ပြည်တွင်းကုန်သွယ်မှုသတင်း

ဧရာဝတီတိုင်းဒေသကြီး၊ မအူပင်ခရိုင်အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၁၁၀)လုံး ရှိပြီး စပါးကြိတ်ခွဲထွက်ရှိမှုမှ ဆန်များကို ရန်ကုန်တိုင်းဒေသကြီးသို့ အဓိကထား၍ တင်ပိုနေပြီး ရန်ကုန်မှတဆင့် အခြားဒေသများသို့ နေ့စဉ် ပုံမှန် (စီးထွက်) လျက်ရှိကြောင်း သိရသည်။ ယခုလ ၂၀၂၅ ခုနှစ် ဇွန်လ ၁လအတွင်း မအူပင် ဆန်တင်ပို့မှု အိတ် ၂၆၆၀၊ ပန်းတနော် ဆန်တင်ပို့မှု ၁၅၄၈၀၊ ညောင်တုန်းဆန်တင်ပို့မှု ၁၉၈၅၂၉၊ ဓနုဖြူမြို့ဆန်တင်ပို့မှု ၂၄၃၂၈ အိတ်နှင့် စုစုပေါင်း (၂၀၄၀၉၉၇) တင်ပို့ပြီး တန်အားဖြင့် ၁၂၀၅၀ တန်တင်ပို့နိုင်ခဲ့ကြောင်း၊ အခြားမြို့နယ်များမှ တင်ပို့မှုနိုင်မှု အနေဖြင့် ၂၀၇၉၂၂ အိတ် နှင့် တန်အားဖြင့် ၁၀၃၉၆ တန်ကိုလည်းကောင်း တင်ပို့နိုင်ခဲ့ကြောင်း သိရသည်။ ယခင်လတင်ပို့မှုနှင့် နှိုင်းယှဉ်ပါက မေလက မအူပင်ခရိုင် ၄မြို့နယ်မှ ဆန်မြို့နယ်တင်ပို့မှု (၂၃၀၆၃၈) တင်ပို့ပြီး ယခုလ (၁၈၅၀၃၄၉)အိတ် ပိုမိုတင်ပို့ကြောင်း ၊ အခြားမြို့နယ်တင်ပို့မှုမှာ ဆန် ၂၇၈၀၁၀ အိတ် တင်ပို့သောကြောင့် ယခုလ (၇၀၀၈၈) အိတ် လျော့နည်း ပိုနိုင်ကြောင်း တွေ့ရှိရသည်။ ဧရာဝတီတိုင်းဒေသကြီးထွက် ဆန်များကို သီလဝါဆိပ်ကမ်း၊သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်းစက်မှုဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင့်လျက်ရှိကြောင်း သိရှိရပါသည်။ DOCA(ဧရာဝတီ)

မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် သီးနှံစိုက်ပျိုးစွမ်းအားများ တိုးမြှင့်စိုက် ပျိုးနိုင်ရေးအတွက် ကြိုးပမ်းဆောင်ရွက်လျက်ရှိရာ ယခုနှစ်ဇွန်လတွင် မိုးမြေပဲ(၅၂၇၈၉)ဧကခန့် စိုက်ပျိုးပြီးစီးပြီဖြစ်ကြောင်း သိရသည်။ ချောက်မြို့နယ်အတွင်းစိုက်ပျိုးသည့် မြေပဲအမျိုးအစားများမှာ မကွေး ၁၁၊ မကွေး ၁၆၊ ဆင်းပဒေသာ ၁၁၊ စွန်တာနီ၊ ကျောင်းကုန်းပင်ပြန့်အမျိုးအစားများဖြစ်ပြီး ယခု၂၀၂၅ခုနှစ်တွင်မိုးမြေပဲ (၁၀၂၄၃၄)ဧက စိုက်ပျိုးရန် လျာထားလျက်ရှိကြောင်း သိရသည်။ ယခင်နှစ်က မိုးမြေပဲတစ်ဧကလျှင် (၅၇.၅၀)တင်းနှုန်းဖြင့် စုစုပေါင်း(၅၈၈၉၉၅၅)တင်းထွက်ရှိခဲ့ကြောင်း သိရသည်။ ချောက်မြို့ပေါ်ရှိ ပဲမျိုးစုံရောင်းဝယ်ရေးပွဲရုံများတွင် ဇူလိုင်လအတွင်းဖြစ်ပေါ်နေသော မြေပဲဆံ စျေးနှုန်းများမှာ မြေပဲလုံးဆံဖြူတစ်ပိဿာလျှင် ကျပ်(၈၅၀၀)ရှိနေပြီး ယခင်လနှင့်နှိုင်းယှဉ်ပါက မြေပဲ လုံးဆံဖြူတစ်ပိဿာလျှင် ကျပ်(၅၀၀)လျော့နည်းကျဆင်းခဲ့ကြောင်း သိရသည်။ DOCA (မကွေး)

ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်တွင် ဇူလိုင်လ ပထမပတ်တွင် ဖြစ်ပေါ် နေသော အခြေခံစားသောက်ကုန်များဖြစ်သော ဧည့်မထဆန်တစ်ပြည်လျှင် ၃၀၀၀/ကျပ်၊ ကြက်သွန် နီ (အကြီး) တစ်ပိဿာလျှင် ၂၀၀၀ကျပ်၊(အလတ်) ၁၅၀၀/ကျပ်၊(အသေး) ၁၂၀၀/ကျပ်၊ ကြက်သွန် ဖြူ (ကြူကုတ်) တစ်ပိဿာလျှင် ၁၁၀၀၀/ကျပ်၊မြန်မာတစ်ပိဿာလျှင် ၇၀၀၀/ကျပ်၊ ဂျင်းတစ် ပိဿာ လျှင် ၅၅၀၀/ ကျပ်၊သကြားတစ်ပိဿာလျှင် ၅၅၀၀/ကျပ်၊ ကုလားပဲ တစ်ပိဿာ လျှင် ၆၆၀၀/ကျပ်၊ မြေပဲဆံတစ် ပိဿာလျှင် ၁၂၀၀၀/ကျပ်၊ငရုတ်သီး ခြောက်တစ်ပိဿာ လျှင် ၁၀၀၀၀/ ကျပ်၊အာလူး တစ်ပိဿာလျှင် ၄၀၀၀/ကျပ်၊ဆားတစ်ပိဿာလျှင် ၁၈၀၀/ကျပ်တို့ဖြင့် အရောင်း အဝယ်ဖြစ်လျှက် ရှိပါသည်။ DOCA(ပဲခူး)

မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ရွာတောကျေးရွာအုပ်စု၊ ရွာတော ကျေးရွာသည် စိုက်ပျိုးရေးကိုအဓိကလုပ်ကိုင်ပြီး ကြက်သွန်နီ၊ ဝါ၊ ကုလားပဲ၊ နေကြာ၊ နှမ်းနှင့် အခြား မီးဖိုချောင်သုံးသီးနှံများကို ရာသီအလိုက်စိုက်ပျိုးကြကြောင်း၊ မိုးနှမ်းကို ၂၀၂၅ခုနှစ်၊ မေလ (စတုတ္ထပတ်) မှစတင်၍ တောင်သူ(၄၀)ဦးခန့်မှ စိုက်ဧက(၃၀၀)ဧကခန့် စိုက်ပျိုးထားကြောင်း သိရှိရသည်။ ရွာတောကျေးရွာနေ နှမ်းစိုက်တောင်သူတစ်ဦးက ၎င်းအနေဖြင့် နှမ်းနက်(၁၉)ဧကခန့်ကို ကြောင်းဆွဲအစေ့ချစနစ်ဖြင့် စိုက်ပျိုးထားကြောင်း၊ စိုက်ပျိုးပြီး ရက်ပေါင်း(၉၀)နှင့်(၉၅)ရက်အကြာတွင် ရိတ်သိမ်းရကြောင်း၊ မျိုးအနေဖြင့် သိပ္ပံနှမ်းနက်နှင့် ဆင်းရတနာ-၁၄ နှမ်းနက်မျိုးကို အများဆုံး စိုက်ပျိုး ပြီး (၁)ဧကလျှင် မျိုး(၂)ပြည်ခန့်ကုန်ကျကြောင်း၊ မျိုးကို အထက်မင်းလှမြို့ပေါ်ရှိပွဲရုံများမှ ဝယ်ယူပြီး မျိုးသန့်မှုပေါ်မူတည်၍ (၁)ပြည်လျှင် ကျပ်(၂၀၀၀၀)ပေးရကြောင်း၊ ကုန်ကျစရိတ်အနေဖြင့် ယခင်နှစ် က(၁)ဧကလျှင် မျိုးဖိုး၊ မြေပြုပြင်ခ၊ လုပ်အားခနှင့် အခြားသွင်းအားစု စရိတ်အပါအဝင် စုစုပေါင်း ကျပ်(၄၀၀၀၀၀)ခန့် ကုန်ကျသော်လည်း ယခုနှစ်တွင်မှု သွင်းအားစုစရိတ်မြင့်တက်လာ၍ ကျပ် (၅၅၀၀၀၀)ခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်က (၁)ဧကလျှင် တင်းရေ(၁၀)တင်း ထိထွက်ရှိပြီး ဈေးနှုန်းအနေဖြင့် နှမ်းနက်(၁)တင်းလျှင် ကျပ်(၁၈၅၀၀၀)ထိဈေးရရှိ၍ အကျိုးအမြတ် အနေဖြင့် ကျပ်(၁၄၅၀၀၀၀)ခန့်ရရှိခဲ့ကြောင်း၊ ဈေးကွက်အနေဖြင့် မင်းလှမြို့ရှိပွဲရုံများသို့ တင်ပို့ရောင်းချ ကြောင်း၊ ယခင်နှစ်က မိုးနှမ်းအနေဖြင့် နှမ်းနက်မှာ ရာသီဥတုသမမျှတမှုနည်း၍ အထွက်နှုန်းလျော့ နည်းခဲ့သော်လည်း ဈေးကောင်းရရှိသောကြောင့် စိုက်တောင်သူများအနေဖြင့် ထိုက်သင့်သည့် အကျိုး အမြတ်ရရှိ၍ အဆင်ပြေပါကြောင်း၊ မိုးနှမ်းမှာ ရာသီဥတုပေါ်မူတည်၍စိုက်ပျိုးရပြီး မိုးများ သည့်အခါတွင် နှမ်းပင်များပျက်စီး၍ အထွက်နှုန်းလျော့နိုင်ပြီး မိုးနည်းသည့်အခါတွင်လည်း မျိုးအောင်မူနည်း၍ အထွက်နှုန်းလျော့နည်းနိုင်ကြောင်း၊ ယခုနှစ်တွင်မူ မိုးရွာသွန်းမှုများ၍ ရေဝပ်မှုများသည့်အတွက် နှမ်းစိုက်ခင်းတချို့တွင် နှမ်းပင်များအသေအပျောက်များရှိသော်လည်း ရေဝပ်မှုမရှိသည့် ကျောက်ကုန်း မြေပေါ်တွင် စိုက်ပျိုးထားသည့် နှမ်းစိုက်ခင်းများမှာ ယခုအချိန်တွင် အောင်မြင်ဖြစ်ထွန်းလျက်ရှိကြောင်း၊ ယခင်နှစ်ကအတိုင်း နှမ်းအထွက်နှုန်းလျော့ကျနိုင်သော်လည်း ဈေးကောင်းရရှိပါက နှမ်းစိုက်တောင်သူ များအနေဖြင့် အကျိုးအမြတ်များရရှိနိုင်ပါကြောင်း သိရှိရသည်။ DOCA (မကွေး)

ပဲခူးတိုင်ဒေသကြီး၊ သာယာဝတီခရိုင်၊ မင်းလှမြို့နယ် စပါးဈေးကွက်အခြေအနေဖြင့် ဇူလိုင်ဒုတိယပတ်တွင် ဆင်းသုခ၊ မနောသုခ(၄၆)ပေါင်တင်း (၁၀၀)လျှင် ၁၅၆၄၀၀၀/ကျပ်ဖြင့် အရောင်းအဝယ်ဖြစ်နေပြီး နွေစပါး(၄၆)ပေါင်လျှ၍် (၁၃၇၆၀၀၀)ကျပ်တို့ဖြင့် အရောင်းအဝယ် ဖြစ်လျက်ရှိပါသည်။ ဆန်ဈေးကွက်အနေဖြင့် ဆင်းသုခ၊မနောသုခ၊ဆန်တစ်ပြည်လျှင်၃၀၀၀/ကျပ်၊ဆန်အဟောင်း တစ်ပြည်လျှင် ၄၀၀၀/ကျပ်၊ဆန်အသစ်တစ်အိတ်လျှင် ၆၃၀၀၀/ကျပ်၊ဆန်အဟောင်းတစ် အိတ်လျှင် ၇၀၀၀၀/ကျပ်၊ပေါ်ဆန်းမွှေးတစ်ပြည်လျှင် ၇၅၀၀၀/ကျပ်မှ ၉၅၀၀/ကျပ်၊ ကောက်ညှင်းဆန် တစ်ပြည်လျှင် ၉၀၀၀/ကျပ်ဖြင့် ဈေးကွက်အတွင်း အရောင်းအဝယ် ဖြစ်နေပါကြောင်းဆန် ကုန်သည်တစ်ဦးထံမှ သိရှိရပါသည်။ DOCA(ပဲခူး)