ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူ၊ မြိုင်၊ပေါက်၊ရေစကြိုနှင့် ဆိပ်ဖြူမြို့နယ် အတွင်းရှိကျေးရွာများတွင် ဒေသခံပြည်သူများသည် လယ်ယာစိုက်ပျိုးရေးကို အဓိကလုပ်ကိုင်ကြပြီး သီးနှံမျိုးစုံ စိုက်ပျိုးရာမှ ပဲတီစိမ်းသီးနှံကိုလည်း မိုးဆောင်းနှစ်ရာသီ စိုက်ပျိုးကြရာ မိုးပဲတီစိမ်းကို စိုက်ဧက (၂) သောင်းခန့် စိုက်ပျိုးကြောင်း သိရှိရသည်။

          မိုးပဲတီစိမ်းကို မတ်လတွင် စတင်စိုက်ပျိုးပြီး ဇွန်၊ဇူလိုင်လတွင် သီးနှံစတင်ထွက်ပေါ်ကြောင်း ပဲတီစိမ်းမြကြေးမှုံ ၊ကျောက်စိမ်း ၊ပဲတီစိမ်း ပဲနောက်သေးမျိုးများကို စိုက်ပျိုးကြကြောင်း၊ စိုက်ပျိုးရာ အစေ့ချစနစ်ဖြင့် ပင်ကြား(၅)လက်မ၊ တန်းခြား(၁) ပေအကွာဖြင့် စိုက်ပျိုးကြပြီး တစ်ဧကလျှင် မျိုးစေ့ (၄)ပြည်ခန့် ကုန်ကျကြောင်း၊ ကုန်ကျစရိတ်မှာ တစ်ဧကလျှင် စုစုပေါင်းငွေကျပ် (၇)သိန်းခန့် ကုန်ကျကြောင်း၊ တစ်ဧကပျှမ်းမျှအ ထွက်တင်းမှာ (၁၀-၁၅)တင်းခန့် ထွက်ရှိပြီး စိုက်ပျိုးမြေနှင့် ရာသီ ဥတုပေါ်မှုတည်၍ သီးနှံအထွက် နှုန်းကွာခြားမှုရှိကြောင်း သိရှိရသည်။

          ၂၀၂၅ခုနှစ်၊ စက်တင်ဘာလ(တတိယပတ်)တွင် ပဲတီစိမ်းတစ်တင်းလျှင် ကျပ်(၉၀၀၀၀-၁၂၀၀၀၀)ဈေးဖြင့်အရောင်းအဝယ်ဖြစ်လျက်ရှိပြီး ဩဂုတ်လတွင် ပဲတီစိမ်းတစ်တင်းလျှင် ကျပ် (၇၅၀၀၀-၁၂၀၀၀၀)ဖြင့် အရောင်းအဝယ်ဖြစ်ခဲ့ရာ ဈေးနှုန်းနှိုင်းယှဉ်ပါက ကျပ်(၁၅၀၀၀)ဈေးနှုန်း ကျဆင်းလာကြောင်း၊ ပခုက္ကူပဲမျိုးစုံဈေးကွက်၌ ပဲတီစိမ်းသီးနှံများ လှိုင်လှိုင်ဝင်ရောက်လျက်ရှိပြီး တစ်ရက်လျှင် ပဲတီစိမ်းသေး ပိဿာ(၃၀)ဝင်အိတ် (၃၀၀-၃၅၀)ခန့် ဝင်ရောက်ပြီး ရေစကြိုမြို့နယ် ထွက်ပဲတီစိမ်းများ အများဆုံးဝင်ရောက် အရောင်းအဝယ်ဖြစ်ကြောင်း သိရှိရသည်။ ဈေးကွက် အနေ ဖြင့် ပခုက္ကူပွဲရုံများသို့ ဝင်ရောက်လာသည့် ပဲတီစိမ်းများကိုဒေသတွင်းဖြန့် ဖြူးမှုအပြင် ရန်ကုန်၊ မန္တလေးမြို့များသို့ တင်ပို့လျက်ရှိပြီးထိုမှ တစ်ဆင့် တရုတ်၊ဗီယက်နန်နိုင်ငံများသို့ တင်ပို့လျက် ရှိကြောင်းသိရှိရသည်။

DOCA(မကွေး)

