ပြည်တွင်းကုန်သွယ်မှုသတင်း

          ပဲခူးတိုင်းဒေသကြီး သာယာဝတီခရိုင် စားသုံးသူရေးရာဦးစီးဌာန ကုန်ဈေးနှုန်း တည်ငြိမ် ရေးနှင့် ဈေးကွက်အတွင်းရောင်းချလျှက်ရှိသောအခြေခံစားသောက်ကုန်များ၏ ဈေးနှုန်းများ သိရှိ စေရန်အတွက် လက်ပံတန်းမြို့မဈေးကြီးသို့ နေ့စဉ်သွားရောက်မေးမြန်းတင်ပြလျှက်  ရှိရာ ယခု အပတ်တွင် ကြက်သားဈေးနှုန်းများမြင့်တက် လာကြောင်းသိရှိရပါသည်။

          လက်ပံတန်းမြို့မဈေးအတွင်းရောင်းချလျှက်ရှိသည့်  ကြက်သား(ဗမာ) နှင့်CP ကြက်သား ဈေးနှုန်းများမှာ ဩဂုတ်လ ပထမ ပတ်နှင့် ဒုတိယပတ်တို့တွင် ကြက်သား (ဗမာ) တစ်ပိဿာ လျှင် ၃၂၀၀၀/ကျပ်၊  CPကြက်သား ရင်ပုံသား တစ်ပိဿာလျှင်၂၀၀၀၀/ကျပ်၊ ပေါင်ပိုင်းအသား တစ်ပိ  ဿာ လျှင် ၁၈၀၀၀/ကျပ်၊ ယခုဩဂုတ်လ တတိယပတ်တွင် ကြက်သား (ဗမာ) တစ်ပိဿာလျှင်   ၃၅၀၀၀/ကျပ်၊ CPကြက်သား ရင်ပုံသား တစ်ပိဿာလျှင်၂၅၀၀၀/ကျပ်၊ ပေါင်ပိုင်းအသား တစ်ပိဿာ လျှင် ၂၂၀၀၀/ကျပ်ဈေးသို့ မြင့်တက်သွားကြောင်း ယခင်အပတ်နှင့်ယခုအပတ် နှိုင်းယှဉ်ပါက  ကြက်သားဈေးနှုန်းမြင့်တက်သွားကြောင်းသိရှိရပါသည်။

DOCA(ပဲခူး)

     ထန်းလျက်သည် မြန်မာနိုင်ငံမှထွက်ရှိသော မြန်မာတို့၏ ရိုးရာအစားအစာ တစ်မျိုး ဖြစ်သည်။ ထန်းလျက်ကို အစားအစာနှင့် မုန့်များတွင်ထည့်သွင်းအသုံးပြုသကဲ့သို့ ဆေးဝါးအဖြစ်လည်း အသုံးပြု ကြသည်။ ထန်းလျက်ကို သကြားအစားထိုး အချိုဓာတ်အဖြစ်လည်း အသုံးပြုကြသည်။ ထန်းလျက်ကို အညာဒေသများဖြစ်သည့် စစ်ကိုင်းတိုင်းဒေသကြီး အောက်ပိုင်းနှင့် မန္တလေးတိုင်းဒေသကြီးအတွင်းရှိ ကျောက်ပန်းတောင်း မြို့နယ်များမှ အများဆုံးထွက်ရှိပြီး ကျောက်ပန်းတောင်းမှ ထွက်ရှိသောထန်းလျက်သည် လူကြိုက်များ၍ နာမည်ကြီးသည်။

     ထန်းလျက်သည် ထန်းပေါ်ဦးထန်းလျက်၊ အုန်းထန်းလျက်၊ ဇီးထန်းလျက်၊ နို့ထန်းလျက်၊ နှမ်းထန်း လျက်၊ မြေပဲထန်းလျက်၊ သံပုရာထန်းလျက်၊ ဂျင်းထန်းလျက် ဟူ၍ ရှိပြီး  အုန်းထန်းလျက်နှင့် ဇီးထန်းလျက်ကို လူကြိုက်အများဆုံးဖြစ်သည်။  ထန်းလျက်ကို ကြံသကာများ၊ သကြားများနှင့်ရော၍ချက်လုပ်မှု များလည်း ရှိနေသည်။ ထားဝယ်ဒေသထွက် အုန်းထန်းလျက်  ၁ပိဿာလျှင်(၁၃၀၀၀) ကျပ်ရှိပြီး ထန်းလျက်အလုံး ၁ပိဿာလျှင် (၉၅၀၀)ကျပ်တို့ ရှိကြောင်း သိရှိရပါသည်။  

