ပြည်တွင်းကုန်သွယ်မှုသတင်း

            (၈-၇-၂၀၂၅) ရက်နေ့၊ နံနက်(၀၈:၃၀) နာရီအချိန်က ညောင်တုန်းမြို့ပေါ်ရပ်ကွက်များရှိ အခြေခံစားသောက်ကုန် ရောင်းချသော ကုန်မျိုးစုံဆိုင် (၁၀) ဆိုင်ရှိ ကုန်စည်များ ဈေးနှုန်း တည်ငြိမ်လျက်ရှိကြောင်း သိရပြီး မြို့နယ် ကုန်ဈေးနှုန်း စာရင်းများကို အပါတ်စဉ် ခရိုင်ဦးစီးမှူးရုံးသို့ တင်ပြလျက်ရှိသည်။

       ညောင်တုန်း မြို့နယ်တွင်း ရောင်းချလျက်ရှိသော အခြေခံစား သောက်ကုန် များဖြစ်သည့် ဆန်(မနောသုခ) ၁ပြည် ၃၃၀၀ကျပ်၊ စားအုန်းဆီ ၁ပိဿာ ၆၄၅၀ကျပ်၊  ဆား၊  ၁ပိဿာ ၁၆၀၀ကျပ်၊ ငါးငပိ ၁ပိဿာ ၁၅၀၀၀ကျပ်၊ ကုလားပဲ ၁ပိဿာ ၆၃၀၀ကျပ်၊ အားလူး အလတ်စား ၁ပိဿာ ၃၅၀၀ကျပ်၊ ငရုတ်ခြောက် ၁ပိဿာ ၉၀၀၀ကျပ်၊  ကြက်သွန်နီ အလတ်စား ၁ပိဿာ ၁၈၀၀ကျပ်၊ ကြက်သွန်ဖြူရှမ်းစ ၁ပိဿာ ၁၀၀၀၀ကျပ်၊ ဖြင့်ရောင်းချနေပြီး ယခင်လဈေးနှုန်း နှိုင်းယှဉ်ပါက အားလူး ၅၀၀ကျပ် ကျဆင်းကြောင်း  သိရသည်။

            သားငါးဈေးအနေဖြင့် ဆိတ်သား အသား၁ပိဿာ ၂၉၅၀၀ကျပ်၊ အရိုးအသား ၂၆၀၀၀ကျပ်၊ ဝက်သား ၁ပိဿာ အရိုးအသား ၂၂၀၀၀ကျပ်၊ အသား ၂၃၄၀၀ကျပ်၊ အမဲသား ၁၈၀၀၀၊ ၁၉၈၀၀ကျပ်၊  ငါးမြစ်ချင်း ခုတ်သား ၁ပိဿာ ၁၅၀၀၀-၁၈၀၀၀ ကျပ်၊ ကြက်ဗမာ ၁ပိဿာ ၂၅၀၀၀-၂၈၀၀၀ကျပ်၊ စီပီကြက် ၁ပိဿာ ၁၈၀၀၀ကျပ်၊ ဖြင့် အရောင်းအဝယ်ဖြစ်လျက်ရှိပြီး ယခင်လဈေးနှုန်း နှိုင်းယှဉ်ပါက ဗမာကြက် ၂၀၀၀-၅၀၀၀ကျပ်၊ကျဆင်းပြီး၊ ငါးမြစ်ချင်း ၅၀၀၀ကျပ် ဈေးမြှင့်တက်ပြီး ကျန်ကုန်စည်များ ဈေးနှုန်းတည်ငြိမ်လျက်ရှိကြောင်း စိစစ်တွေ့ရှိရသည်။

DOCA(ဧရာဝတီ)

   အညာဒေသ၌ စိုက်ပျိုးထွက်ရှိသော ကြောင်လျှာသီးပင်သည် ဆေးဖက်ဝင်သည့် အသီးအနှံ တစ်မျိုးဖြစ်ပြီး၊ အပင်မှသီးသော ကြောင်လျှာသီးအပြင်၊အပင်မှပွင့်သော ကြောင်လျှာပွင့်ကိုလည်း အခြောက်လှန်း၍ ရောင်းချရသဖြင့်  ဒေသခံများအနေဖြင့်လည်း မိသားစု ဟင်းတစ်ခွက်ရသည့်အပြင် အပိုဝင်ငွေရရှိသော ဒေသထွက်ကုန် ဖြစ်ပါသည်။

    ကြောင်လျှာသီးသည် အသည်းနှင့်ကျောက်ကပ်ကိုကျန်းမာစေခြင်း၊ ရောင်ရမ်းမှုကို သက်သာစေခြင်း၊ ကိုယ်ခံအားကောင်းစေခြင်း၊ အစာခြေစနစ်ကို ကျန်းမာစေခြင်း စသည့် ကျန်းမာရေးအတွက် ကောင်းကျိုးများစွာရှိသည်ဟု လေ့လာသိရှိရပါသည်။

    ၂၀၂၅ ခုနှစ်၊ ဇူလိုင်လ ‌ပထမပတ်တွင်  ကြောင်လျှာသီး တစ်တောင့်လျှင် အကြီးအ‌သေးပေါ် မူတည်၍  (၁၀၀၀)ကျပ်မှ (၁၅၀၀)ကျပ်ထိ၊ကြောင်လျှာပွင့်ခြောက် တစ်ပိဿာလျှင် (၁၈၀၀၀)ကျပ်၊ ပေါက်ဈေးဖြင့် ဈေးကောင်းရ အရောင်းအဝယ်ဖြစ်လျက်ရှိကြောင်း ရွှေဘိုမြို့ စည်ပင်သာယာဈေးအတွင်းရှိ သီးနှံ လက္ကားဒိုင်များမှ သတင်းရရှိသည်။

