ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ဆီထွက်သီးနှံဖြစ်သော မြေပဲနှင့်နှမ်းကို အဓိကစိုက်ပျိုးကြပါသည်။ ယခုအခါတွင် သုံးလမြေပဲများဖြိုင်ဖြိုင်ပေါ်နေပြီး မြေပဲဆံဈေးမှာလည်း အနည်းငယ်ကျဆင်းကြောင်းသိရှိရပါသည်။ ပခုက္ကူခရိုင်အတွင်းသို့ မြိုင်မြို့နယ်ရှိရွာများ၊ ရေတောင်ဘက်ရှိရွာများ၊ ပခုက္ကူမြို့အနောက်ဘက်ရှိရွာများမှ သုံးလမြေပဲများမှာ အရောင်းအဝယ်ဖြစ်နေပါသည်။  ၂၀၂၃ခုနှစ်၊ နိုဝင်ဘာလ(ပထမပတ်)တွင် သုံးလမြေပဲဈေးနှုန်းများမှာ  အခွံပါမြေပဲအတောင့် (ပဲလေး) တစ်ပိဿာလျှင် ကျပ်(၂၂၀၀-၃၄၀၀-၃၆၀၀)၊ အခွံပါမြေပဲအတောင့် (ပဲကြီး) တစ်ပိဿာလျှင် လက်ကားဈေးမှာ ကျပ်(၂၅၀၀-၃၅၀၀-၃၆၀၀)ဖြစ်ပြီး နိုဝင်ဘာလ(ဒုတိယပတ်)တွင် အခွံပါမြေပဲအတောင့် (ပဲလေး)ဈေးနှုန်းမှာ တစ်ပိဿာလျှင် ကျပ်(၃၀၀၀-၃၅၀၀-၃၆၀၀)၊ အခွံပါမြေပဲအတောင့် (ပဲကြီး)တစ်ပိဿာလျှင် လက်ကားဈေးမှာ ကျပ်(၂၄၀၀-၃၅၀၀-၃၆၅၀)၊  မြေပဲဆံ (ပဲလေး) အလုံးအသေး/အကြီးပေါ်မှုတည်၍  တစ်ပိဿာလျှင်  ကျပ် (၅၂၀၀-၅၈၀၀ )မှစတင်၍  ကျပ် (၆၁၀၀ -၆၁၅၀)၊ မြေပဲဆံပြန့်ရှယ်တစ်ပိဿာလျှင် ကျပ် (၅၇၀၀-၅၈၀၀-၆၀၀၀)၊ မြေပဲဖြူလုံးဆံတစ်ပိဿာလျှင် ကျပ်(၅၇၀၀-၅၈၀၀-၅၉၀၀)၊ မြေပဲဆံရွေးကျ(ခွဲခြမ်း) တစ်ပိဿာလျှင် ကျပ် (၄၂၀၀-၄၃၀၀ ဖြင့်  အရောင်းအဝယ်ဖြစ်နေပါသည်။

