သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊  မြင်းခြံခရိုင်ဦးစီးမှူးရုံးအနေဖြင့် မြင်းခြံခရိုင်နှင့်ညောင်ဦးခရိုင် အတွင်းရှိ MSME လုပ်ငန်းများ ဖွံ့ဖြိုးတိုးတက်ရေး၊ ထုတ်ကုန်များလုံခြုံစိတ်ချရမှုရှိစေရေးနှင့် ဥပဒေ များနှင့်အညီ ထုတ်လုပ်နိုင်စေရေး အတွက်ဈေးကွက်စောင့်ကြည့် စစ်ဆေးခြင်းများကို စဉ်ဆက် မပြတ်ဆောင်ရွက်ရှိရာ (၁၁.၂.၂၀၂၆)  ရက်နေ့၊ နံနက်(၀၉:၀၀)နာရီအချိန်တွင် မြင်းခြံခရိုင်ဦးစီးမှူး ဦးသန်းစိုးနှင့် ညောင်ဦးခရိုင်တာဝန်ခံနှင့်ဝန်ထမ်းများသည် ညောင်ဦးမြို့၊ သီရိမင်္ဂလာ၊ ငှက်ပစ်တောင် ရပ်၊ အောင်မြေသာရပ်ကွက်ရှိ ပဲကြော်လုပ်ငန်း၊ ကိတ်မုန့်လုပ်ငန်းခွင်များသို့ကွင်းဆင်း၍ ဈေးကွက် စောင့်ကြည့်စစ်ဆေးခဲ့ပါသည်။

           ဒေသတွင်း MSME လုပ်ငန်းများဖွံဖြိုးတိုးတက်ရေးကို အားပေးဆောင်ရွက်လျက်ရှိပြီး လုပ်ငန်း သုံးစားအုန်းဆီများကိုလည်း လုပ်ငန်းခွင်များတွင် မှန်ကန်စွာ သုံးစွဲမှုရှိစေရန်၊ ထုတ်လုပ်သုံးစွဲသည့့်် ကုန်ကြမ်းပစ္စည်းများ အရည်အသွေးကောင်းမွန်မှုရှိရန်၊ မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့်ညီညွတ်စေရေး အထူးအလေးထား လုပ်ဆောင် ကြရန်၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများအား ပြည့်စုံမှန်ကန်မှုရှိရန်၊ စားသုံးသူများဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာန များ၏ ပြဌာန်းချက်များကိုလည်း လိုက်နာဆောင်ရွက်ရန်တို့အတွက် ဈေးကွက်မရောက်မီ ကုန်စည် များအား လုပ်ငန်းခွင်များသို့ ကွင်းဆင်းစစ်ဆေးမှုများဆောင်ရွက်ခဲ့ပြီး ဆက်လက်၍လည်း ဒေသ အတွင်းရှိ MSME လုပ်ငန်းခွင်များသို့ စဉ်ဆက်မပြတ် ကွင်းဆင်းစိစစ်မှုများ ဆောင်ရွက်သွားမည် ဖြစ်ကြောင်းနှင့် ယခုလို ဈေးကွက်မရောက်မီကုန်စည်များကို စဉ်ဆက်မပြတ်ဈေးကွက်စောင့်ကြည့် စစ်ဆေးဖြင့်ဖြင့် လုပ်ငန်းရှင်များဘက်မှလည်း မှန်ကန်သည့်နည်းလမ်းများ၊ ဥပဒေများနှင့်အညီ အချိန်မီပြင်ဆင်ထုတ်လုပ်လာစေနိုင်ပြီး ဈေးကွက်အတွင်း၌လည်း လုံခြုံစိတ်ချရသော ကုန်စည်များ ကိုသာ စားသုံးသူများအနေဖြင့် ဝယ်ယူသုံးစွဲနိုင်မည်ဖြစ်ပါသည်။  

DOCA(မန္တလေး)

