ပြည်တွင်းကုန်သွယ်မှုသတင်း

    တောင်ငူခရိုင်၊ အုတ်တွင်းမြို့နယ်၊ဝါးတီးကျေးရွာအုပ်စု၊ညောင်ပင်ရွာမှ ကျေးလက်နေ ပြည်သူများသည် စိုက်ပျိုးရေးလုပ်ငန်းကို အဓိကထားလုပ်ကိုင်ကြသည်။ ရာသီအလိုက်သီးနှံများ စိုက်ပျိုးလျက်ရှိရာ ပြောင်းဖူးသည် ဒေသတွင်းအများဆုံး စားသုံးကြပြီး ဈေးကွက်ဝင်၍ အာဟာရဓါတ်  ကြွယ်ဝ သော သီးနှံတစ်မျိုးဖြစ်သည်။

       ပြောင်းဖူးတွင် အဖြူမျိုး (ဖန်စီဗစ်) နှင့် အဝါမျိုး (King) ဟူ၍ နှစ်မျိုးရှိပြီး အချိန်မရွေးစိုက်၍ ရသည်ဆိုသော်လည်း မိုးရာသီစိုက်ပျိုးရခြင်းသည် ရေးသွင်းရန်မလိုသည့်အတွက် ကုန်ကျစရိတ်သက်သာ စေပါသည်။လက်ရှိချိုးယူရရှိသောပြောင်းဖူးများသည် ဧပြီလမှစိုက်ပျိုးထားသောသီးနှံများဖြစ်ပြီး ပြောင်းဖူး မျိုးထုပ်(၁)ထုပ်လျှင် ၅၀၀၀၀ကျပ်ဖြင့် ဝယ်ယူခဲ့ရပြီး တစ်ဧကလျှင် မျိုးထုပ်(၆)ထုပ်အထိ စိုက်ပျိုးနိုင် ပါသည်။ ဖြစ်ထွန်းလာသောသီးနှံများကို အကြီးတစ်ဖူးလျှင် ၄၀၀ ကျပ်၊ အလတ် တစ်ဖူးလျှင် ၂၅၀ မှ ၃၀၀ အထိ ရောင်းချရပြီး မိုးနှောင်းပိုင်းတွင်စိုက်ပျိုးသော ပြောင်းဖူးများသည် စိုက်ပျိုးသူနည်းပါးသဖြင့် ဈေးကောင်းပိုရပါသည်။

          တစ်ဧကကုန်ကျစရိတ်အနေဖြင့် မိုးရာသီတွင် ၇၀၀၀၀၀ ကျပ်မှ ၈၀၀၀၀၀ ကျပ်အထိ ကုန်ကျပြီး ဆောင်းရာသီတွင် ၁၀၀၀၀၀၀ ကျပ် မှ ၁၁၀၀၀၀၀ကျပ် အထိ ကုန်ကျနိုင်ပါသည်ဟု ခန့်မှန်း သိရှိရသည်။ ဆောင်းရာသီတွင် စိုက်ပျိုးရသောပြောင်းသီးနှံသည် ရေသွင်းရသည့်အတွက် ကုန်ကျစရိတ် ပိုသော်လည်း အနှံထွက်ချိန်တွင် မိုးရွာသွန်းမှုမရှိသဖြင့် အပျက်အစီးနည်းပါးခြင်း၊ စိုက်ပျိုးသူနည်းပါးခြင်း တို့ကြောင့်  အထွက်နှုန်းကောင်းပြီးဈေးကောင်းရသည်ဟု ပြောင်းစိုက်ပျိုးသည့် ကျေးလက်နေတောင်သူ တစ်ဦးထံမှသိရှိရသည်။

DOCA(ပဲခူး)

