ပြည်တွင်းကုန်သွယ်မှုသတင်း

    ပခုက္ကူခရိုင်အတွင်းရှိ ဆိပ်ဖြူမြို့နယ်သည် ကြက်သွန်နီ စိုက်ပျိုး၊ ထုတ်လုပ်၊ ထွက်ရှိ၊ ရောင်းဝယ်ကုန်သွယ်မှု အများဆုံးမြို့ဖြစ်သည်။ ဆိပ်ဖြူလက္ကားကုန်စည်ဒိုင်တွင် မြို့နယ်အတွင်းရှိ ဒေသတွင်းနေရာအနှံ့အပြားနှင့် နီးစပ်ရာ ချောက်၊ ဆင်ဖြူကျွန်း၊ စလင်း၊ ယောနယ်ဒေသ ပေါက်မြို့နယ်ထွက် ကြက်သွန်နီများလည်း အရောင်းအဝယ်ဖြစ်ပြီး ကုန်စည်ဒိုင်သို့ နေ့စဉ် ကုန်ချိန် (၂)သောင်းခန့် အရောင်းအဝယ်ဖြစ်လျက်ရှိသည်။

    ဆိပ်ဖြူကုန်စည်ဒိုင်ဈေးကွက်တွင် အောက်တိုဘာ(တတိယ)ပတ်အတွင်း ကြက်သွန်နီ(ဂျွန်) အမျိုးအစားများ ကုန်ပစ္စည်းအရည်အသွေးလိုက်၍ ဈေးနှုန်းအမျိုးမျိုးဖြင့် အရောင်းအဝယ်ဖြစ်လျက် ရှိသည်။ ယခုတစ်ပတ်အတွင်း ကုန်စည်ဒိုင်ပြတ်ဈေး ကြက်သွန်နီ (၁)ပိဿာလျှင် ထိပ်စ ကျပ် (၃၂၇၅)၊ အလတ်စ ကျပ်(၃၀၀၀)၊ အနိမ့်စ ကျပ်(၂၈၀၀)၊ အရောင်ပျက်အသေးစ ကျပ်(၂၀၀၀) ဈေးနှုန်းများဖြင့် အရောင်းအဝယ်ဖြစ်သည်။ ယခင်အောက်တိုဘာ (ဒုတိယ)ပတ်တွင် ကြက်သွန်နီ (၁)ပိဿာလျှင် ထိပ်စကျပ်(၃၂၀၀)၊ အလတ်စ ကျပ်(၂၉၀၀)၊ အနိမ့်စ ကျပ်(၂၆၀၀)၊ အရောင်ပျက် အသေးစ ကျပ်(၁၉၀၀) ဈေးနှုန်းများဖြင့် အရောင်းအဝယ်ဖြစ်ပြီး ယခင်တစ်ပတ်ထက် ယခုတစ်ပတ် ကြက်သွန်နီ တစ်ပိဿာလျှင် ထိပ်စ ကျပ်(၇၅)၊ အလတ်စကျပ်(၁၀၀)၊ အနိမ့်စ ကျပ်(၂၀၀)၊ အရောင် ပျက်အသေးစကျပ်(၁၀၀) ဈေးနှုန်းမြင့်တက်ပြီး အရောင်းအဝယ်ဖြစ်သည်။ ယခုတစ်ပတ်အတွင်း ပြည်ပပို့ကုန် မြဝတီဝယ်လက်များ၊ ဒေသတွင်းသို့ဆင်း၍ အဝယ်လိုက်ရာ အရောင်းအဝယ်သွက်ပြီး မြဝတီမြို့သို့ ကုန်ချိန်အများဆုံးတင်ပို့လျက်ရှိသည်။

    ဆိပ်ဖြူမြို့ ပတ္တမြားဈေးအတွင်းတွင် ကြက်သွန်နီလက်လီ (၁)ပိဿာ ဈေးနှုန်းမှာ ထိပ်စ (ရှယ်) ကျပ်(၃၆၀၀)၊ အလတ်စကျပ်(၃၄၀၀မှ ၃၃၀၀)၊ အနိမ့်စ(၁)ပိဿာလျှင် ကျပ်(၃၂၀၀မှ ၃၁၀၀) ဈေးဖြင့် အရောင်းအဝယ်ဖြစ်ကြောင်း ဈေးကွက်အတွင်းမှ သိရှိရသည်။

