ပြည်တွင်းကုန်သွယ်မှုသတင်း

  ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်ရှိ ကျေးရွာအချို့တွင် လယ်ယာစိုက်ပျိုးရေး လုပ်ငန်းကို  လုပ်ကိုင်ကြပြီး သီးနှံမျိုးစုံ ဖြစ်ထွန်းအောင်မြင်လျက်ရှိရာ ခရမ်းကြွပ်သီးကို မိသားစု တစ်ပိုင်တစ်နိုင် စီးပွားဖြစ် စိုက်ပျိုးကြပါသည်။ ခရမ်းကြွပ်သီးကို ဧပြီလတွင် စတင်စိုက်ပျိုးကြပြီး မျိုးအနေဖြင့် အပင်တစ်ရာလျှင် (၂၀၀၀)ကျပ်နှုန်း ရှိကြောင်း၊ အပင်စိုက်ပျိုးပြီး (၂)လအကြာတွင် စတင်ခူးဆွတ်ရကြောင်း၊ ခရမ်းကြွပ်သီး .၂၅ ဧက စိုက်ပျိုးမည် ဆိုပါက (မျိုး၊ မြေပြင်ခ၊ ပိုးသတ်ဆေး၊ အပင်အားဆေး၊ အလုပ်သမားခ) အပါအဝင် စုစုပေါင်း ကုန်ကျစရိတ် (၃၈၀၀၀၀)ကျပ် ကုန်ကျပါကြောင်း၊ အသီးလှိုင်လှိုင် ထွက်ရှိချိန်တွင် (၃)ရက်ခြားတစ်ကြိမ်၊ အသီးပေါ်ဦးစနှင့် အသီးအထွက်နှုန်းနဲ ချိန်တို့တွင် (၅-၇)ရက် ခြား တစ်ကြိမ် ခူးဆွတ်ရပြီး အသီး ခူးဆွတ်ကာလ (၅)လခန့်ကြာ  ခူးဆွတ်ရကြောင်း သိရှိရပါသည်။  အသီးတစ်လုံးလျှင် (၁၀-၂၀)ကျပ်နှုန်း ရောင်းချရပါကြောင်းနှင့် .၂၅ဧက တွင် အလုံးရေ (၅၀၀၀၀)ခန့် ထွက်ရှိပါကြောင်း၊ အကျိုးအမြတ်အနေဖြင့် .၂၅ဧက  (၄၀၀၀၀၀)ကျပ်ခန့် ရရှိပါကြောင်း ထွက်ရှိ လာသော ခရမ်းကြွပ်သီးများကို နတ်တလင်းမြို့ ပေါ်ရှိ ကုန်စိမ်းဒိုင်များတွင် ရောင်းချပါကြောင်းနှင့် ကုန်စိမ်းဒိုင်များမှတဆင့် ရန်ကုန်မြို့သို့ တင်ပို့ကြောင်း သိရှိရပါသည်။ ခရမ်းသီးကြွပ်သီး စိုက်ပျိုးခြင်းသည် ကုန်ကျစရိတ်သက်သာ၍ အကျိုးအမြတ် ရရှိသောကြောင့် နှစ်စဉ် ရာသီချိန်တွင် စိုက်ပျိုးလျက် ရှိကြောင်းလည်း ခရမ်းကြွပ်သီးစိုက်ပျိုး တောင်သူထံမှ သိရ ပါသည်။

DOCA(ပဲခူး)

စစ်ကိုင်းတိုင်းဒေသကြီး၊ မုံရွာမြို့၊ သံလမ်းဈေးတွင် နာနတ်သီးများ အရောင်းအဝယ် ဖြစ်လျက်ရှိကြောင်း သိရှိရပါသည်။ နာနတ်သီးသည် ဈေးနှုန်းသက်သာပြီး အာဟာရဓာတ် များစွာ ပါဝင်သည့်အသီးတစ်မျိုး ဖြစ်ပါသည်။ နာနတ်သီးများမှာ အများအားဖြင့် အခွံနွှာ၍ အသင့်စားသုံးနိုင်သည့်အသီးဖြစ်သည့်အပြင် နာနတ်သီးဖျော်ရည်၊ နာနတ်သီးယို စသည်ဖြင့် ပြုလုပ်စားသုံးကြပါသည်။

          ဇူလိုင်လ တတိယပတ်တွင် သံလမ်းဈေ၌ ဖြစ်ပေါ်နေသော နာနတ်သီးဈေးနှုန်း အနေဖြင့် နာနတ်သီးအကြီးတစ်လုံးလျှင် (၃၀၀၀)ကျပ်၊ အသေးတစ်လုံးလျှင် (၂၅၀၀)ကျပ်ဖြင့် ရောင်းချကြကြောင်း သိရပါသည်။