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဦးကျော်ဇင်ထွေး( ဒု-ဦးစီးမှူး )ဦးဆောင်၍ ၂၀၂၆ ခုနှစ်၊  ဖေဖော်ဝါရီလ( ၂၀ ) ရက်နေ့ နံနက်( ၁၀:၃၀ )နာရီအချိန်တွင်လွိုင်ကော်မြို့ပေါ်ရှိ အိမ်သုံး ဆေးဝါးများရောင်းချနေသော ဆေးအရောင်းဆိုင်များ၌ မြန်မာနိုင်ငံစားသုံးသူကာကွယ်ရေးကော်မရှင်၏   ( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှု ရှိ/မရှိ မိတ်ဖက်ဌာနဖြစ်သော အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စီမံခန့်ခွဲရေး နှင့်အုပ်ချုပ်ရေးကော်မတီတို့နှင့် ပူးပေါင်း၍ ဈေးကွက်စောင့်ကြည့်စစ်ဆေးဆောင်ရွက်ခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် လွိုင်ကော်မြို့ပေါ်ရှိ ဆေးအရောင်းဆိုင်များတွင် မြန်မာ နိုင်ငံစားသုံးသူကာကွယ်ရေးကော်မရှင်၏( ၂/၂၀၁၉ )ပါ ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိသော အိမ်သုံးဆေးဝါးများကိုသာ တင်သွင်းဖြန့်ဖြူးရောင်းချနေသည်ကို စစ်ဆေးတွေ့ရှိရပြီး ဆေးဆိုင်ပိုင်ရှင်များအနေဖြင့် ကုန်အညွှန်းအမှတ်အသားသတ်မှတ်ချက်များနှင့် ကိုက်ညီမှုရှိသည့် ဆေးဝါး များသာ တင်သွင်းရောင်းချကြရန်၊ ဈေးနှုန်းမြှင့်တင်ရောင်းချခြင်းမပြုရန်၊ သက်ဆိုင်ရာဌာနများ၏ ခွင့်ပြု ချက်လိုင်စင်သက်တမ်းတိုးဆောင်ရွက်သွားရန်၊  စီးပွားရေးလုပ်ကိုင်ရာတွင် စီးပွားရေးကျင့်ဝတ်၊ စည်းကမ်း များနှင့်အညီ ဖြောင့်မတ်မှန်ကန်စွာဆောင်ရွက်ကြရန်နှင့် တရားမဝင်ကုန်စည်များရောင်းချခြင်း၏ ဆိုးကျိုး များအားအသိပညာပေး ဈေးကွက်စောင့်ကြည့်စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ပခုက္ကူခရိုင်ဦးစီးမှူး၏ကြီးကြပ်မှုဖြင့် ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့်ဝန်ထမ်းများ သည် အရေးကြီးကုန်စည်နှင့်ဝန်ဆောင်မှုဥပဒေအရ အွန်လိုင်းစနစ်ဖြင့်ရောင်းချခြင်းလုပ်ငန်းများ ဆောင်ရွက်သည့် လုပ်ငန်းရှင်များအနေဖြင့် မှတ်ပုံတင်လျှောက်ထားရန်အတွက် လျှောက်ထားရန် အခြေခံလိုအပ်ချက်များ အပါအဝင် အခြားသိကောင်းစရာများအား သိရှိစေရန်ရည်ရွယ်၍ (၁၈.၂.၂၀၂၆) ရက်နေ့၊ နံနက်(၀၉:၃၀) အချိန် တွင် ပခုက္ကူမြို့ပေါ်ရှိ အဝတ်အထည်များရောင်းချ သည့် လုပ်ငန်းရှင်များထံသို့ သွားရောက်၍ ကွင်းဆင်းအသိပညာပေးခဲ့ပါသည်။

