ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ယခင်က လက်ရက်ကန်းများကို တွင်တွင်ကျယ်ကျယ် အသုံးပြုခဲ့ပါသည်။ ယခုအချိန်တွင် စက်ရက်ကန်များပါ သုံးစွဲမှုများပြားလာ၍ လက်ရက်ကန်း ရက်လုပ်မှုများ လျော့နည်းသွားကြောင်းလည်း တွေ့ရှိရသည်။ ရက်လုပ်ခဲ့သော အထည်များမှာ ကျားဝတ်လုံချည် အမျိုးမျိုး၊ မဝတ်လုံချည်အမျိုးမျိူး၊ လက်သုတ်ပဝါ၊ မျက်နှာသုတ် ပဝါ၊ ဝါဒစောင်၊ ချင်းပုလဲစောင်နှင့် ခေါက်ချိုး စောင်များကို အဓိက ရက်လုပ်ခဲ့ကြောင်း သိရှိရသည်။ ယခုအခါတွင် လက်ရက်ကန်များအပြင် စက်ရက်ကန်းများကိုပါ အသုံးပြုလာကြပြီး အများစုမှာ အနံလွန်ခေါက် ချိုးစောင်များကို ရက်လုပ်မှုများ ပိုမိုများပြားလာခဲ့ကြောင်း သိရှိရသည်။ အနံလွန်ခေါက်ချိုးစောင် လက်ရက်ကန်းတစ်တန်းတွင် တိုင်ချည်ထုပ်(၁၄)ထုပ်၊ တစ်ထုပ် လျှင် (၁၈)လိမ်ပါဝင်ပြီး တစ်လိမ်လျှင် နှစ်ခင်ပါဝင်ကြောင်း၊ ဖောက်ချည်တွင် ဖောက်ချည်ထုပ် (၅) ထုပ်၊ တစ်ထုပ်လျှင် အလိမ်(၂၀)၊ တစ်လိမ်လျှင် သုံးခင်အသုံးပြုရကြောင်း၊ အသုံးပြုသောချည်များမှာ ဗမာချည်(၇)ချည်ဖြစ်ပြီး ယခင်နှစ် တိုင်ချည်ထုပ်တစ်ထုပ်ဈေးနှုန်းမှာ ကျပ်(၃၃၅၀၀)၊ ဖောက်ချည်မှာ(၁၀)ချည်ကို အသုံးပြုရပြီး တစ်ထုပ်လျှင် ကျပ်(၃၅၅၀၀)ပေးရကြောင်း၊ ချည်ထုပ်များ ဆေးဆိုးခ မှာ အရောင်အမျိုးအစားကိုလိုက်၍ တစ်ထုပ်လျှင် ကျပ်(၃၀၀၀- ၅၀၀၀- ၅၅၀၀) ၊ ချည်စာ နင်းခမှာ တစ်ထုပ်လျှင် ကျပ်(၁၈၀၀)၊ ချည်ချခမှာ (၁၀)တွဲလျှင် ကျပ်(၃၀၀၀)၊ ရက်ဖောက်ရက်ခမှာ တစ်တွဲလျှင် ကျပ်(၁၇၀၀)၊ ရက်ကန်းလုပ်သားခမှာ တစ်ထည်လျှင် ကျပ်(၁၅၀၀)ပေးရကြောင်း၊ ယခုနှစ် တိုင်ချည်ထုပ်တစ်ထုပ်ဈေးနှုန်းမှာ ကျပ်(၇၂၀၀၀)၊ ဖောက်ချည်မှာ (၁၀)ချည်ကို အသုံးပြု ရပြီး တစ်ထုပ်လျှင် ကျပ်(၆၂၀၀၀)ပေးရကြောင်း၊ ချည်ထုပ်များဆေးဆိုးခမှာ အရောင်အမျိုးအစား ကိုလိုက်၍ တစ်ထုပ်လျှင်ကျပ်(၅၀၀၀- ၇၅၀၀)၊ ချည်စာနင်းခမှာ တစ်ထုပ်လျှင် ကျပ်(၂၈၀၀)၊ ချည်ချခမှာ (၁၀)တွဲလျှင် ကျပ်(၅၀၀၀)၊ ရက်ဖောက်ရက်ခမှာ တစ်တွဲလျှင် ကျပ်(၂၅၀၀)၊ ရက်ကန်း လုပ်သားခမှာ တစ်ထည်လျှင် ကျပ်(၂၂၀၀)၊ လိပ်တုန်းရှည်ခမှာ တစ်လိပ်တုန်းလျှင် ကျပ်(၁၄၀၀၀) ပေးရကြောင်း၊ ရက်ကန်းတစ်စင်၏ အထွက်နှုန်းမှာ အနည်းဆုံး(၅၆)ထည်၊ အများဆုံး(၅၇)ထည် ထွက်ရှိ ကြောင်း ရက်ကန်း လုပ်ငန်းရှင်တစ်ဦးထံမှ သိရှိရသည်။ အနံလွန်ခေါက်ချိုးစောင် တစ်ထည်၏ဈေးနှုန်းမှာ ကျပ်(၂၂၀၀၀ မှ ၂၆၅၀၀)ဖြစ်ပြီး ထွက်ရှိ လာသောအထည်များကို မိမိတို့ဒေသတွင်းသာမက မန္တလေးတိုင်းဒေသကြီးအတွင်းရှိ ပုဂံ၊ ညောင်ဦး မြို့နယ်များမှ ဟိုတယ်လုပ်ငန်းရှင်များမှလည်း ဝယ်ယူအသုံးပြုလျက်ရှိကြောင်း ရက်ကန်းလုပ်ငန်းရှင်တစ်ဦးထံမှ သိရှိရသည်။ DOCA(မကွေး)

မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်သည် ကြက်သွန်နီသီးနှံကို အဓိက သီးနှံအဖြစ် နှစ်စဉ်စိုက်ပျိုးလျက်ရှိပြီး မြို့ပေါ်ရှိ ကြက်သွန်နီကုန်စည်ဒိုင်နှင့် ပွဲရုံဈေးကွက်တွင် နေ့စဉ် အ‌ရောင်းအဝယ်ဖြစ်လျက်ရှိသည်။ ၂၀၂၅ခုနှစ်၊ ဇူလိုင်လ(ပထမပတ်)တွင် ကြက်သွန်နီဈေးကျဆင်း ပြီး အရောင်းအဝယ်ဖြစ်လျက်ရှိပါသည်။ ဈေးကွက်သို့ စိုက်ပျိုးမှုများသော ဂွေးပင်၊ ထန်းပင်ချောင်း၊ လက်ဆည်၊ အုန်းမှင်ကျေးရွာများမှ အများဆုံးဝင်ရောက်ပြီး တစ်ရက်လျှင် ကြက်သွန်နီပျမ်းမျှ ကုန်ချိန်ပိဿာ(၃)သောင်းခန့် ဝင်ရောက်ကြောင်း ကုန်စည်ဒိုင်ဈေးကွက်မှ သိရှိရသည်။ ဈေးနှုန်းအနေဖြင့် ၂၀၂၅ခုနှစ်၊ ဇူလိုင်လ(ပထမပတ်)တွင် အရောင်းအဝယ်ဖြစ်သော ကြက် သွန်နီဈေးနှုန်းမှာ သီးနှံအရည်အသွေးလိုက်၍ တောဈေး(ဂျွန်)တစ်ပိဿာလျှင် အမြင့်ဈေး ကျပ် (၁၁၅၀)၊ အလတ်ဈေး ကျပ်(၁၀၀၀)၊ အနိမ့်ဈေး ကျပ်(၈၀၀)ဖြင့် ဈေးကျ၍ အရောင်းအဝယ်ဖြစ် ကြောင်း၊ ယခင်ဇွန်လ(စတုတ္ထပတ်)နှင့်ဈေးနှုန်းနှိုင်းယှဉ်ပါက ကြက်သွန်နီတစ်ပိဿာလျှင် ကျပ် (၅၀)ခန့် ဈေးကျ၍အရောင်းအဝယ်ဖြစ်ကြောင်း၊ ပွဲရုံများမှ ကြက်သွန်နီများကို ပြန်လည်သန့်စင်ပြီး ရောင်းချသောဈေးနှုန်းမှာ ကြက်သွန်နီတစ်ပိဿာလျှင် အမြင့်ဈေး(ရှယ်)ကျပ်(၁၆၀၀)၊ လတ်ကြီး တစ်ပိဿာလျှင် ကျပ်(၁၅၀၀)၊ လတ်ချော တစ်ပိဿာလျှင် ကျပ်(၁၄၀၀)၊ လတ်သန့် တစ်ပိဿာ လျှင် ကျပ်(၁၃၀၀)၊ အသေးစ တစ်ပိဿာလျှင် ကျပ်(၁၀၀၀)ဈေးအသီးသီးဖြင့် ဒေသအနှံ့အပြားသို့ ဖြန့်ဖြူးရောင်းချလျက်ရှိကြောင်း၊ ဆိပ်ဖြူမြို့ ပတ္တမြားဈေးအတွင်း အရောင်းအဝယ်ဖြစ်သော လက်လီဈေးနှုန်းမှာ အရည်အသွေး၊ အရွယ်အစားလိုက်၍ တစ်ပိဿာလျှင် ကျပ်(၂၀၀၀- ၁၈၀၀- ၁၅၀၀) ဈေးဖြင့် အရောင်းအဝယ်ဖြစ်ကြောင်း သိရှိရသည်။ ပြည်တွင်းဈေးကွက်အနေဖြင့် ဆိပ်ဖြူဒေသထွက်ကြက်သွန်နီများကို ရန်ကုန်ဘုရင့်နောင်ပွဲရုံ သို့ ကုန်ချိန်အများဆုံးတင်ပို့ပြီး ပြည်ပဈေးကွက်သို့ တင်ပို့မှုနည်းကြောင်း၊ ဇူလိုင်လ(ပထမပတ်) တွင် ကြက်သွန်နီကုန်ချိန်ပိဿာ(၂)သိန်းခန့်၊ တန်ချိန်အားဖြင့် (၃၂၇)တန်ခန့်ကုန်စည်စီးဆင်းခဲ့ ကြောင်း ဈေးကွက်မှသိရှိရသည်။ DOCA(မကွေး)

မန္တလေးတိုင်းဒေသကြီး၊ကျောက်ဆည်မြို့နယ်အတွင်းရှိတောင်သူများသည် စပါး၊ပဲ၊ပြောင်း၊ နှမ်းငရုတ်စသည့် သီးနှံမျိုးစုံစိုက်ပျိုးသည့်အပြင် ကုန်စိမ်းသီးနှံ တစ်မျိုးဖြစ်သော ခရမ်းသီး သီးနှံကိုလည်း ရာသီမရွေး တစ်နှစ်ပတ်လုံးစိုက်ပျိုးကြပါသည် ။ ခရမ်းသီးစိုက်ပျိုးမည်ဆိုလျှင် မျိုးစေ့ ကိုပျိုးထောင်ပြီး (၁)လခွဲသားအရွယ်တွင် စတင်စိုက်ပျိုးရကြောင်း ၊ ၂လခွဲ ၃လကျော် အချိန်တွင် အသီးများစတင်ခူးဆွတ်နိုင်ပြီး (၄)ရက်ခြားတစ်ကြိမ် ခူးဆွတ်ရကြောင်း ၊ စတင်ခူးဆွတ် သည်မှ တစ်ပတ်နှင့်တစ်ပတ်အထွက်နှုန်းပိုမိုလာကြောင်း ၊ (၁)ဧက အထွက်နှုန်းအနေဖြင့် စတင်ခူးဆွတ် ချိန်တွင် ပိဿာ(၄၀-၅၀)ခန့်ထွက်ရှိပြီး အထွက်နှုန်းအများဆုံးအချိန်တွင် ပိဿာ(၄၀၀-၅၀၀)ခန့် အထိ ထွက်ရှိကြောင်း၊ သက်တမ်းအနေဖြင့် (၅) လခန့် အထိခူးဆွတ်နိုင်ကြောင်း ၊ (၁)ဧက ကုန်ကျစရိတ် အနေဖြင့် မျိုး၊သွင်းအားစု၊လုပ်သားခ အပါအဝင် စုစုပေါင်း(၁၀၀၀၀၀၀/-)ကျပ်ကုန်ကျကြောင်း ၊ ခရမ်းသီးစျေးနှုန်းအနေဖြင့် ဖောက်သည်စျေးမှာ(၁)ပိဿာလျှင်(၉၀၀/-ကျပ်၊ လက်လီစျေး အနေဖြင့် (၁၁၀၀-၁၂၀၀/-)ကျပ် စျေးနှုန်းများဖြင့် အရောင်းအဝယ်ဖြစ်နေကြောင်း၊(၁)ဧကအကျိုးအမြတ်အနေ ဖြင့်(၈၀၀၀၀၀/-)ကျပ်ဝန်းကျင်မြတ်ကြောင်း၊ ကုန်စိမ်းသီးနှံဖြစ်သည့်အတွက် တစ်ပတ် နှင့်တစ်ပတ် အထွက်နှုန်းနှင့် စျေးနှုန်းများ မတူညီကြောင်း ၊ ကုန်စိမ်းပွဲစားများမှ စိုက်ခင်းများအထိ လာရောက် ဝယ်ယူကြကြောင်း ၊ ပွဲစားများမှတဆင့် ကျောက်ဆည် ၊ စဉ့်ကိုင် နှင့် မန္တလေးမြို့များသို့ တင်ပို့ ရောင်းချကြကြောင်း သိရှိရပါသည်။ DOCA(မန္တလေး)