     အသားခြောက်လုပ်ငန်းသည် မြန်မာနိုင်ငံမှာရှေးအကျဆုံး စားသောက်ကုန်ထုတ်လုပ်မှုစနစ် တွေထဲမှာတစ်ခုအပါအဝင်ဖြစ်ပြီး ရိုးရာဓလေ့တစ်ခုမှ ခေတ်မီစက်မှုလုပ်ငန်းတစ်ခုအဖြစ် ကူးပြောင်း လာပြီး အရေးပါသော အသေးစားစီးပွားရေးလုပ်ငန်းတစ်ခုဖြစ်ပါသည်။ အသားခြောက်သည် ကြာရှည်ခံခြင်း၊ အာဟာရကြွယ်ဝခြင်း၊ အရသာကောင်းမွန်ခြင်းနှင့်သယ်ဆောင်ရလွယ်ကူခြင်းစတဲ့ အားသာချက်တွေကြောင့် နှစ်ပေါင်းများစွာကတည်းက အရေးပါတဲ့အစားအစာ အဖြစ်ရပ်တည် နေပါသည်။

      ရမည်းသင်းမြို့နယ်၌ လယ်ယာစိုက်ပျိုးရေးကဏ္ဍတွင် သီးနှံမျိုးစုံစိုက်ပျိုးကြသည့်အပြင် တစ်ပိုင်တနိုင်မွေးမြူရေးလုပ်ငန်းများလည်းလုပ်ကိုင်ကြပြီး စိုက်ပျိုးရေးလုပ်ငန်းများနှင့် မွေးမြူရေး လုပ်ငန်းများမှ ထွက်ရှိသည့် ထုတ်ကုန်များအား တန်ဖိုးမြှင့်ထုတ်ကုန် MSME လုပ်ငန်းများလည်း ထုတ်လုပ်လျက်ရှိပါသည်။ ဒေသတွင်းမွေးမြူရေးလုပ်ငန်းများမှ နွားမွေးမြူရေးလုပ်ငန်းများအား တစ်ပိုင်တနိုင်လုပ်ကိုင်ကြပြီး ထွက်ရှိသောအသားများကို ဒေသတွင်းစားသုံးမှုအပြင် တန်ဖိုးမြင့် ထုတ်ကုန် အသားခြောက်လုပ်ငန်းများထုတ်လုပ်ရောင်းချလျက်ရှိကြောင်းသိရပါသည်။ 

       ရမည်းသင်းမြို့နယ်၌ ဒေသတွင်းနွားမွေးမြူရေးလုပ်ငန်းများမှ ထွက်ရှိသော အမဲသားများကို တန်ဖိုးမြှင့်ထုတ်ကုန် အသားခြောက်လုပ်ငန်းများထုတ်လုပ်သည့် သျှီအသားခြောက်လုပ်ငန်း၊ ရွှေလက်ရာ အသားခြောက်လုပ်ငန်း၊ရသာမွန်အသားခြောက်လုပ်ငန်း၊လှရတီအသားခြောက်လုပ်ငန်း၊ ဖြူအသား ခြောက်လုပ်ငန်း၊ကျော်စွာအသားခြောက် လုပ်ငန်းစသည့်လုပ်ငန်းရှင်(၆)ဦီးမှ ထုတ်လုပ် ရောင်းချလျက်ရှိ ပါသည်။

          သျှီအသားခြောက်လုပ်ငန်းကို (၂၀၁၈)ခုနှစ်မှ စတင်လုပ်ငန်းဆောင်ရွက်ခဲ့ပြီး လိုအပ်သော ကုန်ကြမ်း ဒေသတွင်းလိုင်စင်ရသားသတ်လုပ်ငန်းများမှ ကုန်ကြမ်းဝယ်ယူထုတ်လုပ်လျက်ရှိ ကြောင်း၊အလုပ်သမား(၁၅)ဦီးဖြင့်လုပ်ငန်းလည်ပတ်လျက်ရှိကြောင်း၊ အသားခြောက်ပြုလုပ်ရာ တွင်  ပထမဦီးစွာ အမဲသားများကို ဆား ၊ဂျင်း၊ အချိုမှုန့်၊ စားသောက်ကုန် များတွင်ထည့်သွင်း အသုံးပြုသည့် ပွဆေး အနည်းငယ်ဖြင့်ရောနယ်၍  နေလှန်းပြီး ညရောက်လျှင် မီးဖိုဖြင့်မီးကင်ပြီး ဒုတိယနေ့တွင် ထပ်မံ နေလှန်းကြောင်း၊ တတိယနေ့တွင်နေလှန်းပြီးအသားများအား ကြော်၍ အပူရှိန်မကျခင် မိုးကာကုန်း ဖြင့်အုပ်ထားသဖြင့်အနည်းငယ်ပျော့လာသည့်အခါ မော်တာဖြင့် ပြန်ကြိတ်၍ မီးကင်ပြီး အအေးခံကာ Packing ထုပ်ပိုးမှုပြုလုပ်ပါသည်။

