ပြည်တွင်းကုန်သွယ်မှုသတင်း

     ရှမ်းပြည်နယ်(တောင်ပိုင်း)  ဟိုပုံးမြို့နယ်တွင် ဘိန်းအစားထိုးသီးနှံဖြစ်သည့် ဝဥကို တွင်တွင်ကျယ်ကျယ်စိုက်ပျိုးထားသော်လည်း ယခင်နှစ်များကဲ့သို့ ဈေးကောင်းမရရှိကြောင်း သိရ သည်။ စိုက်ပျိုးရေးလုပ်ကိုင်သောတောင်သူများသည် ဘိန်းအစားထိုးသီးနှံဖြစ်သည့် ဝဥကို စိုက်ပျိုးလျက်ရှိပြီး၊ ယခုအခါ ဝဥဈေးသည် ၂၀၁၈ နှင့် ၂၀၂၂ ခုနှစ်များကဲ့သို့ ဈေးကောင်းမရရှိသေးသဖြင့် မြေကြီးထဲတွင်သာ သိုလှောင်ထားနေရကြောင်းသိရသည်။ ပြီးခဲ့သည့် စက်တင်ဘာလတွင် စက်ရုံများမှ အဝယ်မရှိသေးသည့်အတွက် ဝဥ အစိုတစ်ပိဿာကို ၇၀၀ ကျပ်၊ ၈၀၀ ကျပ် ဈေးသာရှိခဲ့ပြီး၊ ယခုနိုဝင်ဘာလတွင် တစ်ပိဿာ ၁၀၀၀ ကျပ် ဝန်းကျင်ခန့်သာရှိခဲ့ပါသည်။ ဈေးကောင်းမရရှိခြင်း၊ ဝယ်သူနည်းပါးလာခြင်းတို့ကြောင့်  တောင်သူများမှာလည်း မတူးတော့ဘဲ၊ မြေကြီးထဲမှာသာ လှောင်ထား၍ ဈေးကောင်းရတဲ့အချိန်မှာသာ ပြန်တူးပြီး ရောင်းကြမည်ဖြစ်ကြောင်း သိရသည်။ ဝဥပင်သည် နှစ်ရှည်ပင်ဖြစ်ပြီး၊ ၂ နှစ်မှ ၄ နှစ်အထိ  စိုက်ပျိုးရပါသည်။ ရှမ်းပြည်နယ်(တောင်ပိုင်း)မှာ ပင်လောင်း၊ ဟိုပုံး၊ ပေါင်းလောင်းဒေသမှ ဝဥစိုက်တောင်သူများသည် ပွဲစားများမှတစ်ဆင့် ရောင်းဝယ်နေရပြီး၊ မျိုးစေ့ကို ချင်းပြည်နယ်မှ မှာယူစိုက်ပျိုးရကြောင်းသိရှိရပါသည်။

   ယခုနှစ်ဈေးနှုန်းနှင့် ယခင်ဈေးနှုန်းကို နှိုင်းယှဉ်ပါက ဝဥပေါက်ဈေး အစို တစ်ပိဿာကို လေးရာကျပ် ဈေးကျလျက်ရှိကြောင်း၊ ကိုဗစ်နှင့် နိုင်ငံရေးအခြေအနေတွေကြောင့် ယနေ့အချိန်ထိ ဝဥမှာ ဈေးကောင်းပြန်မရသေးကြောင်း၊ ဝဥ စိုက်တောင်သူများထံမှ သိရှိရပါသည်။ ယခုအခါ ဝဥကို ကရင်ပြည်နယ်၊ တနင်္သာရီတိုင်း၊ မွန်ပြည်နယ်၊ ဧရာဝတီတိုင်း၊ ချင်းပြည်နယ်၊ ရခိုင်ပြည်နယ်၊ မကွေးတိုင်းနှင့် ရှမ်းပြည်နယ်များတွင် အများဆုံးစိုက်ပျိုးကြကြောင်း၊ ဝဥများကို ကုန်ချောအဆင့်ထိမထုတ်နိုင်သေးသဖြင့် ကုန်ကြမ်းအဖြစ်သာ ထုတ်ရောင်းနေရပြီး မြန်မာနိုင်ငံထွက် ဝဥများကို တရုတ်နှင့် ဂျပန်သို့ အဓိကတင်ပို့ရကြောင်း သိရှိရပါသည်။

