ပြည်တွင်းကုန်သွယ်မှုသတင်း

     မကွေးမြို့၊ ရန်ပယ်စျေးသို့ မြို့ပေါ်ရှိစျေးသည်များနှင့် ပတ်ဝန်းကျင်ကျေးရွာများဖြစ်သော ဒဟက်ကန်ကျေးရွာ၊ ကန်ပြားကျေးရွာ၊ ကန်လှကျေးရွာ၊ ထုံးပေါက်တောကျေးရွာ၊ နွားကူးကျေးရွာ၊ သန်းတောကုန်းကျေးရွာ၊ ဆားတိုင်ကန်ကျေးရွာ၊ မကျီးကန်ကျေးရွာ၊ ပုထိုးစမ်း‌ကျေးရွာတို့မှ လာရောက်ရောင်းဝယ်ဖောက်ကားလျက်ရှိပါသည်။

     မကွေးမြို့၊ ရန်ပယ်စျေး၌ ၂၀၂၃ခုနှစ်၊ နိုဝင်ဘာလ(ဒုတိယပတ်)အတွင်း ရောင်းချလျက်ရှိသောစျေးနှုန်းများမှာ ခရမ်းချဉ်သီး (၁)ပိဿာလျှင် ကျပ်(၂၀၀၀)၊ ပန်းမုန်လာ(၁)ပွင့်လျှင် ကျပ်(၁၃၀၀-၁၅၀၀)၊ ဂေါ်ဖီ (၁)ထုပ်လျှင် ကျပ်(၁၀၀၀-၁၂၀၀)၊ ပဲသီး(၁)ထုံးလျှင် ကျပ်(၁၈၀၀-၂၀၀၀)၊ အာလူး(၁)ပိဿာလျှင် ကျပ်(၃၂၀၀)၊ ငရုတ်သီးစိမ်း(၁)ပိဿာလျှင် ကျပ်(၃၀၀၀)၊ ငရုတ်သီးစိမ်းတောင်ပေါ်(၁၀)(၁)ပိဿာလျှင် ကျပ်(၅၅၀၀)၊ ပြောင်းဖူးသကြား(၁၀)ဖူးလျှင် ကျပ်(၃၅၀၀)၊ ကြက်သား(CP)(၁)ပိဿာလျှင် ကျပ် (၁၅၀၀၀-၁၆၀၀၀)၊ ကြက်သား(ဗမာ)(၁)ပိဿာလျှင် ကျပ်(၁၆၅၀၀)၊ ဆိတ်သား(၁)ပိဿာလျှင် ကျပ် (၁၇၀၀၀)၊ အမဲသား(၁)ပိဿာလျှင် ကျပ်(၁၅၀၀၀)၊ ဝက်သား(၁)ပိဿာလျှင် ကျပ်(၁၅၀၀၀)၊ ကြက်သွန်နီ (ကြီး)(၁)ပိဿာလျှင် ကျပ်(၄၀၀၀)၊ ကြက်သွန်ဖြူ(ရှမ်း)(၁)ပိဿာလျှင် ကျပ်(၂၀၀၀၀)၊ ကြက်သွန်ဖြူ (ဗမာ)(၁)ပိဿာလျှင် ကျပ်(၁၈၀၀၀)၊ မြေပဲဆံ(၁)ပြည်လျှင် ကျပ်(၈၀၀၀)၊ ကုလားပဲခြမ်း(၁)ပြည်လျှင် ကျပ်(၈၀၀၀)၊ ကြက်ဥ(၁၀)လုံးလျှင် ကျပ်(၂၅၀-၂၈၀)၊ ဘဲဥ(၁၀)လုံးလျှင် ကျပ်(၃၅၀၀)တို့ဖြင့် အသီးသီး အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(မကွေး)