    ဆိပ်ဖြူမြို့မှ ကြက်သွန်နီများကို ရန်ကုန်၊ ပြည်၊ ပုသိမ်၊ မော်လမြိုင်မြို့များသို့ နေ့စဉ်တင်ပို့ အရောင်းအဝယ် ဖြစ်လျက်ရှိသည်။ အောက်တိုဘာလ(တတိယ)ပတ်တွင် ကုန်စည်ဖြန့်ဖြူးမှုအနေ ဖြင့် ရန်ကုန်မြို့သို့ ပိဿာ(၃၀)ဝင် (၅၁၄၅)အိတ်၊ ပြည်မြို့ (၁၆၈၀)အိတ်၊ ပုသိမ်မြို့ (၁၆၈၀) အိတ်၊ မော်လမြိုင်မြို့(၁၇၁၅)အိတ်၊ မြဝတီမြို့ (၁၀၁၂၈) အိတ် တစ်ပတ်အတွင်း စုစုပေါင်း(၂၀၃၄၈) အိတ်၊ ပျမ်းမျှပိဿာ(၆)သိန်း၊ တန်ချိန်(၃)သောင်းခွဲခန့် နေ့စဉ် (၆/၁၂/၂၄) ဘီး မော်တော်ယာဉ်များ ဖြင့် ကုန်စည်စီးဆင်းခဲ့ကြောင်း ကုန်စည်ဒိုင်ဈေးကွက်မှ သိရှိရပါသည်။

DOCA(မကွေး)

  စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်မှ ဝန်ထမ်း များသည် (၂၁.၁၀.၂၀၂၂)ရက်နေ့၊နံနက် (၁၀:၀၀)နာရီ အချိန်တွင် သနပ်ကုန်းကျေးရွာအုပ်စု ရွာသစ်ကျေးရွာ၌ ဆောင်းသီးနှံပဲယင်းစိုက်ပျိုးထုတ်လုပ်သော တောင်သူဦးဆက်နိုင်နှင့် တွေ့ဆုံ၍ စိုက်ပျိုးထုတ်လုပ် ၊ရောင်းဝယ်မှုအခြေအနေများအား ကွင်းဆင်းလေ့လာခဲ့ပါသည်။

   ဆောင်းသီးနှံပဲယင်း(၂၀)ဧက စိုက်ပျိုးထားပါကြောင်း၊ ယခင်နှစ်က (၁၅)ဧကစိုက်ပျိုးခဲ့၍  အထွက်နှုန်းကောင်းမွန်ပြီး ဈေးကောင်းရရှိခဲ့ပါကြောင်း၊ ပဲယင်းသည် နှစ်စဉ် စက်တင်ဘာလတွင် စိုက်ပျိုးပြီး ဇန်နဝါရီလတွင် အပြီးရိတ်သိမ်းခူးဆွတ်ကြပါကြောင်း၊ သက်တမ်းမှာ(၁၂၅)ရက်ရှိပြီး အတန်း လိုက်နှင့် ပက်ကျဲစနစ်ဟူ၍ စိုက်ပျိုးကြပါကြောင်း၊ ယခင်နှစ်ကာလ ပဲယင်း(၁)ဧကလျှင် (၂၂)တင်းခန့် ထွက်ရှိ၍ မြေပြုပြင်စိုက်ပျိုးခြင်း၊ မျိုး၊ သွင်းအားစု၊ လုပ်အားခအပါအဝင် (၁)ဧက ကျပ်(၈)သိန်းခန့် ကုန်ကျပြီး သီးနှံပေါ်ချိန်တွင် (၁)တင်းကို ကျပ်(၅၀၀၀၀)ဖြင့် ရောင်းချရ၍ အကျိုး အမြတ်အနေဖြင့် (၁)ဧကလျှင်ကျပ်(၃)သိန်း ရရှိကြောင်း သိရှိရပါသည်။

    ထွက်ရှိလာသောပဲယင်းများကို မန္တလေးပွဲရုံသို့ သွားရောက်ရောင်းချပြီး သယ်ယူစရိတ် ပွဲခအပါအဝင် ပဲယင်း(၁)တင်းလျှင် ကျပ်(၁၅၀၀)ခန့်ကုန်ကျကြောင်း၊ ယခင်နှစ်ကပဲယင်းဈေးနှုန်းမှာ အနိမ့်ဈေးကျပ်(၅၀၀၀၀)နှင့်   အမြင့်ဈေးကျပ်(၇၀၀၀၀)ဖြင့် အရောင်းအဝယ်ဖြစ်ခဲ့ကြောင်း တောင်သူ ဦးဆက်နိုင်ထံမှ သိရှိရပါသည်။

