ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ ရွာသာကုန်း၊ ပေါက်စု၊ ချွန်းစုကျေးရွာရှိ တောင်သူများသည် မြေအောက်ရေကိုအသုံးပြု၍ မေမြို့ပန်းများစိုက်ပျိုးရောင်းချလျက်ရှိရာ ယခုနှစ်တွင် အပင်များအောင်မြင်ဖြစ်ထွန်းပြီး နုတ်ယူရောင်းချချိန်၌ ဈေးကောင်းရရှိ၍ အဆင်ပြေလျက်ရှိကြောင်းသိရှိရပါသည်။

   မေမြို့ပန်းအမျိုးမျိုးရှိရာ အက်စတာ၊ ကြက်လည်ဆံ၊ ရိုးစိမ်းကျောက်နီ၊ ခိုပြာမျိုးများကို ပိုမိုအားထားစိုက်ပျိုးကြကြောင်း၊ စိုက်ပျိုးရာတွင် ယခင်နှစ်ကချန်ထားခဲ့သော မျိုးစေ့များကို ပျိုးထောင်စိုက်ပျိုးကြောင်း၊ တန်ဆောင်မုန်းလတွင် စတင်စိုက်ပျိုးကြပြီး အပင်သက်တမ်း(၃)လခန့်ရှိလျှင် ဈေးကွက်တွင် ရောင်းချနိုင်ကြောင်း၊ ဆောင်းရာသီတွင်စိုက်ပျိုးလျှင် အပင်များပိုမိုအောင်မြင်ဖြစ် ဩထွန်းပါဩဩကြောင်း၊ အပင်ကို ပေါင်ဖော်၍စိုက်ပျိုးရပြီး ရေဝပ်ခြင်းကိုမကြိုက်ကြောင်း၊ မြေတောင်မြှောက်ခြင်း၊ ပေါင်းထိုးခြင်း၊ ခေါင်နှိမ်ခြင်းများလည်းပြုလုပ်ပေးရကြောင်း၊ တစ်ပတ်လျှင်တစ်ကြိမ် မြေဩဇာကျွေးခြင်း၊ ပိုးသတ်ဆေးဖြန်းခြင်းပြုလုပ်ပေးရကြောင်း၊ သို့မှသာ အပင်ပိုးမကျဘဲ ရောင်းပန်းလှကြောင်း၊ ဈေးကွက်အနေဖြင့် စလင်း၊ ဆင်ဖြူကျွန်း၊ မင်းဘူး၊ စကု၊ ချောက်၊ မကွေးမြို့များသို့ တင်ပို့ရောင်းချကြောင်း၊ ဘုရားပန်းလှူခြင်း၊ အလှူ၊ မင်္ဂလာဆောင်၊ ဧည့်ခံပွဲများတွင် အသုံးများလေ့ရှိကြပြီး  ယခု၂၀၂၄ခုနှစ်၊ ဖေဖော်ဝါရီလ(ဒုတိယပတ်)တွင် မေမြို့ပန်းတစ်ပင်လျှင် ကျပ်(၁၀၀)ခန့်ထိဈေးရရှိကာ ဝယ်လိုအားပေါ်မူတည်၍ အပင်ရေများများခူးဆွတ်ရောင်းချရသဖြင့်  မေမြို့ပန်းစိုက်ပျိုးသူတောင်သူများအနေဖြင့် ပုံမှန်ဝင်ငွေရရှိပြီး အဆင်ပြေလျက်ရှိကြောင်း  ရွာသာကုန်းကျေးရွာရှိ မေမြို့ပန်းစိုက်သူတစ်ဦးထံမှသိရှိရပါသည်။

DOCA(မကွေး)

    ၂၁.၂.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

   ၂၀၂၄ ခုနှစ်၊ ပွင့်လင်းရာသီ ဖေဖော်ဝါရီလတွင် ကရင်ပြည်နယ်ဒေသထွက် ဘားအံမြို့ပေါ် ဈေးကြီးများရှိ ခရမ်းချဉ်သီး ဈေးနှုန်းအနည်းငယ်ကျနေကြောင်း သတင်းရရှိသည်။

