ပြည်တွင်းကုန်သွယ်မှုသတင်း

   မန္တလေးစျေးကွက်အတွင်း ၂၀၂၅ ခုနှစ်ဇူလိုင်လဒုတိယပတ်အတွင်း ရာသီစာငှက်‌ပျောသီးများ အရောင်းသွက်လျက်ရှိကြောင်း သိရပါသည်။ မန္တလေးတိုင်းဒေသကြီးအတွင်း အမရပူရ၊ ပုသိမ်ကြီး၊မတ္တရာ၊ကျောက်ဆည်၊စဉ့်ကိုင်၊ မြစ်သားမြို့နယ်တို့တွင် ငှက်ပျောသီးအများအပြား စိုက်ပျိုး ကြောင်း သိရပါသည်။ ဖီးကြမ်း၊သီးမွှေး၊  ရခိုင်၊ ငှက်ပျောချဉ်နှင့်ရွှေနီငှက်ပျောသီးတို့မှာ စျေးကွက် အတွင်း အများဆုံးတွေ့ရှိရပါသည်။ ငှက်ပျောသီး သီးနှံကို အဟာရဓါတ်စာ၊ဖျော်ရည်နှင့် စားသောက်ကုန်တို့တွင်  ထည့်သွင်းသုံးစွဲခြင်း၊ဘုရားပွဲနှင့်မိရိုးဖလာကန်တော့ပွဲများတွင် သုံးစွဲကြောင်း သိရပါသည်။ မတ္တရာမြို့နယ်ထွက်ငှက်ပျောသီးမှာ အခွံထူပြီး၊အရသာမှာ အချိုဓါတ်အနည်း ငယ်လျော့ ကြောင်း နှင့် ကျောက်ဆည်မှ ထွက်သည့် ငှက်ပျောသီးမှာ အခွံပါးပြီး၊အချိုဓါတ်များ ကြောင်း သိရပါ သည်။ ဖီးကြမ်း၊ သီးမွှေးနှင့် ရခိုင်ငှက်ပျော သီးများကို  ဘုရားပွဲနှင့် မိရိုးဖလာပွဲ များတွင် သုံးစွဲမှု များပြီး၊ ကန်တော့ပွဲတစ်ပွဲတွင် အုန်းသီးတစ်လုံး နှင့်သုံးစွဲသည့်ငှက်ပျော ခိုင်အရေ အတွက်အလိုက်၊ အလုံးအရွယ်အစားအလိုက် စျေးနှုန်းအမျိုးမျိုး ရောင်းချကြောင်း သိရပါသည်။ ၂၀၂၅ ခုနှစ်ဇူလိုင်လ ဒုတိယပတ်အတွင်း ငှက်ပျောဖီးစျေးနှုန်းများ အနေဖြင့် တစ်ဖီးလျင် ဖီးကြမ်း (အစိမ်း) ၂၀၀ဝိ/- နှင့် ၃၅၀ဝိ/- ၊ဖီးကြမ်း (အမှည့်) ၁၅၀ဝိ/- နှင့် ၃၀၀ဝိ/-၊သီးမွှေးငှက်ပျောသီးမှာ ၁၅၀ဝိ/-နှင့် ၂၅၀ဝိ/-၊      ( တောင်ငူသီး) ၄၀၀ဝိ/-နှင့် ၅၅၀ဝိ/-၊ရခိုင် ငှက်ပျောသီးနှင့် ငှက်ပျော ချဉ်သီး မှာ၁၅၀ဝ/-နှင့်၂၀၀ဝိ/-၊ ရွှေနီငှက်ပျောသီး(တောင်ငူသီး) မှာ၅၀၀ဝိ/- နှင့်၈၀၀ဝိ/-စျေးတို့ ဖြစ်ပေါ် လျက်ရှိပြီး၊ရာသီစာအဖြစ် စားသုံးသည့် ငှက်ပျောသီးမှာ သီးနှံစျေးကွက်တွင် အရောင်း သွက်လျက် ရှိကြောင်း သိရပါသည်။

DOCA(မန္တလေး)

     မန္တလေးစျေးကွက်သို့  မိုးရာသီအတွင်း  ပြင်ဦးလွင်မြို့နယ်နှင့်  မတ္တရာမြို့နယ် တို့မှထွက်ရှိ သည့်ရာသီစာပိန္နဲသီးများ ဝင်ရောက်မှုများပြားလျက်ရှိပြီး၊  အ‌ရောင်းသွက်လျက်ရှိကြောင်း သိရပါ သည်။  ၂၀၂၅ ခုနှစ် ဇူလိုင်လဒုတိယပတ်အတွင်း ဖြစ်ပေါ်သည့်စျေးနှုန်းများမှာ ပိန္နဲသီး အကြွပ် သီး တစ်လုံး လျှင် ၁၀၀၀၀ ကျပ်နှင့် ၁၅၀၀၀ ကျပ်၊ ပိန္နဲသီးအချို  (အပျော့သီး) တစ်လုံးလျှင် ၈၀၀၀ ကျပ် နှင့် ၁၀၀၀၀ကျပ်စျေးတို့ဖြစ်ပေါ် လျက်ရှိပြီး၊အလုံးအရွယ်အစားပေါ် မူတည်၍ စျေးအနည်းငယ်ပြောင်း လဲမှုရှိကြောင်း သိရပါသည်။

