တွေ့ဆုံလို ကြောင်း ပြောကြားခဲ့ပါသည်။

၎င်းအပြင် Trump က ၎င်းအနေဖြင့် ဆွေးနွေးပွဲအတွင်း တရုတ်နိုင်ငံမှ မြေရှားသတ္ထုတင်ပို့ ရောင်းချမှုအပေါ် ဆက်လက်ဖြေရှင်းရန် မျှော်လင့်ကြောင်း၊ အမေရိကန်နိုင်ငံမှ ပဲပိစပ်များ ဝယ်ယူမှု ပြန်လည် စတင်ရန် Beijing ထံမှ ကတိပြုထားကြောင်းနှင့် နျူကလီးယားပစ္စည်း သိုလှောင်မှုအား နှစ်နိုင်ငံလုံးအနေဖြင့် လျော့ချရန် ဆွေးနွေးလိုကြောင်း ပြောကြားခဲ့ပါသည်။

DOCA (ရန်ကုန်)

နှစ်နိုင်ငံ ကုန်သွယ်ရေးနှင့် ဒစ်ဂျစ်တယ်ဆက်ဆံ‌ရေးကို မြှင့်တင်မည်ဟု ထိုင်းနိုင်ငံစီးပွားရေး နှင့်ကူးသန်းရောင်းဝယ်ရေးဝန်ကြီးနှင့် စင်္ကာပူနိုင်ငံမှ ဒုတိယဝန်ကြီးချုပ် ပြောကြား

