ပြည်တွင်းကုန်သွယ်မှုသတင်း

   ပြည်တွင်းစားသုံးမှုများပြားခြင်း နှင့် ပြည်ပတင်ပို့သည့်ပဲပုတ်မှာ မန္တလေးစျေးကွက်သို့ ရှမ်း ပြည်နယ်၊စစ်ကိုင်းတိုင်းဒေသကြီးနှင့်ကချင်ပြည်နယ်တို့မှဝင်ရောက်ကြောင်းသိရပါသည်။မန္တလေး တိုင်းဒေသကြီးအတွင်း ၂၀၂၄-၂၀၂၅ခုနှစ်တွင် ပဲပုတ်အပါအဝင်ပဲမျိုးစုံစိုက်ပျိုးမှု(၁၀၁၉၄၇၇) ဧက ဖြစ်ကြောင်းသိရ ပါသည်။ မန္တလေးပွဲစား၊ ကုန်သည်၊ စက်ပိုင်များ မဟာကထိန် တော်အသင်းတွင် ၂၀၂၅ ခုနှစ် ဇူလိုင်လဒုတိယပတ်အတွင်း ပေါက်စျေးမှာ ၃တင်းဝင်တစ်အိတ် လျှင် ပဲပုတ်(ရှမ်း) ၂၆၀၀၀၀ကျပ်နှင့် ၂၇၀၀၀၀ကျပ်၊ပဲပုတ်(ဗမာ)၄၁၅၀၀၀ ကျပ်၊ တစ်ပိဿာ ပေါက်စျေး မှာ ပဲပုတ်(ရှမ်း) ၅၀၇၀ ကျပ်နှင့် ၅၃၉၉ ကျပ်၊ပဲပုတ်(ဗမာ)၇၇၉၃ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ ပဲပုတ် (ရှမ်း) ၄၀၅၆ ကျပ်နှင့် ၄၁၃၂ ကျပ်၊ ပဲပုတ်(ဗမာ) ၃၇၁၈ ကျပ်နှင့် ၃၇၅၆ ကျပ်၊ ပဲပုတ်(စက်ပဲ)၃၆၆၂ကျပ်နှင့် ၃၇၅၆ကျပ်တို့ဖြစ်ကြောင်း သိရပါတယ်။  ယခုနှစ်နှင့် ယခင်နှစ် ကာလတူပေါက်စျေးနှိုင်းယှဉ်ပါက ပဲပုတ်စျေးပိုမိုရရှိကြောင်း သိရပါသည်။

DOCA(မန္တလေး)

   ပဲကြီးသီးနှံမှာ ပြည်တွင်း ၌စားသုံးမှုပမာဏများပြားပြီး၊ စျေးကွက်အတွင်း အရောင်းသွက် လျက်ရှိကြောင်း သိရ ပါသည်။ ။မန္တလေးတိုင်းဒေသကြီးအတွင်း ၂၀၂၄-၂၀၂၅ခုနှစ်တွင်ပဲကြီး သီးနှံ အပါအဝင် ပဲမျိုးစုံစိုက်ပျိုး မှု (၁၀၁၉၄၇၇)ဧကဖြစ်ကြောင်းသိရ ပါသည်။    စျေးကွက်အတွင်း သို့ ပြင်ဦးလွင်ခရိုင်၊ကျောက်ဆည် ခရိုင်နှင့် မြင်းခြံခရိုင်၊ စစ်ကိုင်းတိုင်းဒေသကြီးနှင့်မကွေးတိုင်းဒေသ ကြီးတို့မှဝင်ရောက်ကြောင်းသိရ ပါသည်။မန္တလေးပွဲစား၊ကုန်သည်၊စက်ပိုင်များမဟာကထိန်တော် အသင်းတွင် ၂၀၂၅ခုနှစ်ဇူလိုင်လဒုတိယပတ်အတွင်း   ဖြစ်ပေါ်လျက်ရှိသောစျေးမှာ၃တင်းဝင်တစ် အိတ်လျှင် ပဲကြီး (ကြီး)  ၃၃၀၀၀၀ ကျပ်၊ ပဲကြီး(လတ်) ၃၁၀၀၀၀ကျပ် နှင့် ၃၂၀၀၀၀ ကျပ်၊ ပဲကြီး (သေး)၂၉၀၀၀၀ကျပ်နှင့် ၃၀၅၀၀၀ကျပ်၊တစ်ပိဿာစျေးမှာပဲကြီး(ကြီး) ၅၉၇၃ကျပ်၊ပဲကြီး (လတ်) ၅၆၁၁ ကျပ်နှင့် ၅၇၉၂ကျပ်၊ ပဲကြီး(သေး) ၅၂၄၉ကျပ် နှင့်၅၅၂၀ကျပ် ဖြစ်ပြီး၊ ယခင်နှစ် ကာလ တူ တစ်ပိဿာစျေးမှာ ပဲကြီး(ကြီး) ၄၉၇၇ကျပ်နှင့် ၅၁၂၃ ကျပ် ၊ပဲကြီး(လတ်) ၄၃၄၄ ကျပ် နှင့် ၄၇၀၆ ကျပ်၊ပဲကြီး(သေး)၃၉၈၂ ကျပ်နှင့် ၄၂၅၃ ကျပ်တို့ဖြစ်ကြောင်းသိရပါသည်။ ယခုစျေးနှင့်ယခင် နှစ် ကာလတူပေါက်စျေးနှိုင်းယှဉ်ပါက ပဲကြီးစျေးမှာ ပိုမိုရရှိကြောင်း သိရပါသည်။