DOCA(တနင်္သာရီ)

    သင်္ဘောပင်သည်‌မြန်မာနိုင်ငံ၌စီးပွားဖြစ်စိုက်ပျိူးနေသော ဝင်ငွေရရှိနေသောသီးနှံ တစ်မျိုးဖြစ်သည့်အလျောက် စျေးကွက်ဝင်ရောင်းအား ကောင်းသောသီးနှံလည်းဖြစ်ပါသည်။ အလွယ်တကူစိုက်ပျိုးဖြစ်ထွန်းသောသီးနှံဖြစ်သဖြင့် စိုက်ပျိုးသူများအနေဖြင့် တစ်နိုင်တစ်ပိုင် စိုက်ပျိုးကြပြီး နေအိမ်များတွင်လည်း စိုက်ပျိးနိုင်ပါသည်။

     ထားဝယ်မြို့ စည်ပင်သာယာစျေးကြီးများနှင့်ကမ်းနားပျံကျစျေးများတွင် ရောင်းချနေ သော စျေးနှုန်းများအရ သင်္ဘောသီးမှည့်အလုံးကြီးတစ်လုံးလျှင် (၂၀၀) ကျပ်အထိ ရောင်းအား ကောင်းလျက်ရှိကြောင်း သစ်သီးမျိုးစုံရောင်းချနေသော စျေးသည်တစ်ဦးထံမှ သိရှိရပါသည်။

DOCA(တနင်္သာရီ)

     ထားဝယ်ကုန်စိမ်းစျေးကွက်သို့ ၂၀၂၅ ခုနှစ်၊ သြဂုတ်လအတွင်း ပန်း‌ဂေါ်ဖီစိမ်းများ ဝင်ရောက် မှုနည်းသွားသည့်အတွက် စျေးအနည်းငယ်မြင့်သွားကြောင်း သိရပါသည်။ ရှမ်းပြည်နယ် တောင်ပိုင်း ဒေသများမှ ထွက်ရှိသည့် ပန်းဂေါ်ဖီပွင့်ဖြူနှင့် ပန်းဂေါ်ဖီပွင့်စိမ်းများ စျေးကွက်အတွင်း ဝင်ရောက် လျက်ရှိပြီးစျေးကွက်အတွင်း အရောင်းသွက်သည့် ကုန်စိမ်းအမယ်များဖြစ်ကာ ပန်းဂေါ်ဖီစိမ်းမှာ နူးညံ့မှုပိုသည့်အတွက် စျေးပိုရကြောင်း သိရှိရပါသည်။

      ထားဝယ်ကုန်စိမ်းစျေးကွက်အတွင်း ပန်းဂေါ်ဖီစိမ်းများမှာ အရွယ်အစားအလိုက် စျေးအနည်းငယ် ကွာခြားမှုများရှိပြီး တစ်ပွင့်လျှင်(၄၀၀၀ ကျပ်မှ ၅၀၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)

      တနင်္သာရီတိုင်းဒေသကြီး၊ထားဝယ်ခရိုင်၊ ထားဝယ်မြို့အနီးအနားရွာများမှ   ထွက်ရှိသော ရှောက်သီးများကို ထားဝယ်မြို့ပေါ်ရှိ အဝယ်ဒိုင်များမှ ခြံအထိလာရောက်ဝယ်ယူပြီး ၎င်းအဝယ်ဒိုင်များမှတစ်ဆင့် စည်ပင်သာယာဈေး၊ကမ်းနားဈေး၊ညနေဈေးတို့တွင် ပြန်လည်ရောင်းချကြကြောင်း သိရှိရပါသည်။ မိသားစုတစ်နိုင်တစ်ပိုင်အဖြစ် ဒေသထွက်သီးနှံဖြစ်သည့် ရှောက်သီးများအား  ရှောက်ပေါင်းချိုပြုလုပ်ပြီး တခြားမြို့နယ်များသို့ တင်ပို့ရောင်းချလျက်ရှိကြောင်း သိရှိရပါသည်။

    ယခုအချိန်တွင်  ရှောက်သီးအလုံးသေးတစ်လုံးလျှင် ၃၀၀ကျပ်၊ အလုံးကြီးတစ်လုံးလျှင်(၅၀၀) ကျပ် အရောင်းအဝယ်ဖြစ်လျက်ရှိပြီး စားသုံးသူများပြားလျက်ရှိကြောင်း သိရှိရပါသည်။

DOCA(တနင်္သာရီ)