ပြည်ပကုန်သွယ်မှုသတင်းများ

ထိုင်းနိုင်ငံ၏ စီးပွားရေးနှင့်ကူးသန်းရောင်းဝယ်ရေးဝန်ကြီး Suphajee Suthumpun သည် အောက်တိုဘာလ ၂၁ ရက်နေ့တွင် စင်္ကာပူနိုင်ငံမှ ဒုတိယဝန်ကြီးချုပ် Gan Kim Yong နှင့်အတူ နှစ်နိုင်ငံကုန်သွယ်ရေးနှင့် ဒစ်ဂျစ်တယ်ဆက်ဆံရေးအတွက် ဗီဒီယိုညီလာခံတစ်ခု ကျင်းပပြုလုပ်ခဲ့ ကြောင်း သိရပါသည်။ အဆိုပါ အဆင့်မြင့် အစည်းအဝေးတွင် နှစ်နိုင်ငံကြား ကုန်သွယ်ရေးနှင့် ရင်းနှီးမြှုပ်နှံမှုတိုးချဲ့ရေး၊ ထိုင်းနိုင်ငံစိုက်ပျိုးရေးပို့ကုန်များ အရှိန်မြှင့်တင်ရေးနှင့် ဒေသတွင်းဒစ်ဂျစ် တယ် စီးပွားရေး ပူးပေါင်းမှုများကို မောင်းနှင်ရန်အတွက် အဓိကထားဆွေးနွေးခဲ့ကြောင်း သိရပါ သည်။ အဆိုပါဆွေးနွေးမှုသည် အထူးသဖြင့် နှစ်နိုင်ငံကုန်သွယ်‌ရေးတွင် စင်္ကာပူနိုင်ငံနှင့် ပူးပေါင်း ဆောင်ရွက်မှုလေးနက်ရေးအတွက် ထိုင်းနိုင်ငံ၏ ကတိကဝတ်ပြုမှုကို အလေးဖော်ပြနေကြောင်း သိရပါသည်။ ဝန်ကြီးသည် ထိုင်းနိုင်ငံ၏ စိုက်ပျိုးရေးထွက်ကုန်နှင့် အစားအသောက်ကုန် တင်ပို့မှု ချဲ့ထွင်နိုင်ချေအား အထူးအလေးပေး ပြောကြားခဲ့ကြောင်း သိရပါသည်။ အဆိုတင်ပို့မှုများသည် ထိုင်းနိုင်ငံအတွက် စင်္ကာပူနိုင်ငံစျေးကွက်ဝယ်လိုမှုကို တွေ့ဆုံနိုင်ရုံသာမက တစ်ခြားသော အပြည်ပြည်ဆိုင်ရာ စျေးကွက်များအတွက် ဝင်ရောက်နိုင်မည့် အဓိက လမ်းကြောင်း ဖြစ်နိုင် ကြောင်း သိရပါသည်။ အဆိုပါ ဗီဒီယိုညီလာခံအတွင်း ဆွေးနွေးမှုသည် ထိုင်းနိုင်ငံ၏ ဆန်ကုန်သွယ်မှု မြှင့်တင်ရန်နှင့် နှစ်နိုင်ငံလုံးအတွက် အစားအသောက် ဖူလုံမှုသေချာစေရေး အတွက် အရေးပါသောခြေ လှမ်းတစ်ခုဖြစ်ကြောင်း သဘောတူညီချက်ကို နိုဝင်ဘာလတွင် အဆုံးသတ်မည်ဖြစ်ကြောင်း သိရ ပါသည်။ ထိုင်းနိုင်ငံနှင့် စင်္ကာပူနိုင်ငံတို့သည် ၂၀၂၄ ခုနှစ်တွင် အမေရိကန်ဒေါ်လာ ၁၇.၇၅ ဘီလီယံ ခန့် တန်ကြေးရှိသော ကုန်သွယ်မှုများ ပြုလုပ်ခဲ့ပြီး ထိုင်းနိုင်ငံသည် ကုန်သွယ်ရေးပိုငွေ အမေရိကန် ဒေါ်လာ ၂.၉၆ ဘီလီယံခန့် ရရှိခဲ့ကြောင်း သိရပါသည်။ ၂၀၂၅ ခုနှစ် ဇန်နဝါရီလမှ သြဂုတ်လ အတွင်းတွင် ထိုင်းနိုင်ငံနှင့် စင်္ကာပူနိုင်ငံတို့သည် အမေရိကန်ဒေါ်လာ ၁၂.၁၃ ဘီလီယံခန့် တန်ကြေးရှိသော ကုန်သွယ်မှုများ ပြုလုပ်ခဲ့ပြီး ယခင်နှစ်ထက် ၆.၂၅ ရာခိုင်နှုန်းခန့် မြင့်တက်လျက် ရှိကြောင်း သိရပါသည်။ ထိုင်းနိုင်ငံ၏ တင်ပို့မှုသည် အမေရိကန်ဒေါ်လာ ၇.၂၁ ဘီလီယံခန့် ၁၂.၅၇ ရာခိုင်နှုန်းခန့် မြင့်တက်ခဲ့ပြီး စင်္ကာပူနိုင်ငံ၏ တင်ပို့မှုသည် အမေရိကန်ဒေါ်လာ ၄.၉၂ ဘီလီယံခန့် ၁.၈၁ ရာခိုင်နှုန်းခန့် မြင့်တက်ခဲ့ကြောင်း သိရပါသည်။

DOCA (ရန်ကုန်)