DOCA(မန္တလေး)

   မန္တလေးစျေးကွက်အတွင်း ၂၀၂၅ ခုနှစ်ဇူလိုင်လဒုတိယပတ်အတွင်း ရာသီစာငှက်‌ပျောသီးများ အရောင်းသွက်လျက်ရှိကြောင်း သိရပါသည်။ မန္တလေးတိုင်းဒေသကြီးအတွင်း အမရပူရ၊ ပုသိမ်ကြီး၊မတ္တရာ၊ကျောက်ဆည်၊စဉ့်ကိုင်၊ မြစ်သားမြို့နယ်တို့တွင် ငှက်ပျောသီးအများအပြား စိုက်ပျိုး ကြောင်း သိရပါသည်။ ဖီးကြမ်း၊သီးမွှေး၊  ရခိုင်၊ ငှက်ပျောချဉ်နှင့်ရွှေနီငှက်ပျောသီးတို့မှာ စျေးကွက် အတွင်း အများဆုံးတွေ့ရှိရပါသည်။ ငှက်ပျောသီး သီးနှံကို အဟာရဓါတ်စာ၊ဖျော်ရည်နှင့် စားသောက်ကုန်တို့တွင်  ထည့်သွင်းသုံးစွဲခြင်း၊ဘုရားပွဲနှင့်မိရိုးဖလာကန်တော့ပွဲများတွင် သုံးစွဲကြောင်း သိရပါသည်။ မတ္တရာမြို့နယ်ထွက်ငှက်ပျောသီးမှာ အခွံထူပြီး၊အရသာမှာ အချိုဓါတ်အနည်း ငယ်လျော့ ကြောင်း နှင့် ကျောက်ဆည်မှ ထွက်သည့် ငှက်ပျောသီးမှာ အခွံပါးပြီး၊အချိုဓါတ်များ ကြောင်း သိရပါ သည်။ ဖီးကြမ်း၊ သီးမွှေးနှင့် ရခိုင်ငှက်ပျော သီးများကို  ဘုရားပွဲနှင့် မိရိုးဖလာပွဲ များတွင် သုံးစွဲမှု များပြီး၊ ကန်တော့ပွဲတစ်ပွဲတွင် အုန်းသီးတစ်လုံး နှင့်သုံးစွဲသည့်ငှက်ပျော ခိုင်အရေ အတွက်အလိုက်၊ အလုံးအရွယ်အစားအလိုက် စျေးနှုန်းအမျိုးမျိုး ရောင်းချကြောင်း သိရပါသည်။ ၂၀၂၅ ခုနှစ်ဇူလိုင်လ ဒုတိယပတ်အတွင်း ငှက်ပျောဖီးစျေးနှုန်းများ အနေဖြင့် တစ်ဖီးလျင် ဖီးကြမ်း (အစိမ်း) ၂၀၀ဝိ/- နှင့် ၃၅၀ဝိ/- ၊ဖီးကြမ်း (အမှည့်) ၁၅၀ဝိ/- နှင့် ၃၀၀ဝိ/-၊သီးမွှေးငှက်ပျောသီးမှာ ၁၅၀ဝိ/-နှင့် ၂၅၀ဝိ/-၊      ( တောင်ငူသီး) ၄၀၀ဝိ/-နှင့် ၅၅၀ဝိ/-၊ရခိုင် ငှက်ပျောသီးနှင့် ငှက်ပျော ချဉ်သီး မှာ၁၅၀ဝ/-နှင့်၂၀၀ဝိ/-၊ ရွှေနီငှက်ပျောသီး(တောင်ငူသီး) မှာ၅၀၀ဝိ/- နှင့်၈၀၀ဝိ/-စျေးတို့ ဖြစ်ပေါ် လျက်ရှိပြီး၊ရာသီစာအဖြစ် စားသုံးသည့် ငှက်ပျောသီးမှာ သီးနှံစျေးကွက်တွင် အရောင်း သွက်လျက် ရှိကြောင်း သိရပါသည်။

