ပြည်တွင်းကုန်သွယ်မှုသတင်း

   မန္တလေးမြို့တွင်း တိုင်းရင်းသားတို့၏ ရိုးရာအစားစာများအနက် ရှမ်းရိုးရာအစားအစာ ဖြစ်ကြသည့် ရှမ်းခေါက်ဆွဲသည် မန္တလေးမြို့တွင်းတွင် နေရာအနှံ့အပြား နံနက်စာ(သို့) ညနေစာအဖြစ် နေရာတိုင်းတွင် ရောင်းဝယ်လျက်ရှိကြသည်။ ရှမ်းခေါက်ဆွဲမှာ တောင်ပိုင်းရှမ်းနှင့် မြောက်ပိုင်းရှမ်းဟူ၍ အမျိုးအစား(၂)မျိုးအဖြစ် ရောင်းဝယ်ကြသည်။ တောင်ပိုင်းရှမ်းခေါက်ဆွဲမာ တို့ဟူးအပျော့ဖြင့် ပြုလုပ်၍ တို့ဟူးနွေးဟုခေါ်ဆိုကြပြီး ကော်ရည်များထည့်၍စားသုံးကြသည်။ မြောက်ပိုင်း ရှမ်းခေါက်ဆွဲမာ ခရမ်းချဉ်အနှစ်ထည့်၍ စားသောက်ကြသည်။ရှမ်းခေါက်ဆွဲ တစ်ပွဲလျှင် ပွဲသေး (၁၅၀၀-၂၀၀၀)ရောင်းချကြပြီး ပွဲကြီးကိုမူ (၂၅၀၀-၃၀၀၀)ရောင်းချကြသည်။ တချို့နေရာ ဒေသအလိုက် ပွဲသေးတစ်ပွဲလျှင် (၁၂၀၀-၁၅၀၀)နှင့် ပွဲကြီးတပွဲလျှင် (၂၀၀၀-၂၅၀၀)တို့ဖြင့် ကြက်သားပါ၊ မပါ ဈေးနှုန်းကွာခြားချက်ဖြင့် ရောင်းချကြပြီး ရှမ်းခေါက်ဆွဲအစိမ်းဖတ် (၁)ပိသာ (၁)ထုပ်လျှင် (၄၀၀၀)ကျပ်၊ (၅၀)သား(၁)ထုပ်လျှင် (၂၀၀၀)ကျပ် အသီးသီးတို့ဖြင့် ရောင်းချကြ ကြောင်းသိရှိ ရသည်။

DOCA(မန္တလေး)

 ‌        မုံရွာမြို့တွင် ၂၀၂၅ခုနှစ် ဇွန်လ ပထမအပတ်တွင် ရောင်းချလျက်ရှိသော ဆောက်လုပ်ရေးလုပ်ငန်းသုံး သံချောင်းလုံး (၃)မူးတစ်တန်  ကျပ်၁၉၆၀၀၀၀၊ (၅)မူးတစ်တန် ကျပ်၁၉၀၀၀၀၀၊ (၆)မူးတစ်တန် ကျပ် ၂၁၂၀၀၀၀  ဈေးဖြင့်အရောင်းအဝယ်ဖြစ်လျက်ရှိပြီး၊ ၂၀၂၅ ခုနှစ် ဇူလိုင်လ ပထမအပတ်တွင် ဆောက်လုပ်ရေးလုပ်ငန်းသုံး သံချောင်းလုံး (၃)မူးတစ်တန်  ကျပ်၁၈၆၀၀၀၀၊  (၅)မူးတစ်တန် ကျပ်၁၇၂၀၀၀၀၊ (၆)မူးတစ်တန် ကျပ်၂၁၂၀၀၀၀  ဖြင့်အရောင်း အဝယ်ဖြစ်လျက်ရှိကြောင်း သိရပါသည်။

 ‌          ဆောက်လုပ်ရေးလုပ်ငန်းသုံး သံချောင်းဈေးနှုန်းများကို ၂၀၂၅ခုနှစ် ဇွန်လ ပထမအပတ်နှင့် ၂၀၂၅ခုနှစ် ဇူလိုင်လ ပထမအပတ် နှိုင်းယှဉ်ရာတွင် (၃)မူးတစ်တန်  ကျပ်(၁၀၀၀၀၀)ကျဆင်းပြီး၊ (၅)မူးတစ်တန် ကျပ် ၁၈၀၀၀၀ ကျဆင်းပြီး၊ (၆)မူးတစ်တန် ကျပ် ၂၁၂၀၀၀၀ ဖြင့်ဈေးနှုန်း တည်ငြိမ်နေကြောင်း သိရပါသည်။

DOCA(စစ်ကိုင်း)

   တနင်္သာရီတိုင်းဒေသကြီး၊ မြိတ်မြို့ပေါ်ရှိ ရှမ်းချောင်းကုန်စိမ်းဈေးသို့ ရှမ်းပြည်နယ် တောင်ပိုင်း အင်းလေး၊ အောင်ပန်းနှင့် အခြားဒေသများမှ ယခင်လထက်ပိုမိုဝင်ရောက်လာကြောင်း သိရှိရပါသည်။ မြိတ်မြို့နယ်အတွင်း ရောင်းချနေသည့် ခရမ်းချဥ်သီးများကို ရှမ်းပြည်နယ် (တောင်ပိုင်း) အဓိကထား၍ မှာယူဖြန့်ဖြူးရောင်းချကြောင်း သိရှိရပါသည်။ ဗမာခရမ်းချဥ်သီးမှာ အခွံပါးပြီး အနှစ်များသော်လည်း တာရှည်အထားခံမှုမရှိ၍ ဈေးကွက်အတွင်း ဝယ်ယူသူနည်း၍ ဈေးကွက်သို့ဝင်ရောက်မှုနည်းကြောင်း ထိုင်ဝမ်ခရမ်းချဥ်သီးမျိုးမှာ အခွံထူ၍ အထားခံသောကြောင့် ဝယ်ယူသူများပိုမိုများပြားကြောင်းလည်း သိရှိရပါသည်။