ဆန်တန်ချိန် ၁သိန်းခန့် တင်သွင်းတော့မည့် ဘင်္ဂလားဒေ့ရှ်အစိုးရ

ပြည်ပကုန်သွယ်မှုသတင်းများ

ဘင်္ဂလားဒေ့ရှ်နိုင်ငံအစိုးရသည် နိုင်ငံ၏ စားနပ်ရိက္ခာ အရန်ဆန်များ ဖြည့်တင်းရန်အတွက် ဆန်တန်ချိန်၁ သိန်းခန့်တင်သွင်းမည်ဖြစ်ကြောင်းနှင့် အဆိုပါ တင်သွင်းမည့် ဆန်တစ်ဝက်ခန့်ကို အိမ်နီးချင်းနိုင်ငံဖြစ်သော မြန်မာနိုင်ငံမှ အစိုးရမှအစိုးရသို့ (G2G) အစီအစဥ်အရ တင်သွင်းသွား မည်ဖြစ်ကြောင်း သိရပါသည်။ အဆိုပါဆုံးဖြတ်ချက်ကို ဒါကာမြို့တွင် စီးပွားရေးအကြံပေး Saleuddin Ahmed ဦးဆောင်၍ ကျင်းပပြုလုပ်သော အစိုးရဝယ်ယူမှုဆိုင်ရာ အစိုးရကော်မတီ အစည်းအဝေး၌ ချမှတ်ခဲ့ခြင်းဖြစ်ကြောင်း သိရပါသည်။ G2G အစီအစဥ်အရ ဆန်တန်ချိန် ၅၀၀၀၀ တန် ခန့်ကို မြန်မာနိုင်ငံဆန်စပါးအသင်းချုပ်ထံမှ ၁ တန်လျှင် အမေရိကန်ဒေါ်လာ ၃၇၆.၅ ဒေါ်လာ နှုန်းဖြင့် တင်သွင်းသွားမည်ဖြစ်ပြီး ကျန်တန်ချိန် ၅၀၀၀၀ တန်ခန့်ကို အပြည်ပြည်ဆိုင်ရာ တင်ဒါ ခေါ်ယူခြင်းမှ တစ်ဆင့် ဒူဘိုင်းအခြေပြု M/S Credent One FZCO ထံမှ ၁ တန်လျှင် အမေရိကန် ဒေါ်လာ ၃၅၅.၉၉ ဒေါ်လာနှုန်းဖြင့် တင်သွင်းသွားမည်ဖြစ်ကြောင်း သိရပါသည်။ လက်ရှိ ဘဏ္ဍာနှစ်မှ စတင်၍ Food Friendly Programme အောက်တွင် ဆန်ဖြန့်ချီမှုသည် သိသိသာသာ မြင့်တက်ခဲ့ပြီး ၃ လကာလအတွင်းတွင် ပြည်သူလူထု ဆန်အရန်တန်ချိန်မှာ ၇၀၀၀၀၀တန်ခန့် သိသိသာသာကျဆင်းသွားကြောင်း သိရပါသည်။ အောက်တိုဘာလ ၂၁ ရက်နေ့အထိ ဆန်နှင့် ဂျုံ အရန်တန်ချိန်စုစုပေါင်းသည် ၁.၄၆ သန်းသို့ရောက်ရှိခဲ့ပြီး သြဂုတ်လ ၇ ရက်နေ့တွင် မှတ်တမ်းတင် ခဲ့သော ဆန်နှင့်ဂျုံစုစုပေါင်းတန်ချိန် ၂.၁၅ သန်းခန့် လျော့နည်းလျက်ရှိကြောင်း သိရပါသည်။ ဇူလိုင်လ ၁ ရက်နေ့နှင့် အောက်တိုဘာလ ၁၆ ရက်နေ့အတွင်း ဆန်ဖြန့်ဖြူးမှုသည် တန်ချိန်ပေါင်း ၄၁၃၀၀၀ တန်ချိန်ခန့်ရောက်ရှိခဲ့ပြီး ယခင်နှစ် အလားတူကာလနှင့် နှိုင်းယှဥ်လျှင် ၂ ဆ မြင့်တက် လာကြောင်း သိရပါသည်။ ဘင်္ဂလားဒေ့ရှ်နိုင်ငံသည် စုစုပေါင်းအနေဖြင့် ဆန်နှင့်ဂျုံဖြန့်ချီမှုသည် ယခင်နှစ် ဘဏ္ဍာနှစ်တွင် တန်ချိန်ပေါင်း ၈၃၉၀၀၀ တန်ခန့် ဖြန့်ချီနိုင်ခဲ့ရာမှ ယခုဘဏ္ဍာနှစ်တွင် တန်ချိန်ပေါင်း ၁ သန်းခန့် ဖြန့်ချီနိုင်ခဲ့ပါသည်။ ဆန်ဖြန့်ချီမှုနှုန်းမြင့်မားလျက်ရှိသော်လည်း ဘင်္ဂလားဒေ့ရှ်အစိုးရသည် ဆန်နှင့်ဂျုံ တင်သွင်းမှုများ လျော့နည်းလျက်ရှိကြောင်း သိရပါသည်။ အောက်လိုဘာလ ၅ ရက်နေ့အထိ ဘင်္ဂလားဒေ့ရှ်နိုင်ငံသည် ဆန်ချိန်ပေါင်း ၅၀၀၀၀ ခန့်တင်သွင်း ခဲ့ပြီး ဂျုံတင်သွင်းမှုများမရှိခဲ့ကြောင်း သိရပါသည်။ ယခင်နှစ် ဘဏ္ဍာနှစ်တွင် ဘင်္ဂလားဒေ့ရှ်နိုင်ငံ အစိုးရသည် ဆန်တန်ချိန် ၈၃၅၀၀၀ တန်ခန့်အပါအဝင် ဆန်နှင့်ဂျုံ စုစုပေါင်း ၁.၃ သန်းတန်ခန့် တင်သွင်းနိုင်ခဲ့ကြောင်း သိရပါသည်။

