ပြည်တွင်းကုန်သွယ်မှုသတင်း

              စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်ရှိ ချင်းတွင်းရတနာဈေး၊ မန်းကျည်းပင်ဈေး၊ ပြည်ထောင်စုဈေး၊ ဗန္ဓုလဈေး၊ သာစည်ဈေးနှင့် ဝန်ထမ်းအိမ်ရာရှိ နန္ဒဝန်ဈေးသစ်တို့တွင် စက်တင်ဘာလ တတိယပတ်တွင် ရောင်းချနေသော ခရမ်းချဉ်သီးနှင့် အာလူးဈေးနှုန်းများအနေဖြင့်  ခရမ်းချဉ် တိုင်ထောင်သီး / အင်းသီး (၂၅) ကျပ်သားလျှင် ( ၁၀၀၀) ကျပ်၊ ( ၅၀ ) ကျပ်သားလျှင် (၂၀၀၀) ကျပ်၊ ၁ပိဿာ လျှင်  (၃၇၀၀) ကျပ်ဖြင့်လည်းကောင်း၊ အာလူး အလုံးလှ ( ၂၅ ) ကျပ်သား လျှင် ( ၁၅၀၀) ကျပ်၊ (၅၀)ကျပ်သားလျှင် ( ၃၀၀၀)ကျပ်နှင့် ( ၁ ) ပိဿာလျှင် ( ၆၀၀၀) ကျပ်ဖြင့် ရောင်းချခဲ့ရာ ယခုစက်တင်ဘာလ စတုတ္ထပတ်တွင် အာလူးဈေးနှုန်း တည်ငြိမ်လျက်ရှိပြီး ခရမ်းချဉ်ဈေးနှုန်းမှာ ယခင် တတိယပတ်နှင့် နှိုင်းယှဉ်ကြည့်ပါက (၁ )ပိဿာလျှင် ( ၅၀၀)ကျပ်ခန့် ကျဆင်းသွားကြောင်း၊ အဝင်များနေ၍ ဈေးနှုန်းဆက်လက်ကျဆင်းနိုင်ကြောင်း သိရသည်။  

DOCA(စစ်ကိုင်း)

  တနင်္သာရီတိုင်းဒေသကြီး၊ ထားဝယ်မြို့ပေါ်ရှိ ကမ်းနားပျံကျစျေးတွင် စားဖိုဆောင်သီးနှံများ၊ အသားမျိုးစုံ၊ ရေထွက်ပစ္စည်းမျိုးစုံနှင့် သစ်သီးဝလံမျိုးစုံ စုံလင်စွာရောင်းချလျက်ရှိရာ ဂေါ်ဖီထုပ်နှင့် ထိုင်ဝမ်မုန်ညင်း များကိုလည်းရောင်းချလျက်ရှိကြောင်း သိရပါသည်။ ဂေါ်ဖီထုပ်တွင် အမျှင်ဓာတ် ကြွယ်ဝစွာပါဝင်ခြင်း၊ ဓာတ်ဆိုးဆန့်ကျင်ပစ္စည်းပါဝင်ခြင်း၊ ဗီတာမီဓာတ်အချို့နှင့် သတ္တုဓာတ်များ လည်းပါဝင်သဖြင့်  ကျန်းမာရေးအတွက် အကျိုးကျေးဇူးများစွာရရှိသောကြောင့် လူတိုင်းစားသုံးသင့်သော အစားအစာတစ်မျိုးဖြစ်သကဲ့သို့ မုန့်ညှင်းပင်များတွင်လည်း အင်တီအောက်ဆီးဒင့်ဓာတ်ပေါင်းများပါ ဝင်သဖြင့် ခန္ဓာကိုယ်တွင် ဖြစ်ပွားတတ်သော အဖုအကျိတ်များကို တားဆီးနိုင်သည့် အကျိုးကျေးဇူး များပေးစွမ်းနိုင်သော အစားအစာတစ်မျိုးဖြစ်ပါသည်။  ၂၀၂၅ ခုနစ်၊ စက်တင်ဘာလ တတိယပတ်တွင် ရောင်းချလျက်ရှိသော ဂေါ်ဖီထုပ်ဈေးနှုန်းမှာ အထုပ်ကြီး (၁) ထုပ်လျှင် (၅၀၀၀) ကျပ်ဖြင့် လည်းကောင်း၊ အထုပ်သေး (၁) ထုပ်လျှင် (၃၀၀၀-၄၀၀၀) ကျပ်ဖြင့် လည်းကောင်း ရောင်းချလျက်ရှိပြီး၊ ထိုင်ဝမ်မုန်ညှင်း (၁) စည်းလျှင် (၅၀၀) ကျပ်ဖြင့်လည်းကောင်း၊ (၃) စည်းလျှင် (၁၄၀၀) ကျပ်ဖြင့်လည်းကောင်း ရောင်းချလျက်ရှိကြောင်း ဟင်းသီးဟင်းရွက်ရောင်းချ သူများထံမှသိ ရပါသည်။

DOCA(တနင်္သာရီ)

   တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်တွင် ပြည်သူများ စားသုံးရန် အတွက် ဒေသထွက်ဆန်များ မဖူလုံပါသဖြင့် ဧရာဝတီတိုင်းဒေသကြီးနှင့် ရန်ကုန်မြို့တို့မှ သယ်ယူ ၍ သက်သာသောဈေးနှုန်းထားဖြင့် မြိတ်မြို့ပေါ်ရှိ ဆန်ကုန်သည်များနှင့် ဆန်လုပ်ငန်းရှင်များ အသင်းဝင် ဆန်အရောင်းဆိုင်(၄၂)ဆိုင်မှ လစဥ်ရောင်းချပေးလျက်ရှိပါသည်။