ထုတ်လုပ်မှုအနေဖြင့် အမဲသားအစိုတစ်ပိဿာလျှင် (၂၆၀၀၀)ကျပ်ဖြင့်ဝယ်ယူရကြောင်း၊ အမဲသား အစိုကုန်ကြမ်းအချိန်ပိဿာ (၁၀၀)လျှင် အမဲသားခြောက် (အစိမ်း)(၄၀)ပိဿာခန့်ထွက်ရှိ ကြောင်း၊ အမဲသားအစိုပိဿာ(၂၀၀)လျှင်အမဲသားခြောက် (မီးကင်)(၄၀) ပိဿာခန့်ထွက်ရှိကြောင်း၊    အောက်တို ဘာလမှ ဧပြီလများအထိအရောင်းအဝယ် ကောင်း၍ တစ်လလျှင်ကုန်ကြမ်း (၂၀၀၀-၃၀၀၀)ပိဿာ အထိထုတ်လုပ်နိုင်ပြီး ကုန်ချော(၄၀၀-၆၀၀)ပိသာခန့်ထွက်ရှိကြောင်း၊ ကျန်ကာလများ တွင်အရောင်း အဝယ်အေးသဖြင့် တစ်လလျှင် ကုန်ကြမ်း (၁၂၀၀) ပိဿာခန့်သာထုတ်လုပ်နိုင်သဖြင့် ကုန်ချော (၂၄၀)ပိဿာထိ ထုတ်လုပ်နိုင်ကြောင်းသိရှိရပါသည်။

ဈေးကွက်အနေဖြင့် ထွက်ရှိသော ကုန်ချောများကို (၂၅) ကျပ်သား၊(၅၀)ကျပ်သား၊(၁)ပိဿာ ထုတ်များထုတ်၍ လက်လီရောင်းချခြင်း၊ လက်ကားအနေဖြင့် ရန်ကုန်၊ မန္တလေး၊ မော်လမြိုင်၊ တောင်ကြီးမြို့များသို့ဖြန့်ဖြူး ရောင်းချလျက်ရှိပါတယ်။ ရန်ကုန်မြို့ရှိ စားသောက်ကုန်လုပ်ငန်းများမှ ၎င်းလုပ်ငန်းများ၏ အမှတ်တံဆိပ်ဖြင့် Packing ပြန်လည်ထုပ်ပိုး၍ ပြည်တွင်းဈေးကွက်အပြင် စင်္ကာပူ၊မလေးရှား၊ထိုင်းသို့တင်ပို့ရောင်းချကြပါသည်။ ဈေးနှုန်းအနေဖြင့် လက်လီ အမဲသားခြောက် (အစိမ်း) တစ်ပိဿာလျှင် (၁၀၀၀၀၀)ကျပ်၊ အမဲသားခြောက် (မီးကင်)တစိပ်ဿာ လျှင် (၁၈၀၀၀၀)ကျပ် ၊ လက်ကား အမဲသားခြောက် (အစိမ်း) တစ်ပိဿာလျှင် (၈၀၀၀၀)ကျပ်၊ အမဲသား ခြောက် (မီးကင်)တစိပ်ဿာလျှင်(၁၆၀၀၀၀)ကျပ်ဖြင့်အရောင်းအဝယ်ဖြစ်လျက်ရှိပါသည်။

