သတင်းနှင့် လှုပ်ရှားမှုများ

        ၂.၉.၂၀၂၅ ရက်နေ့ နံနက် (၁၀:၀၀) နာရီ အချိန် က စားသုံးသူရေးရာဦးစီးဌာန၊ ပန်းတနော်မြို့နယ်တာဝန်ခံရုံးမှ တာဝန်ရှိသူများက မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် ဖွင့်လှစ်သင်ကြားနေသော အခြေခံပညာ ကွန်ပျူတာ သင်တန်းသူ/သား(၁၇)ဦးအား  စားသုံးသူအသိပညာပေးဟောပြောမှု ပြုလုပ်ခဲ့သည်။

          ဟောပြောရာတွင် ပန်းတနော်မြို့နယ်တာဝန်ခံ ဦးအောင်ကျော်သက်က စားသုံးသူကာကွယ်ရေးလုပ်ငန်းစဉ် အကြောင်း ကို သင်းတန်းသူ/သားများ သိရှိနိုင်ရန် အကျယ်တဝင့်ဆွေးနွေးပြီး စားသုံးသူ၏အဓိပ္ပာယ်၊ စီးပွားရေးလုပ်ငန်း ရှင်အဓိပ္ပာယ်၊ ကုန်စည်/ဝန်ဆောင်မှု အကြောင်းတို့ကို ရှင်းလင်းဟောပြောခဲ့ပြီး ကုန်စည်/ဝန်ဆောင်မှုနှင့် စပ်လျဉ်း၍ စားသုံးသူတောင်ဆိုနိုင်သည့် အခွင့်အရေးများအကြောင်း ကိုလည်းကောင်း၊ ပြည်သူများအနေဖြင့် စားသုံးသူရေးရာ ဦးစီးဌာနနှင့်ပတ်သက်သော သတင်းအချက်အလက်များကို အလွယ်တကူ မေးမြန်းစုံစမ်းနိုင်ရန်အတွက် စားသုံးသူရေး ရာဦးစီးဌာန တွင် အလွယ်တကူခေါ်ဆို၍ စားသုံးသူကာကွယ်ရေးအကြောင်း သိရှိလိုပါက မေးမြန်းနိုင်သလို ၊ ကုန်စည်နှင့် ဝန်ဆောင်မှုများ ဝယ်ယူသုံးစွဲရာတွင် နစ်နာဆုံးရှုံးမှုကြုံရပါက ဌာနသို့ အလွယ်တကူ ဆက်သွယ် တိုင်ကြားနိုင်ရန်အတွက်လည်းကောင်း၊ လုပ်ငန်းရှင်များအနေဖြင့် မိမိတို့၏ ကုန်စည်/ဝန်ဆောင်မှုများ ထုတ်လုပ်၊ ဖြန့်ဖြူး၊ ရောင်းချရာတွင် ကုန်အညွှန်းအမှတ်အသားအပါအဝင် လိုက်နာဆောင်ရွက်ရမည့်အချက်များကို အလွယ်တကူ စုံစမ်းနိုင်ရန်အတွက်လည်းကောင်း ရည်ရွယ်၍ စားသုံးသူရေးရာဦးစီးဌာနအနေဖြင့် Consumer Call Center ဝန်ဆောင်မှုကို ဆောင်ရွက်ပေးလျက်ရှိရာ Consumer Call Center နံပါတ် ၁၅၃၅ သို့ Telenor ၊ Mytel နှင့် Ooredoo User များအပြင် MPT Sim Card User များလည်း ခေါ်ဆိုနိုင်ပြီဖြစ်ကြောင်း ဟောပြောခဲ့ကြောင်း သိရသည်။

DOCA(ဧရာဝတီ)

      ဧရာဝတီတိုင်းဒေသကြီး၊ မြန်အောင်ခရိုင်၊ ကြံခင်းမြို့နယ်ကုန်ဈေးနှုန်းတည်ငြိမ်ကျဆင်းရေး ကော်မတီ၏ ကြီးကြပ်မှုဖြင့်(၃၀.၈.၂၀၂၅)ရက်နေ့ နံနက်(၀၈:၀၀)အချိန်မှစတင်၍ အခြေခံစားသောက် ကုန် ဆန်၊ဆီနှင့်ကြက်ဥများအား ဈေးနှုန်းသက်သာစွာဖြင့် ပြည်သူများဝယ်ယူအသုံးပြုနိုင်ရေး ရောင်းချ ပေးလျက်ရှိပါသည်။ ဆန်နှင့် စားအုန်း ဆီများရောင်းချပေးရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန မြို့နယ်တာဝန်ခံ ဦးကျော်နိုင်ဝင်းနှင့် မြို့နယ် စားအုန်းဆီလက္ကားကိုယ်စားလှယ်များမှ ပူးပေါင်းဆောင်ရွက်ခဲ့ကြောင်းသိရသည်။