Doca(စစ်ကိုင်း)

  ပဲခူးတိုင်းဒေသကြီး နတ်တလင်းခရိုင် နတ်တလင်းမြို့နယ်ရှိ ပဲမျိုးစုံရောင်းဝယ်ရေး ပွဲရုံများတွင် ရောင်းဝယ်နေသော မတ်ပဲဈေးနှုန်းများမှာ ယခင်ဇွန်လတွင် ရောင်းဝယ်ခဲ့သော ဈေးနှုန်းထက် ယခုဇူလိုင်လတွင် ဈေးနှုန်းအနည်းငယ်ကျဆင်းနေသည်ကို တွေ့ရှိရပါသည်။

     ယခင် ဇွန်လစတုတ္ထပါတ်တွင် အရောင်းအဝယ် ဖြစ်ခဲ့သော မတ်ပဲဈေးနှုန်းမှာ ပိဿာ (၂၀) တစ်တင်းလျှင် (၉၇၀၀၀ကျပ်မှ၉၆၅၀၀)ကျပ်ဈေးဖြင့် ဈေးပိတ်ခဲ့ပါသည်။ ယခုဇူလိုင်လ ပထမပါတ် အဖွင့်ဈေးမှာ (၉၆၅၀၀ ကျပ်မှ ၉၇၀၀၀)ကျပ်ဖြင့် အရောင်းအဝယ် ဖြစ်ခဲ့ပြီး ဇူလိုင်လ ဒုတိယပါတ်တွင် ဈေးနှုန်းများ ပြန်လည် ကျဆင်းသွားပြီး (၉၇၀၀၀ ကျပ်မှ ၉၅၅၀၀)ကျပ် အတွင်းသာ ရောင်းဝယ်ခဲ့ပါသည်။

 ယခုတတိယပါတ်တွင် အရောင်းအဝယ်ဖြစ်နေသော ဈေးနှုန်းမှာ ဆက်လက်ကျဆင်းလျှက်ရှိပြီး ပိဿာ (၂၀) တစ်တင်းကို (၉၅၅၀၀ ကျပ်မှ ၉၆၀၀၀)ကျပ် ဈေးဖြင့်သာ အရောင်းအဝယ် ဖြစ်နေသည်ကို လေ့လာ သိရှိရပါသည်။ အရောင်းအဝယ် ဖြစ်မှု့ အခြေအနေမှာ တောင်သူများမှ ရောင်းချမှု့ အနည်းငယ်သာရှိပြီး လှောင်ပဲများကိုသာ တင်ပို့နေရကြောင်း ပွဲရုံများထံမှ စုံစမ်းသိရှိရပါသည်။

DOCA(ပဲခူး)