DOCA (ရန်ကုန်)

ကမ္ဘောဒီးယားနိုင်ငံ၏ ဒီဇယ်၊ ဓာတ်ဆီနှင့် လောင်စာဓာတ်ငွေ့တင်သွင်းမှု ၂၀၂၅ ခုနှစ်၏ ပထမ ၉ လအတွင်း ၁၂.၃ ရာခိုင်နှုန်း ကျဆင်း

ပြည်ပကုန်သွယ်မှုသတင်းများ

ကမ္ဘောဒီးယားနိုင်ငံ၏ ဒီဇယ်ဆီ၊ ဓာတ်ဆီနှင့် လောင်စာဓာတ်ငွေ့တင်သွင်းမှုသည် ၂၀၂၅ ခုနှစ်၏ ပထမ ၉ လအတွင်း ၁၂.၃ ရာခိုင်နှုန်းကျဆင်းခဲ့ကြောင်း ကူးသန်းရောင်းဝယ် ရေးဝန်ကြီးဌာန၏ အောက်တိုဘာလ ၂၂ ရက်နေ့ ထုတ်ပြန်သောအစီရင်ခံစာ တစ်စောင်တွင် ဖော်ပြထားပါသည်။

ယခုနှစ် ဇန်နဝါရီလမှ စက်တင်ဘာလအထိ ဒီဇယ်ဆီ၊ ဓာတ်ဆီနှင့် လောင်စာဓာတ် ငွေ့တင်သွင်းမှုတန်ဖိုးသည် အမေရိကန်ဒေါ်လာ ၁.၈၄ ဘီလီယံ အထိရှိပြီး ပြီးခဲ့သည့်နှစ် အလားတူကာလက အမေရိကန်‌ဒေါ်လာ ၂.၁ ဘီလီယံ မှ ၁၂.၃ ရာခိုင်နှုန်း ကျဆင်းခဲ့ ကြောင်း အဆိုပါ အစီရင်ခံစာတွင် ဖော်ပြထားပါသည်။

နိုင်ငံအနေဖြင့် ဒီဇယ်တင်သွင်းမှုအတွက် အမေရိကန်ဒေါ်လာ ၉၉၂.၅ သန်း အသုံးပြုခဲ့ ရာ ၁၁.၈ ရာခိုင်နှုန်း ကျဆင်းခဲ့ပြီး ဓာတ်ဆီအတွက် အမေရိကန်ဒေါ်လာ ၅၉၂.၅ သန်း အသုံးပြုခဲ့ရာ ၁၈ ရာခိုင်နှုန်း ကျဆင်းခဲ့ပါသည်။ လောင်စာဓာတ်ငွေ့အတွက် အမေရိကန် ဒေါ်လာ ၂၅၅ သန်းအသုံးပြုခဲ့ရာ ၂.၈ ရာခိုင်နှုန်း တိုးတက်လာကြောင်း သိရှိရပါသည်။

