ပြည်တွင်းကုန်သွယ်မှုသတင်း

  ၁.၂.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

    ၁.၂.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

    ၃၁.၁.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

    မန္တလေးတိုင်းဒေသကြီး၊ ကျောက်ဆည်ခရိုင်အတွင်း၌ သီးနှံမျိုးစုံစိုက်ပျိုးလျက်ရှိရာ ကျေးလက်နေတောင်သူများသည် မိသားစုအပိုဝင်ငွေရရှိရေးအတွက် ဆောင်းသီးနှံဖြစ်သော ပဲချဉ်ပေါင်ကို မိုးစပါးများရိတ်သိမ်းခါနီးချိန်တွင် လယ်မြေများ၌ စတင်စိုက်ပျိုးကြပါသည်။ စိုက်ပျိုးရာတွင် ပတ်ကြဲစနစ်ဖြင့်စိုက်ပျိုးကြပြီး မျိုးအနေဖြင့် (၁)ဧကလျှင် (၁)တင်းခန့်ကုန်ကျကြောင်း၊ မျိုးစျေးနှုန်းအနေဖြင့် တစ်တင်းလျှင် (၅၆၀၀၀/-)ကျပ်စျေးနှုန်းပေးရကြောင်း၊ နိုဝင်ဘာလတွင် စတင်စိုက်ပျိုးပြီး ဖော်ဖော်ဝါရီလနှင့် မတ်လတို့တွင် စတင်ရိတ်သိမ်းမည်ဖြစ်ကြောင်း၊ ယခင်နှစ်တွင် (၁)ဧကအထွက်နှုန်းအနေဖြင့် ပဲချဉ်ပေါင်စေ့ (၈)တင်းခန့်ထွက်ရှိကြောင်း၊ ပဲချဉ်ပေါင်စိုက်တောင်သူများသည် မရိတ်သိမ်းမီ ပဲချဉ်ပေါင်ရွက်များကို မိသားစုအပိုဝင်ငွေရရှိရေးအတွက် ခူးဆွတ်၍ စျေးများတွင် ရောင်းချလျက်ရှိသည်ကိုတွေ့ရှိရပါသည်။ ပဲချဉ်ပေါင်ရွက်ကို သုပ်စား၍သော်လည်းကောင်း၊ ချက်ပြုတ်၍သော်လည်းကောင်း စားသုံးကြပါသည်။ စျေးကွက်အတွင်း၌ ပဲချဉ်ပေါင်ရွက်တစ်ပိဿာလျှင် (၃၀၀၀/-)ကျပ်စျေးနှုန်းဖြင့်ရောင်းချရကြောင်း၊ ယခုလက်ရှိပေါက်စျေးအနေဖြင့် ပဲချဉ်ပေါင်စေ့တစ်တင်းလျှင် (၅၀၀၀၀/-)ကျပ်စျေးနှုန်းရှိပြီး တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ ရိတ်သိမ်း/ ချွေလှေ့/ အလုပ်သမားခအပါအဝင် စုစုပေါင်း (၁၀၀၀၀၀/-)ကျပ်ခန့်ကုန်ကျကြောင်း၊ ယခင်နှစ်တွင် (၁)ဧကအကျိုးအမြတ်အနေဖြင့် (၃၀၀၀၀၀/-)ကျပ်ခန့်ရရှိခဲ့ကြောင်း၊ ယခုနှစ် ပဲချဉ်ပေါင်ပေါ်ချိန်တွင် စျေးကောင်းရရှိပါက တောင်သူများအကျိုးအမြတ်ပိုမိုရရှိမည်ဖြစ်ကြောင်း ရေးသားတင်ပြလိုက်ရပါသည်။

DOCA(မန္တလေး)

