ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ ပခုက္ကူမြို့တွင် ပြည်တွင်းဆီစက်လုပ်ငန်းများ ဖွံ့ဖြိုးတိုးတက်ရန် ရည်ရွယ်၍ စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးမှ ဝန်ထမ်းများအဖွဲ့သည် (၂၆.၉.၂၀၂၅) ရက်နေ့၊ နံနက်(၁၀:၀၀)အချိန်တွင်  ပခုက္ကူမြို့၊ အမှတ်(၁၄)ရပ်ကွက်ရှိ “ဇင်”မြေပဲ (စက်)ဆီသန့် လုပ်ငန်း၏ ကြိတ်ခွဲထုတ်လုပ်မှု၊ ရောင်းချမှုအခြေအနေ၊ ဈေးနှုန်း/ဈေးကွက်များအား ကွင်းဆင်း မေးမြန်းခဲ့ကြောင်း သိရသည်။

    “ဇင်”ဆုံဆီလုပ်ငန်းရှင် ဦးသန့်စင်မင်းက ဆီစက်လုပ်ငန်းကို တည်ထောင်ခဲ့သည်မှာ (၃)နှစ် ခန့်ရှိ၍ စက်မှုဇုန်၌ ကြိတ်ခွဲကြောင်း၊   မီးလာသည့်အချိန်တွင် ကြိတ်ခွဲ၍  တစ်နေ့လျှင် (၂၅)ပိဿာဝင် မြေပဲအိတ်(၃)အိတ်ခန့် ကြိတ်ခွဲရကြောင်း၊ အိမ်တွင် ပဲခွဲစက်ရှိ၍ လုပ်သားများခေါ်ပြီး ပဲရွေး သန့်စင် ကြောင်း၊ ကျားလုပ်သား(၂)ဦး၊ မလုပ်သား(၈)ဦးရှိပြီး လုပ်သားခမှာ ကျားတစ်ဦး ကျပ်(၁၂၀၀၀)၊ မတစ်ဦး ကျပ်(၈၀၀၀)ပေးကြောင်း၊ ပဲဆီအရည်အသွေးကိုလည်း အာမခံကြောင်း၊ “ဇင်” အမှတ် တံ ဆိပ်ဖြင့်သာ (၁/၃/၅/၁၀)ပိဿာဝင် ဘူးဖြင့်ရောင်းချကြောင်း၊ မြေပဲဆံကို မြို့ပေါ်ရှိ ပွဲရုံများမှ ဝယ်ယူ ၍ ပဲလေးတစ်ပိဿာလျှင် ကျပ်(၇၇၀၀/၇၈၀၀)၊ လုံးဆန် ကျပ်(၈၂၀၀)ဖြင့်ဝယ်ယူရကြောင်း၊ ဈေးနှုန်း အနေဖြင့် ပဲဆီ တစ်ပိဿာလျှင် ကျပ်(၁၅၀၀၀) ဖြင့် ရောင်းချ၍ ပဲဖတ် တစ်ပိဿာကို ကျပ်(၄၆၀၀-၄၈၀၀)ဖြင့် အိမ်သို့ လာရောက်ဝယ်ယူကြောင်း၊ ဈေးကွက်အနေဖြင့် ပခုက္ကူမြို့ပေါ်၊ ရန်ကုန်၊ ပဲခူး၊ ဒိုက်ဦး၊ ပြင်ဦးလွင်၊ မုံရွာ၊ ဖောင်းပြင်၊ ရွှေတော စသည့်မြို့များသို့ တင်ပို့ရောင်းချကြောင်း၊ အကျိုးအမြတ်မှာ (၁၀)ပိဿာဝင် ပုံးဝါ တစ်ပုံးလျှင် ကျပ်(၁၀၀၀၀-၁၅၀၀၀)ခန့် ရရှိကြောင်း၊ တစ်လလျှင် ရောင်းအား (၄၀ မှ ၈၀)ပုံးထိရှိပြီး အမှာရှိလျှင်ရှိသလိုရောင်းချရကြောင်း ဆီစက် လုပ်ငန်းရှင်၏ ပြောပြ ချက်အရ သိရှိရပါသည်။

DOCA(မကွေး)