   ပဲခူးတိုင်းဒေသကြီး၊ သာယာဝတီခရိုင် မင်းလှမြို့နယ်အတွင်းရှိ ရောင်းချနေသော ဟင်းသီး ဟင်းရွက်များမှာ မင်းလှမြို့နယ်ပတ်ဝန်းကျင်ရှိ ကျေးရွာများမှဝင်ရောက်သည့်အပြင် ပုတီးကုန်း ၊ သဲကုန်း၊ ပေါင်းတည် စသည့်မြို့နယ်များမှလည်း ဝင်ရောက်ရောင်းချနေကြောင်း သိရှိရ ပါသည်။
    ထိုသို့ဝင်ရောက်ရာတွင် ဇူလိုင်လတတိယပတ်တွင် ခရမ်းချဉ်သီး ထိုင်ဝမ် ၁ပိဿာ ၄၀၀၀/၅၀၀၀ ကျပ်၊ ဂေါ်ဖီထုပ် ၁ထုပ်လျှင် ၁၅၀၀ မှ ၂၀၀၀ ကျပ်၊ ပန်းဂေါ်ဖီ ၁ထုပ် ၃၀၀၀  ကျပ်၊ အာလူး ၁ပိဿာ ၄၅၀၀ မှ ၅၀၀၀ ကျပ်၊ ရွှေဖရုံသီး ၁စိပ်လျှင် ၅၀၀ ကျပ်၊ ဗူးသီး ၁လုံးလျှင် ၂၅၀၀ မှ ၃၀၀၀ ကျပ်၊ ငရုတ်ပွ ၁ပိဿာ ၁၃၀၀၀ ကျပ်၊ ချဉ်ပေါင်ရွက် ၁စည်းလျှင် ၂၀၀ ကျပ်၊ ပဲသီး ၁၀တောင့် ၁စည်းလျှင် ၃၀၀ မှ ၄၀၀ ကျပ်၊ ကန်စွန်းရွက် ၁စည်းလျှင် ၂၀၀ မှ ၂၅၀ ကျပ်၊ ခရမ်းရှည်သီး ၁လုံးလျှင် ၄၀၀ မှ ၅၀၀ ကျပ်၊ဆလပ်ရွက် ၁စည်းလျှင် ၅၀၀ မှ၇၀၀ ကျပ်၊သံပုရာသီး ၁လုံးလျှင်  ၅၀ မှ ၁၀၀ ကျပ်၊ ငရုတ်သီးစိမ်း ၁ပိဿာလျှင် ၅၀၀၀ကျပ်၊ ရုံပတီသီး ၁စည်းလျှင် ၁၀၀ ကျပ်၊ ဘုံလုံသီး တစည်းလျှင် ၁၀၀၀/၁၅၀၀ ကျပ်၊ ဂေါ်သခါးသီးတစ်လုံးလျှင် ၇၀၀ ကျပ်၊ခဝဲသီးတတောင့်လျှင် ပြောင်းဖူး  တစ်ဖူးလျှင် ၅၀၀ ကျပ်ဖြင့် အရောင်း အဝယ်ဖြစ်လျက်ရှိကြောင်း သိရှိရပါသည်။ ပုတီး ကုန်း၊ သဲကုန်း၊အေးမြသာယာမှပြောင်း ဖူးနှင့် ဗူးသီးများ အများဆုံးဝင်ရောက်ပြီး တစ်နေ့လျှင် ပြောင်းဖူး ၃၀ဖူး အိတ် ၂၅ခန့်၊ဗူးသီး ၁၀လုံး အိတ် ၁၅အိတ်ခန့်၊ ခရမ်းချဉ်သီး ၁၀ပိဿာ ဝင်းခြင်း ၁၅ခြင်းခန့် ဝင်ရောက်ကြောင်း ဟင်းသီးဟင်းရွက် ရောင်းချနေသော ကုန်သည်များထံမှ သိရှိ ရပါသည်။

DOCA(ပဲခူး)