      ၂၀၂၃ ခုနှစ် နိုဝင်ဘာလ တတိယအပတ်တွင် မော်လမြိုင်မြို့ သံလွင်ဈေးအတွင်း အခြေခံစားကုန်များဖြစ်သော ပေါ်ဆန်း(ဆန်)(သစ်) ၂၄ပြည်ပါတစ်အိတ်လျှင် ကျပ် (၁၀၆၀၀၀)၊ ဧည့်မထ(ဆန်)(သစ်) ၂၄ပြည်ပါတစ်အိတ်လျှင် ကျပ် (၇၃၀၀၀)၊ စားအုန်းဆီ တစ်ပိဿာလျှင် ကျပ် (၇၄၀၀)၊ မြေပဲဆီ တစ်ပိဿာလျှင် ကျပ် (၁၆၀၀၀)၊ ကြက်သွန်နီ(အသစ်) တစ်ပိဿာလျှင် ကျပ် (၄၂၀၀) ၊ ဂျင်း တစ်ပိဿာလျှင် ကျပ် (၇၀၀၀)၊ ကြက်သွန်ဖြူ(ရှမ်းစ) တစ်ပိဿာလျှင် ကျပ် (၁၆၀၀၀)၊ ကြက်သွန်ဖြူ(ကြူကုတ်) တစ်ပိဿာလျှင် ကျပ် (၁၄၀၀၀)၊ ဆား တစ်ပိဿာလျှင် ကျပ် (၈၀၀)၊ အာလူး တစ်ပိဿာလျှင် ကျပ် (၄၀၀၀)၊ မကျည်းသီးမှည့် တစ်ပိဿာလျှင် ကျပ် (၅၀၀၀)၊ ငရုတ်ခြောက်ရှည် တစ်ပိဿာလျှင် ကျပ် (၁၅၀၀၀)၊ နနွင်းတက် တစ်ပိဿာလျှင် ကျပ် (၈၀၀၀)၊ ပဲနီလေး (မြန်မာ) တစ်ပိဿာလျှင် ကျပ် (၈၀၀၀)၊ ကုလားပဲခြမ်း တစ်ပိဿာလျှင် ကျပ် (၇၀၀၀)၊ မြေပဲဆံ တစ်ပိဿာလျှင် ကျပ် (၁၂၀၀၀)၊ သကြား တစ်ပိဿာလျှင် ကျပ် (၄၄၀၀)၊ မွေးမြူရေးကြက် တစ်ပိဿာလျှင် ကျပ် (၁၂၀၀၀)၊ ဝက်သား တစ်ပိဿာလျှင် ကျပ် (၁၇၀၀၀)၊ ဆိတ်သား တစ်ပိဿာလျှင် ကျပ် (၃၀၀၀၀)၊ အမဲသား တစ်ပိဿာလျှင် ကျပ် (၁၇၀၀၀)၊ ငါးကြင်း တစ်ပိဿာလျှင် ကျပ် (၁၇၀၀၀)၊ ငါးမြစ်ချင်း တစ်ပိဿာလျှင် ကျပ် (၁၂၀၀၀)၊ ငါးခူ တစ်ပိဿာလျှင် ကျပ် (၁၂၀၀၀)၊ အာဗြဲခြောက် တစ်ပိဿာလျှင် ကျပ် (၃၂၀၀၀)၊ ကြက်ဥ တစ်လုံးလျှင် ကျပ် (၂၇၀)၊ ဘဲဥ တစ်လုံးလျှင် ကျပ် (၄၀၀)၊ ကန်စွန်းရွက် တစ်စည်းလျှင် ကျပ် (၂၀၀)၊ ဂေါ်ဖီထုပ် တစ်ထုပ်လျှင် ကျပ် (၁၅၀၀)၊ ခရမ်းချဉ်သီး တစ်ပိဿာလျှင် ကျပ် (၂၅၀၀)၊ ပဲတောင့်ရှည် တစ်စည်းလျှင် ကျပ် (၅၀၀) ဖြင့် အရောင်းအဝယ်ဖြစ်ပေါ်လျက်ရှိပြီး၊ နိုဝင်ဘာလ ပထမအပတ်အတွင်း အရောင်းအဝယ်ဖြစ်ပေါ်ခဲ့သော ဈေးနှုန်းထက် အနည်းငယ်မြင့်တက်လာခဲ့ကြောင်း ဈေးဆိုင်များထံမှ သိရှိရပါသည်။

DOCA(မွန်)

     မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

    မော်လမြိုင်မြို့ရှိ စက်သုံးဆီဆိုင်များသည် ပုံမှန်ဖွင့်လှစ်ရောင်းချလျက်ရှိပြီး နိုဝင်ဘာလ ဒုတိယပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၁၉၅) ကျပ်၊ ဒီဇယ် (ပရီမီယံ) တစ်လီတာလျှင် (၂၃၀၀) ကျပ်၊ ဓါတ်ဆီ(92) တစ်လီတာလျှင် (၂၁၈၀) ကျပ်၊ ဓါတ်ဆီ(95) တစ်လီတာလျှင် (၂၃၁၀) ကျပ်ဖြင့် ရောင်းချလျက်ရှိကြောင်း သိရသည်။

