သတင်းနှင့် လှုပ်ရှားမှုများ

       (၂၄.၃.၂၀၂၆) ရက်နေ့ နေ့လယ်(၁၄:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများ၊ မြို့နယ်စည်ပင်သာယာအုပ်ချုပ်ရေးမှူးရုံးမှ အကြီးတန်းစာရေး ဦးသိန်းကိုနှင့် စက်မှုဇုန်ကော်မတီရုံးမှ တာဝန်ရှိသူတို့ပူးပေါင်းပါဝင်လျက် စက်မှုဇုန်(၄)၊ ရွှေပြည်သာမြို့နယ် နဂါးပျံလက်ဖက်ခြောက်စက်ရုံသို့ ကွင်းဆင်းစစ်ဆေးခဲ့ကြောင်း သိရသည်။

        ထိုသို့စစ်ဆေးခဲ့ရာတွင် အမှတ်(၂၂/၂၃)၊ မြဝတီမင်းကြီးလမ်း၊ စက်မှုဇုန်(၄)၊ ရွှေပြည်သာမြို့နယ်ရှိ နဂါးပျံလက်ဖက်ခြောက်စက်ရုံသို့ ရောက်ရှိခဲ့ရာ နဂါးပျံလက်ဖက်ခြောက်၊ နှပ်ကော်ဖီ၊ လက်ဖက်ရည်တို့ကို (၃)မျိုးထုတ်လုပ်ပြီး တာဝန်ခံမှ မိမိတို့ထုတ်လုပ်သော ကုန်ပစ္စည်းများသည် အရည်အသွေးပြည့်မီမှုကို အဓိကအလေးထားပါကြောင်း၊ သုံးစွဲသူများ ဘေးအန္တရာယ်မရှိအောင်လဲ အမြဲဂရုစိုက်ပါကြောင်း၊ သတ်မှတ်ချက်များနှင့်အညီ ထုတ်လုပ်ဖြန့်ချီလျက်ရှိပြီး သက်ဆိုင်ရာဌာနများ၏ ထောက်ခံချက်များကိုလည်း ပြုလုပ်ထားပါကြောင်း ညွှန်ကြားချက်များနှင့်အညီ လိုက်နာဆောင်ရွက်ထားပါကြောင်း၊ မိမိတို့ဌာနမှလည်း ထောက်ခံချက်မရှိသော သက်တမ်းလွန်နေသော ကုန်ပစ္စည်းများအား ရောင်းချခြင်းမပြုရန် ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

       (၂၄.၃.၂၀၂၆) ရက်နေ့ နေ့လယ် (၁၃:၃၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးအရာရှိပါ (၃)ဦးတို့သည် အမှတ်(၄၀/၄၂)၊ မင်းသိဒ္ဓိကျောစွာလမ်း၊ ဇုန်(၂)၊ ရွှေပြည်သာမြို့နယ်ရှိ Knorr ကြက်သားမှုန့်စက်ရုံသို့ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ အသိပညာပေးဟောပြောဆွေးနွေးပွဲ ကျင်းပခဲ့ကြောင်း သိရသည်။

        ထိုသို့ဟောပြောဆွေးနွေးခဲ့ရာတွင် မြို့နယ်စည်ပင်သာယာအုပ်ချုပ်ရေးမှူးရုံးမှ ဦးသိန်းကို၊ အကြီးတန်းစာရေး၊ Knorr ကြက်သားမှုန့်လုပ်ငန်းမှ တာဝန်ခံ ဒေါ်ဇင်နှောင်းအေးပါ ဝန်ထမ်း(၆)ဦးတို့ တက်ရောက်ခဲ့ပြီး စားသုံးသူရေးရာဦးစီးဌာနမှ ဒေါ်နီလာဝင်း၊ ဦးစီးအရာရှိက စားသုံးသူရေးရာဦးစီးဌာန၏ ဆောင်ပုဒ်၊ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေပါ အခန်း(၁၈) တွင် ဖော်ပြထားသော ကုန်အညွှန်းအမှတ်အသား ဖော်ပြခြင်းဆိုင်ရာအချက်များ ပုဒ်မ(၆၇)အရ ကုန်စည်(သို့မဟုတ်)ဝန်ဆောင်မှုကို ထုတ်လုပ်ခြင်း၊ ကုန်သွယ်ခြင်း(သို့မဟုတ်)ရောင်းချခြင်းမပြု လုပ်ရမည့်အချက်များ၊ ပုဒ်မ(၄၃)ပါ ပြဌာန်းချက်များနှင့် ကိုက်ညီမှုမရှိသော ကုန်စည်များကို ရောင်းချခြင်းမပြုရန်နှင့် ပုဒ်မ(၇၃)အရ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထောင်ဒဏ်၊ ငွေဒဏ်များချမှတ်နိုင်ကြောင်း အသိပညာပေးဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

