မြင်းခြံမြို့နယ်ရှိ စံပြဈေး၊ အေးမြသီတာဈေးနှင့် မြို့မစည်ပင်သာယာဈေးများတွင် အခြေခံစားကုန်အမျိုးမျိုးနှင့် စားဖိုဆောင်အုပ်စုဝင် ဟင်သီးဟင်းရွက်မျိုးစုံ ရောင်းချလျက်ရှိရာ ရာသီပေါ် အိုးမုန်ညင်းများကိုလည်းရောင်းချလျက်ရှိကြောင်း၊ မြင်းခြံမြို့နယ်သည် အိုးမုန်ညင်းများကို ဆောင်းရာသီတစ်ရာသီသာ စိုက်ပျိုးနိုင်ကြောင်း၊ ရာသီကုန်ဆုံးချိန်တွင် ၎င်းဟင်းရွက်များကို ရှမ်းပြည်နယ်တောင်ပိုင်း အောင်ပန်းမြို့နှင့် မန္တလေးမြို့ကုန်စိမ်းပွဲရုံများမှ မှာယူတင်သွင်းပြီး ဒေသတွင်းသို့ ဖြန့်ဖြူးရောင်းချကြောင်း သိရှိရသည်။ ၂၀၂၅ခုနှစ်၊ ဩဂုတ်ပထမပတ်တွင် အိုးမုန်ညင်း တစ်စည်းလျှင် လက်လီဈေး(၈၀၀)ကျပ်၊ လက်ကားဈေး (၇၀၀)ကျပ်ပေါက်ဈေးများရှိကြောင်း၊ စားသုံးမှုများ၍ နေ့စဉ် အစည်းအရေအတွက် (၁၅၀-၂၀၀) ခန့် ရောင်းချရကြောင်း ဈေးကွက်တွင် အရောင်းအဝယ် ဖြစ်လျက်ရှိကြောင်း၊ ကုန်စိမ်းရောင်းချသူတစ်ဦး၏ ပြောပြချက်အရ သိရှိရသည်။ အိုးမုန်ညင်းကိုစားသုံးခြင်းဖြင့် ကင်ဆာရောဂါကာကွယ်မှု၊ နှလုံးကျန်းမာမှု၊ ဗီတာမင်စီပါဝင်သောကြောင့် မျက်လုံးကျန်းမာရေးနှင့် ကိုယ်ခံအားကိုမြှင့်တင်ပေးပြီး ကျန်းမာရေးအတွက် အကျိုးများစွာရှိသော ဟင်းသီးဟင်းရွက် တစ်မျိုးဖြစ်၍ အာဟာရပြည့်ဝကြောင်း သိရှိရသည်။
DOCA(မန္တလေး)