ပြည်တွင်းကုန်သွယ်မှုသတင်း

   ကျောက်ဆည်မြို့နယ်အတွင်းရှိ ငလျင်ဘေးသင့်ပြည်သူများအား ဇူလိုင်လ(၁၀)ရက်နေ့တွင် စားနပ်ရိက္ခာဆန်များ ထောက်ပံ့ပေးခဲ့ကြောင်း သိရှိရပါသည်။ နိုင်ငံတော်မှ ထောက်ပံ့ပေးသော ဆန်များအား ကျောက်ဆည်ခရိုင် သဘာဝဘေးအန္တရာယ်ဆိုင်ရာ စီမံခန့်ခွဲမှုအဖွဲ့မှကြီးကြပ်၍ အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မြို့နယ်ကုန်တင်ကုန်ချကော်မတီနှင့် သက်ဆိုင်ရာဌာနများပါဝင်သော ဆန်ခွဲဝေထောက်ပံ့ပေးရေးအဖွဲ့မှ ကျောက်ဆည်မြို့နယ်အတွင်းရှိ ငလျင်လေးဒဏ်သင့်ခဲ့သော ရပ်ကွက်/ကျေးရွာ(၈၁)အုပ်စုမှ အိမ်ထောင်စုပေါင်း(၅၂၈၂)၊လူဦးရေ ကျား(၉၇၃၄)ဦး၊မ(၁၁၀၉၉)ဦး၊စုစုပေါင်းလူဦးရေ(၂၀၇၃၃)ဦးအတွက် တစ်ဦးလျှင်ဆန်(၄)ပြည်နှုန်း ဖြင့်ဆန်အိတ်ပေါင်း(၃၄၅၅)အိတ်အား ဒုတိယအကြိမ်အဖြစ် ထောက်ပံ့ပေးခဲ့ပြီး ဆန်၊ဆီ၊ပဲနှင့်ငါးပိ များကိုလည်းဆက်လက်ထောက်ပံ့ပေးသွားမည်ဖြစ်ကြောင်းသတင်းရရှိပါသည်။

DOCA(မန္တလေး)

    နွယ်သာကီပန်းလေး၏အဓိပ္ပာယ်သည် “ဘယ်လိုအဆိုးဆုံးအရာနှင့်ကြုံတွေ့ရပါစေ ပြန်လည် အသစ်ဆန်းပြီး ပွင့်ရမယ်၊လှရမယ်” ဟူ၍ဖြစ်သည်။ ဂျပန်နိုင်ငံ ဟီရိုရှီးမား အနုမြူဗုံးပေါက်ကွဲပြီးနောက် ပထမဆုံး ပြန်လည်ပွင့်လန်းခဲ့သောပန်းမှာ နွယ်သာကီပန်းဖြစ်ကြောင်း လေ့လာသိရှိရသည်။ နွယ်သာကီပန်းပွင့်များက အဖြူ၊အနီ၊ပန်းရောင်၊ကြက်သွေးရောင် စသည်ဖြင့် ရောင်စုံရှိကြသလို တစ်ထပ်ပန်း ၊သုံးထပ်ပန်း စသည့်ဖြင့်ရှိသည်။နွယ်သာကီပန်း၏ရနံ့သည့် သင်းပျံ့ပျံ့မွေးရနံ့ရှိသည်။ တစ်နှစ်ပတ်လုံးပွင့်တက်ပြီးယခုလိုမိုးရာသီတွင် ပိုမိုပွင့်လန်းပါသည်။ နွယ်သာကီပန်းပင်သည်။ အဆိပ်ပင်ဖြစ်၍ ရှေ့လူကြီးများက  နွားမျာ၊ဆိတ်များ၊ကလေးများ စားမိမည်စိုး၍ အိမ်ခြံဝင်များ အတွင်း စိုက်ပျိုးလေ့မရှိပေ။ ယခုအခါ လမ်းဘေးဝဲယာ အလှပန်းခြံ ၊စက်ရုံ၊အလုပ်ရုံများတွင် ပန်းအလှပင်အဖြစ်စိုက်ပျိုးကြသည်။နွယ်သာကီပင်သည် အကိုင်းခုတ်စိုက်၍ မျိုးပွားနိုင်သည်။ နွယ်သာကီပင်၏အမြစ်သည် အဆိပ်ပြင်းသောကြောင့် မွေဆိပ်နှင့် ပြင်းသော အဆိပ်များကိုနိုင် သည်။ အထူးသတိပြုရမည်မှာ နွယ်သာကီပင်ဆေးကို လိမ်းဆေးအဖြစ်သာ သုံးစွဲနိုင်ပြီး သောက်ဆေးအဖြစ် လုံးဝမသုံးစွဲရပါ။ အလှပန်းပင်ဖြစ်၍ ဈေးကွက်ကောင်းလျှက်ရှိပြီး နွယ်သာကီ ပန်းပျိုးပင်တစ်ပင်လျှင် (၂၀၀၀-၃၀၀၀-၅၀၀၀) ကျပ်ဖြင့် ရောင်းချလျှက် ရှိကြောင်းပန်းပျိုးပင် ဈေးကွက်မှ သိရှိရသည်။