DOCA(မကွေး)

    ပခုက္ကူမြို့မဈေး ဈေးကွက်သို့ စားဖိုဆောင်သီးနှံများဖြစ်သော ခရမ်းချဉ်သီး၊ ကြက်သွန်ဖြူနှင့် ဂျင်းတက်များ ဝင်ရောက်လျက်အရောင်းအဝယ်ဖြစ်ကြောင်း၊ အောက်တိုဘာလ(တတိယ)ပတ်တွင် ခရမ်းချဉ်သီးများမှာ ကျောက်ပန်းတောင်းနှင့် ရှမ်းပြည်နယ်အောင်ပန်းမှ ကုန်ချိန်(၆၀၀၀)ခန့်ဝင်ရောက် လျက်ရှိပြီး ဈေးနှုန်းများအနေဖြင့် အရည်အသွေး၊ အရွယ်အစားကိုလိုက်၍ ကျပ်(၂၈၀၀/၂၇၀၀/၂၆၀၀) ဖြင့်အရောင်းအဝယ်ဖြစ်ပြီး ယခင်(ဒုတိယ)ပတ်တွင် ကျပ်(၂၆၀၀/၂၅၀၀/၂၄၀၀)ဈေးနှုန်းဖြစ်၍ ယခင်(၁) ပတ်ထက် ဈေးနှုန်းမြင့်တက်လျက်ရှိကြောင်း သိရှိရပါသည်။

    အောက်တိုဘာလ (တတိယ)ပတ်အတွင်း ရှမ်းပြည်နယ်ထွက် ကြက်သွန်ဖြူ(ကြူကုတ်)များသာ ဝင်ရောက်အရောင်း အဝယ်ဖြစ်ပြီး ယောနယ်ဒေသထွက် ဗမာကြက်သွန်ဖြူများမှာ ဝင်ရောက်မှုမရှိဘဲ လက်ကျန် ကြက်သွန်ဖြူများသာ အရောင်းအဝယ်ဖြစ်လျက်ရှိကြောင်း၊ ဈေးနှုန်းများအနေဖြင့် ဗမာ ကြက်သွန်ဖြူများမှာ (၁)ပိဿာလျှင် ကျပ်(၄၅၀၀ မှ ၂၅၀၀)ထိ ဈေးနှုန်းအမျိုးမျိုးဖြင့် ရောင်းချ လျက်ရှိပြီး ကြက်သွန်ဖြူ (ကြူကုတ်)မျိုးများမှာ  ကျပ်(၃၇၀၀)ဈေးများဖြင့် အရောင်းအဝယ်ဖြစ်လျက် ရှိကြောင်း သိရှိရပါသည်။

    ရှမ်းပြည်နယ်အောင်ပန်းမှ ဂျင်းတက်များလည်း ယခု(၁)ပတ်အတွင်း (၁)အိတ်လျှင် ပိဿာ (၃၀)ဝင်ဆန့် အိတ်(၄၀မှ၅၀)ခန့် ဝင်ရောက်အရောင်းအဝယ်ဖြစ်လျက်ရှိကြောင်း၊ ဈေးနှုန်းများအနေဖြင့် ယခု(၁)ပတ်အတွင်း ဂျင်းတက် (၁)ပိဿာလျှင်ကျပ်(၁၁၀၀)ဈေးနှုန်းဖြင့် အရောင်းအဝယ်ဖြစ်ပြီး ယခင် (၁)ပတ်တွင်မှု ကျပ်(၉၀၀)ဈေးနှုန်းဖြင့် အရောင်းအဝယ်ဖြစ်၍ ယခင်(၁)ပတ်ထက် ကျပ်(၂၀၀)ခန့် ဈေးနှုန်းမြင့်တက်နေကြောင်း မြို့မဈေးကြီး ဈေးကွက်အတွင်းမှ သိရှိရပါသည်။

DOCA(မကွေး)