      စစ်ကိုင်းတိုင်းဒေသကြီး၊ မုံရွာကုန်စည်ဒိုင်၏ ၂၀၂၄ခုနှစ်နှင့် ၂၀၂၅ခုနှစ် စက်တင်ဘာလ ၂၆ ရက် နေ့တွင် ဖြစ်ပေါ်နေသည့် ပဲမျိုးစုံတစ်တင်းဈေးနှုန်းများ နှိုင်းယှဉ်ရာ၌ မတ်ပဲ တစ်တင်းဈေးနှုန်းမှာ ၂၀၂၄ခုနှစ်တွင် ကျပ် ၁၂၀၀၀၀ရှိရာမှ ၂၀၂၅ခုနှစ်တွင် ကျပ်၁၀၀၀၀၀ သို့လည်းကောင်း၊ ပဲတီစိမ်း (ကြီး) တစ်တင်းဈေးနှုန်းမှာ ၂၀၂၄ခုနှစ်တွင် ကျပ် ၇၅၀၀၀ရှိရာမှ ၂၀၂၅ခုနှစ်တွက် ကျပ် ၁၀၀၀၀၀ သို့လည်းကောင်း၊ ပဲတီစိမ်း(သေး) တစ်တင်းဈေးနှုန်းမှာ ၂၀၂၄ခုနှစ်တွင် ကျပ် ၇၀၀၀၀ရှိရာမှ ၂၀၂၅ ခုနှစ်တွင် ကျပ် ၁၁၅၀၀၀ သို့လည်းကောင်း၊  ပဲကြီး တစ်တင်းဈေးနှုန်းမှာ ၂၀၂၄ခုနှစ်တွင် ကျပ် ၉၂၀၀၀ရှိရာမှ၂၀၂၅ခုနှစ်တွင်ကျပ်၁၃၁၀၀၀သို့လည်းကောင်း၊ ပုဂံပဲ တစ်တင်းဈေးနှုန်းမှာ ၂၀၂၄ခုနှစ် တွင် ကျပ်၁၃၀၀၀၀ရှိရာမှ ၂၀၂၅ခုနှစ်တွင် ကျပ် ၁၂၀၀၀၀ သို့လည်းကောင်း၊ မြေထောက်ပဲ တစ်တင်းဈေးနှုန်းမှာ ၂၀၂၄ခုနှစ်တွင် ကျပ် ၁၀၄၀၀၀ရှိရာမှ ၂၀၂၅ခုနှစ်တွင် ကျပ် ၁၃၀၀၀၀ သို့ လည်းကောင်း အသီးသီးဖြစ်ကြပြီး မတ်ပဲအနေဖြင့် ၂၀၂၄ ခုနှစ်တွင် ကျပ် ၁၂၀၀၀၀ ရှိရာမှ ၂၀၂၅ ခုနှစ် တွင် ကျပ် ၁၀၀၀၀၀သို့လည်းကောင်း၊ ပုဂံပဲအနေဖြင့် ၂၀၂၄ခုနှစ်တွင် ကျပ် ၁၃၀၀၀၀ ရှိရာ မှ၂၀၂၅ခုနှစ်တွင်ကျပ်၁၂၀၀၀၀သို့လည်းကောင်း ဈေးနှုန်းများ ကျဆင်းသွားကြောင်းတွေ့ရသည်။

DOCA  (စစ်ကိုင်း)

မုံရွာကုန်စည်ဒိုင်တွင် ၂၀၂၄ခုနှစ်နှင့် ၂၀၂၅ခုနှစ်တို့၏ စက်တင်ဘာလ ၂၆ ရက်နေ့တွင် ဖြစ်ပေါ်နေသည့် ပဲမျိုးစုံများ၏ ကာလတူနှိုင်းယှဉ်ချက်ဇယား

    စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲကြားနှင့် ပဲနီလေးစိုက်ပျိုးမှုမရှိကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှ စတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ပဲကြားနှင့် ပဲနီလေးများကို အခြားဒေသများမှ မှာယူရောင်းချခြင်းမရှိဘဲ သယ်ယူခကုန်ကျစရိတ်များ သက်သာစေရန်  ဒေသတွင်းရှိ ပွဲရုံများမှ ဝယ်ယူရောင်းချကြပါသည်။