အသား‌ခြောက်လုပ်ငန်းများသည် ဒေသတွင်းမွေးမြူရေးထွက်ကုန်များကိုအခြေခံသည့် တန်ဖိုး မြှင့်ထုတ်ကုန် ထုတ်လုပ်သောလုပ်ငန်းဖြစ်၍ ဒေသတွင်းရှိ ပြည်သူများ အလုပ်အကိုင် အခွင့်လမ်းများ နှင့်အတူ ဝင်ငွေတိုးတက်ရရှိလာပြီး နိုင်ငံစီးပွားမြှင့်တင်ရာတွင်လည်း အဓိကကျသည့် အသေးစား၊ အငယ်စားနှင့်အလတ်စား  စီးပွားရေးလုပ်ငန်းများတွင် တစ်ထောင့်တစ်နေရာမှပါဝင်နေသဖြင့်  မွေးမြူရေးထွက်ကုန် တန်ဖိုးမြှင့်ထုတ်ကုန် အသားခြောက်လုပ်ငန်းများ ဖွံ့ဖြိုးတိုးတက်ရေးကို တွန်းအားပေး ဆောင်ရွက်လျက်ရှိကြောင်း တင်ပြလိုက်ရပါသည်။

DOCA(မန္တလေး)

        စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ကုလားပဲ(၃၀၁၄၃)ဧကစိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုခရိုင်အနေဖြင့် ကုလားပဲစိုက်ပျိုးမှု ရှိသော်လည်း ထွက်ရှိသည့်ကုလားပဲများကို ကုန်ကြမ်းအဖြစ်သာရောင်းချပြီး ပဲခွဲစက်ဖြင့်ခွဲ၍ ကုလားပဲဆံ များထုတ်လုပ်ရောင်းချမှုမရှိသည့်အတွက် ရွှေဘိုမြို့တွင်ရောင်းချသည့် ကုလားပဲဆံများကို မန္တလေးမြို့မှ ဝယ်ယူရောင်းချပြီး ကုလားပဲလုံးများကို အခြားဒေသများမှ မှာယူရောင်းချခြင်းမရှိဘဲ သယ်ယူခ ကုန်ကျစရိတ်များ သက်သာစေရန်  ဒေသတွင်းရှိ ပွဲရုံများမှဝယ်ယူရောင်းချကြပါသည်။

ကုလားပဲဆံ

           ရွှေဘိုမြို့ ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ကုလားပဲဆံ ဈေးနှုန်းမှာ (၁)ပြည်လျှင်(၈၁၀ဝိ/-)ကျပ်နှင့် တစ်တင်းလျှင်(၁၂၉၆၀ဝိ/-)ကျပ်ဖြစ်ကြောင်း၊ ယခင်အပတ် နှင့်ယခု အပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ကုလားပဲဆံ (၁)ပြည်လျှင်(၈၁၀ဝိ/-)ကျပ်ပေါက်ဈေးရှိခဲ့သဖြင့်  ယခင်အပတ်နှင့် ယခုအပတ်တို့၏ အရောင်းအဝယ် ဖြစ်သည့် ဈေးနှုန်းတူညီကြောင်း၊ ဈေးကွက်အနေဖြင့် တစ်ဆင့်ပြန်လည်ရောင်းချမည့်သူများ၊ ကိုယ်တိုင်ကြော်သည့် ကုလားပဲဆံကြော်ဖိုများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

ကုလားပဲလုံး

             ရွှေဘိုမြို့ ဈေးကွက်အတွင်း စက်တင်ဘာလ၊ စတုတ္ထအပတ်တွင်ရောင်းချသည့် ကုလားပဲလုံး ဈေးနှုန်းမှာ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင်(၉၆၀၀ဝိ/-)ကျပ်ဖြစ်ကြောင်း၊ ကုလားပဲလုံးမှာ အဖြူရောင် နှင့်အဝါရောင်နှစ်မျိုးရှိပြီး ရောင်းချရသည့်ဈေးနှုန်းမှာလည်း တူညီကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲလုံး (၁)ပြည်လျှင်(၆၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ် ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊  ဧပြီလ၊ စတုတ္ထအပတ်မှစတင်၍ ယခုအချိန်ထိ အရောင်းအဝယ်ဖြစ်သည့်ဈေးနှုန်းတူညီပြီး ဈေးအေးနေကြောင်း၊  ဈေးကွက်အနေဖြင့် ဒေသတွင်းရှိ စားသုံးသူများ၊ တစ်ဆင့်ပြန်လည်ရောင်းချမည့်သူများ၊ ကုလားပဲသုတ်ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA  (စစ်ကိုင်း)