     ယခု နိုဝင်ဘာလ တတိယပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၁၇၅) ကျပ်၊ ဒီဇယ် (ပရီမီယံ) တစ်လီတာလျှင် (၂၂၆၅) ကျပ်၊ ဓါတ်ဆီ(92) တစ်လီတာလျှင် (၂၁၅၅) ကျပ်၊ ဓါတ်ဆီ(95) တစ်လီတာလျှင် (၂၂၉၅) ကျပ်ဖြင့် ရောင်းချနေသောကြောင့် ယခင်နိုဝင်ဘာလ ဒုတိယပတ်နှင့် နှိုင်းယှဉ်ပါက ဒီဇယ် (ရိုးရိုး) တစ်လီတာလျှင် (၂၀) ကျပ်၊ ဒီဇယ် (ပရီမီယံ) တစ်လီတာလျှင် (၃၅) ကျပ်၊ ဓါတ်ဆီ(92) တစ်လီတာလျှင် (၂၅) ကျပ်၊ ဓါတ်ဆီ(95) တစ်လီတာလျှင် (၁၅) ကျပ် ဈေးနှုန်းအသီးသီးကျဆင်းလျက်ရှိကြောင်း စက်သုံးဆီဆိုင်များမှ သတင်းရရှိသည်။

DOCA(မွန်)

     ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်တွင်ဖြစ်ပေါ်နေသော စပါးဈေးနှုန်းများမှာ ၂၀၂၃ခုနှစ်၊ အောက်တိုဘာလ နောက်ဆုံးပတ်တွင် ဆင်းသုခ၊ မနောသုခစပါး၊ (၄၆) ပေါင်ပါ တင်း (၁၀၀) လျှင် (၁၄၃၂၀၀၀) ကျပ်ရှိခဲ့ပြီး နိုဝင်ဘာလ ပထမပတ်တွင် အစိုဓာတ် (၁၈%၂၀%) ရှိသော (၄၆) ပေါင်ပါ တင်း (၁၀၀) လျှင် (၁၄၇၂၀၀၀) ကျပ်၊ နိုဝင်ဘာလ ဒုတိယပတ်တွင် အစိုဓာတ် (၁၅%၁၆%) ရှိသော (၄၆) ပေါင်ပါ တင်း (၁၀၀) လျှင် (၁၄၃၅၀၀၀) ကျပ်၊ စပါးခြောက်၍ သန့်သော (၄၆) ပေါင်ပါ တင်း (၁၀၀) လျှင် (၁၆၅၆၀၀၀) ကျပ်ထိပေးကြောင်း စပါးကုန်သည်တစ်ဦးထံမှသိရှိရပါသည်။

     နိုဝင်ဘာလ တတိယပတ်တွင် ဆန်ဈေးကွက်အနေဖြင့် ဆင်းသုခ၊ မနောသုခဆန်အ‌ဟောင်း ဆန်ကာတင် (၁) အိတ်လျှင် (၇၅၀၀၀) ကျပ်နှင့် ဆန်အသစ်(၁) အိတ်လျှင် (၆၅၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(ပဲခူး)

      မအူပင်ခရိုင်သည် စိုက်ပျိုးရေးကို အခြေခံသောခရိုင်တစ်ခုဖြစ်ပြီး ခရိုင်လူဦးရေ၏ သုံးပုံတစ်ပုံခန့်မှာ ကျေးလက်တောရွာများတွင် နေထိုင်ကြပါသည်။

     နံနက်မိုးလင်းသောအခါ ကျေးလက်တောရွာရှိလူများသည် ထမင်းကြော်နှင့်ငါးခြောက်၊ ပဲပြုတ်နှင့်အကြော်တစ်ခုခုဖြင့် စားလေ့ရှိကြပါသည်။ ၎င်းဓလေ့ထုံးစံနှင့်လျော်ညီစွာ ရွှေပဲကြော်လုပ်ငန်းသည် မအူပင်၊ ပန်းတနော်၊ ညောင်တုန်း၊ ဓနုဖြူ၊ ကျိုတ်လတ်၊ ဖျာပုံများထိ ဈေးကွက်ရရှိနေပြီးဖြစ်ပါသည်။