ပဲကြား

    ရွှေဘိုမြို့ဈေးကွက်အတွင်း စက်တင်ဘာလ၊  စတုတ္ထအပတ်တွင်ရောင်းချသည့် ပဲကြားဈေးနှုန်းမှာ (၁)ပြည်လျှင်(၈၅၀ဝိ/-)ကျပ်နှင့် တစ်တင်းလျှင်(၁၃၆၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲကြား(၁)ပြည် လျှင်(၈၅၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီးဈေးငြိမ်နေကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့် သူများ၊ ပဲပြုတ်၊ ပဲရေဖွရောင်းချမည့်သူများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူကြ ကြောင်းပဲမျိုးစုံရောင်းချသည့်ဆိုင်များမှ သတင်းရရှိပါသည်။

ပဲနီလေး

    ရွှေဘိုမြို့ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ပဲနီလေးဈေးနှုန်း မှာ(၁)ပြည်လျှင် (၁၆၅၀ဝိ/-)ကျပ်နှင့် တစ်တင်းလျှင်(၂၆၄၀၀ဝိ/-) ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲနီလေး (၁)ပြည်လျှင် (၁၆၅၀ဝိ/-)ကျပ် ပေါက်ဈေးရှိခဲ့သဖြင့်  ယခင်အပတ်နှင့် ယခုအပတ်တို့၏ အရောင်းအဝယ် ဖြစ်သည့် ဈေးနှုန်းတူညီကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA  (စစ်ကိုင်း)

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူဈေးကွက်၌ စက်တင်ဘာလ(စတုတ္ထပတ်)တွင် ပဲစဉ်းငုံ သီးနှံများ ဈေးကျဆင်းပြီး အရောင်းအဝယ်ဖြစ်ကြောင်း သိရှိရသည်။ ၂၀၂၅ ခုနှစ်၊ သီးနှံပေါ်စ ဇန်နဝါရီလတွင် တစ်တင်းလျှင် ကျပ်(၁၂၆၅၀၀-၁၂၂၀၀၀)ဈေးဖြင့် အရောင်းအဝယ်ဖြစ်ခဲ့ရာ ပြည်ပ ဈေးကွက် ဝယ်လိုအားနည်း၍ ဈေးတရိပ်ရိပ်ကျဆင်း၍ အရောင်းအဝယ်ဖြစ်လျက်ရှိသည်။ ပခုက္ကူ ပဲစဉ်းငုံဈေးကွက်သို့ ပခုက္ကူ၊ မြိုင်၊ ပေါက်၊ ရေစကြို၊ ဆိပ်ဖြူမြို့နယ်အတွင်းရှိ ကျေးရွာများနှင့် စစ်ကိုင်း၊ မန္တလေးတိုင်းဒေသကြီးအတွင်းရှိ ကျေးရွာများမှ အများဆုံးဝင်ရောက်ပြီး ယခုရာသီချိန်တွင် တောင်သူများတွင် ပဲလက်ကျန်နည်းပြီး မြို့ပေါ်ရှိ ကုန်သည်များမှ သီးနှံလှိုင်လှိုင်ပေါ်ချိန်တွင် ဝယ်ယူ သိုလှောင်ထားသော ပဲစဉ်းငုံနီများ ပြန်လည်ဖြန့်ဖြူးမှုများကြောင်း၊ ဩဂုတ်လ (စတုတ္ထပတ်)တွင် တစ်ရက်လျှင် ပဲစဉ်းငုံနီ ပိဿာ(၃၀)ဝင် အိတ် (၃၀၀-၃၅၀)ခန့် အရောင်းအဝယ်ဖြစ်ကြောင်း သိရှိရသည်။