     ထိုသို့ရောင်းချရာတွင် ပြည်သူများအား သက်သာသော ဈေးနှုန်းဖြင့် ဝယ်ယူစားသောက်နိုင်ရန် စားအုန်းဆီ (၅၀ ကျပ်သား)ဘူးခွံအပါ တစ်ဗူးလျှင် ၃၅၀၀/- ကျပ်နှုန်းဖြင့် ပိဿာချိန် (၁၁၀)၊ ကြက်ဥ(၅)လုံးလျှင် (၂၀၀၀/-)ကျပ်ဖြင့် အလုံးရေ (၄၀၀)လုံး၊ ဝက်သားနှင့် အမဲသား(၂၅ ကျပ်သား) လျှင် ၅၀၀၀/- ကျပ်နှုန်းဖြင့် ရောင်းချပေးခဲ့ကြောင်း သိရှိရပါသည်။ ထိုသို့ရောင်းချခြင်း ကို ဌာနဆိုင်ရာများမှ ပူးပေါင်း၍ ပြည်သူများ ဈေးနှုန်းသက်သာစွာ ဝယ်ယူနိုင်ရေး ဆောင်ရွက်ပေးခြင်း ဖြစ်ကြောင်း သတင်းရရှိပါသည်။

(DOCA ဧရာဝတီ)

    စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည်(၂၉.၈.၂၀၂၅)ရက်နေ့ နံနက်(၀၉:၀၀) အချိန်တွင် သက်ဆိုင်ရာဌာနအဖွဲ့နှင့်အတူ ဇလွန်မြို့မဈေးအတွင်းရှိ ခွဲတမ်းရ စားသုံးဆီအရောင်းဆိုင် များအား သတ်မှတ်ရည်ညွှန်းဈေးထက်ဈေးနှုန်း မြှင့်တင်ရောင်းချမှု ရှိ/မရှိ၊ အိမ်ထောင်စုများ ဆီဝယ် ယူခွင့် စာအုပ်များဖြင့် ရောင်းချနေမှုများအား ကွင်းဆင်းစစ်ဆေးခြင်းကို   ဆောင်ရွက်ခဲ့ပါသည်။

    ထိုသို့ကွင်းဆင်းရာတွင် ပူးပေါင်းအဖွဲ့သည် ခွဲတမ်းရ စားသုံးဆီ ကုန်စုံဆိုင်လုပ်ငန်းရှင်များ အနေဖြင့် စားအုန်းဆီရောင်းချရာတွင် ရပ်ကွက်၊ကျေးရွာနေပြည်သူများအား နှံ့နှံ့စပ်စပ် ရောင်းချပေး ရန်၊ ဆီရောင်းချရာတွင်လည်း Daily စာရင်းများပြုစုထားရှိပြီး သတ်မှတ်ရည်ညွှန်းဈေး ထက်မပိုပဲ မှန်မှန်ကန်ကန်ရောင်းချရန်၊ ဆိုင်များတွင် သတ်မှတ်ရည်ညွှန်းဈေးရေးသားထားသည့် ဗွီနိုင်းများကို ချိတ်ဆွဲထား၍ရောင်းချရန် စိစစ်ခဲ့ပြီး၊ စားသုံးဆီလက်လီ/ လက္ကားဖြန့်ဖြူးရောင်းချရာတွင် သတ်မှတ် ရည်ညွှန်းဈေးနှုန်းဖြင့်သာ ရောင်းချလျက်ရှိပြီး၊ အိမ်ထောင်စုများအား ဆီစာအုပ်ဖြင့် ဖြန့်ဝေရောင်းချရာတွင်  တစ်ကြိမ်လျှင် တစ်အိမ်ထောင် (၅၀ ကျပ်သား) ရောင်းချပြီး တစ်လလျှင် (၂)ကြိမ် ရောင်းချ ကြောင်း ၊ဈေးနှုန်းမြှင့်တင်ရောင်းချမှု မရှိကြောင်း စိစစ်တွေ့ရှိရသည်ဟု သိရှိရပါသည်။

(DOCA ဧရာဝတီ)