    ပြင်ဦးလွင်မြို့နယ်တွင် နှစ်ရှည်သီးနှံဖြစ်သော ထောပတ်သီးနှံကို ကျေးရွာအုပ်စု (၁၃)စုမှ တောင်သူဦးရေ (၁၈၅)ဦးတို့သည် စိုက်ဧကပေါင်း (၆၅၅.၉၄)ဧကစိုက်ပျိုးလုပ်ကိုင်လျက်ရှိကြောင်း သိရှိရပြီး ဒေသမျိုးများဖြစ်သော မြောက်ကျွန်းသူ (၁)၊ အစေ့မဲ့မျိုးများ၊ အမရာမျိုးနှင့် အခြားမျိုးများစွာစိုက်ပျိုးထားရှိပြီး နိုင်ငံခြားမျိုးများဖြစ်သော ပီတာဆန် (Petrsan)၊ Russei 034/024၊ဘာကေးနီးယား Buccaneer၊ ဘွတ်-7( Boolt-7)၊ ပင်ကာတန်(Pinkertal )၊ ဟက်(Hass)တို့ကို ပြည်ပတင်ပို့နိုင်ရန်အတွက် တိုးချဲ့စိုက်ပျိုးလာကြောင်းတွေ့ရှိရပါသည်။ စိုက်ပျိုးမှုအနေဖြင့် (၁)ဧကလျှင် ထောပတ်အပင်ရေ (၈၀)ပင်စိုက်ပျိုးနိုင်ပြီး စိုက်စနစ်မှာ ပင်ကြား၊ တန်းကြား (၂၅'×၂၅')ပတ်လည်စနစ်ဖြင့် စိုက်ပျိုးကြပါသည်။အစေ့စိုက်ပျိုးပင်နှင့် ကိုင်းကူးပျိုးပင်ဟူ၍ (၂)မျိုးစိုက်ပျိုးကြပါသည်။ အစေ့စိုက်ပျိုးပင်မှာ (၅)နှစ်အကြာမှသာ အသီးစတင်ရရှိပြီး ကိုင်းကူးပျိုးပင်မှာမူ အချိန်(၃)နှစ်အကြာတွင် အသီးစတင်ရရှိပါသည်။ အစေ့ပျိုးပင်တစ်ပင်စျေးနှုန်းအနေဖြင့် (၂၅၀၀)ကျပ်နှင့် ကိုင်းကူးပျိုးပင်တစ်ပင်လျှင် (၃၇၀၀)ကျပ်စျေးနှုန်းတို့ရှိကြောင်း၊ (၁)ဧကကုန်ကျစရိတ်အနေဖြင့် ကျပ်သိန်း(၄၀)ကုန်ကျကြောင်း၊ ထောပတ်သီးထွက်ပေါ်ချိန်မှာ နိုဝင်ဘာလမှဖေဖော်ဝါရီလအတွင်းဖြစ်ပြီး (၁)ဧကလျှင် အလုံးရေ (၅၃၆၀)လုံးစတင်ခူးဆွတ်နိုင်ပြီး နှစ်ကြာလေလေ အသီအထွက်နှုန်းများလေဟု တောင်သူများထံမှသိရှိရကြောင်း၊ ယခင်နှစ် ဒေသသီးစျေးနှုန်းအနေဖြင့် တစ်လုံးလျှင် (၂၀၀-၅၀၀)ကျပ်၊ နိုင်ငံခြားမျိုး ဟက်(Hass) 1Kg လျှင် (၆၀၀၀- ၇၀၀၀)ကျပ်၊ ယခုနှစ် ဒေသသီးစျေးနှုန်းအနေဖြင့် တစ်လုံးလျှင် (၂၅၀-၆၀၀)ကျပ်၊ နိုင်ငံခြားမျိုး ဟက် (Hass) 1Kg လျှင် (၅၀၀၀- ၉၀၀၀)ကျပ်စျေးနှုန်းတို့ဖြင့် ပြည်တွင်းစျေးကွက်တွင် အရောင်းအဝယ်ဖြစ်နေကြောင်းသိရှိရပါသည်။ ပြင်ဦးလွင်မြို့နယ်သို့ လာရောက်သောခရီးသွားဧည့်သည်များကို အဓိကထားရောင်းချပြီး မန္တလေး၊ ရန်ကုန်၊ နေပြည်တော်နှင့် နယ်မြို့များသို့လည်းတင်ပို့လျက်ရှိပြီး ပြည်ပသို့ တင်ပို့ရောင်းချနိုင်ရန်ကြိုးစားလျက်ရှိကြောင်း ထောပတ်အစုအဖွဲ့ထံမှသိရှိရပါသည်။ ပြင်ဦးလွင်မြို့နယ်တွင် ထောပတ်နိုင်ငံခြားမျိုး ဟက် (Hass) တစ်မျိုးသာအသီးထွက်ရှိပြီး ကျန်ထောပတ်မျိုးများမှာမူ စိုက်ပျိုးထားဆဲဖြစ်၍ အသီးထွက်ရှိမှုမရှိသေးကြောင်း ထောပတ်သီးနှံစိုက်ပျိုးထုတ်လုပ်သူများထံမှသိရှိရပါသည်။

DOCA(မန္တလေး)