    ပဲခူးတိုင်းဒေသကြီး သာယာဝတီခရိုင် လက်ပံတန်းမြို့ဈေးရှိ ဇူလိုင်လ တတိယပတ်တွင် ရောင်းချနေသော  သစ်သီးဈေးနှုန်းများမှာ ပန်းသစ်တော်သီး ၁ လုံးလျှင်  (၃၅၀၀/၅၀၀၀/၇၀၀၀/) ကျပ်၊ သင်္ဘောသီး မှည့် ၁လုံးလျှင် (၁၅၀၀/၂၀၀၀/)ကျပ်၊ နာနတ်သီး (၁)လုံး (၂၀၀၀/၃၀၀၀/)ကျပ်၊ နင်္ဂါးမောက်သီး (၁)လုံး (၁၅၀၀/၂၀၀၀/ )ကျပ်၊ဖရဲသီး ၁ လုံး (၅၀၀၀/)ကျပ်၊ လိမ္မော်သီး ၁ လုံး ၂၀၀၀/ကျပ်၊ပန်းသီး ၁ လုံး (၂၀၀၀/) ကျပ်မှ ၂၅၀၀/ကျပ် မာလကာသီး ၁လုံးလျှင် ၁၀၀၀/ ၁၅၀၀/ကျပ်၊ ဒူးရင်းသီးတစ်လုံးလျှင် ၁၀၀၀၀/၁၅၀၀၀ ကျပ်၊ ကြက်မောက်သီးတစ်လုံးလျှင် ၃၀၀ကျပ်၊မင်းဂွတ်သီးတစ်လုံးလျှင် ၃၀၀ ကျပ်၊ သပျစ်သီး ၁၀ကျပ်သားလျှင် (၃၀၀၀/၄၀၀၀/)ကျပ်၊ ဈေးများဖြင့် ရောင်းချ နေကြကြောင်း မေးမြန်းသိရှိရပါသည်။

DOCA(ပဲခူး)

ပဲခူးတိုင်းဒေသကြီး၊ နတ်တလင်းခရိုင်၊ ပေါင်းတည်မြို့ပေါ်ရှိ မြို့မဈေးနှင့် ရွှေတည် ဈေးကွက်အတွင်း ယခုလ ၂၀၂၅ ဇူလိုင်လ ဒုတိယပါတ်တွင် အခြေခံစားကုန်များဈေးနှင့် သားငါး ဈေးနှုန်းများကို  သွားရောက်စုံစမ်းခဲ့ပါသည်။

     အခြေခံစားကုန်များဖြစ်သော ကြက်သွန်နီထိပ်စတစ်ပိဿာ (၂၀၀၀)ကျပ်၊ ကြက်သွန်နီ အသေးတစ် ပိဿာ(၁၅၀၀)ကျပ်၊ ကြက်သွန်ဖြူကြူကုတ်တစ်ပိဿာ (၁၃၀၀၀)ကျပ်၊ ကြက်သွန်ဖြူ ဥတစ်လုံးတစ်ပိဿာ  (၁၈၀၀၀)ကျပ်၊ ကြက်သွန်ဖြူ ရှမ်းမွှာ တစ်ပိဿာ (၁၅၀၀၀)ကျပ် ၊အာလူး တစ်ပိဿာ (၄၅၀၀)ကျပ်၊ ငရုပ်ရှည်   တစ်ပိဿာ (၁၂၀၀၀)ကျပ်၊ မကျီးသီးမှည့် တစ်ပိဿာ (၁၅၀၀၀)ကျပ်၊ နနွင်းတက် တစ်ပိဿာ (၁၀၀၀၀)ကျပ် ၊     စီပီကြက် တစ်ပိဿာ (၂၅၀၀၀)ကျပ် ၊ ဗမာကြက် တစ်ပိဿာ (၃၂၀၀၀)ကျပ် ၊ အမဲသား တစ်ပိဿာ (၂၅၀၀၀)ကျပ် ၊ ရန်ကုန် ငါးမြစ်ချင်း တစ်ပိဿာ (၂၀၀၀၀)ကျပ် ၊ ငါးခူတစ်ပိဿာ (၂၇၀၀၀) ကျပ်၊ ရိုးရိုး ငါးကြင်းတစ်ပိဿာ (၁၅၀၀၀) ကျပ်၊ပုဇွန်ထုပ်ကြီး တစ်ပိဿာ (၅၀၀၀၀) ကျပ်၊ ပုဇွန်ထုပ် အသေးတစ်ပိဿာ(၃၀၀၀၀) ကျပ် ရှိကြောင်း   စုံစမ်းသိရှိခဲ့ရပါသည်။