DOCA(မန္တလေး)

     မန္တလေးစျေးကွက်သို့  မိုးရာသီအတွင်း  ပြင်ဦးလွင်မြို့နယ်နှင့်  မတ္တရာမြို့နယ် တို့မှထွက်ရှိ သည့်ရာသီစာပိန္နဲသီးများ ဝင်ရောက်မှုများပြားလျက်ရှိပြီး၊  အ‌ရောင်းသွက်လျက်ရှိကြောင်း သိရပါ သည်။  ၂၀၂၅ ခုနှစ် ဇူလိုင်လဒုတိယပတ်အတွင်း ဖြစ်ပေါ်သည့်စျေးနှုန်းများမှာ ပိန္နဲသီး အကြွပ် သီး တစ်လုံး လျှင် ၁၀၀၀၀ ကျပ်နှင့် ၁၅၀၀၀ ကျပ်၊ ပိန္နဲသီးအချို  (အပျော့သီး) တစ်လုံးလျှင် ၈၀၀၀ ကျပ် နှင့် ၁၀၀၀၀ကျပ်စျေးတို့ဖြစ်ပေါ် လျက်ရှိပြီး၊အလုံးအရွယ်အစားပေါ် မူတည်၍ စျေးအနည်းငယ်ပြောင်း လဲမှုရှိကြောင်း သိရပါသည်။

DOCA(မန္တလေး)

      ဩဇာသီးသည် အပေါ်ခွံမှာ အဖုအထစ်လေးတွေရှိပြီး အတွင်းမှာ ဖြူဖြူချိုချို အသားလေးနဲ့ အစေ့အနက်ရောင်လေးတွေနှင့် အရသာ အလွန်ကောင်းမွန်ပါသည်။ ဩဇာပင်သည် ဩဇာသီးဘဲ စားရခြင်းမဟုတ်ဘဲ အရွက်ရော အပင်အခေါက်ကပါ ဆေးဖက်ဝင်ပါသည်။ ဩဇာပင်သည် အိန္ဒိယ မျိုးရင်းပင် ဖြစ်ပြီး မြန်မာနို်ငငံက အပူပိုင်းဒေသများတွင် ပေါက်ရောက် ပါသည်။ဩဇာသီး၊ ဩဇာရွက်တို့မှာ အနာကျက်စေနိုင်တဲ့ အာနိသင်ရှိပါသည်။ ထိခိုက်ဒဏ်ရာ ရသောအခါ ဩဇာရွက်ကို ခြေပြီး အနာပေါ်ကို အုံတာ ဒါမှမဟုတ် ဩဇာသီးအနှစ်ကို အနာပေါ်ကို အုံပေးခြင်းဖြင့်  ပိုးတွေကို သေစေနိုင်ပြီး အနာကျက်စေဖို့ အကောင်းဆုံး ထောက်ကူ ပေးနိုင်ပါသည်။ ဩဇာသီး စားပေးတာက ဝက်ခြံတွေကို သက်သာစေနိုင်သလို ဩဇာပင်ရဲ့ အမြစ်ကတည်း ဝက်ခြံတွေ ထပ်မဖြစ်စေဖို့ အထိရောက်ဆုံး ကာကွယ်ပေးနိုင်ကြောင်း လေ့လာသိရှိရသည်။ဩဇာရွက်ကို ခြေ၍ ဩဇာရွက်သတ္ထုရေကို ဆားအနည်းငယ်နှင့် သောက်ပေးက မန်းကိုနိုင်စေသည်။ဩဇာပင်သည် နေရာဒေသမရွှေး ပေါက်ရောက်ဖြစ်ထွန်းသည်။ မိမိတို့၏ အိမ်ခြံဝင်းများတွင်လည်း မိသားစု စားသုံးနိုင်ရန်အတွက်လည်းစိုက်ပျိုးလေ့ရှိသည်။ ယခုအခါ မန္တလေးမြို့ဟောင်းဈေးကွက်အတွင်းသို့ အနယ်နယ်အရပ်ရပ်မှ ဝင်ရောင်လျှက်ရှိပြီး ဩဇာသီး တစ်လုံးလျှင် (၅၀၀-၁၀၀၀)ကျပ်ဖြင့် ရောင်းချလျှက်ရှိကြောင်း သစ်သီးမျိုးစုံအရောင်းဆိုင်မှ သိရှိရပါသည်။

DOCA(မန္တလေး)