DOCA(မန္တလေး)

      ဩဇာသီးသည် အပေါ်ခွံမှာ အဖုအထစ်လေးတွေရှိပြီး အတွင်းမှာ ဖြူဖြူချိုချို အသားလေးနဲ့ အစေ့အနက်ရောင်လေးတွေနှင့် အရသာ အလွန်ကောင်းမွန်ပါသည်။ ဩဇာပင်သည် ဩဇာသီးဘဲ စားရခြင်းမဟုတ်ဘဲ အရွက်ရော အပင်အခေါက်ကပါ ဆေးဖက်ဝင်ပါသည်။ ဩဇာပင်သည် အိန္ဒိယ မျိုးရင်းပင် ဖြစ်ပြီး မြန်မာနို်ငငံက အပူပိုင်းဒေသများတွင် ပေါက်ရောက် ပါသည်။ဩဇာသီး၊ ဩဇာရွက်တို့မှာ အနာကျက်စေနိုင်တဲ့ အာနိသင်ရှိပါသည်။ ထိခိုက်ဒဏ်ရာ ရသောအခါ ဩဇာရွက်ကို ခြေပြီး အနာပေါ်ကို အုံတာ ဒါမှမဟုတ် ဩဇာသီးအနှစ်ကို အနာပေါ်ကို အုံပေးခြင်းဖြင့်  ပိုးတွေကို သေစေနိုင်ပြီး အနာကျက်စေဖို့ အကောင်းဆုံး ထောက်ကူ ပေးနိုင်ပါသည်။ ဩဇာသီး စားပေးတာက ဝက်ခြံတွေကို သက်သာစေနိုင်သလို ဩဇာပင်ရဲ့ အမြစ်ကတည်း ဝက်ခြံတွေ ထပ်မဖြစ်စေဖို့ အထိရောက်ဆုံး ကာကွယ်ပေးနိုင်ကြောင်း လေ့လာသိရှိရသည်။ဩဇာရွက်ကို ခြေ၍ ဩဇာရွက်သတ္ထုရေကို ဆားအနည်းငယ်နှင့် သောက်ပေးက မန်းကိုနိုင်စေသည်။ဩဇာပင်သည် နေရာဒေသမရွှေး ပေါက်ရောက်ဖြစ်ထွန်းသည်။ မိမိတို့၏ အိမ်ခြံဝင်းများတွင်လည်း မိသားစု စားသုံးနိုင်ရန်အတွက်လည်းစိုက်ပျိုးလေ့ရှိသည်။ ယခုအခါ မန္တလေးမြို့ဟောင်းဈေးကွက်အတွင်းသို့ အနယ်နယ်အရပ်ရပ်မှ ဝင်ရောင်လျှက်ရှိပြီး ဩဇာသီး တစ်လုံးလျှင် (၅၀၀-၁၀၀၀)ကျပ်ဖြင့် ရောင်းချလျှက်ရှိကြောင်း သစ်သီးမျိုးစုံအရောင်းဆိုင်မှ သိရှိရပါသည်။

DOCA(မန္တလေး)

      ၂၀၂၅ခုနှစ်၊ ဇူလိုင်လ(ဒုတိယပတ်)တွင် မကွေးမြို့၏ ဘိလပ်မြေဈေးကွက်မှာ အရောင်း အဝယ်ပုံမှန်ရှိနေပြီး ဈေးကွက်အတွင်း အရောင်းအဝယ်ဖြစ်နေသောဈေးမှာ ဇူလိုင်လ(ပထမပတ်) တွင် ကြံ့နှစ်ကောင်(နီ) အမှတ်တံဆိပ် (၅၀)kg တစ်အိတ်လျှင် ကျပ်(၂၃၀၀၀)၊ အပါချီအမှတ်တံဆိပ် (၅၀)kg တစ်အိတ်လျှင် ကျပ်(၂၂၈၀၀)ရှိခဲ့ပြီး (ဒုတိယပတ်)တွင် ကြံ့နှစ်ကောင်(နီ)အမှတ်တံဆိပ် (၅၀)kg တစ်အိတ်လျှင် ကျပ်(၂၁၀၀၀)၊ အပါချီ အမှတ်တံဆိပ် (၅၀)kg တစ်အိတ်လျှင် ကျပ် (၂၀၅၀၀)တို့ဖြစ်ကြောင်း သိရသည်။