DOCA (ရန်ကုန်)

ရှန်ဟိုင်း၏ နိုင်ငံခြားကုန်သွယ်မှု ဇန်နဝါရီလ - စက်တင်ဘာလတွင် ၅.၄ ရာခိုင်နှုန်းတိုးတက်

ပြည်ပကုန်သွယ်မှုသတင်းများ

ရှန်ဟိုင်း၏ သွင်းကုန်နှင့် ပို့ကုန် စုစုပေါင်းသည် ၂၀၂၅ ခုနှစ် ၏ ပထမ သုံးလပတ်တွင် ယွမ် ၃.၃၄ ထရီလီဘံ (အမေရိကန်ဒေါ်လာ ၄၇၀.၇ ဘီလီယံခန့်) ရှိခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ၅.၄ ရာခိုင်နှုန်း တိုးတက်လာကြောင်း ဒေသဆိုင်ရာအကောက်ခွန် အာဏာပိုင်များက အောက်တိုဘာလ ၂၂ ရက်နေ့တွင် ပြောကြားခဲ့ပါသည်။

တိုးတက်မှုနှုန်းသည် ဇန်နဝါရီ - သြဂုတ်လနှင့် နှိုင်းယှဉ်ပါက ၀.၉ ရာခိုင်နှုန်း တိုးတက်လာခဲ့ ပါသည်။ ရှန်ဟိုင်းအကောက်ခွန်၏ အချက်အလက်များအရ ပထမ ၉ လအတွင်း ပို့ကုန်များမှာ ယွမ် ၁.၄၈ ထရီလီယံ အထိ ၁၁.၃ ရာခိုင်နှုန်း တက်လာခဲ့ပြီး သွင်းကုန်များမှာ ယွမ် ၁.၈၆ ထရီလီယံအထိ ၁.၁ ရာခိုင်နှုန်း တိုးတက်လာခဲ့ပါသည်။

စက်တင်ဘာလ တစ်လတည်းတွင်ပင် ဘဏ္ဍာရေးဗဟိုဌာန၏ နိုင်ငံခြားကုန်သွယ်မှုသည် ယခင်နှစ်ကထက် ၁၂.၅ ရာခိုင်နှုန်း တိုးတက်လာပြီး ယွမ် ၄၀၅.၉ ဘီလီယံသို့ ‌ရောက်ရှိခဲ့ပါသည်။ ပုဂ္ဂလိက ကဏ္ဍများသည် အဓိက တိုတက်မှုတွင် ပါဝင်ခဲ့ပြီး သွင်းကုန်နှင့် ပို့ကုန်များသည် ၂၇.၁ ရာခိုင်နှုန်း အထိ တိုးတက်လာကာ ယွမ် ၁.၃၂ ထရီလီယံသို့ ရောက်ရှိခဲ့ပါသည်။

ရှန်ဟိုင်း၏ ဖွံ့ဖြိုးဆဲဈေးကွက်များနှင့် ကုန်သွယ်မှုသည် အဆိုပါကာလအတွင်း ခိုင်မာသော အရှိန်အဟုန်ကိုပြသခဲ့ပြီး အရှေ့တောင်အာရှနိုင်ငံများအသင်း (ASEAN)၊ အရှေ့အလယ်ပိုင်းနှင့် အာဖရိကတို့နှင့် ကုန်သွယ်မှုသည် ၁၂.၅၊ ၂၂.၉၊ ၃၂.၅ တိုးတက်ခဲ့ကြောင်းသိရှိရပါသည်။