DOCA(ရှမ်း)

      ၂၁.၁၁.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   ၂၁.၁၁.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

    ကရင်ပြည်နယ်၊ ဘားအံမြို့၌ ခဲတံကျည်တောက် (ခေါ်) ကောက်ညှင်းကျည်တောက်ပြုလုပ်ရောင်းချသူများ မိသားစုအပိုဝင်ငွေရရှိကာ အဆင်ပြေလျက်ရှိကြောင်းသိရသည်။

    ကောက်ညှင်းကျည်တောက်ပြုလုပ်ရန် ကောက်ညှင်းဆန်ကို အနည်းငယ်ပွလာအောင် ရေစိမ်ထားပြီး အနည်းငယ်ပွလာသည့်ကောက်ညှင်းဆန်အား  အုန်းသီး၊ ဆား စသည်တို့နှင့်သမအောင်မွှေပြီး ကောက်ညှင်းကျည်တောက်ပြုလုပ်သည့် ဝါးအတွင်းသို့ထည့်သွင်း၍ နာရီဝက်ခန့်မီးဖုတ်၍ ကောက်ညှင်းကျည်တောက်ပြုလုပ်ကြပြီး မီးဖုတ်ထားသည့် ကောက်ညှင်းကျည်တောက်ကို မီးလောင်ကျွမ်းထားသည့် ဝါးကျည်တောက်အပေါ်ခွံအား ဖြူဖွေးလှပစေရန် ဓားဖြင့်အနည်းငယ်ခွာ၍ရောင်းချကြသည်။

    အရသာမျိုးစုံထည့်သွင်း၍ပြုလုပ်ထားသည့် ကောက်ညှင်းကျည်တောက်သည် ဒေသအစားအစာတစ်မျိုးဖြစ်ကာ အရသာထူးကဲကောင်းမွန်ခြင်းကြောင့် လူမျိုးဘာသာမရွေး ကြိုက်နှစ်သက်ကြပါသည်။ ရာသီစာကောက်ညှင်းကျည်တောက်ကို  ကရင်ပြည်နယ်၌  မိုးအကုန် ဆောင်းအကူး ကာလများတွင် လူစည်ကားရာ ဘုရားပွဲတော်များ၊ ကရင်ပြည်နယ်ပွဲ၊ ကရင်နှစ်သစ်ကူးပွဲ၊ ခရစ်စမတ်ပွဲတော်များ၌ အများဆုံးရောင်းချကြပါသည်။ ဘားအံမြို့ဈေးများတွင်လည်း အမြဲလိုလို ရောင်းချကြသည်ကိုတွေ့ရှိရပါသည်။ အရွယ်အစားကိုလိုက်၍ ကောက်ညှင်းကျည်တောက် အသေး(၁) ချောင်းလျှင်  (၁၀၀၀) ကျပ်၊ အလတ် (၁)ချောင်းလျှင် (၁၅၀၀)ကျပ်၊ အကြီး(၁) ချောင်းလျှင် (၂၀၀၀) နှုန်းဖြင့်ရောင်းချကြပြီး မိသားစုအပိုဝင်ငွေရရှိကာ အဆင်ပြေလျက်ရှိကြောင်း ကောက်ညှင်းကျည်တောက်ပြုလုပ်ရောင်းချသူများထံမှသိရပါသည်။

DOCA(ကရင်)

