ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်သည် အောင်လံမြို့နှင့် သရက်မြို့တို့မှ ထွက်ရှိသည့် သီးနှံများ နေ့စဉ်အရောင်းအဝယ်ပြုလုပ်သည့် ကုန်စည်ဒိုင်တစ်ခု ဖြစ်ပါသည်။

နှမ်းသီးနှံဈေးနှုန်း၊ ဈေးကွက်အခြေအနေ

   အောင်လံကုန်စည်ဒိုင်တွင် နှမ်းသီးနှံသည် ၂၀၂၄ခုနှစ်၊ သြဂုတ်လ(ဒုတိယပတ်)အတွင်းမှ စတင်၍ နှမ်းသီးနှံအသစ်များထွက်ရှိနေပြီး သီးနှံအဟောင်းများနှင့်အတူ ယခု(စတုတ္ထပတ်)အတွင်းတွင် အရောင်းအဝယ်များဖြစ်လျက်ရှိပါသည်။

   နှမ်းနက်စမုံမှာ (တတိယပတ်)အတွင်းတွင် (၁)တင်းလျှင် ကျပ်(၁၆၃၅၀၀ မှ ၁၇၆၅၀၀) အထိ ဈေးနှုန်း ရှိခဲ့ပြီး (စတုတ္ထပတ်)အတွင်းတွင် (၁)တင်းလျှင် ကျပ်(၁၆၆၅၀၀ မှ ၁၈၃၀၀၀) အထိ ရှိခဲ့၍ (၁)တင်း လျှင် ကျပ်(၃၀၀၀မှ ၆၅၀၀)အထိ ဈေးနှုန်းအမြင့်ဖြင့် တင်းရေ(၆၀၀၀)တင်း၊ တန်အနေဖြင့် (၁၄၆.၉၆)တန် အရောင်းအဝယ်ရှိခဲ့ပါသည်။

   နှမ်းနီမှာ (တတိယပတ်)အတွင်းတွင် (၁)တင်းလျှင် ကျပ်(၁၂၃၅၀၀ မှ ၁၂၆၅၀၀) အထိ ဈေးနှုန်းရှိခဲ့ပြီး (စတုတ္ထပတ်)အတွင်းတွင် (၁)တင်းလျှင် ကျပ်(၁၂၆၅၀၀ မှ ၁၃၀၀၀၀) အထိ ရှိခဲ့၍ (၁)တင်းလျှင် ကျပ် (၃၀၀၀ မှ ၃၅၀၀)အထိ ဈေးနှုန်းအမြင့်ဖြင့် တင်းရေ(၆၀၀)တင်း၊ တန်အနေဖြင့် (၁၄.၆၉)တန် အရောင်း အဝယ် ရှိခဲ့ပါသည်။

    နှမ်းဖြူမှာ (တတိယပတ်)အတွင်းတွင် (၁)တင်းလျှင် ကျပ်(၁၂၃၀၀၀) အထိ ဈေးနှုန်းရှိခဲ့ပြီး (စတုတ္ထပတ်)အတွင်းတွင် (၁)တင်းလျှင် ကျပ်(၁၂၆၅၀၀ မှ ၁၃၃၀၀၀) အထိ ရှိခဲ့၍ (၁)တင်းလျှင် ကျပ် (၃၀၀၀ မှ ၁၀၀၀၀)အထိ ဈေးနှုန်းအမြင့်ဖြင့် တင်းရေ(၃၀၀)တင်း၊ တန်အနေဖြင့် (၇.၃)တန် အရောင်း အဝယ် ရှိခဲ့ပါသည်။

ပဲမျိုးစုံသီးနှံဈေးနှုန်း၊ ဈေးကွက်အခြေအနေ

   မတ်ပဲမှာ (တတိယပတ်)အတွင်းတွင် (၁)တင်းလျှင် ကျပ်(၁၁၈၀၀၀မှ ၁၂၀၀၀၀) အထိဈေးနှုန်းရှိခဲ့ပြီး (စတုတ္ထပတ်) တွင် (၁)တင်းလျှင် ကျပ်(၁၁၉၀၀၀ မှ ၁၂၀၀၀၀) ရှိခဲ့၍ (၁)တင်းလျှင် အနိမ့်ဈေး ကျပ်(၁၀၀၀)မြင့်တက်ခဲ့ပြီး ဝယ်သိုကုန်သည်များမှ တင်း(၂၇၀၀)ခန့် အရောင်းအဝယ်ရှိခဲ့ ပါသည်။