  ပြည်ခရိုင်အတွင်းဖြစ်ပေါ်နေသောမိုးစပါး/နွေစပါးဈေးနှုန်းများမှာ ပြည်မြို့နယ်တွင် မိုးစပါး (၄၆)ပေါင် တင်း(၁၀၀)လျှင် (၁၅၁၆၀၀၀၀)ကျပ်၊ နွေစပါး တင်း(၁၀၀)လျှင် (၁၂၈၀၀၀၀)ကျပ်၊ မိုးဆန်အဟောင်းတစ်အိတ်လျှင် မှော်ဘီဆန် (၈၀၀၀၀)ကျပ်၊ ကျောက်ရွေးဆန် တစ်အိတ်လျှင် (၈၅၀၀၀၀)ကျပ်၊ နွေဆန်သစ်များမှာ အင်းမစူပါ တစ်အိတ်လျှင် (၆၅၀၀၀)ကျပ်၊ ကရင်မ ဆန်တစ်အိတ်လျှင် (၅၄၀၀၀)ကျပ်၊ မနောသုခ ဆန်တစ်အိတ်လျှင် (၆၃၀၀၀)ကျပ်ဖြင့် အရောင်း အဝယ်ရှိ ပါသည်။ ရွှေတောင်မြို့နယ်တွင် မိုးစပါးအဟောင်းဈေးမှာ (၄၆)ပေါင် တင်း(၁၀၀)လျှင် (၁၅၆၀၀၀၀)ကျပ်၊ နွေစပါး (၄၆)ပေါင် တင်း(၁၀၀)လျှင် (၁၂၄၀၀၀၀)ကျပ်၊ ဆန်အဟောင်း တစ်အိတ်လျှင် မှော်ဘီ (၈၅၀၀၀)ကျပ်၊ ကျောက်ရွေးဆန် တစ်အိတ်လျှင် (၈၅၀၀၀)ကျပ်၊ နွေဆန်သစ်များဖြစ်သည့် ဧည့်မထဆန်တစ်အိတ်လျှင် (၆၅၀၀၀)ကျပ်ဖြင့်အရောင်းအဝယ်ရှိပါသည်။ ပေါက်ခေါင်းမြို့နယ်တွင် မိုးစပါးအဟောင်းမှာ (၁၅၆၄၀၀၀)ကျပ်၊ နွေစပါးမှာ (၁၂၀၀၀၀၀) ကျပ်ဖြင့် အရောင်းအဝယ်ရှိပြီး ဆန်အဟောင်းဈေးမှာ ကရင်မ တစ်အိတ်လျှင် (၇၂၀၀၀)ကျပ်၊ အင်းမဆန်တစ်အိတ်လျှင် (၈၀၀၀၀)ကျပ်၊ နွေဆန်သစ်တစ်အိတ်လျှင် (၆၀၀၀၀)ကျပ်ဖြင့် အရောင်းအဝယ်ရှိပါသည်။ ပန်းတောင်းမြို့နယ်တွင် စပါးအဟောင်းမှာ (၁၅၆၄၀၀၀)ကျပ်၊ နွေစပါးမှာ (၁၂၀၀၀၀၀)ကျပ်ဈေးရှိသော်လည်း ပန်းတောင်းမြို့နယ်အနေဖြင့် နွေစပါးစိုက်ပျိုးမှု အနည်းငယ်သာရှိ ပါသည်။ ဆန်အဟောင်းဈေးမှာ (၇၃၀၀၀)ကျပ်၊ နွေဆန်သစ်တစ်အိတ်လျှင် (၆၀၀၀၀)ကျပ်ဖြင့် အရောင်းအဝယ်ရှိပါသည်။
  ပြည်ခရိုင်အနေဖြင့် မိုးစပါးအဟောင်းမှာ ဈေးဖွင့်ထားရှိသော်လည်းဈေးကွက်အတွင်းတွင် အ‌ရောင်းအဝယ်မရှိပါ။ ပြည်ခရိုင်၏ဆန်တင်ပို့ရောင်းချမှုအနေဖြင့် ပြီးခဲ့သည့် ဇွန်လအတွင်း မကွေးတိုင်းသို့ (၁၂၃၆)အိတ်၊ မန္တလေးတိုင်းသို့ (၃၇၀၅)အိတ်၊ ရန်ကုန်တိုင်းသို့ ဆန်အိတ်ရေ (၁၈၀၀)ခန့်တင်ပို့ရောင်းချမှုရှိခဲ့ပါသည်။

DOCA(ပဲခူး)

  ယခုဇူလိုင်လလယ်ခန့်မှစ၍ ပြည်ဈေးကွက်၌ နာနတ်သီးများအရောင်းသွက်လျက်ရှိပြီး ‌ရောင်းချသူများမှလည်းတစ်နေ့လျှင်ဝင်‌ငွေအကျိုးအမြတ်ကျပ်(၂၀၀၀၀)ခန့်အကျိုးအမြတ်ရှိနေကြောင်း သိရပါသည်။ ပြည်ဈေးကွက်သို့ ရှမ်းပြည်နယ်တောင်ပိုင်း၊ အောင်ပန်း၊သီပေါ၊ တောင်ကြီး၊ ကလောဘက်တို့မှ တစ်ပတ်လျှင် (၂)ကြိမ်ခန့်အဝင်ရှိနေပြီးတစ်ပတ်လျှင် အလုံးရေ (၇၀၀၀-၈၀၀၀)ခန့် ဝင်‌ရောက်မှုရှိနေသည်။ ပြည်ဈေးကွက်အတွင်းတွင် နာနတ်သီးရောင်းချသည့် ရာသီပေါ် ဆိုင်များ(၂၀)ဆိုင် ခန့်ရှိပြီး (၁)ဆိုင်လျှင် အလုံးရေ (၄၀)ခန့်ရောင်းအားရှိကြောင်း စုံစမ်း မေး မြန်းသိရှိရပါသည်။ အရောင်းအဝယ်မှာ ပြည်မြို့ပေါ်ရှိဈေးကွက်အတွင်း ဝင်ရောက်မှုရဲ့ အားလုံး နီးပါးခန့် အရောင်းအဝယ်ဖြစ်လျက်ရှိပြီး ဈေးနှုန်းမှာလက်ကားသောင်ပြောင်းဈေးမှာ (၁)လုံးလျှင် ကျပ်(၂၇၀၀)နှုန်းတို့ဖြင့်ဖောက်သည်ဈေးယူရကာစားသုံးသူလက်အရောက်လက်လီတစ်လုံးလျှင် (အကြီး) ကျပ် ၃၅၀၀ကျပ်၊ (အသေး)ကျပ် (၃၀၀၀)နှုန်းတို့ဖြင့် အသီးသီး ရောင်းဝယ် လျက်ရှိ နေကြောင်း သိရပါသည်။
DOCA(ပဲခူး)