     ဈေးနှုန်းအနေဖြင့် ပဲစဉ်းငုံနီ တစ်တင်းလျှင် အရောင်းအဝယ်ဖြစ်သောဈေးနှုန်းမှာ ဖေဖော် ဝါရီလတွင် ပဲစဉ်းငုံနီတစ်တင်းလျှင် အမြင့်ဈေး ကျပ်(၉၃၀၀၀-၉၂၀၀၀)၊ မတ်လတွင် ပဲစဉ်းငုံနီ တစ်တင်းလျှင် ကျပ်(၉၄၅၀၀-၉၃၀၀၀)ဈေးဖြင့် အရောင်းအဝယ်ဖြစ်ခဲ့ပြီး၊ ဧပြီလတွင် တစ်တင်း လျှင် ကျပ်(၉၃၀၀၀-၉၂၆၀၀)ဈေးဖြင့် အရောင်းအဝယ်ဖြစ်ကြောင်း၊ မေလတွင် တစ်တင်းလျှင် ကျပ် (၇၈၀၀၀-၇၅၀၀၀) အရောင်းအဝယ်ဖြစ်ခဲ့ပြီး ဇွန်လတွင် ပဲစဉ်းငုံ တစ်တင်းလျှင် ကျပ် (၈၆၀၀၀-၈၅၀၀၀)ဖြင့် ဈေးတက်၍ အရောင်းအဝယ်ဖြစ်ခဲ့ပြီး ဇူလိုင်လတွင် ဈေးဆက်လက်မြင့်တက်၍ ပဲစဉ်းငုံတစ်တင်းလျှင် ကျပ်(၈၈၀၀၀-၈၅၀၀၀)ဈေးဖြင့်အရောင်း အဝယ်ဖြစ်ပြီး ယခင် စက်တင် ဘာလ(ပထမပတ်)တွင် ပဲစဉ်းငုံတစ်တင်းလျှင်ကျပ် (၇၇၀၀၀-၇၇၂၀၀)၊ စက်တင်ဘာလ (တတိယ ပတ်)တွင် ဈေးငြိမ်နေပြီး စက်တင်ဘာလ(စတုတ္ထပတ်)တစ်တင်းလျှင် ကျပ် (၇၅၀၀-၇၅၂၀၀)ဖြင့်  အရောင်းအဝယ်ဖြစ်ပြီး  ဈေးကွက်သို့ ကုန်ဝင်သလောက် အရောင်းအဝယ်ဖြစ်ကြောင်း၊ ပခုက္ကူဈေး ကွက်သို့ ဝင်ရောက်လာသည့် ပဲစဉ်းငုံနီ များကို ရန်ကုန်၊ မန္တလေး ဈေးကွက်သို့ တင်ပို့ပြီး ထိုမှတစ်ဆင့် ပြည်ပအိန္ဒိယနိုင်ငံသို့ တင်ပို့လျက်ရှိကြောင်း၊ ပဲစဉ်းငုံသီးနှံသည် ပြည်ပို့ကုန် ပဲတစ်မျိုး ဖြစ်၍ ဈေးကွက် ဝယ်လိုအားပေါ် မူတည်ပြီး နေ့စဉ်နှင့်အမျှ ဈေးနှုန်းပြောင်းလဲမှုရှိကြောင်း ဈေးကွက်မှ သိရှိရသည်။

DOCA(မကွေး)

        ၂၀၂၅ ခုနှစ်၊ စက်တင်ဘာလ စတုတ္ထပတ်တွင် မုံရွာမြို့၊ နန္ဒဝန်ဈေးသစ်တွင် ရောင်းချ နေသော ဟင်းသီးဟင်းရွက်ဈေးနှုန်းများမှာ ရှောက်ရွက်အညွှန့်(၅)ညွှန့်ပါ (၁)စည်းလျှင်(၂၅၀) ကျပ်၊ (၃)စည်းလျှင်(၇၀၀)ကျပ်၊ ဖက်ဖယ်ရွက်(၁)စည်းလျှင် (၃၀၀/၃၅၀)ကျပ်၊ မြင်းခွာရွက်တစ်ပုံ လျှင်(၅၀၀/၁၀၀၀)ကျပ်၊ မုန့်ညှင်းရွက်တစ်စီးလျှင် (၃၀၀)ကျပ်၊ မုန့်ညှင်းရွက်(၂)စီးလျှင်  (၅၀၀) ကျပ်၊   ကန်ဇွန်းရွက်တစ်စီးလျှင် (၁၅၀)ကျပ်၊ (၃)စည်းလျှင် (၄၀၀)ကျပ်၊ ဂွေးတောက်ရွက် ပိဿာလျှင်(၂၇၀၀/၃၀၀၀)ကျပ်၊ ဖရုံညွန့်တစ်စည်းလျှင် (၂၅၀/၃၀၀)ကျပ်၊ ဘူးညွန်းတစ်စည်း လျှင် (၂၅၀/၃၀၀)ကျပ် ဈေးနှုန်းဖြင့် ရောင်းချလျက်ရှိကြောင်း သိရှိရပါသည်။

DOCA  (စစ်ကိုင်း)