   ပဲစဉ်းငုံနီကို ဝယ်သိုကုန်သည်များမှ အရောင်းအဝယ်ဖြစ်လျက်ရှိရာ (တတိယပတ်)တွင် (၁)တင်းလျှင် ကျပ်(၁၄၈၀၀၀မှ ၁၄၉၄၀၀)ထိရှိခဲ့ပြီး၊ (စတုတ္ထပတ်)တွင် (၁)တင်းလျှင် ကျပ်(၁၄၈၀၀၀မှ ၁၅၂၀၀၀)ထိရှိခဲ့၍ အမြင့်ဈေး(၁)တင်းလျှင် ကျပ်(၂၆၀၀) မြင့်တက်ခဲ့ပြီး ပဲစဉ်းငုံနီ (၁၅၀၀)တင်းခန့် အရောင်းအဝယ်ရှိခဲ့ပါသည်။

   ပဲတီစိမ်းသီးနှံမှာ (တတိယပတ်)အတွင်းတွင် ကျပ်(၅၀၀၀၀မှ ၆၂၀၀၀)အထိရှိခဲ့ပြီး (စတုတ္ထပတ်)အတွင်းတွင် ကျပ်(၅၀၀၀၀မှ ၆၃၀၀၀) ထိရှိခဲ့၍ (၁)တင်းလျှင် ကျပ်(၁၀၀၀) မြင့်တက်ခဲ့ပြီး (၂၂၅၀)တင်း အရောင်းအဝယ်ရှိခဲ့ပါသည်။

   ကုလားပဲ(ဟော်လန်)သီးနှံမှာ (တတိယပတ်)တွင် ကျပ်(၉၇၀၀၀မှ ၁၀၀၀၀၀)အထိ ဈေးနှုန်းရှိခဲ့ရာ (စတုတ္ထပတ်) တွင် ကျပ်(၉၉၀၀၀ မှ ၁၀၀၀၀၀)ထိရှိခဲ့၍ (၁)တင်းလျှင် ကျပ်(၂၀၀၀) မြင့်တက်ခဲ့ပြီး (၂၄၀၀)တင်း အရောင်းအဝယ်ရှိခဲ့ပါသည်။

   ကုလားပဲ(မြကြေး)မှာ (တတိယပတ်)တွင် ကျပ်(၁၀၅၀၀၀)အထိဈေးနှုန်းဖြင့် (စတုတ္ထပတ်) တွင် ကျပ်(၁၀၅၀၀၀-၁၀၇၀၀၀)အထိဈေးနှုန်းဖြင့် ကျပ်(၂၀၀၀)မြင့်တက်ခဲ့ပြီး တင်း(၁၈၀၀)ခန့် အရောင်းအဝယ်ရှိခဲ့ပါသည်။

   ပဲကြီးသီးနှံမှာ အောင်လံကုန်စည်ဒိုင်တွင် (တတိယပတ်)အထိ (၁)တင်းလျှင် ကျပ်(၈၄၀၀၀မှ ၉၀၀၀၀)အထိရှိခဲ့ပြီး (စတုတ္ထပတ်)တွင်  ကျပ်(၈၀၀၀၀-၉၀၀၀၀) ရှိခဲ့၍ ကျပ်(၄၀၀၀)ခန့်ဈေးကျပြီး တင်း(၂၇၀)အရောင်းအဝယ်ရှိခဲ့ပါသည်။

    မြေပဲလုံးဆံနီနှင့် လုံးဆံဖြူတို့မှာ သီးနှံအသစ်နှင့် အဟောင်းလက်ကျန်အနည်းငယ်တို့ အရောင်း အဝယ်ဖြစ်လျက်ရှိရာ (စတုတ္ထပတ်) တွင် ကျပ်(၁၀၀၀၀-၁၀၅၀၀)ရှိခဲ့ပြီး မြေပဲလုံးဆံနီ (၁၂၀)ပိဿာနှင့် မြေပဲလုံးဆံဖြူ (၁၃၀)ပိဿာခန့် အရောင်းအဝယ်ရှိခဲ့ပါသည်။