မန္တလေးတိုင်းဒေသကြီး ၊ကျောက်ဆည်မြို့နယ်အတွင်းရှိ ‌အေးမြကြည်လင်စျေးနှင့်မြို့မစျေး အတွင်းသို့ ယခုအချိန်မိုးရာသီတွင် နာနတ်သီးများဖြိုင်ဖြိုင်ဝင်ရောက်နေပြီဖြစ်ပါသည်။နာနတ်သီးကို ရှမ်းပြည်နယ်တောင်ပိုင်း တောင်ကြီး ၊ ကလော နှင့် အောင်ပန်းမြို့နယ်တို့မှ ခေါက်တိုကားများဖြင့် ဝင်ရောက်လျှက်ရှိကြောင်း၊ နာနတ်သီးစျေးနှုန်းအနေဖြင့် တစ်လုံးလျှင် အကြီး (၂၀၀၀/-)ကျပ် ၊ အလတ်(၁၅၀၀/-)ကျပ်၊အသေး(၁၀၀၀/-)ကျပ်စျေးနှုန်းများဖြင့် ရောင်းဝယ်လျှက်ရှိပြီး အလုံး အ ရွယ် အစားပေါ်မူတည်၍ စျေးနှုန်းအမျိုးမျိုးရှိကြောင်းသိရှိရပါသည်။ နာနတ်သီးစားသုံးခြင်းဖြင့် ခန္ဓာကိုယ် ခွန်အားကိုမြင့်တင်ပေးခြင်း၊ရေဓါတ်ဖြည့်တင်းပေးခြင်း၊သွေးလည်ပတ်မှုကောင်းစေခြင်း၊ နှာပိတ်ခြင်း ကိုသက်သာစေခြင်း၊ ခန္ဓာကိုယ်ရောင်ရမ်းခြင်းမှကာကွယ်ပေးခြင်း၊ ဗီတာမင်ဘီ ကြွယ်ဝစေခြင်း ၊ အရိုးအကြောသန်မာစေခြင်း စသည့်အကျိုးကျေးဇူးများရရှိကြောင်း သိရှိရပါသည်။ DOCA(မန္တလေး)

ကျောက်ဆည်ခရိုင်အတွင်း လယ်ယာစိုက်ပျိုးရေးနှင့် သီးနှံမျိုးစုံ ထွက်ကုန်များ အဓိကထား စိုက်ပျိုးထုတ်လုပ်လျှက်ရှိရာ ကြက်သွန်နီလည်း အဓိကပါဝင်လျှက်ရှိပြီး ယခုနှစ် ကြက်သွန်နီ စျေးနှုန်းများမှာ ထွက်ပေါ်ချိန်တွင် စျေးကောင်းရခဲ့သော်လည်း ဖြိုင်ဖြိုင်ထွက်ပေါ်သည့် မတ်လ၊ဧပြီ လများမှစ၍ စျေးနှုန်းများကျဆင်းခဲ့ရာ ယနေ့အချိန်စျေးနှုန်းများ အငုတ်စျေးဖြင့်သာရောင်းဝယ် လျှက်ရှိကြောင်းသိရှိရပါသည်။ ထွက်ပေါ်ချိန်က တောထုတ်အတိုင်း (၁)ပိဿာလျှင် (၂၈၀၀/-)ကျပ် စျေးနှုန်းဖြင့်အ‌ရောင်းအဝယ်ဖြစ်ခဲ့သော်လည်း ယနေ့အရောင်းအဝယ်ဖြစ်နေသည့် စျေးနှုန်းများအနေ ဖြင့်ကြက်သွန်နီတစ်ပိဿာလျှင်(အကြီး) (၁၄၀၀/-)ကျပ် ၊ အလတ် (၁၁၅၀-၁၂၀၀)ကျပ် ၊ အသေး (၆၀၀-၇၀၀)ကျပ်ဖြင့် အရောင်းအဝယ်ဖြစ်လျှက်ရှိပြီး ရန်ကုန် ၊ မန္တလေးမြို့များသို့ တင်ပို့လျှက်ရှိ ကြောင်းသိရှိရပါသည်။ မြစ်သားကြက်သွန်နီအနေဖြင့် ဘုရင့်နောင်စျေးကွက်တွင် မျက်နှာပန်းလှ သည့်ကြက်သွန်ဖြစ်ပြီး ယခုနှစ် အခြေအနေပုံမှန်သာ အရောင်းအဝယ်ဖြစ်ကြောင်း၊ကျောက်ဆည် စျေးကွက်သို့ တရုတ်ဝယ်လက်များ ကြက်သွန်လာရောက်လေ့လာမှုများရှိနေသဖြင့် တောင်သူများ မှာလည်းတက်ဈေးမျှော်ပြီး သိုလှောင်ထားကြကြောင်း သိရှိရပါသည်။ DOCA(မန္တလေး)