          ထိုသို့အသိပညာပေးရာတွင် ဒု-ခရိုင်ဦးစီးမှူးက အွန်လိုင်းဖြင့်ရောင်းချနေသည့် လုပ်ငန်း ရှင်များ အနေဖြင့် အွန်လိုင်းမှတ်ပုံတင်ထားရန် လိုအပ်ကြောင်း၊ အွန်လိုင်းမှတ်ပုံတင် ထားခြင်း မရှိလျှင် အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ် ကြောင်း၊ ထိုသို့ အွန်လိုင်း မှတ်ပုံတင်ထားခြင်းဖြင့် အွန်လိုင်းရောင်းချနေသော လုပ်ငန်းများမှ အဝတ်အထည်၊ အစားအသောက်၊ အလှကုန်ပစ္စည်းများစသည့် ကုန်စည်အမျိုးမျိုးကိုစားသုံးသူများ အနေဖြင့် ဝယ်ယူ သုံးစွဲရာတွင် ဘေးအန္တရာယ် ကင်းရှင်းပြီး၊ အာမခံချက်များရရှိမည်ဖြစ်ကြောင်း၊ ထို့ကြောင့် လုပ်ငန်း ရှင်များအား မိမိတို့ရောင်းချသည့် ကုန်စည်အမျိုးမျိုးအား ရောင်းချနေမှု အပေါ်မှတ်ပုံတင်လျှောက် ထားရန်အတွက် လျှောက်ထားရန် အခြေခံလို အပ်ချက်များအပါအဝင် အစားအသောက်များနှင့် စပ်လျဉ်း၍ရောင်းချပါကလည်း စားသုံးသူကာကွယ်ရေး ဥပဒေပါ ကုန်အညွှန်းအမှတ်အသား ဖော်ပြ ချက်များပြည့်စုံစွာထည့်ထားရန် လိုအပ်ကြောင်း၊ အခြားသိကောင်းစရာများနှင့် လိုအပ်သည်များ ကိုလည်း အကြံပြုဆွေးနွေးခဲ့ကြောင်း သိရှိရပါသည်။

DOCA(မကွေး)

    မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် စားသုံးသူရေးရာဦးစီးဌာနအနေဖြင့် စားသုံးသူကာကွယ်‌ရေးလုပ်ငန်းများကို အရှိန်အဟုန်မြှင့်တင်ဆောင်ရွက်လျက်ရှိရာ ကလေးငယ်များ၏ ဘေးအန္တရာယ်ကင်းရှင်းရေးနှင့် ကျန်းမာရေးအတွက် အရေးပါသော ကလေးအာဟာရဖြည့်စွက် စာနှင့် ကလေးအသုံးအဆောင်ပစ္စည်းများနှင့် ပတ်သက်၍ စျေးကွက်စောင့်ကြည့်စစ်ဆေးခြင်း လုပ်ငန်းများကို ချောက်မြို့နယ် အတွင်းရှိ ကုန်စုံဆိုင်များနှင့် စတိုးဆိုင်များတွင် ဆောင်ရွက်လျက် ရှိကြောင်း သိရသည်။

        စားသုံးသူရေးရာဦးစီးဌာန၊ ချောက်မြို့နယ်တာဝန်ခံ ဒေါ်မြတ်မြတ်မိုးသည် သက်ဆိုင်ရာဌာန ဆိုင်ရာအဖွဲ့အစည်းများနှင့် ပူးပေါင်း၍ စျေးကွက်အတွင်းရောင်းချနေသော ကလေးအာဟာရဖြည့် စွက်စာ၊ ကလေးအသုံးအဆောင်ပစ္စည်းများ၊ ကစားစရာများနှင့် အခြားပစ္စည်းအမျိုးမျိုးတို့ကို (၁၉.၂.၂၀၂၆)ရက် နေ့၊ နံနက် (၁၀:၀၀)အချိန်တွင် ကွင်းဆင်းစစ်ဆေးခဲ့ပါသည်။