       ၂၀၂၅ခုနှစ်၊ စက်တင်ဘာလ တတိယပတ်၌ ချင်းတွင်းရတနာဈေး၊ မန်းကျည်းပင်ဈေး၊ ဗန္ဓုလ ဈေး၊ သာစည်ဈေး၊ ပြည်ထောင်စုဈေးနှင့်  ဝန်ထမ်းအိမ်ရာရှိ နန္ဒဝန်ဈေးသစ်တို့တွင် ရောင်းချ နေသော ဂျင်းဈေးနှုန်းများအနေဖြင့် ပထမပတ်တွင် ဂျင်း( ၁) ပိဿာလျှင် (၄၅၀၀)ကျပ် ဖြစ်ပေါ် ခဲ့ရာမှ ယခု စက်တင်ဘာလ စတုတ္ထပတ်တွင် ဂျင်း ( ၁)ပိဿာလျှင် ( ၄၀၀၀)ကျပ်၊ နနွင်းတက် ဈေးနှုန်းများအနေဖြင့် ( ၁ ) ပိဿာလျှင် (၁၈၀၀၀)ကျပ်၊ ယခင်အပတ်နှင့် ဈေးနှုန်း နှိုင်းယှဉ်ချက် အနေဖြင့် ဂျင်းဈေးနှုန်း ပြန်လည်ကျဆင်းလာပြီး နနွင်းတက်ဈေးနှုန်းငြိမ်နေကြောင်း သိရသည်။

DOCA  (စစ်ကိုင်း)

     မိတ္ထီလာမြို့ ပဲမျိုးစုံဈေးကွက်တွင် ပြည်တွင်း၊ ပြည်ပဝယ်လိုအားရှိသည့် ကုလားပဲ၊ ပဲတီစိမ်း၊ ပဲစင်းငုံ၊ထောပတ်ပဲများကို မိတ္ထီလာမြို့နယ်တွင်းရှိ မြင်းတဲ၊ သဖန်းပင်ရိုး၊ မြေတိုင်ကုန်း၊ အလယ်ရွာ၊ ရေဝေစသည့် ကျေးရွာများနှင့်သာစည်၊ မလှိုင်မြို့နယ်များမှလည်း ဈေးကွက် အတွင်း ဝင်ရောက် လျက်ရှိကြောင်း၊ ဒေသတွင်းစားသုံးမှုအတွက် မန္တလေးမှ စားတော်ပဲ၊ ပဲနီလေး၊ ပဲလွမ်းပြာ၊ ပဲနီပြား စသည့်ပဲများလည်းဝင်ရောက်လျက်ရှိကြောင်းသိရှိရပါသည်။

ပဲတီစိမ်း

        မိတ္ထီလာဈေးကွက်၌ စက်တင်ဘာလ စတုတ္ထပတ်တွင် ပဲတီစိမ်းတစ်တင်းလျှင် (၈၅၀၀၀-၉၀၀၀၀)ကျပ်ဖြင့်အရောင်းအဝယ်ဖြစ်လျက်ရှိပြီး ယခင်လနှင့်ကာလတူနှိုင်းယှဉ်လျှင် ဈေးနှုန်း တည်ငြိမ် နေပြီးဈေးကွက်အနေဖြင့် မန္တလေးသို့ အိတ်(၅၀၀)ခန့်တင်ပို့နိုင်ကြောင်းသိရပါသည်။

ပဲစင်းငုံ

       မိတ္ထီလာဈေးကွက်၌ စက်တင်ဘာလ စတုတ္ထပတ်တွင် ပဲစင်းငုံတစ်တင်းလျှင် (၇၅၂၀၀) ကျပ်ဖြင့်အရောင်းအဝယ်ဖြစ်လျက်ရှိပြီး ယခင်လနှင့်နှိုင်းယှဉ်လျှင် ဈေးနှုန်းတည်ငြိမ်နေပြီး ရာသီချိန် တွင်ရန်ကုန်၊မန္တလေးသို့တင်ပို့ရောင်းချကြပြီး ယခုအချိန်သည်ရာသီချိန်မဟုတ်၍ ဈေးကွက် လက်ကျန် အနည်းငယ်သာရှိ၍အ‌ရောင်း အဝယ်အေးနေကြောင်းသိရပါသည်။