DOCA(စစ်ကိုင်း)      

             မအူပင်ကုန်စိမ်’ဈေးကွက်သို့ ဒေသတွင်း စားသုံးရန်လိုအပ်ချက်အရ ငရုတ်သီးစိမ်းများ ဝင်ရောက်လျက်ရှိကြောင်း မအူပင်ဈေးကွက်အတွင်းမှ သိရသည်။ မအူပင်ခရိုင်တွင် ငရုတ်သီးစိမ်းစိုက်ပျိုးကြသော်လည်း မိုးရာသီတွင် မိုးများသောကြောင့် ငရုတ်စိုက်ပျိုးမှု နောက်ကျမှ စိုက်ပျိုးကြောင်းသိရသည်။ ဒေသတွင်း စားသုံးသူလိုအပ်ချက်အရ ငရုတ်သီးစိမ်းများကို ရန်ကုန်သီရိမင်္ဂလာဈေးမှ မှာယူရောင်းချကြောင်း သိရသည်။

            ဈေးကွက်နေဖြင့် ငရုတ်သီးစိမ်း အချိန်၃၀ပါ ၁အိတ်ကို ငွေကျပ် ၁၂၀၀၀၀ကျပ်ဖြင့် ရန်ကုန်မှ ၎င်းှာယူရောင်းချပြီး မအူပင်ဈေးကွက်တွင် ငရုတ်သီးသိမ်း ၁ပိဿာလျှင် ၅၀၀၀ကျပ်ဖြင့် အရောင်းအဝယ်ဖြစ် လျက်ရှိသည်။ ငရုတ်စိမ်း တစ်အိတ်လျှင် အကျိုးအမြတ် ငွေကျပ် ၃၀၀၀၀ ကျန်ရှိကြောင်းနှင့် ကုန်စိမ်းရောင်းချသူမှ ငရုတ်စိမ်းများကို တစ်ပတ်လျှင် အချိန် ၃၀ပါ အိတ် ၂အိတ်ခန့် ရောင်းချရကြောင်းနှင့် အခြားသော ကုန်စိမ်းရောင်းချသူများလည်း ဝယ်ယူရောင်းချလျက်ရှိသည်။ ဒေသတွင် ငရုတ်စိုက်သီးနှံပေါ်ချိန်တွင် ဒေသမျိုးများကိုသာ ရောင်းချလျက်ရှိပြီး ရန်ကုန်သို့လည်း တင်ပိုကြောင်း ငရုတ်သီးနှံရောင်းချသူထံမှ သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံဒေါ်ဇင်မာသန်းနှင့် ဝန်ထမ်းများသည်(၁၁.၇.၂၀၂၅)ရက်နေ့၊ နံနက်(၀၈း၀၀) နာရီအချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၏ ဦးဆောင်ကြီးကြပ်မှုဖြင့် သာသနာဗိမာန်ကျောင်းရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

          ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၇၀၀၀) အစရှိသည့်သက်သာသော ဈေးနှုန်းများဖြင့် စားသုံးသူ ပြည်သူများအား မည်သူမဆိုလွတ်လပ်စွာဝယ် ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)

    ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးအတွင်းသို့ အနယ်နယ်အရပ်ရပ်မှ သစ်သီးများ၊ ပန်းနှင့် ကုန်စိမ်းများ ဝင်ရောက်လျက်ရှိရာ အောင်ပန်း၊ တောင်ကြီး၊ ကလော၊ ဟဲဟိုး၊ အင်းလေး၊ မှော်ဘီ၊ တိုက်ကြီး၊ တွံတေး၊ ကျောင်းကုန်း၊ ရွှေညောင်၊ ညောင်နှစ်ပင်၊ ခရမ်း၊ သုံးခွ၊ ဝါးနက်ချောင်း၊ ဧရာဝတီတိုင်း၊ ပဲခူးတိုင်း၊ မန္တလေးတိုင်းတို့မှ ၁၁.၇.၂၀၂၅ ရက်နေ့တွင် ကုန်စိမ်းကုန်ချိန် ပိဿာချိန်ပေါင်း (၇၆၀၀၀၀) ကား (၉၆) စီးဝင်ရောက်လျက်ရှိကြောင်း၊ ပြင်ဦးလွင်၊ ကလော၊ မိုးကုတ်၊ တောင်ကြီး၊ အောင်ပန်း၊ ဘီးလင်း၊ တပ်ကုန်း၊ ရဲမွန်၊ ရေး၊ အင်းမ၊ မှော်ဘီ၊ တိုက်ကြီး၊ မန္တလေး ၊ သီပေါ၊ ကျိုက်ကော်၊ မော်လမြိုင်၊ ပုပ္ပါး၊ ကျောက်ဆည်၊ တောင်ငူ၊ တွံတေး၊ ထားဝယ်၊ ကြံခင်း၊ ခရမ်းတို့မှ သစ်သီးများ ကုန်ချိန်ပိဿာချိန်ပေါင်း (၂၂၂၀၀၀) ကား (၃၁) စီးဝင်ရောက်ပြီး  ကလော၊ ဟဲဟိုး၊ တောင်ကြီး၊ ပြင်ဦးလွင်၊ ရွှေတောင်၊ ငွေတောင်၊ လှည်းကူး၊ ကျွန်းကလေး၊ ဇီးဖြူကုန်း၊ တွံတေး၊ ကော့မှူး၊ ညောင်တုန်းတို့မှ ပန်းများ ကုန်ချိန်ပိဿာပေါင်း (၃၈၈၀၀)  ကား (၂၇) စီး ဝင်ရောက်ကြောင်း သိရှိရပါသည်။

DOCA (ရန်ကုန်)