        ထိုသို့ ကွင်းဆင်းစစ်ဆေးရာတွင် စားသုံးသူကာကွယ်ရေး ဥပဒေ(၂၀၁၉)နှင့် မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၂၉)တို့နှင့်အညီ ကုန်စည်၏ အမျိုးအမည်၊ အရွယ်အစား၊ အရေအတွက်၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ထုတ်လုပ်သည့် ရက်စွဲနှင့် သက်တမ်းကုန်ဆုံးသည့်ရက်စွဲအပါအဝင် လိုအပ်သော အချက်အလက်များကို မြန်မာ ဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတွဲလျှက်ဖြစ်စေ ပြည့်စုံစွာဖော်ပြထားခြင်း ရှိ/ မရှိကို အသေးစိတ်စစ်ဆေးခဲ့ပါသည်။ ဆက်လက်၍ စားသုံးသူများ ဘေးအန္တရာယ်ကင်းရှင်း စေရေးအတွက် အန္တရာယ် ဖြစ်စေနိုင်သော ဓါတုပစ္စည်းများပါဝင်မှု ရှိ/မရှိ ကြီးကြပ်စစ်ဆေးခဲ့သည်။ ကွင်းဆင်းစစ်ဆေးမှုများ ပြုလုပ်ရာတွင် လုပ်ငန်းရှင်များအား စားသုံးသူ ကာကွယ်ရေး ဥပဒေပါ ပြဌာန်းချက်များ၊ အထူးသဖြင့် ကုန်အညွှန်းအမှတ်အသားပြည့်စုံစွာ ဖော်ပြရန် လိုအပ်ချက်များနှင့် စီးပွားရေးလုပ်ငန်းရှင်၏ တာဝန်များအကြောင်းကို ရှင်းလင်းဆွေးနွေးခဲ့သည်။ စည်းကမ်းနှင့် ကိုက်ညီသော ကုန်ပစ္စည်းများကို ရောင်းချဖြန့်ဖြန့်ဖြူးခြင်းမပြုရန်နှင့် စားသုံးသူများ ဘေးအန္တရာယ် ကင်းရှင်းရေးကို အလေးထားဆောင်ရွက်ရန် တိုက်တွန်းခဲ့ကြောင်း သိရပါသည်။

DOCA(မကွေး)

           စားသုံးသူရေးရာဦးစီးဌာနသည် စားသုံးသူပြည်သူများ ဘေးအန္တရာယ်ကင်းရှင်းစေရေး ထုတ်ကုန်များလုံခြုံစိတ်ချရမှုရှိစေရေးအတွက် ဈေးကွက်မရောက်မီကုန်စည်များနှင့် ဈေးကွက်ရောက်ပြီးကုန်စည်များအား သက်ဆိုင်ရာဌာနများနှင့် ပူးပေါင်း၍ စဉ်ဆက်မပြတ် ဈေးကွက်စောင့် ကြည့်စစ်ဆေးလျက်ရှိရာ ရန်ကုန်တိုင်းဒေကြီး၊ သန်လျင်ခရိုင်၊ ခရမ်းမြို့နယ် စည်ပင်သာယာမြို့မ ဈေးအတွင်းရှိ သွားတိုက်ဆေးအမျိုးမျိုးရောင်းချသောဆိုင်များအား ဖေဖော်ဝါရီလ(၄)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာန ခရမ်းမြို့နယ်တာဝန်ခံ ဒေါ်ကျော့ကေခိုင်နှင့် ဝန်ထမ်းသည် မြို့နယ်စည်ပင်သာယာရေးအဖွဲ့ ဈေးတာဝန်ခံတို့နှင့် ပူးပေါင်း၍ ဈေးကွက်စောင့်ကြည့်စစ်ဆေးခဲ့ကြကြောင်း သိရှိရပါသည်။

           ထိုသို့ ဈေးကွက်စောင့်ကြည့်စစ်ဆေးရာတွင် မြို့မဈေးအတွင်းရောင်းချနေသော သွားတိုက်ဆေးအမျိုးမျိုးတို့တွင် မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ခဲ့သော ညွှန်ကြားချက်အမှတ်(၂/၂၀၁၉)ပါ မြန်မာဘာသာဖြင့် ထည့်သွင်းဖော်ပြရမည့် ကုန်စည်၏ အမျိုးအမည်၊ အရွယ်အစား၊ အသားတင်ပမာဏ၊ ဓာတ်မတည့်ကြောင်း ဖော်ပြချက်များနှင့် ထည့်သွင်းဖော်ပြထားခြင်းရှိ /မရှိနှင့် သက်တမ်းလွန်ကုန်စည်များ ရောင်းချမှုမရှိစေရေးတို့ကို ပူးပေါင်းအဖွဲ့ဖြင့် စစ်ဆေးခဲ့ကြပြီး ရောင်းချသော ဈေးဆိုင်ပိုင်ရှင်များအားလည်း စစ်ဆေးခဲ့သော အချက်များနှင့် ကိုက်ညီမှုရှိသော ကုန်စည်များကိုသာရောင်းချကြရန် အသိပညာပေးခဲ့ကြောင်း သိရှိရပါသည်။

DOCA(ရန်ကုန်)