ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး ၊ ကန့်ဘလူခရိုင်၊ ကျွန်းလှမြို့နယ်သည် သီးနှံမျိုးစုံစိုက်ပျိုးလျက်ရှိရာ လယ်ယာစိုက်ပျိုးရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ကြောင်း၊ စိုက်ပျိုးတောင်သူများသည် ပဲလွန်းဖြူသီးနှံကိုလည်း စိုက်ပျိုးကြောင်း သိရသည်။

    ၂၀၂၅ ခုနှစ်၊ ဇူလိုင်လ တတိယပတ်အတွင်း ဈေးနှုန်းများမှာ ပဲလွန်းဖြူတစ်တင်းလျှင် (၈၂၀၀၀)ကျပ်၊ အကွဲအနာပါတစ်တင်းလျှင်(၈၁၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခုပတ်အတွင်း ပဲလွန်းဖြူ(၁)တင်းလျှင် (၂၀၀၀)ကျပ် ကျဆင်းသွားကြောင်း၊ ဈေးကွက်အနေဖြင့် ကျွန်းလှမြို့ နယ်မှထွက်ရှိသော ပဲလွန်းဖြူသီးနှံများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့ရောင်း ချကြောင်း သီးနှံရောင်းဝယ်ရေး လုပ်ငန်းရှင်များထံမှ သတင်းရရှိသည်။

DOCA(စစ်ကိုင်း)

   သထုံခရိုင်အတွင်းရှိ မြို့နယ်များတွင် ဇူလိုင်လ၏ စတုတ္ထအပတ်တွင် စပါး၊ ဆန် ဈေးနှုန်း မှာ အနည်းငယ်အပြောင်းအလဲရှိကြောင်း သိရှိရပါသည်။ သထုံခရိုင်အတွင်းမှ အခြားတိုင်းဒေသ ကြီးနှင့် အခြားခရိုင်မြို့နယ်များသို့ ဆန်စီးထွက်မှုမှာ ဇူလိုင်လ၏ တတိယအပတ်၌ မော်လမြိုင်သို့ (၂၇၀၀) အိတ်ခန့်၊ ကရင်ပြည်နယ်သို့ (၂၀၀၀) အိတ်ခန့်၊ စုစုပေါင်း (၄၇၀၀)  အိတ်ခန့်၊ တန်ချိန်အားဖြင့် (၂၂၆) တန်ခန့် စီးထွက်ခဲ့ပါသည်။ ယခု ဇူလိုင်လ၏ စတုတ္ထအပတ်တွင် မော်လမြိုင်သို့ (၂၆၀၀) အိတ်ခန့်၊ ကရင်ပြည်နယ်သို့ (၂၂၀၀) အိတ်ခန့်၊ စုစုပေါင်း(၄၈၀၀)  အိတ်ခန့်၊ တန်ချိန်အားဖြင့် (၂၃၁) တန်ခန့် စီးထွက်ခဲ့ပြီး ယခင် တတိယအပတ်နှင့် နှိုင်းယှဉ်ပါက အနည်းငယ်ပို၍ စီးထွက်ခဲ့ပါသည်။

          သထုံခရိုင်အတွင်းသို့ ဇူလိုင်လ၏ တတိယအပတ်တွင် ဆန်စီးဝင်မှုနှုန်းမှာ ရန်ကုန်တိုင်း ဒေသကြီးမှ (၂၅၀၀) အိတ်ခန့်၊ ပဲခူးတိုင်းဒေသကြီးမှ (၂၃၀၀) အိတ်ခန့်၊ စုစုပေါင်း (၄၈၀၀) အိတ်ခန့် တန်ချိန်အားဖြင့် (၂၃၁) တန်ခန့်စီးဝင်ခဲ့ပြီး၊ ဇူလိုင်လ၏ စတုတ္ထအပတ်တွင် ရန်ကုန်တိုင်းဒေသကြီးမှ (၂၂၀၀) အိတ်ခန့်၊ ပဲခူးတိုင်းဒေသကြီးမှ (၂၃၀၀) အိတ်ခန့်၊ စုစုပေါင်း (၄၅၀၀) အိတ်ခန့်၊ တန်ချိန်အားဖြင့် (၂၁၆) တန်ခန့်စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ တတိယအပတ်နှင့် နှိုင်းယှဉ်ပါက လျော့၍ စီးဝင်ခဲ့ပါသည်။