   ၂၀၂၄ ခုနှစ်၊ ဖေဖော်ဝါရီ ပထမပတ်နှင့်တတိယပတ်အတွင်း ဖြစ်ပေါ်ခဲ့သောခရမ်းချဉ်သီး အလုံးအကြီး/အသေး မူတည်၍ဖြစ်ပေါ်သည့် ဈေးနှုန်းများမှာ ဖေဖော်ဝါရီ ပထမပတ် ဘားအံမြို့ မြို့မဈေးတွင် ခရမ်းချဉ်သီး အလုံးအကြီးဈေးနှုန်း တစ်ပိဿာလျှင် ( ၁၈၀၀ ၊ ၁၆၀၀ ) ကျပ်၊ အလုံးသေးဈေးနှုန်း တစ်ပိဿာ ( ၁၂၀၀ ၊ ၁၀၀၀ ) ကျပ်၊ ဘားအံမြို့ ရေပေါ်ဈေးတွင် ခရမ်းချဉ်သီး  အလုံးအကြီးဈေးနှုန်း တစ်ပိဿာလျှင် ( ၁၇၀၀ ၊ ၁၆၀၀ ) ကျပ်၊ အလုံးသေးဈေးနှုန်း တစ်ပိဿာ      ( ၁၂၀၀ ၊ ၁၀၀၀ ) ကျပ်၊ ဘားအံမြို့ မဲဘောင်ဈေးတွင် ခရမ်းချဉ်သီး အလုံးအကြီးဈေးနှုန်း တစ်ပိဿာလျှင် ( ၂၂၀၀ ၊ ၂၀၀၀ ) ကျပ်၊ အလုံးသေးဈေးနှုန်း တစ်ပိဿာ ( ၁၇၀၀ ၊ ၁၅၀၀ ) ကျပ်တို့ဖြင့် အရောင်းအဝယ်‌ဖြစ်လျက်ရှိကြောင်း သိရပါသည်။

     ယခုတတိယပတ် ဘားအံမြို့ မြို့မဈေးတွင် ခရမ်းချဉ်သီး အလုံးအကြီးဈေးနှုန်း တစ်ပိဿာလျှင် ( ၁၅၀၀ ၊ ၁၂၀၀ ) ကျပ်၊ အလုံးသေးဈေးနှုန်း တစ်ပိဿာ ( ၁၀၀၀ ၊ ၈၀၀ ) ကျပ်၊ ဘားအံမြို့ ရေပေါ်ဈေးတွင် ခရမ်းချဉ်သီး  အလုံးအကြီးဈေးနှုန်း တစ်ပိဿာလျှင် ( ၁၅၀၀ ၊ ၁၂၀၀ ) ကျပ်၊ အလုံးသေးဈေးနှုန်း တစ်ပိဿာ ၈၀၀ ကျပ်၊ ဘားအံမြို့ မဲဘောင်ဈေးတွင် ခရမ်းချဉ်သီး အလုံးအကြီးဈေးနှုန်း တစ်ပိဿာလျှင် (၁၈၀၀ ၊ ၁၆၀၀ ) ကျပ်၊ အလုံးသေးဈေးနှုန်း တစ်ပိဿာ ( ၁၂၀၀ ၊ ၁၀၀၀ ) ကျပ် တို့ဖြင့် အရောင်းဝယ်ဖြစ်လျက်ရှိကြောင်း သိရသည်။  

     ကရင်ပြည်နယ်ဒေသအတွင်း ဖြစ်ပေါ်နေသော ပထမပတ်နှင့်တတိယပတ် ဈေးနှုန်း နှိုင်းယှဉ်ခြင်းအားဖြင့် ကရင်ပြည်နယ်အတွင်း ခရမ်းချဉ်သီးဈေးနှုန်း အနည်းငယ်ကျနေသည်ကို တွေ့ရှိရပြီး ယခုလို ခရမ်းချဉ်သီးဈေးနှုန်းကျရခြင်းမှာ ပွင့်လင်းရာသီဖြစ်၍ စိုက်ပျိုးယာခင်းမှ လှိုင်လှိုင်ထွက်ရှိခြင်းနှင့် ခရမ်းချဉ်သီးများ ဈေးပေါပေါဖြင့် ဝင်ရောက်လာခြင်းတို့ကြောင့်ဖြစ်ကြောင်း သတင်းရရှိပါသည် ။