     အခြေခံစားကုန်များနှင့် သားငါးဈေးနှုန်းများမှာ ယခင် ၂၀၂၅ ဇွန်လ ဒုတိယပါတ် ဈေးနှုန်းများနှင့် ယခု ၂၀၂၅ ဇူလိုင်လ ဒုတိယပါတ် ဈေးနှုန်းများ နှိုင်းယှဉ်ပါကစားဖိုချောင်သုံး စားကုန်အချို့ ဈေးနည်းငယ် ကျဆင်းသွားပြီး ကျန်စားကုန်များ အတက် အကျမရှိဘဲ ဈေးနှုန်းများ တည်ငြိမ်လျှက်ရှိကြောင်း   စုံစမ်းသိရှိခဲ့ရပါသည်။

DOCA(ပဲခူး)

   ပဲခူးတိုင်း (အနောက်) နတ်တလင်းခရိုင် ဇီးကုန်းမြို့နယ်ရှိ ‌‌‌  ဒေသတွင်း ဆီထွက်သီးနှံဖြစ်သော နှမ်းသီးနှံအား တစ်ပိုင်တစ်နိုင် တိုးမြှင့်စိုက်ပျိုးလာကြသည်။နှမ်းဆီ၊ပဲဆီသန့်တို့အား ဒေသဈေးကွက်တွင် စားသုံးသူများ၏ လိုအပ်ချက် အရ စိုက်ပျိုးကြိတ်ခွဲ စားသုံးနိုင်ရေး လယ်ယာမြေ ၊ခြံမြေနှင့် ကုန်းကွင်းတို့၌ သီးသန့်စိုက် ပျိုးလာကြောင်း သိရသည်။

     မိုးနှမ်းအား မေလဆန်းတွင် မိုးကြိုနှမ်းအဖြစ် စတင်စိုက်ပျိုးပြီး ဩဂုက်လတွင် ရိတ်သိမ်းနိုင်ပြီ ဖြစ် ၍ ၂၀၂၄-၂၀၂၅ ခုနှစ် စိုက်ပျိုးဧကမှာ (၁၅၇၀)ဧက ဖြစ်ကြောင်း မြို့နယ်စိုက်ပျိုးရေး ဌာနမှ သိရသည်၊ ဒေသစိုက် နှမ်းမျိုးမှာ စမုံနက်နှင့်နှမ်းနီတို့ဖြစ်သည်။

     နှမ်းသီနှံပေါ်ချိန်တွင် မြို့နယ်ဆီစက်ငယ်များသို့ ဆီကြိတ်ခွဲ စားသုံးမှု့နှင့် ကုန်ကြမ်းဖြစ်သော နှမ်းဖတ် တို့အား ဆီစက်များမှ ကြိတ်ခအဖြစ် ကုန်ကြစရိတ် နည်းစွာ ဆီကြိတ်ခွဲ ရမှု့ အပေါ် စားဆီဖှုလုံမှု့ အထောက်အပံ့များ ရရှိစေပြီး ဆီသန့်များ စားသုံးနိုင်မှု့ ရရှိနိုင်ကြမည် ဖြစ်သဖြင့် ဆီထွက်သီးနှံများ ဖြစ်သော မိုးနှမ်းမြေပဲနှင့် ဆောင်းနှမ်း/မြေပဲ တို့အား နည်းစနှစ်တကျ စိုက်ပျိုး လာကြခြင်းဖြင့် ဒေသစားသုံးမှု့  ပိုလျှံပါက ပြည်တွင်းစားသုံးဆီဖူလုံမှု့ ရရှိနိုင်မည် ဖြစ်ပါသည်။

DOCA(ပဲခူး)