     မြေပဲဆံ(၃)လပဲများဖြိုင်ဖြိုင်ပေါ်သည့်အလျောက် မြေပဲဆုံဆီလုပ်ငန်များလည်း တွင်ကျယ်စွာလည်ပတ်လျက်ရှိပြီး ပခုက္ကူမြိုနယ်တွင် ဆုံဆီလုပ်ငန်းများကို ယခင်ထက် တွင်ကျယ်စွာလုပ်ကိုင်လာကြပါသည်။ မြေပဲဆုံဆီကြိတ်ရာတွင် မြေပဲဆံများကို ပြာတီးသန့်စင်ခြင်း၊ မြေပဲအပုပ်စေ့များကို ရွေးထုတ်ပြီးမှာသာ မြေပဲဆံကြိတ်ရကြောင်း၊ မြေပဲဆံ(ပဲလေး)တစ်ပိဿာကြိတ်လျှင်  ဆီ (၄၀-၄၂) ကျပ်သားထွက်ရှိကြောင်း၊  မြေပဲတစ်စုံကြိတ်လျှင် (၅) ပိဿာကြိတ်ရပြီး ဆီထွက်ရှိမှုမှာ  (၂)ပိဿာ၊ (၁၀) ကျပ်သားထွက်ရှိကြောင်း၊ မြေပဲဆုံကြိတ်ခမှာ တစ်စုံလျှင် ကျပ် (၇၀၀)ဖြစ်ပြီး  မြေပဲစုံ (၇) စုံရှိကြောင်း မြေပဲစုံကြိတ်သူထံမှသိရှိရပါသည်။ မြေပဲဆုံဆီတစ်ပိဿာလျှင် ကျပ်(၁၃၅၀၀)မှ ကျပ် (၁၄၀၀၀)၊ စက်ပဲဆီသန့်တစ်ပိဿာလျှင် ကျပ်(၁၁၀၀၀-၁၂၀၀၀)ဖြစ်ပြီး ဆုံပဲခွေဖတ်တစ်ပိဿာလျှင် ကျပ် (၂၄၅၀) ဖြင့်ရောင်းချနေကြောင်းနှင့် ဈေးကွက်အနေဖြင့်  ရန်ကုန်နှင့်မန္တလေးတိုင်းဒေသကြီးသို့တင်ပို့နေကြောင်း  ပခုက္ကူမြို့နယ်၊ ဆုံဆီလုပ်ငန်းရှင်ထံမှသိရှိရပါသည်။

DOCA(မကွေး)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ် စီမံအုပ်ချုပ်ရေးအဖွဲ့၏ အစီအစဉ်ဖြင့် ကျွန်းလှမြို့နယ် စီမံအုပ်ချုပ်ရေးအဖွဲ့ ဥက္ကဌ ဦးမျိုးတင့်ထူးနှင့် မစဖအဖွဲ့ဝင်များ ၊ စည်ပင်သာယာရေးအဖွဲ့မှ အမှုဆောင်အရာရှိ ဦးစိုးထိုက်၊ စားသုံးသူရေးရာဦးစီးဌာန မြို့နယ်တာဝန်ခံ ဒေါ်ဝေဝေအောင် တို့ပူးပေါင်းကာ (၁၄.၁၁.၂၀၂၃) ရက်နေ့နှင့် (၁၅.၁၁.၂၀၂၃) ရက်နေ့ နံနက်(၀၇:၀၀)နာရီအချိန်မှ (၀၈;၃၀)အချိန်ထိ  ပိတောက်မြိုင်ရပ်ကွက်၊ ပိတောက်မြိုင်ဈေးနှင့်  သစ်ရာမြိုင်ရပ်ကွက်၊ သစ်ရာမြိုင်ဈေးတို့တွင် စားအုန်းဆီများကို စားသုံးသူပြည်သူများ လက်ဝယ်အရောက် သက်သာသောဈေးနှုန်းဖြင့် ရောင်းချပေးခဲ့ကြောင်း သိရှိရပါသည်။

  အဆိုပါ စားအုံးဆီများရောင်းချရာတွင် စားသုံးသူပြည်သူများ သက်သာသောဈေးနှုန်းဖြင့် စားအုံးဆီ များဝယ်ယူရရှိစေရန်နှင့် စားဝတ်နေရေးအဆင်ပြေစေရန်အတွက် စားအုန်းဆီ (၁)ပိဿာလျှင် (၅၂၀၀)ကျပ် နှုန်း၊ အိမ်ထောင်စု (၁)စုလျှင် စားအုံးဆီ(၅၀)ကျပ်သားနှုန်းဖြင့် အိမ်ထောင်စု(၆၀၀) ၊ လူဦးရေ(၆၀၀)ဦးတို့အား စားအုံးဆီ(၃၀၀)ပိဿာရောင်းချပေးခဲ့ကြောင်း၊ စားအုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ ထုတ်ပြန်ပေးလျက်ရှိသော စားအုံးဆီ တစ်ပိဿာ ရည်ညွှန်းဈေးဖြင့် ရရှိသည့် အပေါ်မူတည်၍ ဆက်လက်ရောင်းချပေးနိုင်ရေးအတွက် ကန့်ဘလူခရိုင်ဆီကုန်သည်များနှင့် ပူးပေါင်းစီမံဆောင်ရွက်လျက်ရှိကြောင်း မြို့နယ်စီမံအုပ်ချုပ်ရေးအဖွဲ့ဥက္ကဌမှ ပြောကြားပေးခဲ့ကြောင်း သတင်းရရှိပါသည်။