DOCA(မန္တလေး)

      မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုစုံစိုက်ပျိုးလျက်ရှိပြီး ၄င်းသီးနှံများအနက် ဆီထွက်သီးနှံ တစ်မျိုးဖြစ်သည့် နှမ်းသီးနှံကိုလည်း တစ်နှစ်ပတ်လုံးစိုက်ပျိုးကြပါသည်။ခရိုင်အတွင်း ဆောင်းနှမ်း စိုက်ဧက(၁၀၃၆၂)ဧကစိုက်ပျိုးထားရှိပြီး ကျောက်ဆည်မြို့နယ်တွင် (၄၃၈၉)ဧက၊စဉ့်ကိုင်မြို့နယ် တွင် (၉၆၃)ဧက၊မြစ်သားမြို့နယ်တွင်(၅၀၁၀)ဧက စိုက်ပျိုးနိုင်ခဲ့ပြီး ယခုလက်ရှိ ဆောင်းနှမ်းရိတ် ဧက (၉၆၃)ဧက ရိတ်သိမ်းပြီးစီးပြီဖြစ်ကြောင်း ခရိုင်လယ်ယာမြေ စီမံခန့်ခွဲရေးနှင့် စာရင်းအင်း ဦးစီးဌာန၏စာရင်းများအရ သိရှိရပါသည်။ဆောင်းနှမ်းကို အောက်တိုဘာလနှင့် နိုဝင်ဘာလများ တွင် စတင်စိုက်ပျိုးခဲ့ပြီး ဇန်နဝါရီလကုန် ဖေဖော်ဝါရီလဆန်းမှစတင်၍ ဆောင်းနှမ်းများ စတင်ရိတ် သိမ်းလျက်ရှိပါသည်။ဆောင်းနှမ်းစိုက်ပျိုးမှု (၁)ဧက ကုန်ကျစရိတ်အနေဖြင့် (၂၆၀၀၀၀)ကျပ် ခန့်ကုန်ကျကြောင်း၊ အထွက်နှုန်းအနေဖြင့်(၈-၉)တင်းခန့်ထွက်ရှိကြောင်း ၊ နှမ်းစျေးနှုန်းအနေဖြင့် ယခင်နှစ် နှမ်းဖြူ တစ်တင်းလျှင်(၈၃၀၀၀)ကျပ်၊ နှမ်းညို တစ်တင်းလျှင်(၆၅၀၀၀)ကျပ်၊ နှမ်းနက်ရိုးရိုး တစ်တင်းလျှင် (၆၆၀၀၀) ကျပ်၊ နှမ်းဆီ(၁)ပိဿာလျှင်(၁၂၀၀၀) ကျပ် တို့ဖြင့် ရောင်းဝယ်ခဲ့ပြီး ယခုလက်ရှိ နှမ်းစျေးနှုန်း အနေဖြင့် နှမ်းဖြူတစ်တင်းလျှင်(၁၃၃၀၀၀)ကျပ် ၊ နှမ်းညိုတစ်တင်းလျှင်(၁၀၃၀၀၀)ကျပ် ၊ နှမ်းနက် ရိုးရိုးတစ်တင်းလျှင် (၈၀၀၀၀)ကျပ် ၊ နှမ်းဆီ(၁) ပိဿာလျှင်(၁၃၀၀၀)ကျပ်စျေးတို့ဖြင့် ရောင်းဝယ်လျက်ရှိကြောင်း ဆောင်းနှမ်းထွက်ပေါ် ချိန်တွင် စျေးနှုန်းများကောင်းမွန်သောကြောင့် နှမ်းစိုက်တောင်သူများ အကျိုးအမြတ်အနေဖြင့် စိုက်ပျိုးစရိတ်နှုတ်ပြီးပါက (၈၀၀၀၀၀)ကျပ်ဝန်းကျင်ခန့် အမြတ်ရရှိကြောင်း နှမ်းစိုက်တောင်သူ တစ်ဦး၏ပြောကြားချက်အရ သိရှိရပါသည်။