ကုလားပဲ

       မိတ္ထီလာဈေးကွက်၌ စက်တင်ဘာလ စတုတ္ထပတ်တွင် ကုလားပဲv2တစ်တင်းလျှင် (၈၀၀၀၀) ကျပ်၊ 929တစ်တင်းလျှင်(၇၇၀၀၀) ကျပ်ဖြင့်အရောင်းအဝယ်ဖြစ်လျက်ရှိပြီး ယခင်လနှင့် ကာလတူ နှိုင်းယှဉ်လျှင် ကုလားပဲv2တစ်တင်းလျှင် (၃၀၀၀) ကျပ်၊ 929တစ်တင်းလျှင်(၃၀၀၀) ဈေးနှုန်း ကျဆင်းလာကြောင်း၊ ဒေသတွင်းပဲခွဲစက်များနှင့် တောင်သူများမှမျိုးဝယ်ယူသည့်အချိန်ဖြစ်၍ တစ်ရက်လျှင် အိတ်(၂၀-၃၀)ခန့်အရောင်းအဝယ်ဖြစ်လျက်ရှိကြောင်းသိရပါသည်။

 ပဲကြား၊ပဲလွမ်းပြာ

     မိတ္ထီလာဈေးကွက်၌ စက်တင်ဘာလ စတုတ္ထပတ်တွင် ပဲကြားနှင့်ပဲလွမ်းပြာဈေးနှုန်းမှာ တစ်ပြည်လျှင်(၆၀၀၀) ကျပ်တစ်တင်းလျှင်(၉၃၀၀၀)ကျပ်ဖြင့်ဈေးငြိမ်နေကြောင်း၊ ပဲကြားကို ဒေသတွင်း ပဲလှော်လုပ်ငန်းများ မှဝယ်ယူမှုများကြောင်းသိရပါသည်။

    ထောပတ်ပဲ

     မိတ္ထီလာဈေးကွက်၌ စက်တင်ဘာလ စတုတ္ထပတ်တွင် ထောပတ်ပဲဈေးနှုန်းမှာ တစ်ပြည် လျှင်(၇၀၀၀) ကျပ်တစ်တင်းလျှင်(၁၁၀၀၀၀)ကျပ်ဖြင့်အရောင်းအဝယ်ဖြစ်ပြီး ဈေးငြိမ်နေကြောင်းသိရပါသည်။

ပဲနီလေး                                                   

          မိတ္ထီလာဈေးကွက်၌ စက်တင်ဘာလ စတုတ္ထပတ်တွင် ပဲနီလေးတစ်ပိဿာလျှင် (၁၃၀၀၀)ကျပ်ဖြင့်အရောင်းအဝယ်ဖြစ်လျက်ရှိပြီး ယခင်လနှင့်နှိုင်းယှဉ်လျှင် ဈေးနှုန်းတည်ငြိမ်နေပြီး အရောင်းအဝယ်အေးနေကြောင်းသိရပါသည်။

စားတော်ပဲနှင့်ပဲနီပြား

     မိတ္ထီလာဈေးကွက်၌ စက်တင်ဘာလ စတုတ္ထပတ်တွင် စားတော်ပဲတစ်ပြည်လျှင် (၁၃၀၀၀)ကျပ်၊ ပဲနီပြားတစ်ပြည်လျှင်(၁၀၀၀၀)ကျပ်၊ တစ်တင်းလျှင်(၁၅၀၀၀၀)   ကျပ်ဖြင့်အရောင်း အဝယ်ဖြစ်လျက်ရှိပြီး ယခင်လနှင့်နှိုင်းယှဉ်လျှင် စားတော်ပဲတစ်ပြည်လျှင် (၂၀၀၀)ကျပ်၊ ပဲနီပြား တစ်ပြည် လျှင်(၁၀၀၀) ကျပ်၊ တစ်တင်းလျှင်(၁၀၀၀၀)ကျပ်ခန့် ဈေးနှုန်းကျဆင်းလာကြောင်း ၊စားတော်ပဲကို စားသောက်ဆိုင်များနှင့် ပဲပြုတ်ရောင်းချသူများမှအများဆုံး ဝယ်ယူကြကြောင်းသိရ ပါသည်။

DOCA(မန္တလေး)