          သထုံခရိုင်အတွင်း၌ ဇူလိုင်လ၏ စတုတ္ထအပတ်တွင် စပါး၊ ဆန်ဈေးနှုန်းများမှာ စပါးတင်း (၁၀၀) လျှင် ဒေသပေါက်ဈေး ကျားပျံဟိုတယ် (၂၇၀၀၀၀၀)ခန့်၊ ပေါ်ဆန်းဝါ (၂၆၀၀၀၀၀) ခန့်၊ ကမာကြည် (၁၇၀၀၀၀၀)ခန့်၊ ဧည့်မထ (၁၄၀၀၀၀၀)ခန့်နှင့် (၂၄) ပြည်ဝင် ဆန်တစ်အိတ်လျှင် ကျားပျံဟိုတယ် (၁၁၀၀၀၀) ခန့်၊ ပေါ်ဆန်းဝါ (၁၁၀၀၀၀) ခန့်၊ ကမာကြည် (၇၅၀၀၀) ခန့်၊ ဧည့်မထ (၅၉၀၀၀) ခန့်ရှိပြီး ယခုအပတ်တွင် စပါး၊ ဆန်ဈေးနှုန်းမှာ အနည်းငယ် အပြောင်း အလဲရှိကြောင်း  သိရှိရပါသည်။

DOCA (မွန်)

ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို           ယခင် ၂၀၂၅ ခုနှစ်၊ ဇူလိုင်လ ပထမပတ်အတွင်း ဖြစ်ပေါ်နေသော ကျွန်းလှမြို့၏ ဖရဲသီး ဈေးနှုန်း များမှာ ဖရဲသီး အကြီး တစ်လုံးလျှင်(၆၅၀၀)ကျပ်၊  ဖရဲသီး အလတ် တစ်လုံးလျှင်(၅၀၀၀)ကျပ်နှင့် ဖရဲသီး လက်လီ အသေး တစ်လုံးလျှင်(၃၅၀၀)ကျပ် နှင့် ဖရဲသီးစိတ် တစ်စိတ်လျှင်(၃၀၀)ကျပ် (၂)စိတ်လျှင် (၅၀၀)ကျပ်ဈေး၊ ဒူးရင်းသီး  အကြီး တစ်လုံးလျှင်(၅၀၀၀၀)ကျပ်၊  ဒူးရင်းသီး အလတ် တစ်လုံးလျှင် (၃၅၀၀၀) နှင့် ဒူးရင်းသီး အလုံးသေး တစ်လုံးလျှင် (၃၀၀၀၀)ကျပ် ၊ ကြက်မောက်သီးလတ်(၁)လုံးလျှင် (၂၅၀)ကျပ်၊ အကြီး(၁)လုံးလျှင် (၄၀၀)ကျပ်နှင့် (၁၁)လုံးလျှင် (၄၀၀၀)ကျပ် ဖြင့်ရောင်းချလျက်ရှိကြောင်း၊ မင်းကွတ်သီး (၁)လုံးလျှင် (၄၀၀)ကျပ်၊ (၁၁)လုံးလျှင် (၄၀၀၀)ကျပ်ဖြင့် ရောင်းချလျက်ရှိပြီး အရောင်းအဝယ်ဖြစ်လျက်ရှိကြောင်း ကျွန်းလှမြို့၊ သစ်ရာမြိုင် ဈေး၌ သစ်သီးမျိုးစုံ  ရောင်းချနေသော ဈေးသည် တစ်ဦးထံမှ သိရသည်။

Doca(စစ်ကိုင်း)

  မွန်ပြည်နယ်၊ ကျိုက်မရောမြို့နယ် နတ်စမ်းကျေးရွာ၌ ပဲတောင့်ရှည်သီးများ စိုက်ပျိုးမှု အထွက်နှုန်းကောင်း၍ အိမ်ရှင်မများ မိသားစုဝင်‌ငွေတိုးကာ အပိုဝင်ငွေ ရရှိလျက်ရှိခဲ့ကြောင်း သိရပါသည်။ ပဲတောင့်ရှည်သီးများ ယခုနှစ်တွင် အထွက်နှုန်းကောင်းမွန်ကာ ရောင်းဝယ်မှု စျေးကွက်ရှိသောကြောင့် စိုက်ပျိုးသူများအဆင်ပြေလျှက်ရှိကြောင်း သိရပါသည်။