          ၂၀၂၅ ခုနှစ်၊ စက်တင်ဘာလတတိယပတ်တွင် မြိတ်မြို့ပေါ်တွင် ရောင်းချနေသော ဧည့်မထဆန်မှာ တစ်ပြည်လျှင် (၃၀၀၀)ကျပ် ဖြင့်ရောင်းချခဲ့ပြီး ယခုစက်တင်ဘာလစတုတ္ထပတ် တွင် မြိတ်မြို့ပေါ်တွင် ရောင်းချနေသော ဧည့်မထဆန်မှာ တစ်ပြည်လျှင် (၂၅၀၀)ကျပ်မှ (၂၈၀၀)ကျပ်အထိဈေးနှုန်းဖြင့် ရောင်းချပြီး ဈေးနှုန်းများကျဆင်းသွားကြောင်း သိရှိရပါသည်။

DOCA(တနင်္သာရီ)

  တနင်္သာရီတိုင်းဒေသကြီး၊ မြိတ်မြို့နယ်တွင် ဒေသထွက်ကုန်များ၊ ရေထွက်ကုန်များနှင့် စိုက်ပျိုးသီးနှံများကို တစ်နိုင်တစ်ပိုင်ရောင်းချလျက်ရှိပါသည်။ ယခုမိုးရာသီတွင် ခြံထွက်သီးနှံ ဖြစ်သည့် မန်ကျည်းသီးသည်လည်း မြိတ်မြို့ပေါ်ရှိ စျေးကွက်များတွင် ရောင်းချလျက်ရှိပါသည်။

   မြိတ်မြို့ပေါ်ရှိစျေးများတွင် မန်ကျည်းသီးနုဈေးနှုန်းစုံစမ်းချက်အရ ယခင်၂၀၂၅ခုနှစ်၊ သြဂုတ်လတွင် မန်ကျည်းသီးနု နို့ဆီဘူးတစ်ပုံး(၁၅၀၀)ကျပ်ဖြင့် ရောင်းချလျက်ရှိခဲ့ရာမှ ယခု ၂၀၂၅ခုနှစ်၊ စက်တင်ဘာလတွင် (၂၀၀၀)ကျပ်ဖြင့် ရောင်းချနေကြောင်း ကုန်စိမ်းရောင်းချသူထံမှ သိရှိရပါသည်။

DOCA(တနင်္သာရီ)

    ကန်စွန်းဥ(Taro)ကို စားသုံးခြင်းဖြင့် အစာအိမ်ကျန်းမာရေးအတွက် ကောင်းမွန်ပြီး ဗီတာ မင် E/ C/ B ကြွယ်ဝ၍ အဟာရဓါတ်ပြည့်ဝပြီး အလေးချိန်ထိန်းချုပ်ချင်သူများနှင့် ဆီးချိုရောဂါရှိ သူများ အဓိကစားသုံးကြောင်း၊ ကန်စွန်းဥကို ရေနွေးပူပူတွင်ပြုတ်၍ စားသုံးခြင်း၊ မုန့်များတွင် ထည့်သွင်းစားသုံးခြင်း၊ ထန်းလျက်/ သကြားနှင့်ပေါင်းပြီးမုန့်ချိုအဖြစ်စားသုံးခြင်း၊ ဝက်သား/ ကြက်သားတို့နှင့်ရော၍ ဟင်းချက်စားသုံးခြင်းများလုပ်ဆောင်ကြကြောင်း၊ ကန်စွန်းဥကို အစိမ်း စားပါက ပါးစပ်ယားယံခြင်းနှင့် အရေပြား ယားယံခြင်းများဖြစ်တတ်ကြောင်း လေ့လာသိရှိရပါ သည်။

          ကန်စွန်းဥကို အများအားဖြင့် မိုးရာသီအစ(မေ-ဇွန်)လများတွင် စတင်စိုက်ပျိုးကြသော် လည်း တနင်္သာရီတိုင်းဒေသကြီး၊ မြိတ်ခရိုင်၌ မိုးရွာသွန်းမှုကောင်း၍ (ဧပြီ)လ ကတည်းက စိုက် ပျိုးပြီး ဥအပိုင်းများကိုဖြတ်၍ စိုက်ပျိုးကာ စက်တင်ဘာလဆန်းပိုင်း၌ စတင်တူးဖော်ပြီး စျေးကွက် အတွင်း ရောင်းချလျက်ရှိကြောင်းနှင့် လက်ရှိ မြိတ်ခရိုင်၊ ပုလောဒေသမှထွက်ရှိသော ကန်စွန်းဥ (အကြီး)တစ်ပိဿာ(၅၅၀၀)ကျပ်၊ ကန်စွန်းဥ(အသေး)တစ်ပိဿာ(၄၀၀၀)ကျပ်နှုန်းတို့ဖြစ် ရောင်း ချ၍ စိုက်ပျိုးသူတောင်သူများအတွက် တွက်ချေကိုက်ပြီး စိုက်ပျိုးသင့်သောသီးနှံတစ်မျိုးဖြစ် ကြောင်း လေ့လာသိရှိရပါ်သည်။

DOCA(တနင်္သာရီ)