ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်၌ မြို့ပေါ်ရပ်ကွက်များနှင့် နတ်ပေးကျေးရွာတွင် ဘူးပင်များစိုက်ပျိုးလျက်ရှိရာ ဘူးသီးတင်မက ဘူးညွန့်များကိုပါ ရောင်းချရ သည့်အတွက် မိသားစုဝင်ငွေရရှိကာ အဆင်ပြေလျက်ရှိကြောင်း သိရသည်။

          ဘူးညွန့်ဆိုတာက နွယ်တက်ပြီး အရွက်ကအစိမ်းရောင် ဖားဖားလေးတွေရှိပြီး အရွက်လေး တွေနဲ့ရိုးတံလေးတွေမှာ အမွေးဖြူပါးပါးလေးတွေပါကြောင်း၊ အရသာကနုညံ့ပြီး လတ်လတ် ဆတ်ဆတ်ဆိုရင် အချိုအရသာရှိကြောင်း၊ ရိုးတံလေးတွေကိုရော အရွက်လေးတွေကိုပါ သေချာလေး သန့်စင်ပြီး ပြုတ်စားတာ၊ ကြော်စားတာ၊ ဟင်းချိုချက်စားတာ စသည်ဖြင့် အမျိုးမျိုးစားပေးလို့ ရကြောင်း၊ ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့မဈေးတွင် ဘူးညွန့်(၁)စည်း လျှင် (၅၀၀)ကျပ်၊ ဘူးညွန့်(၄)စည်းလျှင် (၁၈၀၀)ကျပ်နှင့် (၁၀)စည်းပါတစ်ထုံးလျှင် (၄၅၀၀)ကျပ် ဖြင့် ရောင်းချရသည့်အတွက် မိသားစုအပိုဝင်ငွေရရှိကြောင်း စိုက်ပျိုးရေးလုပ်ငန်း လုပ်ကိုင်နေသူ ဦးဝင်းအောင်ထံမှ သတင်းရရှိပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ် သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိရာ၊ ယခုအခါ ကန့်ဘလူမြို့မဈေးတွင် ရာသီပေါ် ဆူးပုတ်ရွက်များသည် ကန့်ဘလူမြို့ ပေါ်ရပ်ကွက်၊ နတ်ပေး ကျေးရွာနှင့် အခြားသောကျေးရွာများမှ ဝင်ရောက်လျက်ရှိကြောင်း သိရှိရပါသည်။

    ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့မဈေးတွင်  ဆူးပုတ်ရွက်(၁)စည်း လျှင်(၃၀၀)ကျပ်၊ (၄)စည်းလျှင် (၁၀၀၀)ကျပ်နှင့် (၁၀)စည်းပါ(၁)ထုံးလျှင် (၂၅၀၀)ကျပ်ဖြင့် ရောင်းချကြောင်း၊ ဆူးပုတ်ရွက်ကို အကြော်ဆိုင်များနှင့် အိမ်ရှင်မများက ဝယ်ယူအသုံးပြုသည့်အတွက် ဝင်ရောက်သမျှ အရောင်းအဝယ်ဖြစ်လျက်ရှိကြောင်း၊ ကုန်စိမ်းရောင်းချသည့် လုပ်ငန်းရှင်များထံမှ သိရှိရသည်။

DOCA(စစ်ကိုင်း)

       စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်၌ ရာသီပေါ်သီးနှံများကို မိသားစု တစ်ပိုင်တစ်နိုင်စိုက်ပျိုးလျက်ရှိရာ စားသုံးသူရေးရာဦးစီးဌာနမှ မြို့နယ်တာဝန်ခံဦးမျိုးဝင်းသန်းနှင့် ဝန်ထမ်း(၁)ဦးတို့သည် ကန့်ဘလူမြို့နယ်၊ အမှတ်(၅)ရပ်ကွက်ရှိ ဦးသိန်းနိုင်၏ ငရုတ်စိုက်ခင်းသို့ ကွင်းဆင်းလေ့လာခဲ့ကြောင်း သိရသည်။