DOCA(စစ်ကိုင်း)

    အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနီမှာ (၄၅)ပိဿာဝင်(၁)အိတ်လျှင် ယခင်အပတ်(၈-၁၁-၂၀၂၃)ရက်နေ့တွင် ကျပ်(၂၈၅၀၀၀)ဖြစ်ခဲ့ပြီး ယခုအပတ်(၁၄-၁၁-၂၀၂၃)ရက်နေ့တွင် ကျပ်(၂၇၅၀၀၀)ဖြစ်၍ ကျပ်(၁၀၀၀၀)ဈေးနှုန်းလျော့နည်းခဲ့ကြောင်း၊ နှမ်းဖြူ(၁)အိတ်လျှင် ယခင်အပတ်တွင် ကျပ်(၃၀၀၀၀၀-၃၁၀၀၀၀)ဖြစ်ခဲ့ပြီး ယခုအပတ်တွင် ကျပ်(၃၀၀၀၀၀)ဖြစ်၍ ကျပ်(၁၀၀၀၀) စသည်ဖြင့် အသီးသီးဈေးနှုန်းလျော့နည်းခဲ့ပါသည်။ နှမ်းနက်(စမုံ)မှာ ယခင်အပတ်တွင် ကျပ်(၂၇၀၀၀၀-၃၁၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၇၀၀၀၀-၃၁၀၀၀၀)၊ နှမ်းပြာ(၁)အိတ်လျှင် ယခင်အပတ်တွင်  ကျပ်(၂၇၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၂၇၀၀၀၀)ဖြစ်၍  ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅)ပိဿာဝင်ဝင်အိတ်များဖြင့် နှမ်းနက်(စမုံ)(၂၈၀၀)အိတ်၊ နှမ်းနီ(၁၉၀)အိတ်၊ နှမ်းဖြူ(၁၂၅)အိတ်၊ နှမ်းပြာ(၁၀၀၀) အိတ်တို့ အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှသိရှိရပါသည်။

  ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၉၀၀၀၀)ဖြစ်ခဲ့ပြီး ယခုအပတ်တွင် ကျပ်(၈၉၀၀၀)ဖြစ်၍ ကျပ်(၁၀၀၀)ဈေးနှုန်းလျော့နည်းခဲ့ကြောင်း၊ ကုလားပဲ(H-L) (၁)တင်းလျှင် ယခင်အပတ်တွင် ကျပ် (၉၁၅၀၀)ဖြစ်ခဲ့ပြီး ယခုအပတ်တွင် ကျပ်(၈၈၀၀၀)ဖြစ်၍ ကျပ်(၃၅၀၀)ဈေးနှုန်းလျော့နည်းခဲ့ကြောင်း၊ ကုလားပဲ (မြကြေး) ယခင်အပတ်တွင် ကျပ်(၉၀၅၀၀)ဖြစ်ခဲ့ပြီး ယခုအပတ်တွင် ကျပ်(၈၇၀၀၀)ဖြစ်၍ ကျပ်(၃၅၀၀) စသည်ဖြင့် အသီးသီးဈေးနှုန်းလျော့နည်းခဲ့ပါသည်။ ပဲကြီး(၁)တင်းလျှင် ယခင်အပတ်တွင် ကျပ်(၁၂၂၀၀၀)ဖြစ်ခဲ့ပြီး ယခုအပတ်တွင် ကျပ်(၁၃၀၀၀၀-၁၃၂၀၀၀)ဖြစ်၍ ကျပ်(၈၀၀၀-၁၀၀၀၀)ဈေးနှုန်းမြင့်မားခဲ့သည်။ ပဲတီစိမ်းမှာ ယခင်အပတ်တွင် ကျပ်(၅၃၅၀၀)ဖြစ်ခဲ့ပြီး ယခုအပတ်တွင်လည်း ကျပ်(၅၃၅၀၀)ဖြစ်၍ ဈေးနှုန်းပြောင်းလဲမှုမရှိဘဲ  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၂၃၀)အိတ်၊ ကုလားပဲ (H-L) (၁၁၀၀)အိတ်၊ ကုလားပဲ(မြကြေး)(၇၅၀)အိတ်၊ ပဲကြီး(၉၀၀)အိတ်၊ ပဲတီစိမ်း(၂၇၀၀)အိတ်တို့ အရောင်း အဝယ်ဖြစ်ခဲ့ပါသည်။

   မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၅၆၀၀-၅၉၀၀)ဖြစ်ခဲ့ပြီး ယခုအပတ်တွင် ကျပ် (၅၆၀၀)ဖြစ်၍ ကျပ်(၃၀၀)ဈေးလျော့ခဲ့ပါသည်။ မြေပဲတောင့်အစို(၁)တင်းလျှင် ယခင်အပတ်တွင်  ကျပ်(၂၂၀၀၀-၂၃၀၀၀)ဖြစ်ခဲ့ပြီး ယခုအပတ်တွင် ကျပ်(၂၃၀၀၀)ဖြစ်၍ ကျပ်(၁၀၀၀)ဈေးမြင့်ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆံဖြူ(၁၂၀၀)အိတ်၊ မြေပဲတောင့်အစို တင်း(၃၈၀၀)ခန့်အရောင်းအဝယ်ရှိခဲ့ပါကြောင်း၊ အပတ်စဉ် ပုံမှန် ရန်ကုန်မြို့နှင့်မန္တလေးမြို့များသို့ တင်ပို့ရောင်းချလျက်ရှိကြောင်း၊ ဝါသီးနှံမှာ ယခင်အပတ်တွင် ကျပ်(၂၈၀၀-၂၉၀၀)ဖြစ်ခဲ့ပြီး ယခုအပတ်တွင် ကျပ်(၂၉၅၀-၃၀၀၀)ဖြစ်၍ ကျပ်(၁၀၀-၁၅၀)ဈေးနှုန်းမြင့်မားခဲ့ပြီး ဝါပိဿာချိန် (၂၃၀၀၀)ပိဿာအရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် မင်းဘူးခရိုင်ဦးစီးမှူးတို့၏ လမ်းညွှန်မှုဖြင့် မင်းဘူးခရိုင်ဦးစီးမှူးရုံးမှ ဒု-ဦးစီးမှူး ဒေါ်မွန်မွန်သက်သည် (၁၄-၁၁-၂၀၂၃)ရက်နေ့၊ နံနက်(၀၉:၀၀)နာရီအချိန်တွင် ပြည်တွင်းကုန်သွယ်မှုဖွံ့ဖြိုးတိုးတက်စေရေးအတွက် ပွင့်ဖြူမြို့နယ်၊ ကျွန်းပင်စင်ကျေးရွာရှိ ဆောင်းမြေပဲစိုက်ပျိုးသော တောင်သူဦးအောင်ကျော်သူနှင့် သွားရောက်တွေ့ဆုံပြီး ဆောင်းသီးနှံမြေပဲစိုက်ပျိုးထွက်ရှိမှုအခြေအနေကို ကွင်းဆင်းလေ့လာမေးမြန်းခဲ့ပါသည်။