          တိုင်ထောင်ပဲသီးစိုက်ပျိုးရန်အတွက် ကုန်ကျစရိတ်အနေဖြင့် ‌ငွေကျပ် (၃) သိန်းခန့် ကုန်ကျကြောင်း၊ မျိုးစေ့တစ်ဗူးလျှင် တစ်သောင်းကျော်ပေးရပြီး အစေ့မှ အပင်ငယ်များကို ပျိုးထောင်ကာ  အညွှန့်တက်လာလျှင် တိုင်ထောင်ပေးရကြောင်း၊ စိုက်ပျိုးပြီး (၄၅)ရက် အကြာတွင် အသီးများ ခူးယူရရှိကာ နှစ်ရက်ခြားတစ်ကြိမ် ပဲတောင့်များခူးရန် အစည်းလိုက် ဖောက်သည်ပေးရပြီး တစ်နေ့လျှင် အစည်းပေါင်း (၁၃၀)ခန့် ရရှိကာ နှစ်ရက်ခြားတစ်ကြိမ် ခူးဆွတ်ရောင်းလျှင် တစ်သိန်းခွဲ၊ နှစ်သိန်းခန့်ရရှိသဖြင့် အိမ်ရှင်မများ မိသားစုဝင်ငွေတိုးပွား၍ ပဲသီးထွက်ချိန်၌ စီးပွားရေးအဆင်ပြေလျက်ရှိကြောင်း ပဲသီးစိုက်ပျိုးသူ ဒေါ်စန်းစန်းမော်ထံမှ သိရပါသည်။

 DOCA (မွန်)

ကန့်ဘလူခရိုင်၊ ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များ နှင့် ဈေးများတွင်  ရှင်မတောင် သနပ်ခါးတုံးများကို ရွှေဘိုမြို့နှင့် မုံရွာမြို့တို့မှ မှာယူရောင်းချ လျက်ရှိကြောင်း သိရှိရပါသည်။

          မြန်မာနိုင်ငံတွင် သနပ်ခါးပင်စိုက်ပျိုးရှင်သန်ရာနေရာများမှာ အပူပိုင်းဒေသများဖြစ်သည့် မကွေး တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး နှင့် စစ်ကိုင်းတိုင်းဒေသကြီး တို့ဖြစ်သည်။ ပခက္ကူ၊ ရေစကြို၊ မြိုင်၊ ပြည်၊ ရွှေဘို၊ မုံရွာ၊ စစ်ကိုင်း၊ နွားထိုးကြီး၊ တောင်သာ နှင့် အရာတော်မြို့နယ်တို့တွင် သနပ်ခါးပင်များကို အများဆုံးတွေ့ရှိရပါသည်။

          သနပ်ခါးသည် မြန်မာလူမျိုးများအတွက်ချစ်ခင်မြတ်နိုးတန်ဖိုးထား နှစ်သက်ကြသည့်အရာတစ်ခု လည်းဖြစ်ပါသည်။ သနပ်ခါးကို အလှအပအတွက်သော်လည်းကောင်း၊ နေပူဒဏ် နေလောင်ဒဏ်မှ ကာ ကွယ်ရန်အတွက်သော်လည်းကောင်း၊ ဆေးဝါးအဖြစ်သော်လည်းကောင်း သုံးစွဲကြပါသည်။သနပ်ခါးကို ကလေး၊ လူကြီး ကြိုက်နှစ်သက်သလို အမျိုးသမီးများအပြင် အမျိုးသားမှာလည်း လိမ်းချယ်ကြလေ့ ရှိပါသည်။ သနပ်ခါးသည် ဆောင်တွင် နွေး၍ နွေတွင် အေးစေသည့်ဆိုရိုးအတိုင်း သနပ်ခါးလိမ်းထားလျှင် စိတ်ကိုကြည်လင်လန်းဆန်းစေပြီး အသားအရေကိုအေး‌မြချောမွေ့ စေသည့်အတွက် အမျိုးသမီးတိုင်း အရမ်းကြိက်နှစ်သက်စွာလိမ်းခြယ်ကြသည်ကိုသိရသည်။

ယခု ၂၀၂၅ ခုနှစ်၊ ဇူလိုင်လ ပထမပတ်အတွင်း ကျွန်းလှမြို့ ကုန်မျိုးစုံရောင်းချသည့် ဆိုင်များတွင် ရောင်းချနေ‌သော သနပ်ခါးတုံး ဈေးနှုန်း အနေဖြင့် အကြီး အသေးပါ်မူတည်၍အစားစားရှိပြီး သနပ်ခါး အကြီး အပွေး အထူအပါးပေါ်မူတည်၍ တစ်တုံးလျှင် (၅၀၀၀/၄၀၀၀/၃၀၀၀)ကျပ်၊ သနပ်ခါး အတုံး အသေး အပွေးအထူ အပါးပေါ်မူတည်၍ တစ်တုံးလျှင် (၂၀၀၀/၂၅၀၀/၂၈၀၀)ဈေးနှုန်း အသီးသီတို့ဖြင့် ရောင်းချ လျက ရှိကြောင်း ကျွန်းလှမြို့ သနပ်ခါးတုံး ရောင်းချနေသာ လုပ်ငန်းရှင်များထံမှ သတင်းရရှိပါသည်။

Doca(စစ်ကိုင်း)