     မြေပဲတောင့်အစိုမှာ (တတိယပတ်)တွင် (၁)တင်းလျှင် ကျပ်(၃၂၀၀၀မှ ၃၃၀၀၀)ထိဈေးနှုန်း ရှိခဲ့၍ (စတုတ္ထပတ်)တွင် (၁)တင်းလျှင် ကျပ်(၂၄၀၀၀မှ ၂၅၀၀၀)ထိဈေးနှုန်းရှိခဲ့၍ (၁)တင်းလျှင် ကျပ်(၈၀၀၀) ဈေးကျပြီး တင်း(၃၅၀၀)ခန့် အရောင်းအဝယ်ရှိခဲ့ပါသည်။

ဝါသီးနှံဈေးနှုန်းဈေးကွက်အခြေအနေ

    ဝါသီးနှံအနေဖြင့်ယခုရာသီတွင် ဝါကို သိုလှောင်ကုန်သည်များမှ ဈေးနှုန်းအတက်အကျကို စောင့် ဆိုင်းလျက် အရောင်းအဝယ်ပြုလျက်ရှိရာ (စတုတ္ထပတ်)အတွင်းတွင် ဝါ(၁)ပိဿာလျှင် ကျပ်(၃၀၀၀ မှ ၃၁၀၀)ဈေးနှုန်းရှိခဲ့၍ ဈေးနှုန်းပြောင်းလဲမှုမရှိကြောင်း၊  ဝါ ပိဿာချိန် (၁၀၀၀၀) ပိဿာ ခန့်အား မန္တလေးမြို့သို့တင်ပို့ရောင်းချခဲ့ကြောင်း သိရသည်။

   အောင်လံကုန်စည်ဒိုင်အနေဖြင့် ဩဂုတ်လ(စတုတ္ထပတ်)အတွင်းတွင် နှမ်း(၁၅၄.၃၁)တန်၊ ပဲတီစိမ်း(၇၃.၄၈)တန်၊ စုစုပေါင်းတန်ချိန်(၂၂၇.၇၉)တန်အား မန္တလေးမြို့သို့ တင်ပို့ရောင်းချပေးနိုင်ခဲ့ပြီး ပဲစဉ်းငုံနီ၊ မတ်ပဲ၊ ကုလားပဲ (HL)နှင့် ကုလားပဲ(မြကြေး)၊ မြေပဲလုံးဆံနီ၊ မြေပဲလုံးဆံဖြူတို့ကို ရန်ကုန်မြို့သို့ စုစုပေါင်းတန်ချိန်(၃၃၃.၁၂)တန်အားလည်းကောင်း၊ ပဲကြီး၊ ကုလားပဲ(HL)နှင့် ကုလားပဲ (မြကြေး) အနည်းငယ်တို့အား အောင်လံမြို့နယ်နှင့် သရက်မြို့နယ်အတွင်းရှိ ခွဲစက်များနှင့် ပဲကြော်၊ ပဲလှော်လုပ်ငန်းရှင်များသို့ ဖြန့်ဖြူးရောင်းချ‌ပေးခဲ့ရပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် ဥစားကြက်မွေးမြူရေးလုပ်ငန်း လုပ်ကိုင်မှုနည်းပါးခြင်းကြောင့် ဒေသတွင်း စားသုံးမှု မလုံလောက်၍ မန္တလေးတိုင်းဒေသကြီး၊ ပြင်ဦးလွင်မြို့နှင့် ရှမ်းပြည်နယ် တောင်ကြီးမြို့တို့မှ ဝယ်ယူ၍ အရောင်းအဝယ်ဖြစ်လျက်ရှိပါသည်။