   ကျွန်းပင်စင်ကျေးရွာသည် စိုက်ပျိုးရေးကိုအဓိကထားလုပ်ကိုင်ကြပြီး စပါး၊ ပဲကြီး၊ ပဲထောပတ်၊ ကုလားပဲ၊ ပြောင်း၊ နှမ်းနှင့် မြေပဲသီးနှံများကို စိုက်ပျိုးကြကြောင်း၊ ဆောင်းမြေပဲသီးနှံကို ယခုနှစ်တွင် ဧက(၂၀၀)ခန့်စိုက်ပျိုးထားပြီး ရာသီဥတုကောင်းမွန်သောကြောင့် သီးနှံအထွက်အနှုန်းများကောင်းမည်ဖြစ်ကြောင်းသိရှိရပါသည်။

     ယခုနှစ်တွင် ဆောင်းမြေပဲစိုက်ပျိုးသူ ဦးအောင်ကျော်သူသည် (၅)ဧကခန့်စိုက်ပျိုးထားကြောင်း၊ မြေပဲကို မြေနုကျွန်းတွင်စိုက်ပျိုးကြောင်း၊ (၁)ဧကစိုက်ပျိုးလျှင် မျိုးအနေဖြင့် မြေပဲဆံ(၂)တင်းခန့်ကုန်ကျကြောင်း၊ မြေပဲအသေးအဖြူကိုသာစိုက်ပျိုးကြောင်း၊ (၅)ဧကလျှင် မျိုး(၁၀)တင်းခန့်ကုန်ကျပြီး မျိုးချန်ထားသော မိမိမျိုးကိုသာစိုက်ပျိုးကြောင်း၊ မြေပြင်သည့်စရိတ်မှာလည်း (၁)ဧကလျှင် မြေဆီ(၁) အိတ်နှုန်းအသုံးပြုပြီး ထွန်ယက်ရာတွင် မိမိစက်ဖြင့်ထွန်ယက်သောကြောင့် ဓာတ်ဆီဖိုးသာကုန်ကျကြောင်း၊ စိုက်ပျိုးရာတွင်လည်း မြေပဲစိုက်ပျိုးစက်ဖြင့် စိုက်ပျိုးသောကြောင့် အကူတစ်ဦးသာလျှင် နေ့စားအနေဖြင့် ငှားရကြောင်း၊ နေ့စားခမှာ ကျပ်(၁၀၀၀၀)ပေးရကြောင်း၊ ကုန်ကျစရိတ်အနေဖြင့် (၁)ဧကလျှင် မျိုးဖိုးမပါ ကျပ်(၇၀၀၀၀)ခန့်ကုန်ကျကြောင်း၊ ဆောင်းမြေပဲကို နိုဝင်ဘာလဆန်းတွင် စတင်စိုက်ပျိုးပြီး တစ်လသားခန့်အရွယ်တွင် မြေကြီးအတွင်းအစိုဓာတ်ထိန်းနိုင်စေရန်နှင့် အပင်ရှိအပွင့်ထဲမှ ဝတ်ဆံတိုင်လေးများ မြေကြီးထဲဥချနိုင်ရန်အတွက် ကြားတိုက်ပေးရပါကြောင်း၊  တစ်လခွဲသားခန့်တွင် ထပ်မံအပွင့်ပွင့်စေရန် ပိုးသတ်ဆေးနှင့် အားဆေးဝယ်ယူပက်ဖြန်းရကြောင်း၊ အပွင့်ပွင့်လာပါက ထပ်မံကြားတိုက်ပေးရကြောင်း၊ ဆောင်းမြေပဲသီးနှံသည် မိုးအကုန်ဆောင်းအစတွင် စိုက်ပျိုးရသောသီးနှံဖြစ်၍ စိုက်ပျိုးပြီးပါက မိုးများစွာရွာသွင်းလျှင် မြေကျစ်၍ မြေပဲမဥကြောင်း၊ ဆောင်းအအေးဓာတ်နှင့် လုံလောက်သောအစိုဓာတ်ရှိလျှင် အထွက်နှုန်းကောင်းကြောင်း၊ အပွင့်ပွင့်ချိန်တွင် နှင်းများများကျပါက ပိုမိုအထွက်နှုန်းကောင်းမွန်ကြောင်း၊ အထွက်နှုန်းများမှာ မြေအနေအထားကွာခြားခြင်း၊ မြေအစိုဓာတ်ကွာခြားခြင်း၊ စိုက်ပျိုးပြုပြင်မှုကွာခြားခြင်း၊ သွင်းအားစုသုံးစွဲပုံနှင့် ပိုးသတ်ဆေးအားဆေးသုံးစွဲမှုကွာခြားခြင်း၊ စိုက်ပျိုးမှုကွာခြားခြင်းတို့ကြောင့် ဆောင်းမြေပဲ(၁)ဧကစိုက်ပျိုးလျှင် မြေပဲတောင့်(၇၅)တင်းမှ (၈၀)တင်းအထိ အမျိုးမျိုးကွဲပြားထွက်ရှိကြောင်း၊ ယခုနှစ်တွင် မြေပဲခင်းအနေဖြင့် တစ်ဧကလျှင် (၈၅)တင်းမှ (၉၀) တင်းထွက်ရန် လျာထားကြောင်း၊ နှစ်စဉ် အထွက်နှုန်းကောင်းမွန်ကြောင်း၊ မတ်လ လဆန်းပိုင်းတွင် ရိတ်သိမ်းရမည်ဖြစ်ကြောင်း ဆောင်းမြေပဲစိုက်ပျိုးတောင်သူ ဦးအောင်ကျော်သူထံမှသိရှိရပါသည်။