     ဓါတ်မြေဩဇာဈေးနှုန်းအနေဖြင့် ဇူလိုင်လ(ဒုတိယပတ်)တွင် တက်တိုးမြေဩဇာ(ကွန်ပေါင်း) (၅၀)kg တစ်အိတ်လျှင် ကျပ်(၉၇၀၀၀)၊ အာမိုအပြာ (15:15:15)  (၅၀)kg တစ်အိတ်လျှင် ကျပ် (၁၄၀၀၀၀)၊ အာမိုအနက် (16:16:8) ကွန်ပေါင်း (၅၀)kg တစ်အိတ်လျှင် ကျပ်(၁၅၀၀၀၀)၊ သီးစုံ (ဝါ၊စိမ်း၊ပြာ) ကွန်ပေါင်း (၅၀) kg တစ်အိတ်လျှင် ကျပ်(၉၆၀၀၀)၊ ပုလဲပန်းဖူး(ဖြူ) (၅၀)kg တစ်အိတ်လျှင် ကျပ်(၁၀၀၀၀၀)၊ ဇာမဏီ (ကွန်ပေါင်း) (၅၀)kg တစ်အိတ်လျှင် ကျပ်(၉၆၀၀၀)၊ ကောမတ် G 46% (ပုလဲ) (၅၀)kgတစ်အိတ်လျှင် ကျပ်(၉၈၀၀၀)တို့ဖြင့် အရောင်းအဝယ်ဖြစ် လျက် ရှိပါသည်။

    ဇူလိုင်လ(ပထမပတ်)နှင့် ဈေးနှုန်းနှိုင်းယှဉ်ပါက ဘိလပ်မြေနှင့် ဓါတ်မြေဩဇာဈေးနှုန်းမှာ ဈေးနှုန်းအနည်းငယ်ကျဆင်းမှုရှိပြီး ဘိလပ်မြေမှာ ဒေသတွင်းဝင်ရောက်မှုနည်းသော်လည်း ဈေးကွက်အတွင်း ပစ္စည်းပြတ်လပ်မှုမရှိကြောင်း အိမ်ဆောက်ပစ္စည်းအရောင်းဆိုင်များမှ သိရှိရသည်။

DOCA(မကွေး)

            ကျွန်းလှမြို့ ရာသီအရွေး ရောင်းချရန် ပဲတီစိမ်းကို ပဲတီပင် ပေါက်ဖောက်၍  ရောင်းချလျက်ရှိပြီး ပဲတီပင်ပေါက်သည် အဟာရဓါတ်ပြည့်ဝကာ ကျန်းမာရေးအတွက် အထောက်အကူပြုသော အစားအစာဖြင်သည်။  ပဲတီပင်ပေါက်သည် ကိုယ်ခံအားစနစ်ကို မြှင့်တင်ပေးခြင်း၊ တာမင်စီ ပါဝင်သောကြောင့် အရေပြားကျန်းမာရေးကို အထောက်အကူပြုခြင်း၊ အမျှင်ဓါတ်နှင့်ပရိုတင်းဓါတ်ပါဝင်သောကြောင့် သွေးတွင်းသကြားဓါတ်ကိုတည်ငြိမ်စေပြီး ဆီးချိုရောဂါကို ကာကွယ်ပေး၍ ကယ်လိုရီနည်းပြီး အမျှင်ဓါတ် များသောကြောင့် ကိုယ်အလေးချိန်ကိုပါထိန်းညှိပေးပါသည်။

               ၂၀၂၅ ခုနှစ်၊ ဇူလိုင်လ ပထမပတ်အတွင်း ကျွန်းလှမြို့၊ ပိတောက်မြိုင်ဈေး၌ ဖြစ်ပေါ်နေသော ပဲတီပင်ပေါက် ဈေးနှုန်းမှာ ပဲတီပင်ပေါက် လက္ကား တစ်ပိဿာလျှင်(၄၇၀၀)ကျပ်၊ ပဲတီပင်ပေါက် လက်လီ တစ်ပိဿာလျှင်(၅၀၀၀)ကျပ်၊ (၅၀)ကျပ်သား လျှင်(၂၅၀၀)ကျပ်၊ (၂၅)ကျပ်သားလျှင်(၁၅၀၀)ကျပ်၊ (၁၀)ကျပ်သားခန့် တစ်ပုံ လျှင် (၅၀၀)ကျပ်နှင့် ပဲတီပင်ပေါက်ချဉ် လက္ကား တစ်ပိဿာလျှင်(၂၈၀၀)ကျပ်၊ ပဲတီပင်ပေါက်ချဉ် လက်လီ တစ်ပိဿာလျှင် (၃၀၀၀)ကျပ်၊ (၅၀)ကျပ်သားလျှင်(၁၅၀၀)ကျပ် နှင့် (၂၅)ကျပ်သားလျှင်(၈၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း  သိရှိရပါသည်။

DOCA(စစ်ကိုင်း)