     ဈေးနှုန်းများအနေဖြင့်၂၀၂၄ခုနှစ်၊  ဩဂုတ်လ(စတုတ္ထပတ်)တွင် ကြက်ဥ အကြီးအသေး မူတည်၍ အသေးတစ်လုံးလျှင် ကျပ်(၃၈၀)၊ အလတ်တစ်လုံးလျှင် ကျပ်(၄၀၀)နှင့် အကြီးတစ်လုံး လျှင် ကျပ်(၄၂၀)ဈေးရှိပြီး တစ်ပိဿာလျှင် ကျပ်(၉၅၀၀)၊ ယခင်လနှင့် ဈေးနှုန်းနှိုင်းယှဉ်ပါက တစ်ပိဿာလျှင် ကျပ်(၁၆၀၀) ဈေးမြင့်တက်ပြီး အရောင်းအဝယ်ဖြစ်လျက်ရှိကြောင်း၊ ဈေးနှုန်း မြင့် တက်ရခြင်းမှာ ကြက်မွေးမြူရေးခြံများတွင် ရာသီဥတုပြောင်းလဲမှုကြောင့် ကြက်အကောင်ရေ သေပျောက်မှုများပြီး ကြက်ဥ ဥနှုန်းနည်းခြင်း၊ သယ်ယူစရိတ်ကြီးမြင့်ခြင်းနှင့် လမ်းပန်းဆက်သွယ်မှု ခက်ခဲခြင်းတို့ကြောင့် ဈေးနှုန်းမြင့်တက်ရခြင်းဖြစ်ကြောင်း ဈေးကွက်မှ သိရှိရပါသည်။

DOCA(မကွေး)

     တောင်ငူခရိုင် ဖြူးမြို့တွင် မြေပဲဆံ(အဖြူ) (အနီ)မှာ ယခင်လက တစ်ပိဿာလျှင် ၈၅၀၀ ကျပ်ရှိရာမှ သြဂုတ်‌လနောက်ဆုံးအပတ်တွင် တစ်ပိဿာလျှင် ၁၂၅၀၀ ကျပ်ဖြင့် ဈေးနှုန်း ၄၀၀၀ ကျပ်တက်ကြောင်းသိရှိရပါသည်။

     ကုလားပဲခြမ်းမှာ ယခင်လက တစ်ပိဿာလျှင် ၆၂၀၀ကျပ်ရှိရာမှ ယခုသြဂုတ်လ နောက်ဆုံးအပတ်တွင် တစ်ပိဿာလျှင် ၇၆၀၀ကျပ်ဖြင့် ဈေးနှုန်း ၁၄၀၀ကျပ်မြင့်တက်ခဲ့ပြီး ကုလားပဲလုံးမှာ ယခင်လက တစ်ပိဿာလျှင် ၅၅၀၀ ကျပ်ရှိရာမှ ယခုသြဂုတ်လနောက်ဆုံးအပတ်တွင် တစ်ပိဿာလျှင် ၇၀၀၀ ကျပ်ဖြင့် ဈေးနှုန်း ၁၅၀၀ကျပ် မြင့်တက်ကြောင်းသိရှိရပါသည်။

    အရံဟင်းလျာအဖြစ် ချက်စားကြသော ကတ္တီပါပဲခေါ် ပဲနီပြားမှာ ယခင်လက တစ်ပြည် လျှင် ၉၀၀၀ကျပ်ရှိရာမှ ယခုသြဂုတ်လတွင် တစ်ပြည်လျှင် ၁၁၀၀၀ကျပ်ရှိသဖြင့် ဈေးနှုန်း ၂၀၀၀ ကျပ်၊ ပဲလွန်းဖြူမှာ ယခင်လက တစ်ပြည်လျှင် ၆၅၀၀ ကျပ်ရှိရာမှ ယခုသြဂုတ်လနောက်ဆုံးအပတ် တွင် တစ်ပြည်လျှင် ၇၀၀၀ကျပ်ဖြင့် ဈေးနှုန်း ၅၀၀ကျပ်မြင့်တက်၍ ပဲနောက်မှာ ယခင်လက တစ်ပြည်လျှင် ၆၅၀၀ ကျပ်ရှိရာမှ ယခုသြဂုတ်လနောက်ဆုံးအပတ်တွင် ၇၅၀၀ ကျပ်ဖြင့် ဈေးနှုန်း ၁၀၀၀ ကျပ် မြင့်တက်ခဲ့ကြောင်း သိရှိရပါသည်။