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရှိရာ ၂၀၂၃ခုနှစ်၊ နိုဝင်ဘာလ၊ တတိယပတ်အတွင်း အရောင်း အဝယ်ဖြစ်သည့် သီးနှံဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ်မေးမြန်းခဲ့ပါသည်။ ဆက်သွယ်မေးမြန်းမှုအရ  နှမ်း(ဖြူ)နှင့် နှမ်း(နက်)များမှာ နိုဝင်ဘာလ၊ တတိယပတ်မှစတင်၍ ရွှေဘိုဈေးကွက်သို့ ဝင်ရောက်ခဲ့ကြောင်း၊ နိုဝင်ဘာလ၊ တတိယအပတ်တွင် အရောင်းအဝယ်ဖြစ်သည့်ဈေးနှုန်းမှာ နှမ်း(ဖြူ) တစ်တင်းလျှင် (၁၁၀၀၀ဝိ/-)ကျပ်ပေါက်ဈေးရှိပြီး တစ်ပတ်အတွင်း အရောင်းအဝယ်ဖြစ်မှုမှာ (၁၈၀)တင်း/ (၅)တန်ဖြစ်ကြောင်း၊  နှမ်း(နက်)တစ်တင်းလျှင် (၁၀၈၃၀ဝိ/-) ကျပ်ပေါက်ဈေးရှိပြီး နိုဝင်ဘာလတတိယတစ်ပတ်အတွင်း အရောင်းအဝယ်ဖြစ်မှုမှာ (၁၅၀) တင်း/(၄) တန်ဖြစ်ကြောင်း၊ ယခင်နှစ်ကာလတူနှင့် အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်နှစ် ကာလတူတွင် နှမ်း(နက်) တစ်မျိုးတည်းသာအရောင်းအဝယ်ဖြစ်ခဲ့ပြီး တစ်တင်းလျှင် (၈၅၀၀ဝိ/-) ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူထက် နှမ်း(နက်)တစ်တင်းလျှင် (၂၃၃၀ဝိ/-) ကျပ် ဈေးပိုရရှိခဲ့ကြောင်း သတင်းရရှိပါသည်။

DOCA(စစ်ကိုင်း)