ပြည်တွင်းကုန်သွယ်မှုသတင်း

၂၀.၁.၂၀၂၅ ရက်နေ့တွင် မွန်ပြည်နယ်၊ သထုံခရိုင်၊ ကျိုက်ထိုမြို့နယ်၊ ကျိုက္ကသာကျေးရွာရှိ ပဲစိုက်ကွင်းများသို့ ကျိုက်ထိုမြို့နယ်တာဝန်ခံ ဦးဇော်ဦးသည် ပဲစိုက်ပျိုးနေမှုအခြေအနေများအား ကွင်းဆင်းလေ့လာခဲ့ပါသည်။

ထိုသို့ ကွင်းဆင်းလေ့လာခဲ့ရာ ကျိုက္ကသာအလယ်သောင်ကွင်းရှိ ပဲစိုက်တောင်သူ ဦးအောင်နိုင်ဌေး၏ ပြောကြားချက်အရ တောင်သူအများစုမှာ ပဲတီစိမ်းကိုသာ အဓိကစိုက်ပျိုးကြပြီး စိုက်ခင်း ဧက (၂၀၀) ခန့်ရှိကြောင်း သိရပါသည်။

ပဲတီစိမ်းကို နိုဝင်ဘာလတွင် စိုက်ပျိုးပြီးဇန်နဝါရီလစတုတ္ထပတ်တွင် ရိတ်သိမ်း ကြောင်း၊ တစ်ဧက ကုန်ကျစရိတ်မှာ ကျပ် ၄၀၀၀၀၀ ခန့်ရှိပြီး အထွက်နှုန်းမှာ တစ်ဧကလျှင် ၁၅ တင်းခန့် ထွက်ရှိရန်မျှော်မှန်းထားကြောင်း၊ ပဲတီစိမ်းတစ်တင်းလျှင် ယခင်နှစ်က ကျပ် ၈၀၀၀၀ ရှိခဲ့ရာမှ ယခု ကျပ် ၁၀၀၀၀၀ ခန့်ရှိလာရန် ထွက်ရှိလာမည့် ပဲတီစိမ်းများ ဈေးကောင်းရရှိရန် မျှော်မှန်းထားကြောင်း သိရှိရသည်။

DOCA(မွန်)

          (၂၀.၁.၂၀၂၅) ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ သထုံခရိုင်၊ စားသုံးသူရေးရာဦးစီးဌာနမှ သထုံခရိုင်ဦးစီးမှူး ဦးထွန်းအောင်ဖြူနှင့် ဦးစီးအရာရှိ ဦးအောင်ကျော်မင်း တို့သည် သထုံမြို့နယ်အတွင်း ဖြန့်ဖြူးရောင်းချလျှက်ရှိသော ဆန်ဆိုင် များ၊ ဆန်သိုလှောင်ရုံများ၌ ဈေးနှုန်းမြှင့်တင်ရောင်းချခြင်းရှိ/မရှိနှင့် ဈေးနှုန်းမြှင့်တင်ရောင်းချရန် အလို့ငှာ သိုလှောင်ထားခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးခဲ့ရာ ကျားပျံဟိုတယ် (၁၀၈) ပေါင်ပါတစ်အိတ်လျှင် ကျပ် ၁၅၀၀၀၀၊ ပေါ်ဆန်းဝါ (၁၀၈) ပေါင်ပါတစ်အိတ်လျှင် ကျပ် ၁၄၃၀၀၀၊ ကမာကြည် (၁၀၈) ပေါင်ပါတစ်အိတ်လျှင် ကျပ် ၁၂၈၀၀၀၊ ဧည့်မထ (၁၀၈) ပေါင်ပါတစ်အိတ်လျှင် ကျပ် ၈၀၀၀၀ ဖြင့်အရောင်းအဝယ်ဖြစ်နေကြောင်း  စစ်ဆေးတွေ့ရှိရပြီး ဈေးနှုန်းမြှင့်တင်ရောင်းချရန် အလို့ငှာ သိုလှောင်ထားခြင်းမရှိသည်ကို စစ်ဆေးတွေ့ရှိရကြောင်း သိရှိရပါသည်။

