ပြည်တွင်းကုန်သွယ်မှုသတင်း

         ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ မှော်ဇာကျေးရွာရှိ တောင်သူ ဦးခင်မောင်ချင်း ၏ (၀.၂၅)ဧကရှိ စိုက်ဧကပေါ်တွင် ဖရုံသီးများ စိုက်ပျိုးထားကြောင်းသိရသည်။ စတင်စိုက်ပျိုးသည့် လမှာ ဇွန်လတွင် စတင်စိုက်ပျိုးရပါသည်။ မျိုးများအနေဖြင့် မျှားနီ၊ ပစ်တိုင်းထောင်မျိုးများကို စိုက်ပျိုးပါသည်။ မျိုးထုတ်ကြီးတစ်ထုတ်လျှင် မျိုးစေ့ (၁၃၀)ခန့်ပါရှိပြီး မျိုး (၂)ထုတ် စိုက်ပျိုးထား ကြောင်းသိရသည်။ စတင်စိုက်ပျိုးသည့်ကာလမှာ (၂)လအကြာတွင် စတင်ခူးဆွတ်နိုင်ပြီဖြစ်ပါသည်။ ဇွန်လတွင် စတင်စိုက်ပျိုးထားသောကြောင့် ယခုဩဂုတ်လတွင် စတင်ခူးဆွတ်နိုင်ကြောင်း သိရ သည်။ ဖရုံသီးဒိုင်များသို့ အနုသီး၊ အရင့်သီး သောင်းပြောင်းပေးပို့ရသည်။ သောင်းပြောင်းဈေးမှာ တစ်လုံးလျှင် (၅၀၀)ကျပ်ဖြင့် ပေးပို့ရပြီး လက်လီဈေးမှာ တစ်လုံး (၆၀၀ - ၇၀၀)ကျပ်ဖြင့် ရောင်းချ နေပါသည်။ (၃)ရက် (၄)ရက်ခြားတစ်ကြိမ် ခူးဆွတ်ရသည်။ တစ်ခါခူးလျှင် အလုံး (၁၅၀ - ၂၀၀) လောက် ခူးဆွတ်ရပါသည်။ ခူးဆွတ်ချိန် (၂)လလောက်ရှိကြောင်းလည်း သိရသည်။ ဖရုံသီးတွင် အသီးသာမက အညွန့်များကိခူးဆွတ်ရောင်းချနိုင်ကြောင်းသိရသည်။   ဖရုံသီး စိုက်ပျိုးခြင်းဖြင့် အရင်းအနီးသိပ်မများပဲ အကျိုးအမြတ်များစွာရှိသဖြင့် စိုက်ပျိုးသင့် သော သီးနှံတစ်မျိုးဖြစ်ကြောင်း သိရှိရပါသည်။

DOCA(ပဲခူး)

       ပဲခူးတိုင်းဒေသကြီး၊ ပြည်ခရိုင်၊ ပြည်မြို့အတွင်းရှိ မြို့မစည်ပင်သာယာဈေးကြီးနှင့် အခြား ဈေးများတွင် နံနံပင်ဈေးနှုန်းများ ကျဆင်းလျက်ရှိပြီး (၁၀)ပင်စည်း တစ်စည်းလျှင် (၃၀၀)ကျပ်မှ (၂၀၀)ကျထတဖြည်းဖြည်း ကျဆင်းလာကြောင်းသိရပါသည်။ ပြည်ဈေးကွက်သို့ ပြည်မြို့ အတွင်းရှိ ကျေးရွာများဖြစ်သော မှော်ဇာ၊ ဇီးအုပ်၊ တောင်လုံးညို၊ ဝက်ထီးကန်၊ ရွှေတောင်၊ ပုတီးကုန်း၊ သဲကုန်း၊ ဝက်ပုတ်ယမျာမကားလမ်းဖြင့်လည်းကောင်း၊ ရထားများဖြင့်လည်းကောင်း ရက်ခြားဝင်ရောက် လာရောက် ရောင်းချကြကြောင်းသိရပါသည်။ ဈေးနှုန်းအနေဖြင့် ၁၀ ပင်စည်း တစ်စည်းကို (၂၀၀)ကျပ်နှင့် တစ်ပိဿာလျှငကျပ်(၂၀၀၀၀)နှုန်းများဖြင့် အသီးသီးရောင်းချလျက် ရှိကြောင်းသိရ ပါသည်။ ဈေးနှုန်းချိုသာသောကြောင့် စားသုံးသူပြည်သူများ စိတ်ကြိုက်ဝယ်ယူ စားသုံးမှုများကြောင့် ရောင်းအားတက်လာကြောင်း သိရပါသည်။

DOCA(ပဲခူး)

           သံပုရာသီးကို နွေသီးနှင့် မိုးသီးဟူ၍ နှစ်မျိုးရှိပြီး ယခုမိုးတွင်းကာလတွင် သီးသော အသီးမှာ လှိုင်လှိုင်ထွက်ပြီး အသီးအလုံးလည်းကြီးကာ အရည်လည်း ရွှမ်းသောကြောင့် ဈေးကွက်တွင် အရောင်းအဝယ်လိုက်လျှက်ရှိပါသည်။ ယခင်က နွေရာသီတွင် ထွက်ရှိသော အသီးများမှာ အလုံး သေးပြီး အရည်နည်းကာ အထွက်နည်းသောကြောင့် တစ်လုံးလျှင် ၂၀၀ ခန့်ထိဈေးမြင့်ခဲ့သော်လည်း ယခု ဩဂုတ်လတွင်တော့ သံပုရာသီးအရည်ရွှမ်း၊ အလုံးကြီး တစ်လုံးကို (၈၀ - ၁၀၀)ကျပ်ခန့် ရောင်းချကြောင်း သိရှိရပါသည်။