         မုံရွာကုန်စည်ဒိုင်တွင် ပဲအမျိုးအစားအလိုက် ဈေးနှုန်းများမှာ ယခင်နှစ် ကာလတူဈေးထက် ယခု နှစ် ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေးနှုန်းများ ဈေးပိုကောင်းလျက်ရှိသည်။

မတ်ပဲ

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပဲတစ်တင်းလျှင် ကျပ် ၄၅၆၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပဲတစ်တင်းလျှင် ကျပ် ၅၈၅၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ် တစ်သောင်းကျော် ပိုမိုခဲ့သည်။ တစ်ရက်လျှင် အိတ်ရေ ၁၀၀မှ ၁၅၀ ခန့် အရောင်း အဝယ်ဖြစ်ကြောင်း သိရသည်။

ပဲစဉ်းငုံ

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပဲတစ်တင်းလျှင် ကျပ် ၃၆၀၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပဲတစ်တင်းလျှင် ကျပ် ၆၁၅၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ် နှစ်သောင်းခွဲကျော် ပိုမိုခဲ့သည်။ တစ်ရက်လျှင် အိတ်ရေ ၂၀၀မှ ၃၀၀ ခန့် အရောင်းအဝယ်ဖြစ်ကြောင်း သိရသည်။

ပဲတီစိမ်း

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပဲတစ်တင်းလျှင် ကျပ် ၄၀၀၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပဲတစ်တင်းလျှင် ကျပ် ၄၅၀၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်ငါးထောင် ပိုမိုခဲ့သည်။ တစ်ရက်လျှင် အိတ်ရေ ၁၀၀မှ ၂၀၀ ခန့် အရောင်း အဝယ် ဖြစ်ကြောင်း သိရသည်။

ကုလားပဲ

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပဲတစ်တင်းလျှင် ကျပ် ၄၁၆၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပဲတစ်တင်းလျှင် ကျပ် ၆၄၅၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်နှစ်သောင်းကျော် ပိုမိုခဲ့သည်။ တစ်ရက်လျှင် အိတ်ရေ ၃၀၀မှ ၅၀၀ ခန့် အရောင်း အဝယ်ဖြစ်ကြောင်း သိရသည်။

စွန်တာနီ/ပြာ

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပဲတစ်တင်းလျှင် ကျပ် ၄၅၀၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပဲတစ်တင်းလျှင် ကျပ် ၄၆၀၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်တစ်ထောင် ပိုမိုခဲ့သည်။ တစ်ရက်လျှင် အိတ်ရေ ၁၀၀မှ ၁၅၀ ခန့် အရောင်း အဝယ်ဖြစ်ကြောင်း သိရသည်။

ထောပတ်ပဲ

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပဲတစ်တင်းလျှင် ကျပ် ၄၃၃၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပဲတစ်တင်းလျှင် ကျပ် ၄၈၀၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်ငါးထောင်ခန့် ပိုမိုခဲ့သည်။ တစ်ရက်လျှင် အိတ်ရေ ၇၀မှ ၁၀၀ ခန့် အရောင်းအဝယ် ဖြစ်ကြောင်း သိရသည်။

အစေ့ထုတ်ပြောင်း

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် ပြောင်းတစ်တင်းလျှင် ကျပ် ၁၁၃၀၀ ဖြစ်ခဲ့ပြီး ယခု နှစ်အောက်တိုဘာလ နောက်ဆုံးပတ်တွင် ပြောင်း တစ်တင်းလျှင် ကျပ် ၁၇၈၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်ခြောက်ထောင်ငါးရာ ပိုမိုခဲ့သည်။ တစ်ရက်လျှင် အိတ်ရေ ၈၀မှ ၁၅၀ ခန့် အရောင်း အဝယ်ဖြစ်ကြောင်း သိရသည်။