  ရွှေပဲကြော်လုပ်ငန်းသည် မအူပင်ခရိုင်၊ မအူပင်မြို့နယ်၊ လေးအိမ်စုကျေးရွာတွင်တည်ရှိပြီး ရွှေပဲကြော်လုပ်ငန်းပိုင်ရှင် ဦးဆန်းတင်းစိုးနှင့် မအူပင်ခရိုင်၊ စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ဇော်ဦးနှင့်ဝန်ထမ်းများသည် ၂၀၂၃ခုနှစ်၊ နိုဝင်ဘာလ ပထမပတ်တွင် ရွှေပဲကြော်လုပ်ငန်းဖွံ့ဖြိုးတိုးတက်ရေး၊ ဈေးကွက်ရရှိပြီးသည်ထက် ပိုမိုဈေးကွက်ရရှိရေးနှင့် သက်ဆိုင်ရာဌာနများ၏လုပ်ငန်းလိုင်စဉ်များ ပြည့်စုံစွာဆောင်ရွက်ထားရှိနိုင်ရေးတို့ကို အပြန်အလှန်ဆွေးနွေးခဲ့ပါသည်။

     ရွှေပဲကြော်ရရှိရန် ကောက်ညှင်းနှင့်ဆန်ကို အချိုးမျှတစွာ ကြိတ်ခွဲရောစပ်ပြီး ပဲ၊ ဆီ၊ ဆားတို့နှင့်ပေါင်းစပ်၍ ဒယ်အိုးထဲရှိ ဆီနှင့်ကြော်ကာ ပလတ်စတစ်အိတ်များနှင့် သပ်သပ်ရပ်ရပ်လုံခြုံစွာထုပ်ပိုးလျက် စားချင်စရာ၊ အစားအစာတစ်ခုအဖြစ် ဈေးကွက်အတွင်း ဖြန့်ချိရောင်းချလျက်ရှိကြောင်း ရွှေပဲကြော်လုပ်ငန်းပိုင်ရှင် ဦးဆန်းဝင်းစိုးက ရှင်းပြပါသည်။

    တစ်နေ့လျှင် ရွှေပဲကြော် ၂၀၀/-ကျပ်တန် (၁၂)ခုကို (၂၀၀၀/-)ကျပ်ဖြင့်လည်းကောင်း၊ ၁၀၀/-ကျပ်တန် (၁၀)ခုကို (၉၀၀/-)ကျပ်ဖြင့်လည်းကောင်း ဈေးကွက်အတွင်း အရောင်းအဝယ်တွင်ကျယ်လျက်ရှိပါသည်။

      ရွှေပဲကြော်ကို စတင်ထုတ်လုပ်သည့်နေ့ရက်မှစ၍ တစ်လအတွင်း အသင့်စားသုံးနိုင်ပြီး ဈေးကွက်အတွင်း အရောင်းအဝယ်တွင်ကျယ်လာခဲ့သည်။ စားသုံးသူများအနေဖြင့် စားသုံးရယူမှုလွယ်ကူခြင်း၊ အရသာကောင်းမွန်မှုရှိခြင်း၊ သင့်တင့်မျှတသောဈေးနှုန်းရှိသဖြင့် အခြေခံလူတန်းစားအားလုံးဝယ်ယူသုံးစွဲနိုင်ခြင်း စသည့် ဈေးကွက်အလားအလာကောင်းများကြောင့် လေးအိမ်စုကျေးရွာမှ တစ်နိုင်တစ်ပိုင်ထုတ်လုပ်သော ရွေပဲကြော်ဈေးကွက်မှာ ပိုမိုတိုးချဲ့မှာယူခြင်းများရှိလာသောကြောင့် ရွှေပဲကြော်ဈေးကွက်တည်ငြိမ်မှု၊ အရသာကောင်းမွန်မှု၊ သန့်ရှင်းလတ်ဆက်မှုများကို ပိုမိုကြိုးစားဆောင်ရွက်ပါက စားသုံးသူများ အဆင်ပြေကောင်းမွန်စွာစားသုံးနိုင်သည့် စားစရာတစ်ခုအဖြစ် မအူပင်ခရိုင်အတွင်းသာမက အခြားတိုင်းကျော်ဒေသများအထိ ဈေးကွက်ထိုးဖောက်လာနိုင်တော့မည်ဟုယုံကြည်မိပါကြောင်း ယခုအပတ်အတွင်း ရွှေပဲကြော်၏ ဈေးကွက်ရရှိလာမှုကို တင်ပြလိုက်ရပါသည်။

DOCA(ဧရာဝတီ)