DOCA(ပဲခူး)

              ကမ္ဘာပေါ်တွင် လူတို့အဟာရအတွက် အဓိကထား စားသုံးသော သီးနှံ (၄)မျိုးအနက် ပီလောပီနံသည် အရေးပါသော သီးနှံတစ်မျိုးဖြစ်ပါသည်။ ပီလောပီနံသည် စိုက်ပျိုးရလွယ်ကူသော  သီးနှံမျိုးဖြစ်ပါသည်။ ဓာတုဆေးဝါးသုံးစွဲမှု အနည်းငယ်သာ ရှိသောကြောင့် ဓာတ်ကြွင်း အာနိသင်နည်းပြီး စားသုံးသူနှင့် သဘာဝပတ်ဝန်းကျင်ကို ထိခိုက်မှုနည်းပါးကြောင်းသိရပါသည်။

         ပီလောပီနံမှ စားသောက်ကုန်ပစ္စည်းများ အပြင်လူသုံးကုန်ပစ္စည်းများ၊ အဖျော်ယမကာ၊ ဇီဝလောင်စာ၊ အလှကုန်ပစ္စည်းများ၊ အိမ်သုံးဆေးဝါးများနှင့် တိရစ္ဆာန်အစားအစာများ ထုတ်လုပ်ရောင်းချကြောင်း သိရပါသည်။ ယခု ဇူလိုင်လတွင်  ရန်ကုန် တညင်းကုန်းဈေးမှ နတ်တလင်းမြို့နယ် မြို့မဈေးကွက်အတွင်းသို့ ပီလောပီနံများ ဝင်ရောက်လာရာ ဇူလိုင်လ တတိယပတ်တွင် ပီလောပီနံ တစ်ပိဿာ (၃၀၀၀)ကျပ်၊ (၅၀)ကျပ်သားလျှင် (၁၆၀၀)ကျပ်၊ (၂၅)ကျပ်သားလျှင် (၉၀၀)ကျပ်နှုန်းဖြင့် ဈေးကွက်အတွင်း ရောင်းချနေကြောင်းသိရပါသည်။

DOCA(ပဲခူး)

        နတ်တလင်းခရိုင် ၊ နတ်တလင်းမြို့ တောင်သူထံတွင်ရောင်းချနေသော ပြောင်းဖူး ဈေးနှုန်း များမှာ ပြောင်းဖူးပေါ်ချိန် ဖြစ်သောကြောင့် ပြောင်းဖူးများသည် အနည်းငယ်ပေါများ နေပါသည်။ ၂၀၂၅ခုနှစ်ဩဂုတ်လ တတိယပတ်တွင် နတ်တလင်းမြို့မဈေးကွက်အတွင်း  ပြောင်းဖူး (၁)ဖူးလျှင် လက်ကားဈေး (၄၀၀)ကျပ်မှ (၅၀၀)ကျပ်ဈေးဖြင့် လည်းကောင်း လက်လီ တစ်ဖူးမှာ (၇၀၀)ကျပ်နှုန်းဖြင့် ရောင်းခနေကြောင်းသိရပါသည်။ ပြောင်းဖူးသည် ကျန်းမာရေးအတွက်လည်း ကောင်းမွန်ပါသည်။ ပြောင်းဖူးကို အဖူးလိုက်ပြုတ်စားလို့ရသလို၊ အစေ့ကိုခြွေပြီး တော့ပြုတ်စား လဲရပါသည်။ ပြောင်းဖူးကိုထောင်းပြီးတော့လည်း ကြော်စားလို့ရပါသည်။ ကျန်းမာရေးအနေ ဖြင့်ကောင်းကျိုးများ ကတော့ ဗီတာမင် B 12 ၊ သံဓာတ်၊ဖောလစ်အက်ဆစ်တို့ကြွယ်ဝစွာ ပါဝင်နေသောကြောင့် ပြောင်းဖူးစားပေးတာက သွေးအားနည်ရောဂါကို ကာကွယ်ပြီး သားဖြစ်စေပါသည်။ သွေးတွင်းကို လက်စထရော  ကျဆင်းစေပါသည်။ ပရိုတင်းဓာတ်ကြွယ်ဝခြင်း ပြောင်းဖူးတွင် Protein (အသားဓာတ်)ကြွယ်ဝစွာ ပါဝင်တာမို့ ကြွက်သားတွေကိုသန်မာစေပြီး နေ့စဉ်ခွန်အားပြည့်ဝစေမှာ ဖြစ်ပါသည်။ထို့ကြောင့် ပြောင်းဖူးသည် လူတိုင်းအတွက် စားသုံးလို့ရသောသီးနှံ တစ်မျိုး လည်းဖြစ် ကြောင်းသိရပါသည်။

 DOCA(ပဲခူး)