          ၂၀၂၅ခုနှစ်၊ ယခုဇူလိုင်လတတိယပတ်တွင် မြိတ်မြို့ပေါ်ရှိ ခရမ်းချဥ်သီးဈေးနှုန်းမှာ တစ်ပိဿာလျှင် (၃၅၀၀)ကျပ်နှင့် (၄၀၀၀)ကျပ်ရှိကြောင်း ကုန်စိမ်းရောင်းသူတစ်ဦးထံမှ သိရှိရပါသည်။

DOCA(တနင်္သာရီ)

   မန္တလေးစျေးကွက်သို့  မိုးရာသီကာလအတွင်း မှိုအမျိုးမျိုး   ဝင်ရောက်လျက်ရှိပြီး၊   တွေ့ရှိမှု များသော အမျိုးအစားများမှာ ငွေနှင်းမှုံမှို၊ကောက်ရိုးမှို၊ အပ်မှို၊ မှိုကြက်တောင်၊ရှီတာကီမှို၊ တောင်ပို့ မှို၊ ဝါးမှိုများဖြစ်ပါသည်။   စျေးကွက်အတွင်းသဘာဝအတိုင်းထွက်ရှိသည့်မှို နှင့် စိုက်ပျိုးသည့် မှိုနှစ်မျိုး တွေ့ရှိရပါတယ်။ မန္တလေးဒေသအတွင်း  စိုက်ပျိုးထွက်ရှိသည့်မှို အမျိုးမျိုးတို့အား  တစ်နှစ်ပတ်လုံး တွေ့ရှိရပြီး၊ အများဆုံးတွေ့ရသော  မှိုအမျိုးအစားများဖြစ်သည့် ငေွနှင်းမှုံမှို၊ ကောက်ရိုးမှိုနှင့် အပ်မှို တို့မှာ အရောင်းသွက် ကြောင်းသိရပါသည်။ ၂၀၂၅ ခုနှစ် ဇူလိုင်လ ဒုတိယ ပတ်အတွင်း  မန္တလေး စျေး ကွက်ရှိ  မိုးရာသီစာဖြစ်သည့်  မှိုတစ်ပိဿာစျေးများမှာ   ငွေနှင်းမှုံမှို  လက္ကားစျေး  ၅၅၀ဝိ/-  စျေး၊ လက်လီစျေး ၇၀၀ဝိ/-နှင့် ၈၀၀ဝိ/-၊  ကောက်ရိုးမှို လက္ကားစျေး ၇၀၀ဝိ/-၊လက်လီစျေး ၈၀၀ဝိ/- နှင့် ၉၀၀ဝ/- ၊  အပ်မှိုထုတ်တစ်ထုတ် (အထုတ်သေး ၁၀ ခုပါ) လက္ကားစျေး  ၃၀၀၀ဝိ/- နှင့်  လက်လီ စျေးအထုတ်(သေး)တစ်ထုတ်လျှင်  ၃၅၀ဝိ/- စျေးဖြင့် အရောင်းသွက်လျှက်ရှိကြောင်း  မှိုရောင်းချသူ တစ်ဦးထံမှ သိရှိရပါသည်။

DOCA(မန္တလေး)

    တနင်္သာရီတိုင်းဒေသကြီး၊ မြိတ်မြို့နယ်တွင် သစ်သီးဝလံများ၊ ကုန်မာနှင့်ကုန်စိမ်းများ ကိုအနယ်နယ်အရပ်ရပ်မှ တင်သွင်းရောင်းချလျက်ရှိကြောင်း သိရှိရပါသည်။ စီးပွားရေးအချက်အချာကျသော မြို့လေးတစ်မြို့ဖြစ်ပြီး ရောင်းသူ၊ ဝယ်သူများစည်ကားလျက်ရှိပါသည်။ ထိုသို့ ရောင်းချရာတွင်လည်းအရသာကောင်းမွန်၍ ပေါ်ဦးပေါ်ဖျားသြဇာသီးသည်လည်း အရောင်းအဝယ် ဖြစ်လျက်ရှိပါသည်။ သြဇာသီးမှာ နှလုံးသွေးကြောကျဉ်းရောဂါကိုကာကွယ်ပေးခြင်း၊ သွေးအားနည်း ခြင်း ကိုကာကွယ်ပေးခြင်း၊ အမြင်အာရုံကိုကောင်းစေခြင်း၊ ကင်ဆာကိုကာကွယ်ပေးခြင်း၊ အရေပြား ရောဂါတို့ကိုသက်သာစေသော သီးနှံတစ်မျိုးဖြစ်သည်။

  တနင်္သာရီတိုင်း‌ဒေသကြီးတွင် ကော့သောင်းမြို့မှတင်သွင်းလာသော သြဇာသီးများကို မြိတ်မြို့ပေါ်ရှိစျေးများနှင့် သစ်သီးဆိုင်များတွင် သြဇာသီးတစ်လုံးလျှင် (၂၀၀၀) ကျပ်ရှိပြီး တစ်ကီလိုလျှင် (၇၀၀၀)ကျပ်ဖြင့်ရောင်းချလျက်ရှိကြောင်း သစ်သီးရောင်းချသူထံမှ သိရှိရပါသည်။

DOCA(တနင်္သာရီ)