DOCA (ရန်ကုန်)

စင်္ကာပူနိုင်ငံ၏ အဓိကငွေကြေးဖောင်းပွမှု စက်တင်ဘာလတွင် ၀.၄ ရာခိုင်နှုန်းထိ မြင့်တက်လာ

ပြည်ပကုန်သွယ်မှုသတင်းများ

စင်္ကာပူနိုင်ငံ၏ အဓိက ငွေကြေးဖောင်းပွမှုသည် စက်တင်ဘာလတွင် ယခင် ဩဂုတ်လက ၀.၃ ရခိုင်နှုန်းမှ တစ်နှစ်ထက်တစ်နှစ် ၀.၄ ရာခိုင်နှုန်း အထိ မြင့်တက်လာခဲ့ကြောင်း အောက်တိုဘာ လ ၂၃ ရက်နေ့တွင် ထုတ်ပြန်သော အစိုးရ၏ တရားဝင်အချက်အလက်များအရ သိရှိရပါသည်။

ကုန်သွယ်ရေး၊ စက်မှုဝန်ကြီးဌာနနှင့် စင်္ကာပူငွေကြေးအာဏာပိုင်အဖွဲ့တို့၏ ပူးပေါင်းထုတ် ပြန်ချက်တွင် လက်လီနှင့် အခြားကုန်ပစ္စည်းများ ဈေးနှုန်းမြင့်တက်မှုကြောင့် ငွေကြေးဖောင်းပွမှု တိုးလာခြင်းဖြစ်ကြောင်း ဖော်ပြထားပါသည်။

လစဉ်အခြေခံဖြင့် အဓိက စားသုံးသူဈေးနှုန်းများ ၀.၃ ရာခိုင်နှုန်း မြင့်တက်ခဲ့ပါသည်။ အဓိက စားသုံးသူဈေးနှုန်းအညွှန်းကိန်း (CPI) သည် နေထိုင်စရိတ်နှင့် ပုဂ္ဂလိက သယ်ယူပို့ဆောင်ရေး စရိတ်များကို ချန်လှပ်ထားပြီး အခြေခံကျသော ဝယ်လိုအားကြောင့်ဖြစ်သော ငွေကြေးဖောင်းပွမှု၏ အဓိက ငွေကြေးဖောင်းပွမှုအဖြစ် သတ်မှတ်ပါသည်။

အလုံးစုံငွေကြေးဖောင်းပွမှုသည်လည်း မြင့်တင်ခဲ့ပြီး စက်တင်ဘာလတွင် တစ်နှစ်ထက်တစ် နှစ် ၀.၇ ရာခိုင်နှုန်းအထိ ရောက်ရှိခဲ့ရာ သြဂုတ်လတွင် ၀.၅ ရာခိုင်နှုန်း ရှိခဲ့ပါသည်။ ယင်းသည် ပုဂ္ဂလိက သယ်ယူပို့ဆောင်ရေးဈေးနှုန်းများ ပိုမိုမြင့်တက်လာခြင်းနှင့်အတူအဓိကငွေကြေးဖောင်းပွမှုမြင့်တက်လာခြင်းတို့ကြောင့် ဖြစ်ကြောင်းသိရှိရပါသည်။

DOCA (ရန်ကုန်)

ကမ္ဘောဒီးယား၏ အထည်အလိပ်၊ ဖိနပ်နှင့် ခရီးသွားအထောက်အကူပြုပစ္စည်းများ တင်ပို့မှု သည် ၂၀၂၅ ခုနှစ် ပထမ ၉ လအတွင်း အမေရိကန်ဒေါ်လာ ၁၂ ဘီလီယံ ကျော်လွန်