DOCA(မန္တလေး)

     ဝါးပလုတ်ကို နှစ်တစ်နှစ် မိုးဦးကာလများတွင်သာ စတင်ရရှိပါသည်။ ပေါ်ဦးပေါ်စဖြစ်သောကြောင့် စျေးကောင်းရရှိပြီး မြိတ်ခရိုင်အတွင်း စျေးနှင့် အအေးဆိုင်များသို့ ရောင်းချကြသလို ရန်ကုန်နှင့် အခြားတိုင်းများသို့ တင်ပို့လျက်ရှိပါသည်။ မြိတ်ခရိုင်တွင် ဝါးပလုတ်ကို ကျေးရွာများတွင် အဓိကထား လုပ်ကိုင်ကြသည်။ သဘာဝအလျောက်ရရှိပြီး ဘေးဥပုတ်အန္တရာယ်ကင်းသောကြောင့် ပျားရည်၊ နို့ဆီ၊ နို့စိမ်းသကြားတို့နှင့်ဖျော်ကာ တွဲဖက်၍ သောက်သုံးလေ့ရှိပါသည်။

    မြိတ်မြို့တွင် ဇူလိုင်လ(၁၄)ရက်နေ့စျေးနှုန်းအရ ဝါးပလုတ်ဗူးလတ်တစ်ဗူးလျှင် (၇၀၀၀) ကျပ် ခန့်ရှိပြီး ဗူးကြီးတစ်ဗူးလျှင် (၉၀၀၀)ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

    ပုလောဝက်အူချောင်းကို မြိတ်မြို့တွင်သာမက ပုလောမြို့တွင်လည်း ထုတ်လုပ်ဖြန့် ရောင်းချလျက်ရှိသည်။ အချိုဓါတ်များပြီး အရသာရှိသောကြောင့် လက်ဆောင်အဖြစ်ဝယ်ယူကြပြီး မြိတ်ခရိုင်ဒေသထွက်အစားအစာများထဲမှ  တစ်ခုအပါအဝင်ဖြစ်သည်။ ဝက်အူချောင်များထဲမှ ပုလော ဝက်အူချောင်းသည် အရောင်းရဆုံးဖြစ်ပြီး လူကြိုက်အများဆုံးဖြစ်သည်။

    မြိတ်မြို့တွင်ရောင်းချလျက်ရှိသော ဝက်အူချောင်းစျေးနှုန်းမှာ တစ်ပိဿာ (၄၅၀၀၀)ကျပ်ရှိပြီး ပုလောဝက်အူချောင်မှာ တစ်ပိဿာလျှင် (၅၀၀၀၀)ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

    မန္တလေးမြို့တွင်းသို့ ပြင်ဦးလွင်နှင့်ရှမ်းပြည်နယ်တောင်ပိုင်း ရွာငံနှင့် ရပ်ဆောက်ဘက်များ မှ သစ္စာပန်းများ ယခုရက်ပိုင်းအတွင်း လှိုင်လှိုင်ဝင်ရောက်လျှက်ရှိပါသည်။ မန္တလေးဒေသခံ ပြည်သူများအနေနှင့် သစ္စာပန်းများကိုအိမ်ဘုရားနှင့် ဘုန်းတော်ကြီးကျောင်း၊စေတီပုထိုးများတွင် ဝါတွင်း ကာလတွင် သစ္စာပန်းများ လှိုင်လှိုင်ဘုရားတင်လှူကြပါသည်။ အနီရောင်၊အဝါရောင်၊ ပန်းရောင်၊ခရမ်းရောင်၊လိမ္မော်ရောင်အဖြူရောင်တို့ဖြင့်လှပသည့်သစ္စာပန်းများ ဈေးနှုန်းဈေးကွက် အနေ နှင့် ၅ ခက် ၁ စီးပါ လက်လီရောင်ဈေး ၁၅၀၀-၂၀၀၀-၂၅၀၀ ကျပ်များနှင့် ရောင်းဝယ် မှုရှိပြီးပြင်ဦးလွင်နှင့်ရွာငံဘက် များမှ ဝင်ရောက်သည့် ပန်းစည်းများအနေနှင့် ၅ ခက်စည်း ပါ၁၅ စည်း ၁ စည်းလျှင် ပန်းဒိုင်  ရောင်းဝယ်ဈေးအနေနှင့် ၂၀၀၀၀ ကျပ်မှ ၂၅၀၀၀ ကျပ် ဈေးနှုန်း များနှင့် ရောင်းဝယ်မှုရှိပြီး ယခု ရက်ပိုင်းအတွင်း ပန်းအဝင်များလည်း လှိုင်လှိုင်ဝင်ရောက်ပြီး ရောင်းဝယ်မှုအားကောင်းကြောင်း လေ့လာသိရှိရပါသည်။

DOCA(မန္တလေး)