DOCA(မွန်)

          မွန်ပြည်နယ်၊ ပေါင်မြို့နယ်၊ မုတ္တမကျွဲခြံကျေးရွာ၌ စားဖိုဆောင်သီးနှံများကို စိုက်ပျိုးကြ ရာခရမ်းချဉ်သီးကို စီးပွားဖြစ် စိုက်ပျိုးကြကြောင်း သိရသည်။

          ခရမ်းချဉ်သီးကို အောက်တိုဘာလတွင် စိုက်ပျိုးပြီး ဇန်နဝါရီလတွင် စတင်ခူးဆွတ်ရ ကြောင်း၊ ခရမ်းချဉ်သီးစိုက်ပျိုးရာတွင် မျိုးစေ့ကို ပျိုးပေါင်ဖြင့် ပျိုးထောင်ပြီး ပျိုးပင် ၂၅ ရက်သား အရွယ်တွင် စိုက်ပျိုးကြကြောင်း၊ မျိုးအနေဖြင့် ထိုင်ဝမ်ခရမ်းချဉ်မျိုးများကို မြေအောက်ရေတင် စနစ်ဖြင့် စိုက်ပျိုးပြီး ၃ လခန့်အကြာတွင် အသီးများ စတင်ခူးဆွတ် နိုင်ကြောင်း၊ ပျိုး၊ မြေပြုပြင်ခြင်း၊ သွင်းအားစု၊ လုပ်သားခအပါအဝင် တစ်ဧကလျှင် စုစုပေါင်း ကျပ် သိန်း ၂၀ ခန့် ကုန်ကျကြောင်း၊ ခရမ်းချဉ်သီးနှံစတင်ခူးဆွတ်ချိန်တွင် ပိဿာချိန် ၁၅၀ ခန့်ထွက်ရှိ၍ တစ်ပတ်ထက် တစ်ပတ် ခရမ်းချဉ်သီးနှံကို ပိုမိုရရှိကြောင်း၊ တစ်ဧကလျှင် စုစုပေါင်း ပိဿာချိန် ၅၀၀၀ မှ ၆၀၀၀ ခန့်ထွက်ရှိရာ စိုက်ပျိုးမြေအနေအထားနှင့် သီးနှံဖြစ်ထွန်းအောင်မြင်မှုအပေါ် မူတည်၍ အထွက်နှုန်းများကွာခြားမှုရှိကြောင်း၊ ဈေးကွက် အနေဖြင့် ပေါင်မြို့နယ်ရှိ ကုန်စိမ်းဒိုင် များသို့ ရောင်းချပြီး မော်လမြိုင်ကုန်စိမ်းဒိုင်များသို့လည်း ရောင်းချကြောင်း၊ ဆောင်းခရမ်းချဉ်သီး နှံမှာ မိုးခရမ်းချဉ်သီးနှံထက် ပိုမိုဖြစ်ထွန်းအောင်မြင်၍ အထွက်နှုန်းလည်း ပိုမိုထွက်ရှိရာ တောင်သူများ အနေဖြင့် အကျိုးအမြတ်များ ပိုမိုရရှိကြောင်း သိရသည်။ ယခုအခါ ဈေးကွက်၌ ခရမ်းချဉ်သီး တစ်ပိဿာလျှင်  ကျပ် ၁၀၀၀၀ ခန့်ရရှိကြောင်း သိရသည်။

DOCA(မွန်)