ပြည်ပကုန်သွယ်မှုသတင်းများ

ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ၉ လ အတွင်း အထည်အလိပ်၊ ဖိနပ်နှင့် ခရီးသွားအထောက်အကူပြုပစ္စည်းများ အမေရိကန်ဒေါ်လာ ၁၂.၂ ဘီလီယံ ကျော် တင်ပို့နိုင်ခဲ့ပြီး ယခင်နှစ် အလားတူကာလထက် ၁၆.၇ ရာခိုင်နှုန်း တိုးတက်ခဲ့ကြောင်း တရားဝင်အစီရင်ခံစာတွင် အောက်တိုဘာလ ၂၃ ရက်နေ့က ဖော်ပြထားပါသည်။

အထည်ချုပ်လုပ်ငန်းမှ အမေရိကန်‌ဒေါ်လာ ၈.၆၃ ဘီလီယံ တန်ဖိုးရှိ ကုန်ပစ္စည်းများကို ယခင်နှစ် ဇန်နဝါရီ - စက်တင်ဘာလအတွင်း တင်ပို့ခဲ့ရာ တစ်နှစ်ထက်တစ်နှစ် ၁၆.၈ ရာခိုင်နှုန်း တိုးတက်ခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ပြုစုထားသော အစီရင်ခံစာတွင် ဖော်ပြထားပါသည်။ အထည်အလိပ်လုပ်ငန်းမှ အမေရိကန်ဒေါ်လာ ၅၀၅ တန်ဖိုးရှိ ကုန်ပစ္စည်းများကို နိုင်ငံတကာဈေးကွက်သို့ တင်ပို့ခဲ့ရာ ၃၄.၇ ရာခိုင်နှုန်း တိုးတက်ခဲ့ကြောင်း ဖော်ပြထားပါသည်။

အမေရိကန်‌ဒေါ်လာ ၁.၅၄ ဘီလီယံ တန်ဖိုးရှိ ဖိနပ်များတင်ပို့ခဲ့ရာ ၂၆.၇ ရာခိုင်နှုန်း တိုးတက် လာခဲ့ပါသည်။ အမေရိကန်ဒေါ်လာ ၁.၅၃ ဘီလီယံတန်ဖိုးရှိ ခရီးသွားအထောက်အကူ ပြုပစ္စည်း များနှင့် အိတ်များကို နိုင်ငံတကာဈေးကွက်တွင် ရောင်းချခဲ့ရာ ၃.၂ ရာခိုင်နှုန်း တိုးတက်ခဲ့ကြောင်း လည်း အဆိုပါ အစီရင်ခံစာတွင် ဖော်ပြထားပါသည်။

အထည်အလိပ်၊ ဖိနပ်နှင့် ခရီးသွားအထောက်အကူပြုပစ္စည်းများသည် ကမ္ဘောဒီးယားနိုင်ငံ အတွက် နိုင်ငံခြားငွေအများဆုံးရှာပေးသည့် လုပ်ငန်းများဖြစ်ကြောင်းသိရှိရပါသည်။

DOCA (ရန်ကုန်)

တရုတ်မော်တော်ကားနှင့် စက်ပစ္စည်းထုတ်လုပ်သူများသည် Preah Sihanouk တွင် ရင်းနှီးမြှုပ်နှံမှုများ ပြုလုပ်ရန် စိတ်ဝင်စားနေ

ပြည်ပကုန်သွယ်မှုသတင်းများ

Preah Sihanouk ပြည်နယ်အုပ်ချုပ်ရေးမှူးသည် အောက်တိုဘာလ ၂၁ ရက်နေ့တွင် Shanghai EnSiKai Investment (Group) Co.,Ltd. မှ ကိုယ်စားလှယ်များနှင့် တွေ့ဆုံခဲ့ပါသည်။ ဤ တရုတ် ကုမ္ပဏီသည် ကားများနှင့် စက်ပစ္စည်းများထုတ်လုပ်ခြင်းများကို အဓိက လုပ်ဆောင်လျက် ရှိပါသည်။ ၎င်းတို့သည် ရင်းနှီးမြှုပ်နှံမှုများတွင် ပူးပေါင်းဆောင်ရွက်နိုင်သည့် အလားအလာများကို ဆွေးနွေးခဲ့ကြပါသည်။