          လုပ်ငန်းရှင်၏ ပြောပြချက်အရ ငရုတ်စိုက်ပျိုးနိုင်ရန်အတွက် ဦးစွာငရုတ်ပျိုးပင်များကို မိမိကိုယ်တိုင် အိမ်မှာပျိုးထောင်းကြောင်း၊ ဧကဝက်ခန့်ရှိ မြေပေါ်တွင် စိုက်ကျင်းပေါင်း (၃၅၀၀) ကျော်တူးပြီး မြေဆွေးထည့်ကာ အရန်သင့်စိုက်ပျိုးနိုင်ရန်အတွက် မြေပြုခြင်းကို ကြိုတင် ဆောင်ရွက်ထားရကြောင်း၊ စိုက်ပျိုးရေးလုပ်ငန်းတွင် မရှိမဖြစ်အရေးကြီးသည့် ရေကိုအဝီစိတွင်းမှအသုံးပြုကြောင်း၊ ယခုစိုက်ပျိုးထားသည့် ငရုတ်မျိုးမှာ အောက်ဆွဲငရုတ်မျိုးနှင့် မိုးထောင်ငရုတ် မျိုးများဖြစ်ကြောင်း၊ ငရုတ်သီးသည် စတင်စိုက်ပျိုးပြီး ရက်ပေါင်း(၉၀)ခန့်အကြာတွင် အသီးများကို စတင်ခူးဆွတ်ရကြောင်း၊ ငရုတ်သီးများကို နေရောင်ခြည်ဖြင့်အခြောက်ခံ၍ ကန့်ဘလူမြို့ပေါ်၌သာ ရောင်းချလျက်ရှိကြောင်း၊ ဇူလိုင်လ တတိယပတ်အတွင်း ငရုတ်သီးအတောင့်ခြောက်(၁)ပိဿာလျင် (၁၄၀၀၀မှ ၁၆၀၀၀)ကျပ်နှင့် (၅၀)ကျပ်သားလျှင်(၇၅၀၀)ကျပ်ဖြင့် ရောင်းချရသည့်အတွက် စိုက်ပျိုး သူများအနေဖြင့် ထိုက်သင့်သည့် အကျိုးအမြတ်များရရှိကာ အဆင်ပြေလျက်ရှိကြောင်း သိရသည်။

DOCA(စစ်ကိုင်း)

     မအူပင်မြို့သို့ ဘိတ်၊ကော့သောင်း ကွမ်းသီးများ ဝင်ရောက်လျှက်ရှိပြီး တစ်ပါတ်လျှင်  ၆ဘီးကား (၃)စီး၊ ၁၂ဘီကား (၃)စီး မအူပင်မြို့သို့ ဝင်ရောက်နေကြောင်း သိရသည်။

       ၂၀၂၅ခုနှစ်၊ ဇူလိုင်လအတွင်း၌ မအူပင်ဈေးကွက်တွင်ရောင်းချသော ကွမ်းသီး ဈေးနှုန်းများမှာ ကွမ်းသီးအကြီးအလုံးလှ ၁လုံးလျှင် ၂၅၀-၃၀၀ကျပ်၊ အလတ် ၂၀၀ကျပ်၊ အသေး ၁၅၀ကျပ်ဖြင့် လုံးကောက်ရောင်းချနေကြောင်းတွေ့ရှိရသည်။ ကွမ်းသီးတစ်အိတ်လျှင် အလုံး၁၀၀၀ပါဝင်ပြီး ၁အိတ်ဈေး  ငွေကျပ် ၁၂၀၀၀၀-၁၇၀၀၀၀-၂၂၀၀၀၀ကျပ်ဖြင့် မှာယူရောင်းချရပြီး တစ်ပါတ်လျှင် ကွမ်းသီးအိတ် ၅၀အိတ် ၁၀၀ ထိရောင်းချရကြောင်း မအူပင်ဈေးကွက်အတွင်းရောင်းချသူထံမှ သိရသည်။ အကျိုးအမြတ်အနေဖြင့် ကွမ်းသီးတစ်အိတ်လျှင် ၃၀၀၀၀-၅၀၀၀၀-၇၀၀၀၀ကျပ်ထိ အကျိုးအမြတ်ကျန်ရှိကြောင်း ကွမ်းသီးရောင်းချသူထံမှ သိရသည်။ တစ်ချို ကွမ်းနှင့် ဆေးရွက်အမျိုးမျိုး ရောင်းချသည့် ဆိုင်များမှ လည်း တစ်လ အတွင်း ကွမ်းသီး အိတ် ၅၀၀-၈၀၀ အထိ ရောင်းချရကြောင်းသိရသည်။ တစ်ချို့ ကွမ်းသီးများကို အခွံချွတ်၍ ရောင်းချကြပြီး ဈေးပိုရကြောင်း ကွမ်းသီးအခွံချွတ် အလုံးသန့် တစ်ပိဿာလျှင် ၄၀၀၀-၄၅၀၀ကျပ်ဖြင့် အရောင်းအဝယ်ဖြစ်လျက်ရှိကြောင်း သိရသည်။  ယူခုလို မိုးရာသီကာလတွင် ကွမ်းသီးများ မအူပင်သို့ အဝင်များလျက်ရှိပြီး ဈေးကောင်းလျက်ရှိကြောင်း သိရသည်။ DOCA(ဧရာဝတီ)