             ဝါးတန်းဆန်စပါးကုန်စည်ဒိုင်သို့ (၁၄.၁.၂၀၂၅) မှ (၂၀.၁.၂၀၂၅) နေ့ထိ ဆန်ဝင်ရောက်မှုစာရင်းများမှာ ဧရာဝတီတိုင်းဒေသကြီး ဖျာပုံ၊ မြောင်းမြ၊ ဘိုကလေး၊ လပွတ္တာ၊ မော်ကျွန်း၊ ကျိုက်လတ်၊ ဟင်္သာတ၊ ဓနုဖြူ၊ ပန်းတနော်၊ ညောင်တုန်း၊ အဖျောက်၊ အသုတ်မြို့နယ်များမှ ပေါ်ဆန်းမွှေး (၂၈၅၉၀) အိတ်၊ ပေါ်ကျွဲ (၆၆၂၇) အိတ်၊ ဧည့်မထ (၇၀၀၄၅) အိတ်၊ ဆန်ကွဲ (၁၄၆၈၀) အိတ် ဝင်ရောက်ခဲ့ပြီး ပဲခူးတိုင်း (အရှေ့) ကျောက်တံခါး၊ ညောင်လေးပင်၊ ဖြူးမြို့နယ်များမှ ဧည့်မထ (၆၆၄၀) အိတ် နှင့် ပဲခူးတိုင်း (အနောက်) မြို့နယ်များဖြစ်သော သာယာဝတီ၊ သုံးဆယ်၊ လက်ပံတန်း၊ ကြို့ပင်ကောက်မြို့နယ်များမှ ဧည့်မထ (၂၀၄၅၁) အိတ်၊ ငစိန် (၁၂၄၀) အိတ်နှင့် ရန်ကုန်တိုင်း ပြင်ပမြို့နယ်များဖြစ်သော ကော့မှူး၊ လက်ခုတ် ကုန်း၊ ပျော်ဘွယ်၊ တိုက်ကြီး၊ ခရမ်း၊ သုံးခွ၊ ဥက္ကံ မြို့နယ်များ မှ ဧည့်မထ (၁၇၈၁၀) အိတ်တို့ဝင်ရောက်မှုရှိကြောင်း ဝါးတန်း ဆန်စပါးကုန်စည်ဒိုင်၏ ပြောကြားချက်အရ သိရှိရပါသည်။

DOCA(ရန်ကုန်)

            ၂၀.၁.၂၀၂၅ ရက်နေ့၊ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ရေထွက်ကုန်ပစ္စည်းများ၏ တစ်ပိဿာ ဈေးနှုန်းများမှာ ဖျာပုံရွှေပုဇွန်ရှယ် မှာ ကျပ် ၂၈၀၀၀၀ ၊ ဖျာပုံရွှေပုဇွန်ရိုးရိုးကျပ် ၂၀၀၀၀၀၊ ဖျာပုံချိုကြီးရှယ် ကျပ် ၁၄၀၀၀၀၊ ဖျာပုံချိုကြီးရိုးရိုး ကျပ် ၁၀၀၀၀၀၊ ဖျာပုံချို သေးရှယ်ကျပ် ၇၀၀၀၀၊ ဖျာပုံ ချိုသေးရိုးရိုးကျပ် ၁၀၀၀၀၀၊ မြိတ်ပုဇွန်လတ် ကျပ် ၁၂၀၀၀၀၊ မြိတ်ပုဇွန်ရိုးရိုး ကျပ် ၉၀၀၀၀၊ ရေချိုငါးခြောက် များဖြစ်ကြသော ငါးကျီးကြပ်တိုက်ကြီး   ကျပ် ၉၀၀၀၀ ၊ ငါးကျီးကြပ်တိုက်သေး  ကျပ် ၇၀၀၀၀၊ ငါးမြွေထိုး ကျပ် ၄၀၀၀၀၊ ငါးရံ့ခြောက်ကြီး ကျပ် ၇၅၀၀၀၊ ငါးရံ့ခြောက်လတ်ကျပ် ၆၀၀၀၀၊ ငါးရံလုံးရှယ် ကျပ် ၅၀၀၀၀၊ ရေငံငါးခြောက်များဖြစ်ကြသော ကလိန် ကျပ် ၁၀၀၀၀၊ ငါးကွမ်းရှပ်ကြီး ကျပ် ၁၈၀၀၀၊ ငါးတံခွန်မျှင်ကြီး ကျပ် ၂၀၀၀၀၊ ငါးတံခွန်လုံးကြီး ကျပ် ၆၀၀၀၊ ငါးနှပ်ခြောက်ကြီး(ရှယ်) ကျပ် ၂၀၀၀၀၊ ငါးရွှေသေး ကျပ် ၁၀၀၀၀၊ ငါးမီးတံသွယ် ကျပ် ၇၀၀၀  ဈေးတို့အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)