      ဧရာဝတီတိုင်းဒေသကြီး စားသုံးသူရေးရာဦးစီးဌာန ဒုတိုင်းဦးစီးမှူး ဦးထွန်းထွန်း၊ပုသိမ်ခရိုင်ဦးစီးမှူး ဆီလုပ်ငန်းရှင်အသင်းဥက္ကဌနှင့်အတူ စက်တင်ဘာလ (၂)ရက်နေ့ စားသုံးသူရေးရာဦးစီးဌာန ရုံးချုပ်မှ ညွှန်ကြားရေးမှူးချုပ်ဦးဆောင်၍ မြန်မာနိုင်ငံဆီလုပ်ငန်းရှင်များအသင်း  တိုင်း/ပြည်နယ်ဦးစီးမှူးများနှင့် ပြုလုပ်သည့် စားသုံးဆီစနစ်တကျဖြန့်ဖြူးခြင်းရောင်းချရေး လုပ်ငန်းညှိနှိုင်းအစည်းအဝေးတက်ရောက်ခဲ့ပါသည်။

      စားအုန်းဆီရောင်းချမှုနှင့်ပတ်သက်၍ သတ်မှတ်ရည်ညွှန်းဈေးဖြင့် ရောင်းချရန်နှင့် ဈေးပိုမို ရောင်းချခြင်းမပြုလုပ်ရန် အလေးချိန်အတွက် မှန်ကန်စွာပြည်သူ့လက်ဝယ်ရောင်းချမှတ်တမ်း(၆)မျိုးထားရှိရန် လက်လီ/လက်ကားဈေးနှုန်းမှန်၊နေရာမှန်၊အချိန်မှန်၊ဈေးနှုန်းမှန်၊အရေအတွက်မှန်၊အချိန်အတွက်နှင့် အရည်အသွေးမှန်ကန်စေရေးနှင့် လုပ်ငန်းရှင်များမှလည်း မျှတစွာဆောင်ရွက်သွားရန် အသေးစိတ်ဆွေးနွေးပြောကြားခဲ့ပါသည်။

(DOCA ဧရာဝတီ)

       စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဒေါ်သစ္စာဖူး(ဦးစီးအရာရှိ)နှင့် ဝန်ထမ်း (၃)ဦး သည် ၂၀၂၅ ခုနှစ်၊ ဩဂုတ်လ( ၂၉ )ရက် နေ့ နေ့လယ်( ၁၄:၀၀)နာရီအချိန်တွင် လွိုင်ကော်မြို့၊ နမ့်ဘော်ဝမ်(ခ)ရပ်ကွက်ရှိ  ပေါင်မုန့်အမျိုးမျိူး ထုတ်လုပ်ဖြန့်ဖြူးရောင်းချနေ သည့် အမှတ်တရ မုန့်ဖိုသို့ မြန်မာနိုင်ငံစားသုံးသူကာကွယ်ရေးကော်မရှင်၏( ၂/၂၀၁၉ )ပါ ကုန် အညွှန်းအမှတ်အသားသတ်မှတ် ချက်များနှင့် ကိုက်ညီမှု ရှိ/မရှိ သက်ဆိုင်ရာမိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့် စစ်ဆေးဆောင်ရွက်ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် အမှတ်တရမုန့်ဖို၌ ထုတ်လုပ်ဖြန့်ဖြူးရောင်းချ သည့် မုန့်များတွင် ဖော်ပြထားသော ကုန်အမှတ်တံဆိပ်သည် ကုန်အညွှန်းအမှတ်အသားသတ်မှတ် ချက်များနှင့် ပြည့်စုံမှုရှိကြောင်း စစ်ဆေးတွေ့ရှိရပြီး ထုတ်လုပ်သည့်လုပ်ငန်းရှင်အား အသင့်စားမုန့်များ ဖြစ်သည့်ပေါင်မုန့်အမျိုးမျိုးထုတ်လုပ်ရောင်းချရာတွင်မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉)ပါ ကုန်အညွှန်းအမှတ်အသား သတ်မှတ်ချက်များနှင့်အညီ ဆက်လက်ဆောင်ရွက်သွားရန်နှင့် စီးပွားရေးလုပ်ငန်းရှင်များအနေဖြင့် စီးပွားရေး လုပ်ကိုင်ရာတွင် စီးပွားရေးကျင့်ဝတ်၊ စည်းကမ်းများနှင့် အညီ ဖြောင့်မတ်မှန်ကန်စွာဆောင်ရွက်ကြရန် အသိပညာပေးဈေးကွက်စောင့်ကြည့်စစ်ဆေးဆောင်ရွက် ခဲ့ကြောင်းသတင်းရရှိပါသည်။

DOCA(ကယား)