     စစ်ကိုင်းတိုင်းဒေသကြီး ကန့်ဘလူခရိုင်၊ ကန့်ဘလူမြို့နယ် တောင်သူများအနေဖြင့် ဆန်စပါး အပြင် နေ့စဉ်မိသားစုဝင်ငွေရရှိရေး စားဖိုဆောင်သီးနှံများ  စိုက်ပျိုးရောင်းချလျက်ရှိရာ ကန့်ဘလူ မြို့၊ အမှတ်(၂)ရပ်ကွက်တွင် ခရမ်းသီးအရှည်မျိုး စိုက်ပျိုးသူများ အောင်မြင်ဖြစ်ထွန်းကာ နေ့စဉ်ခူး ဆွတ်ရောင်းချပြီး ဈေးကောင်းရသဖြင့် မိသားစုစားဝတ်နေရေး အဆင်ပြေလျက်ရှိကြောင်း သိရှိရသည်။

   ခရမ်းသီးနှံစိုက်ပျိုးမည်ဆိုပါက မြေကိုကောင်းစွာပြုပြင်ပြီး ပျိုးသက် (၁)လသားအရွယ်တွင် မြေပြင်ထားသော စိုက်ခင်းထဲကို ပြောင်းရွေ့စိုက်ပျိုးကြောင်း၊ ရေသွင်းရေထုတ် လွယ်ကူစေရန်အတွက် မြေဘောင်များပြုလုပ်ပြီး တစ်ပင်နှင့်တစ်ပင် (၄-၅)ပေခြားစိုက်ပျိုးကာ အစိုဓာတ်မပြတ် စေရန်ရေသွင်းပေးရကြောင်း အပင်ငယ်ချိန်တွင် မြေဆွခြင်း၊ ပေါင်းမြက်ရှင်းလင်းခြင်းများ ဆောင် ရွက်ရကြောင်း၊ လိုအပ်တဲ့အချိန်တွင် အာမိုမြေဩဇာ၊ အပင်အားတိုးဆေးနှင့် ပိုးသတ်ဆေးများဖျန်း ပေးရကြောင်း၊ စတင်ခူးဆွတ်ချိန်တွင် တစ်ရက်ခြားခူးဆွတ်ရပြီး အသီးလှိုင်ချိန်တွင် နေ့စဉ်ခူးဆွတ် ရောင်းချရကြောင်း၊ ရောင်းဈေးအနေဖြင့် ဇူလိုင်လ တတိယပတ်အတွင်း ကန့်ဘလူမြို့မဈေးတွင် ခရမ်းသီး(၅၀)ကျပ်သားလျှင် (၁၅၀၀)ကျပ်၊ ခရမ်းသီးတစ်ပိဿာလျှင်  (၂၈၀၀မှ ၃၀၀၀)ကျပ်အထိ ရောင်းချရသဖြင့် မိသားစုဝင်ငွေရရှိကာ အဆင်ပြေလျက်ရှိကြောင်း၊ ခရမ်းအပင် တစ်နိုင်တစ်ပိုင် စိုက်ပျိုးထားသည့်  ဦးဝင်းအောင်၏ ပြောပြချက်အရ သိရှိရပါသည်။

DOCA(စစ်ကိုင်း)