အစည်းအဝေးတွင် ပြည်နယ်အုပ်ချုပ်ရေးမှူးက ကုမ္ပဏီသည် စက်မှုလုပ်ငန်း၊ စက်ပစ္စည်းထုတ်လုပ်မှုတွင် ရင်းနှီးမြှုပ်နှံရန်နှင့် အချိန်ကြာလာသည်နှင့်အမျှ စက်မှုလုပ်ငန်း တိုးတက်မှုကို အထောက်အကူပြုရန် ငွေကြေးနှင့် နည်းပညာချိတ်ဆက်မှုများကို အာရုံစိုက်ကြောင်း အလေးပေးပြောကြားခဲ့ပါသည်။ ကုမ္ပဏီသည် ကမ္ဘောဒီးယားတွင် ရင်းနှီးမြှုပ်နှံ အထူးသဖြင့် Preah Sihanouk ပြည်နယ်တွင် ရင်းနှီးမြှုပ်နှံမှု အခွင့်အလမ်းများကို ရှာဖွေရန် စိတ်ဝင်စားကြောင်း ၎င်းက ပြောကြားခဲ့ပါသည်။

ပြည်နယ်အုပ်ချုပ်ရေးအဖွဲ့သည် ပြည်နယ်အတွင်း စီမံကိန်းများစတင်ရန် စိတ်ဝင်စားသော ရင်းနှီးမြှုပ်နှံသူများနှင့် ပူးပေါင်းဆောင်ရွက်ရန်နှင့် အထောက်အပံ့ပေးရန် အသင့်ရှိကြောင်း အစိုးရ အဖွဲ့ဝင် Sineth က ပြောကြားခဲ့ပါသည်။ လုပ်ငန်းစဉ်အားလုံးကို ထိရောက်စွာဖြင့် ပွင့်လင်းမြင်သာမှုရှိစွာ အလျင်အမြန် ဆောင်ရွက်ပေးမည်ဖြစ်ကြောင်း ကတိပြု ပြောကြားခဲ့ ပါသည်။

DOCA (ရန်ကုန်)

Languages

Main menu

ပြည်ပကုန်သွယ်မှုသတင်းများ

အင်ဒိုနီးရှားနိုင်ငံသည် B 50 ဇီဝဒီဇယ်အစီအစဥ်ဖြင့် ၂၀၂၆ ခုနှစ်တွင် ဒီဇယ်တင်သွင်းမှုကို အဆုံးသတ်ရန် စီစဥ်

ဖိလစ်ပိုင်နိုင်ငံသည် စပိန်နိုင်ငံမှ ကျွဲနွားတင်သွင်းမှုများ ယာယီပိတ်ပင်

Xi Jinping နှင့် တရုတ်နိုင်ငံ၏ ရုရှားရေနံဝယ်ယူမှုကို မြှင့်တင်မည့်ဟု Trump ပြောကြား

ဆန်တန်ချိန် ၁သိန်းခန့် တင်သွင်းတော့မည့် ဘင်္ဂလားဒေ့ရှ်အစိုးရ

ရှန်ဟိုင်း၏ နိုင်ငံခြားကုန်သွယ်မှု ဇန်နဝါရီလ - စက်တင်ဘာလတွင် ၅.၄ ရာခိုင်နှုန်းတိုးတက်

စင်္ကာပူနိုင်ငံ၏ အဓိကငွေကြေးဖောင်းပွမှု စက်တင်ဘာလတွင် ၀.၄ ရာခိုင်နှုန်းထိ မြင့်တက်လာ

Pages

You are here

ပြည်ပကုန်သွယ်မှုသတင်းများ

Pages