မန္တလေးတိုင်းဒေသကြီး၊ ကျောက်ဆည်ခရိုင်အတွင်း မြို့နယ်များရှိ စည်ပင်သာယာဈေးများတွင် ၂၀၂၃ ခုနှစ်၊ နိုဝင်ဘာလ ဒုတိယပတ်အတွင်း ရောင်းချလျက်ရှိသော အခြေခံစားကုန်များမှာ ဧရာပဒေသာဆန် တစ်ပြည်(၅၇၀ဝိ/-)ကျပ်၊ ဧရာပဒေသာဆန်(၂၄)ပြည်တစ်အိတ်လျှင်(၁၃၅၀၀ဝိ/-) ကျပ်၊မနောသုခဆန် တစ်ပြည်(၄၀၀ဝိ/-)ကျပ်၊ မနောသုခဆန်(၂၄)ပြည်တစ်အိတ်လျှင် (၉၅၀၀ဝိ/) ကျပ် ၊ခရမ်းချဉ်သီး(ရှမ်း) လက်လီဈေးနှုန်းမှာတစ်ပိဿာလျှင်(၁၂၀ဝိ/-)ကျပ်၊ ကြက်သွန်နီလက်လီ ဈေးနှုန်းမှာ(ကြီး)တစ်ပိဿာလျှင်(၃၇၀ဝိ/-)ကျပ် ၊ (လတ်)တစ်ပိဿာလျှင် (၃၅၀ဝိ/-)ကျပ် ၊ (အသေး) တစ်ပိဿာလျှင်(၃၂၀ဝိ/-)ကျပ် ၊ ကြက်သွန်ဖြူလက်လီ(ရှမ်း) တစ်ပိဿာလျှင်(၁၄၅၀ဝိ/-)ကျပ် ၊ အာလူး တစ်ပိဿာလျှင်(၂၈၀ဝိ/-)ကျပ် ၊ မန်ကျည်းသီး (ဟောင်း) တစ်ပိဿာလျှင် (၄၅၀ဝိ/-)ကျပ်၊ မန်ကျည်းသီး(သစ်) တစ်ပိဿာလျှင် (၄၀၀ဝိ/-)ကျပ် ၊ ဂျင်း တစ်ပိဿာလျှင်(၃၅၀ဝိ/-) ကျပ် ၊ ဆား တစ်ပိဿာလျှင်(၅၀ဝိ/-)ကျပ်ဈေးနှုန်းများဖြင့် အရောင်းအဝယ်ဖြစ်လျက်ရှိပါသည် ။ ကျောက်ဆည်ခရိုင်၏ သား၊ငါးဈေးနှုန်းများမှာ ကြက်သား(ဗမာ) တစ်ပိဿာလျှင်(၁၈၀၀ဝိ/-)ကျပ်၊ ကြက်သား(CP) တစ်ပိဿာလျှင်(၁၂၀၀ဝိ/-)ကျပ်၊ ဝက်သား တစ်ပိဿာလျှင်(၁၈၀၀ဝိ/-)ကျပ်၊ အမဲသား တစ်ပိဿာလျှင် (၁၆၀၀ဝိ/-)ကျပ် ၊ ဆိတ်သား တစ်ပိဿာလျှင်(၂၇၀၀ဝိ/-)ကျပ် နှင့် ငါးအုံတုံ တစ် ပိဿာလျှင် (၁၀၀၀၀)ကျပ် ၊ ငါးမြစ်ချင်း တစ်ပိဿာလျှင်(၈၀၀၀)ကျပ် ၊ ဈေးနှုန်းများဖြင့် အရောင်း အဝယ်ဖြစ်လျက်ရှိပြီး ဆီဈေးနှုန်းများအနေဖြင့် ပဲဆီသန့် တစ်ပိဿာလျှင်(၁၃၀၀ဝိ/-)ကျပ်၊ နှမ်းဆီ သန့်တစ်ပိဿာလျှင်(၁၃၄၀ဝိ/-)ကျပ်၊ နေကြာဆီသန့်တစ်ပိဿာလျှင်(၁၄၀၀ဝိ/-)ကျပ် စျေးနှုန်းများ ဖြစ်ပြီး စားဆီ တစ်ပိဿာလျှင်(၅၁၀၈/-)ကျပ် ဈေးနှုန်းမှာ ဆိုင်ထိုင်ရောင်းစျေးနှုန်းဖြင့် အရောင်း အဝယ်ဖြစ်နေကြောင်းသိရှိရပါသည် ။ အခြေခံစားသောက်ကုန်များ၏ ဈေးနှုန်းများအား ယခင် နိုဝင်ဘာလ ပထမပတ်နှင့် နိုဝင်ဘာလ ဒုတိယပတ် နှိုင်းယှဉ်ပါက ကြက်သွန်နီ ၊ ကြက်သွန်ဖြူ ၊ ဂျင်း၊အာလူး၊စားအုန်းဆီစျေးနှုန်းများ အနည်းငယ်မြင့်တက်လျက်ရှိကြောင်း၊ ပဲဆီ၊နှမ်းဆီ၊နေကြာဆီ စျေးနှုန်းများမှာ အနည်းငယ်ကျဆင်းလျက်ရှိပြီး ကျန်အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိကြောင်း သိရှိရပါသည်။
DOCA(မန္တလေး)