မြင်းခြံမြို့နယ် အတွင်းရှိ နဘူးအိုင်ကျေးရွာ၊ ဒါးကျွန်းကျေးရွာနှင့် တလုပ်ကျေးရွာများတွင် နံနံပင်များအား စီးပွားဖြစ်စိုက်ပျိုးထားရှိသည်။ စိုက်ခင်းများမှထွက်ရှိသော ဟင်းခက်အမွှေးအကြိုင် နံနံပင်များကို တောင်သူများကိုယ်တိုင် စံပြဈေးနှင့် အေးမြသီတာဈေးများသို့ လာရောက် ရောင်းချ ကြောင်း၊ မြင်းခြံမြို့၊ အေးမြသီတာဈေး၌ ၂၀၂၅ခုနှစ်၊ ဒီဇင်ဘာလ၌ နံနံပင် (၁၀) ကျပ်သားလျှင် (၁၅၀၀) ကျပ်၊ တစ်ပိဿာလျှင် (၁၅၀၀၀) ကျပ်ခန့်ပေါက်ဈေးများ ဖြင့်ရောင်းချလျက်ရှိကြောင်း၊ ယခင်လနှင့် နှိုင်းယှဉ်ပါက ယခုလတွင် နံနံပင်တစ်ပိဿာလျှင် (၇၀၀၀)ကျပ်ခန့် ဈေးနှုန်းများ ကျဆင်းခဲ့ကြောင်း၊ ယခုကာလ၌ ဒေသတွင်း စိုက်ပျိုးထားသော နံနံပင်များ ထွက်ပေါ်လာပြီ ဖြစ်သောကြောင့် ဈေးနှုန်းများ ကျဆင်းခြင်းဖြစ် ကြောင်း၊ ဈေးကွက်အနေဖြင့် ဒေသတွင်းစား သုံးရန်နှင့် ဟင်းခတ်အမွှေးအကြိုင်အဖြစ် အသုံးပြုကြပြီး စားသုံးမှုများပြားကြောင်းနှင့် အရောင်းအဝယ်သွက် လျက်ရှိကြောင်း နံနံပင်ရောင်း ချသူ၏ ပြောပြချက်အရ သိရှိရသည်။
DOCA(မန္တလေး)