                      ရှမ်းပြည်နယ် စားသုံးသူရေးရာကော်မတီ (၂/၂၀၂၆)အစည်းအဝေးကို ၂၀၂၆ခုနှစ်၊ မတ်လ (၂၄)ရက်နေ့၊ နေ့လယ်(၁၃:၀၀)နာရီအချိန်တွင် စားသုံးသူရေးရာဦးစီးဌာန၊ ရှမ်းပြည်နယ် ဦးစီးမှူးရုံး အစည်းအဝေးခန်းမတွင် ကျင်းပပြုလုပ်ခဲ့ပါသည်။

             အစည်းအဝေးတွင် ရှမ်းပြည်နယ်စားသုံးသူရေးရာကော်မတီ ဥက္ကဋ္ဌ၊ ရှမ်းပြည်နယ်အစိုးရ အဖွဲ့၊ ပြည်နယ်စီးပွားရေးရာဝန်ကြီး ဦးခွန်သိန်းမောင်က အဖွင့်အမှာစကားပြောကြားရာ ရှမ်းပြည်နယ်အတွင်းရှိ ပြည်သူများ၏ စားသုံးသူအခွင့်အရေးများ ချိုးဖောက်ခံရမှုမရှိစေရေးအတွက် စားသုံးသူရေးရာဦးစီးဌာနအနေနဲ့ ပြည်နယ်စားသုံးသူရေးရာ ကော်မတီရဲ့ကြီးကြပ်မှုနဲ့အညီ စားသုံးသူ ကာကွယ်ရေးလုပ်ငန်းများဖြစ်သည့် စားသုံးသူအသိပညာပေးခြင်း၊ ဈေးကွက်စောင့်ကြည့်စစ်ဆေး ခြင်း၊ လုပ်ငန်းရှင်များအား အသိပညာပေးဆောင်ရွက်မှုများအပြင် မြန်မာစာကုန်အညွှန်းအမှတ်အသား ဖော်ပြခြင်းနှင့် စပ်လျဉ်းသော အချက်အလက်များစိစစ်စစ်ဆေးမှုဆောင်ရွက်ခြင်း ၊ထုတ်ကုန်လုံခြုံ စိတ် ချရမှုရှိစေရေးအတွက် ဈေးကွက်မရောက်မီကြိုတင်စစ်ဆေးခြင်း၊ စားသုံးသူအငြင်းပွားမှု ဆိုင်ရာကိစ္စ ရပ်များနှင့်ပတ်သက်သော တိုင်ကြားမှုများအပေါ် ဖြေရှင်းဆောင်ရွက်ခြင်း စသည်တို့ကို ဆောင်ရွက် လျက်ရှိသည့်အပြင် လုပ်ငန်းတာဝန်များကိုလည်း ညွှန်ကြားသတ်မှတ်ပေးပြီးဖြစ်ရာ လိုက်နာ ဆောင်ရွက်သွားကြရန်၊  ခရိုင်စားသုံးသူရေးရာကော်မတီ၏လုပ်ငန်းညှိနှိုင်းအစည်းအဝေးများကိုလည်း သတ်မှတ်ချက်များအတိုင်း ကျင်းပဆောင်ရွက်သွားပြီး မိမိခရိုင်အတွင်း စားသုံးသူကာကွယ်ရေးလုပ်ငန်းများကို အရှိန်အဟုန်မပျက်ဆောင်ရွက်ကြဖို့ အထူးမှာကြားလိုကြောင်း ပြောကြားခဲ့ပါသည်။

                    ဆက်လက်၍ ပြည်နယ်စားသုံးသူရေးရာကော်မတီအတွင်းရေးမှူး ဦးရွှေဖြူက(၂/၂၀၂၆)၏ အမှာစာများအား ဖတ်ကြားရှင်းလင်းခဲ့ပြီး ဖတ်ကြားရှင်းလင်းခဲ့မှုအပေါ် တက်ရောက်လာကြတဲ့ ကော်မတီအဖွဲ့ဝင်များက အမှာစာများအား အတည်ပြုမှတ်တမ်းတင်ခြင်း၊ ရှေ့လုပ်ငန်းစဉ်များကို ဝိုင်းဝန်းဆွေးနွေးအကြံပြုခဲ့ကြကြောင်း သတင်းရရှိပါသည်။ အစည်းအဝေးသို့ ရှမ်းပြည်နယ် စားသုံးသူရေးရာကော်မတီအဖွဲ့ဝင်များ၊ ခရိုင်စားသုံးသူရေးရာကော်မတီအဖွဲ့ဝင်များ Imperson ဖြင့် (၁၇)ဦး၊ Virtual ဖြင့် (၁၆) ဦး တက်ရောက်ခဲ့ကြပြီး အစည်းအဝေးကို (၁၄း၀၅) အချိန်တွင် ရုတ်သိမ်းခဲ့ကြောင်း သတင်းရရှိပါသည်။  

DOCA(ရှမ်း)

     စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးနေဝေယံဦး (လ/ထညွှန်ကြားရေးမှူး)နှင့် အဖွဲ့သည် အွန်လိုင်းစနစ်ဖြင့်ရောင်းချခြင်းလုပ်ငန်းများ အွန်လိုင်းမှတ်ပုံတင်ရာတွင် ဖော်ပြထားသည့်အချက်များ ကိုက်ညီမှု ရှိ/မရှိ၊ လုပ်ငန်း လိပ်စာမှန်ကန်မှု ရှိ/မရှိတို့ကို (၂၃.၃.၂၀၂၆) ရက်နေ့၊ နံနက်(၁၁:၄၅) နာရီအချိန်တွင် နယ်မြေ (၁၁)၊ အောင်ဇမ္ဗူရပ်ကွက်၊ ဇမ္ဗူသီရိ မြို့နယ်ရှိ “Happy Animal Pet Clinc, Food and Accessories Shop ” တိရိစ္ဆာန်နှင့် တိရိစ္ဆာန်မွေးမြူရေးလုပ်ငန်းသုံးပစ္စည်းများ ရောင်းချသည့်ဆိုင်သို့ သွားရောက်စစ်ဆေးခဲ့ကြောင်း သိရှိရပါသည်။

          ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို လိုအပ်သည်များ      မေးမြန်းခြင်း၊ မြေပြင်ကွင်းဆင်းစစ်ဆေးရမည့်အချက်(၁၈)ချက်နှင့် ကိုက်ညီမှု ရှိ/မရှိ စစ်ဆေးခြင်း၊ စီးပွားရေးလုပ်ငန်းရှင်များ လိုက်နာရမည့် တာဝန်ဝတ္တရားများနှင့် စားသုံးသူကာကွယ်ရေးဥပဒေပါ အခန်း(၁၇)ရှိ ကုန်စည်(သို့မဟုတ်) ဝန်ဆောင်မှုအပေါ်တာဝန်ရှိမှုနှင့် ပတ်သက်၍လည်းကောင်း တရားမဝင်ကုန်ပစ္စည်းများ ရောင်းချမှုမရှိစေရေး အသိပညာပေးဟောပြောခဲ့‌ကြောင်း သိရှိရပါသည်။

DOCA(ပြည်ထောင်စုနယ်မြေ)

         ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် အမှတ် (၉၈/B)၊ အောင်ချမ်းသာအိမ်ရာရှိ ကွတ်ကီးနှင့် ကိတ်ခြောက်များ ထုတ်လုပ်ဖြန့်ဖြူးရောင်းချလျက်ရှိသည့် လုပ်ငန်းအား ကုန်စည်များတွင် ကုန်အညွှန်းအမှတ်အသားများတွင် မြန်မာဘာသာဖြင့် ပြည့်စုံစွာဖော်ပြထားခြင်းရှိ/ မရှိအား စားသုံးသူရေးရာဦးစီးဌာန၊ တောင်ပိုင်းခရိုင်ဦးစီးမှူးရုံးမှ ဒု-ခရိုင်မှူး ဦးဦးသိန်းမောင်နှင့် ဝန်ထမ်းများသည် မတ်လ(၂၀)ရက်နေ့၊ နေ့လယ် (၁၄:၀၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရှိရသည်။

       မြေပြင်ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ တောင်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူးနှင့်ဝန်ထမ်းများသည် ကိတ်ခြောက်နှင့် ကွတ်ကီးများ ထုတ်လုပ်ဖြန့်ဖြူးရောင်းချသည့် စားသောက်ကုန်လုပ်ငန်းအား ၎င်းထုတ်ကုန်ဖြန့်ဖြူးရောင်းချလျက်ရှိသည့် ကုန်စည်များအပေါ်တွင် ကုန်အညွှန်းအမှတ်အသားများအား မြန်မာဘာသာဖြင့် ပြည့်စုံစွာဖော်ပြထားခြင်းရှိ/ မရှိ မြေပြင်ကွင်းဆင်းစစ်ဆေးခဲ့ပါသည်။ ကုန်အညွှန်းအမှတ်အသားဖော်ပြရာတွင်လည်း ကုန်စည်အုပ်စုအမျိုးအစားအလိုက် မြန်မာနိုင်ငံစားသုံးသူကာကွယ်ရေး ကော်မရှင်၏ ညွှန်ကြားချက် အမှတ်(၂/၂၀၁၉)ပါအတိုင်း မဖြစ်မနေဖော်ပြရမည့် အချက်အလက်များအား မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့မဟုတ်) တစ်ခုထက်ပို၍တွဲလျက်ဖြစ်စေရေး သားဖော်ပြပြီးမှသာ ဈေးကွက်အတွင်း ဖြန့်ဖြူးရောင်းချခြင်းပြုလုပ်ရန်၊ လိုက်နာဆောင်ရွက်ခြင်းမရှိပါက စားသုံးသူကာကွယ်ရေးဥပဒေအရ အရေးယူခြင်းခံရမည်ဖြစ်ကြောင်းနှင့် စီးပွားရေးလုပ်ငန်းရှင်များ လိုက်နာဆောင်ရွက်ရမည့် အချက်အလက်များအား အသိပညာပေး ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ရန်ကုန်)