DOCA(ပဲခူး)

     ၂၀၂၄ ခုနှစ်၊ ဩဂုတ်လ စတုတ္ထအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၂၉၀၀၀) ကျပ်၊ ဆင်တံဆိပ် (50)kg တစ်အိတ်လျှင် (၃၁၀၀၀)ကျပ်၊ စိန်တံဆိပ် (50)kg တစ်အိတ်လျှင် (၃၁၀၀၀)ကျပ် ဖြစ်ပါသည်။ တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၂၃၄၀၀) ကျပ်၊ ဆင်တံဆိပ်(50)kg တစ်အိတ်လျှင် (၂၄၉၆၀)ကျပ်၊ စိန်တံဆိပ်(50)kg တစ်အိတ်လျှင် (၂၄၉၆၀)ကျပ် ဖြစ်ပါသည်။

    ကျိုင်းတုံမြို့ရှိ ဩဂုတ်လ စတုတ္ထအပတ် ဓာတ်မြေဩဇာဈေးနှုန်းများမှာ ပုလဲ (MPE) (50)kg တစ်အိတ်လျှင် (၁၈၁၅၀၀)ကျပ်၊ တီစူပါ (လေဆာ) (50)kg တစ်အိတ်လျှင် (၅၀၀၀၀) ကျပ်၊ တီစူပါ (may) (၁)လီတာလျှင် (၈၂၅၀၀)ကျပ်၊ ယူရီးယား(မြင်းပျံ) (50)kg တစ်အိတ်လျှင် (၁၆၅၀၀၀)ကျပ် ဖြစ်ပါသည်။

    ရှမ်းပြည်နယ်(အရှေ့ပိုင်း)၊ ကျိုင်းတုံမြို့၏ ဘိလပ်မြေဈေးနှုန်းနှင့် ဓာတ်မြေဩဇာဈေးနှုန်းများမှာ ယခင် ဩဂုတ်လ တတိယအပတ်နှင့် နှိုင်းယှဉ်ပါက ဈေးနှုန်းအနည်းငယ် မြင့်တက်လျက်ရှိကြောင်း သိရှိပါသည်။ တာချီလိတ်မြို့၏ ဘိလပ်မြေဈေးနှုန်းမှာ အနည်းငယ်မြင့်တက်သွားကြောင်း သိရှိရပါ သည်။

DOCA(ရှမ်း)

    ကုန်စိမ်းသီးနှံ အမယ်စုံထွက်ရှိသည့် ရှမ်းပြည်နယ်(တောင်ပိုင်း)၊ အောင်ပန်းဒေသတွင် ရွှေပဲသီးနှံအထွက်နှုန်း လျော့နည်းလာချိန်ဟု သိရှိရပါသည်။ရွှေပဲသီးနှံကို တစ်နှစ်ပတ်လုံး စိုက်ပျိုးသော်လည်း မိုးရာသီကုန်ဆုံးချိန်ဖြစ်သည့် အောက်တိုဘာလနှင့် နိုဝင်ဘာလတို့တွင်ပို၍ စိုက်ပျိုးပါက အကောင်းဆုံးအချိန်ဖြစ်၍ သီးနှံအထွက်များပြီး အသီးလှပါသည်။နွေရာသီမှာစိုက်ပျိုးသည့် ရွှေပဲပင်မှ ထွက်လာသည့် အသီးမှာလှီကင်း၍ တစ်ပတ်ကို ၅ပိဿာကျော်ကျော်ခန့်သာ ဆွတ်ခူးရရှိသဖြင့် ဈေးကွက်ဝင်ရောက်မှု နည်းပါးလာကာ တစ်ပိဿာလျှင် အမြင့်ဈေး (၁၂၀၀၀)ကျပ် ထိမြင့်တက်လာ ကြောင်းကို ဈေးကွက်အတွင်းမှ လေ့လာသိရှိရပါသည်။

DOCA(ရှမ်း)