ထိုင်းနိုင်ငံမှ ကုန်ပစ္စည်းများကို သပိတ်မှောက်ခြင်းသည် ပြည်တွင်း ကုန်ထုတ်လုပ်မှုကို မြှင့်တင်ရန်အခွင့်အရေးတစ်ခုဖြစ်ကြောင်း RAC ပြောကြား
ကမ္ဘောဒီးယားတော်ဝင်အကယ်ဒမီ (RAC) သည် ကမ္ဘောဒီးယားပြည်တွင်းထုတ်ကုန်များ အတွက်ပံ့ပိုးကူညီမှုများပေးရန်တောင်ဆိုခဲ့ပြီး ပြည်တွင်းထုတ်လုပ်မှု၊ တန်ဖိုးမြှင့်ပြုပြင် ထုတ်လုပ်ခြင်းနှင့် ဒေသတွင်းဈေးကွက်များတွင် ရင်းနှီးမြှုပ်နှံမှုများတိုးမြှင့်ရန် တိုက်တွန်းခဲ့သည်။ အစိုးရ အရာရှိများသည် ပြည်တွင်းထုတ်ကုန်များအပေါ် စာသုံးသူများ ပိုမိုနှစ်သက်မှု မြင့်မားလာချိန်တွင် စီးပွားရေးလုပ်ငန်းများအတွက် အခွင့်အလမ်းများတိုးပွားလာမှုများကို ၂၉-၅-၂၀၂၆ ရက်နေ့က RAC တွင် ကျင်းပပြုလုပ်ခဲ့သော “-----------” တွင် ထုတ်ပြန်ခဲ့သည်။ အဆိုပါပွဲသို့ အစိုးရဝန်ကြီးဌာနများ၊ ပညာရှင်များနှင့် ပုဂ္ဂလိက ကဏ္ဍမှ ကိုယ်စားလှယ်များ တက်ရောက်ခဲ့ကြပြီး ကမ္ဘောဒီးယားထုတ်ကုန်များ၏ ယှဉ်ပြိုင်နိုင်စွမ်းနှင့် ရေရှည်တည်တံ့ခိုင်မြဲမှုတို့ကို အားကောင်းလာစေရန် နည်းလမ်းများကို ဆွေးနွေးခဲ့ကြသည်။ RAC ဥက္ကဋ္ဌ Sok Touch က ကမ္ဘောဒီးယားနိုင်ငံသည် ၎င်း၏ပြည်တွင်းဈေးကွက်ကို ဆက်လက်တိုးချဲ့သင့်ပြီး တင်သွင်းကုန်ပစ္စည်းများအပေါ် မှီခိုမှုများကို လျော့ချရန်နှင့် ပြည်တွင်းထုတ်လုပ်မှုစွမ်းရည်ကို အားကောင်းစေသင့်ကြောင်း ပြောကြားခဲ့သည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အတွင်းရေးမှူး Pen Sovicheat က ကမ္ဘောဒီးယားထုတ်ကုန်များအပေါ် ပြည်သူလူထုထောက်ခံမှု မြှင့်မားလာခြင်းသည် ဒေသခံထုတ်လုပ်သူများအတွက် ကောင်းမွန်သော ပတ်ဝန်းကျင်တစ်ခုကို ဖန်တီးပေးနိုင်ကြောင်း ပြောကြားခဲ့သည်။ အစိုးရ၏ ကန့်သတ်ချက်များသည် သစ်သီးဝလံများ၊ ဟင်းသီးဟင်းရွက်များ၊ လောင်စာဆီနှင့် သဘာဝဓာတ်ငွေ့ အပါအဝင် ထိုင်နိုင်ငံမှ ရွေးချယ်ထားသော တင်သွင်းမှုများကို အာရုံစိုက်ထားသော်လည်း စားသုံးသူများသည် ကမ္ဘောဒီးယားနိုင်ငံ၏အစားထိုးရွေးချယ်စရာများကို ပိုမိုရွေးချယ်လာသည်နှင့်အမျှ ထိုင်းနိုင်ငံ၏ တင်သွင်းကုန်များသည် ပြည်တွင်းဈေးကွက်များတွင် လျော့နည်းသွားမည်ဖြစ်ကြောင်းနှင့် ဒေသခံထုတ်လုပ်သူများသည် အရည်အသွေးမြင့်မားသော စံနှုန်းများ၊ ပိုမိုကောင်းမွန်သော ထုတ်ပိုးမှုများ၊ တင်ကြပ်သော ထုတ်ကုန်စမ်းသပ်မှုများနှင့် ပိုမိုအားကောင်းသော စားသုံးသူပံ့ပိုးမှုတို့မှတဆင့် ၎င်းတို့၏ ယှဉ်ပြိုင်နိုင်စွမ်းကို မြှင့်တင်နိုင်ကြောင်း Pen Sovicheat က ထပ်လောင်းပြောကြားခဲ့ကြောင်း သိရှိရပါသည်။
Source: Khmer Times
DOCA(ရန်ကုန်)