DOCA(မန္တလေး)

    မန္တ‌လေးတိုင်းဒေသကြီး၊ မြင်းခြံခရိုင်တွင် ၂၀၂၄ ခုနှစ်၊ ဖေဖော်ဝါရီလ တတိယပတ်အတွင်း မိုးကြက်သွန်နီဈေးနှုန်းမှာ အကြီးတစ်ပိဿာလျှင် ၁၇၀၀/-ကျပ်မှ ၂၀၀၀/-ကျပ်၊ အလတ်တစ်ပိဿာလျှင် ၁၄၀၀/-ကျပ်မှ ၁၆၀၀/-ကျပ်၊ အသေး တစ်ပိဿာလျှင် ၇၀၀/-ကျပ်မှ ၁၃၀၀/-ကျပ်ဖြင့် အရောင်းအဝယ်ဖြစ်ခဲ့ပြီး ယခင်တစ်ပတ်ဈေးနှုန်းများအတိုင်း ဈေးနှုန်းအတက်အကျမရှိဘဲ အရောင်းအဝယ်ဖြစ်ခဲ့ကြောင်း သိရှိရပါသည်။ မြင်းခြံခရိုင်အတွင်း ကြက်သွန်နီ စိုက်ပျိုးထွက်ရှိရာကျေးရွာများမှ ပွဲရုံများသို့ တင်ပို့ရောင်ချမှုအနေဖြင့် ယခုတစ်ပတ်တွင် နေ့စဉ်ကုန်ချိန်ပိဿာ ၇၀၀၀၀ ကျော်ဝင်ရောက်ခဲ့ပြီး ယခင်တစ်ပတ်အတွင်းက နေ့စဉ်ကုန်ချိန်ပိဿာ ၇၉၀၀၀ ကျော် ဝင်ရောက်ခဲ့ပါသည်။ ယခုတစ်ပတ် တွင် ယခင်တစ်ပတ်ထက် ကုန်ချိန်ပိဿာ ၉၀၀၀ ကျော် လျော့နည်းခဲ့ခြင်းမှာ မိုးကြက်သွန်နီ စိုက်ပျိုးထွက်ပေါ်ချိန်(ရာသီချိန်)ကုန်ဆုံးတော့မည်ဖြစ်ပြီး မကြာမီနွေကြက်သွန်နီများ ဈေးကွက်အတွင်း ဝင်ရောက်တော့မည်ဖြစ်၍ လျော့နည်းခဲ့ခြင်းဖြစ်ပါသည်။ တင်ပို့မှုအနေဖြင့် ရန်ကုန်မြို့၊ မန္တလေး၊ နေပြည်တော်၊ မော်လမြိုင်မြို့များသို့ နေ့စဉ်တင်ပို့လျက်ရှိပါသည်။ သယ်ယူခနှုန်းထားများအနေဖြင့် မိုးကြက်သွန်နီ တစ်ပိဿာလျှင် မြင်းခြံ-မန္တလေး ၃၅/-ကျပ်၊ မြင်းခြံ-ရန်ကုန် ၁၃၀/-ကျပ်၊ မြင်းခြံ-နေပြည်တော် ၁၀၀/-ကျပ်၊ မြင်းခြံ-မော်လမြိုင် ၁၅၀/-ကျပ်နှုန်းများဖြင့် (၆)ဘီး/(၁၂)ဘီးကားများဖြင့် အသီးသီး တင်ပို့လျက်ရှိကြောင်း သိရှိရပါသည်။

DOCA(မန္တလေး)