နှမ်းမျိုးစုံသီးနှံ

          မုံရွာကုန်စည်ဒိုင်၌ ယခင်နှစ် အောက်တိုဘာလတွင် နှမ်းနက် တစ်တင်းလျှင် ကျပ် ၆၀၀၀၀ ဖြစ်ခဲ့ပြီး ယခုနှစ်အောက်တိုဘာလ နောက်ဆုံးပတ်တွင် နှမ်းနက် တစ်တင်းလျှင် ကျပ် ၈၅၀၀၀၊ နှမ်းဖြူ တစ်တင်းလျှင် ကျပ် ၄၉၀၀၀ ဖြစ်ခဲ့ပြီး ယခုနှစ်အောက်တိုဘာလ နောက်ဆုံးပတ်တွင် နှမ်းဖြူ တစ်တင်းလျှင် ကျပ် ၉၀၀၀၀၊ နှမ်းညို တစ်တင်းလျှင် ကျပ် ၄၁၆၀၀ ဖြစ်ခဲ့ပြီး ယခုနှစ်အောက်တိုဘာလ နောက်ဆုံးပတ်တွင် နှမ်းညို တစ်တင်းလျှင် ကျပ် ၇၆၀၀၀ ဖြင့် အရောင်းအဝယ် ဖြစ်ခဲ့ကာ တစ်တင်းလျှင် ကျပ်နှစ်သောင်းမှ လေးသောင်းကျော် ပိုမိုခဲ့သည်။ တစ်ရက်လျှင် အိတ်ရေ ၁၀၀မှ ၁၅၀ ခန့် အရောင်း အဝယ်ဖြစ်ကြောင်း သိရသည်။

DOCA(စစ်ကိုင်း)

           စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ရွှေဘိုခရိုင်နှင့်ကလေးခရိုင်၊ ကသာခရိုင်နှင့် ကန့်ဘလူခရိုင်တို့တွင် အောက်တိုဘာလ(နောက်ဆုံး)ပတ်၌ စပါး/ဆန်ဈေးနှုန်းများမှာ ဈေးအေးနေခဲ့ပါသည်။

         စစ်ကိုင်းတိုင်းဒေသကြီးအတွင်း အောက်တိုဘာလ(နောက်ဆုံး)ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၂၃၀၀၀၀၀)၊ ပေါ်ဆန်း (ဆန်) ၂၄  ပြည်ပါ တစ်အိတ်လျှင်ကျပ်  ၈၅၀၀၀၊ ဧရာမင်း(စပါး)တင်း ၁၀၀လျှင် ၁၄၅၀၀၀၀၊ ဧရာမင်း(ဆန်) ၂၄ ပြည်ပါ တစ်အိတ် ကျပ် ၆၅၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၂၃၀၀၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၈၀၀၀၀၊  ဧရာမင်း (စပါး) တင်း၁၀၀ လျှင် ၁၃၀၀၀၀၀၊ ဧရာမင်း (ဆန်)၂၄ ပြည် ပါ တစ်အိတ်  ၅၈၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

          ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၁၀၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၄၄၀၀၀၊ ငစိန်(စပါး) တင်း ၁၀၀ လျှင် ၉၅၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၄၀၀၀၀၊ ဧရာမင်း (စပါး)တင်း ၁၀၀ လျှင် ကျပ် ၁၃၅၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၅၅၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

          ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၉၅၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၄၅၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၈၈၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၄၀၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၄၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၅၉၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

         မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၄၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၆၃၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၉၀၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၈၈၀၀၀၊ မနောသုခ (စပါး)တင်း ၁၀၀လျှင် ကျပ် ၁၂၀၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၄၆၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

           ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၁၈၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၅၂၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၂၀၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၆၅၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

        စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ အောက်တိုဘာလ (တတိယ)ပတ်တွင် စစ်ကိုင်း တိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၅၀၀၀၊ မန္တလေး သို့ အိတ်ရေ ၆၁၁၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း (တောင်)သို့ အိတ်ရေ ၉၅၀၀၊ ရှမ်း (မြောက်)သို့အိတ်ရေ ၉၅၀၀၊ စုစုပေါင်းအိတ်ရေ (၁၃၈၁၀၀)အိတ်၊ တန်အားဖြင့် (၆၉၀၅)စီးထွက်ခဲ့ပြီး၊ ယခု အောက်တိုဘာလ(နောက်ဆုံး)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၄၅၀၀၊ မန္တလေး သို့ အိတ်ရေ ၅၀၂၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း (တောင်)သို့ အိတ်ရေ ၁၀၀၀၀၊ ရှမ်း (မြောက်)သို့အိတ်ရေ ၉၅၀၀၊ စုစုပေါင်းအိတ်ရေ (၁၁၇၂၀၀)အိတ်၊ တန်အားဖြင့် (၅၈၆၀) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၂၀၉၀၀) တန်အားဖြင့် (၁၀၄၅) လျော့နည်း စီးထွက်ခဲ့ပါကြောင်း သိရှိရပါသည်။      

DOCA(စစ်ကိုင်း)