စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီး၊ မုံရွာခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံးသူများနေ့စဉ် အသုံးပြုလျက်ရှိသော ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိ စေရေး၊ ကုန်စည်များကို သတ်မှတ်စံချိန်စံညွှန်းများ၊ညွှန်ကြားချက်များနှင့်ကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးရာတွင် မိတ်ဘက်ဌာနဆိုင်ရာများနှင့်ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရခန့် အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါ သည်။

                      မုံရွာခရိုင်အနေဖြင့် (၂/၂၀၂၆) လအတွင်း ခရိုင်ဦးစီးမှူးမှ ဦးဆောင်၍ မုံရွာမြို့နယ်တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်း (၆) ဦး၊မုံရွာ မြို့နယ်စည်ပင်သာယာရေးအဖွဲ့၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ ပူပေါင်း၍မုံရွာ မြို့နယ်အတွင်း ဖေ‌ဖော်ဝါရီလ ဒုတိယအပတ်တွင် ဘုရားကြီးရပ်ကွက်ရှိ ဆင်(၂) ကောင် စတိုးဆိုင် သို့  ၁၁.၂.၂၀၂၆ ရက်နေ့နံနက် ၁၁နာရီအချိန် ခန့်တွင် အသင့်ဖျော်ရည်နှင့် လက်ဘက်ရည်ထုပ် အမျိုးမျိုးတွင်ရှိသော ကုန်ညွှန်းအမှတ်အသားများသည် မြန်မာဘာသာဖြင့် ဖော်ပြထား ခြင််းရှိ/မရှိ၊ ညွှန်ကြားချက် ၂/၂၀၁၉ နှင့် ကိုက်ညီမှု့ ရှိ/မရှိ  ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြပြီး ဌာန၏ ဥပဒေ၊ အမိန့်နှင့် ညွှန်ကြားချက်ပါ အကြောင်းများကို အသိပညာ ပေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

  စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူးသည် ၂၀၂၆ ခုနှစ်၊ ဖေဖော်ဝါရီလ ၆  ရက်နေ့၊ နံနက် (၁၁း၀၀) နာရီအချိန်တွင် ခရိုင်ဦးစီးမှူးရုံး၌ မိတ္ထီလာမြို့နယ်အတွင်းရှိ MSME လုပ်ငန်းရှင်များကို မိမိတို့၏ကုန်စည်များတွင် ကုန်အညွှန်းအမှတ် အသားများပြည့်စုံစွာပါရှိရေး၊ စက်မှုလုပ်ငန်းသုံးစားအုန်းဆီများ လုပ်ငန်းခွင်များတွင် အမှန်တကယ် အသုံးပြုစေရေးအတွက် MSME လုပ်ငန်းရှင်များနှင့်တွေ့ဆုံဆွေးနွေးပွဲအား ကျင်းပခဲ့ပါသည်။

          ထိုသို့တွေ့ဆုံဆွေးနွေးရာတွင် ခရိုင်ဦးစီးမှူး၊ ဦးဇော်မင်းမှ MSME လုပ်ငန်းများအတွက် အသုံးပြုရန် စက်မှုလုပ်ငန်းသုံးစားအုန်းဆီများကို နိုင်ငံတော်မှရောင်းချထုတ်ပေးခဲ့ကြောင်း၊ ယခုလည်းဆက်လက်ထုတ်ပေးသွားမည်ဖြစ်ကြောင်း၊ MSME လုပ်ငန်းများတွင် အမှန်တကယ် အသုံး ပြုရမည်ဖြစ်ပါကြောင်း၊ စားအုန်းဆီသည်အရေးကြီးကုန်စည်အမျိုးအစားတွင်ပါဝင်သဖြင့် သတ်မှတ် လုပ်ငန်းများမှလွဲ၍ အခြားနည်းဖြင့်ပြန်လည်သယ်ယူရောင်းချခွင့်မရှိပါကြောင်း၊ လုပ်ငန်းရှင်များ၏ လုပ်ငန်းခွင်များကို လစဉ်လိုအပ်ချက် စားအုန်းဆီများကိုလည်း ကွင်းဆင်းစိစစ်၍ လုပ်ငန်းပမာဏ အလိုက် ခွင့်ပြုပေးလျက် ရှိပါကြောင်း၊ စားသုံးသူရေးရာဦးစီးဌာနအနေဖြင့် MSME ဖွံ့ဖြိုးတိုးတက်ရေး၊ ကုန်စည်နှင့်ဝန်ဆောင်မှုများနှင့်ပတ်သက်၍ စားသုံးသူများ ထိခိုက် နစ်နာမှုမဖြစ်ပေါ်စေရေး ကာကွယ်ပေးခြင်း၊ စီးပွားရေး လုပ်ငန်းရှင်များအား ဥပဒေနှင့်အညီ ဆောင်ရွက်နိုင်စေရေးနှင့် ဖွံ့ဖြိုးတိုးတက်စေရေးကူညီပေးခြင်း၊ MSME လုပ်ငန်းများ ကြီးထွားလာ စေရန်၊ လုပ်ငန်းအမျိုးအစားအလိုက် သက်ဆိုင်ရာဌာနအဖွဲ့အစည်း များနှင့် ချိတ်ဆက်၍ ထောက်ခံချက်များ၊ နည်ပညာများ၊ အရင်းအနှီးချေးငွေရရှိရေး၊ ပြပွဲပြိုင်ပွဲတွင် ပါ ဝင်ပြသနိုင်ရေး စသည့်လိုအပ်သည့် ပံ့ပိုးကူညီမှုများ ဆောင်ရွက်ပေးခြင်း၊ MSME လုပ်ငန်းများမှ ထွက်ရှိလာသည့် ကုန်စည်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြစေရေးတို့ကို ဆောင်ရွက်လျက်ရှိပါကြောင်း ဆွေး နွေးပြောကြားခဲ့ကြောင်း သိရှိရပါ သည်။

DOCA(မန္တလေး)

            မအူပင်ခရိုင်၊ စားသုံးသူရေးရာဦးစီးဌာနမှ ညောင်တုန်း မြို့နယ်ဦးစီးမှူး ဦးအောင်လွင် (စစ်ဆေးရေးအရာရှိ)နှင့် ဝန်ထမ်းများ(၂)ဦးတို့သည် မြို့နယ်အတွင်းရှိ သီဟစတိုး၊ ကျော်ကျော်စတိုး အလှကုန် အရောင်းဆိုင်များ အား မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေး အဖွဲ့နှင့်အတူ ၂၀၂၆ ခုနှစ် ၊ ဇန်နဝါရီ လ(၉)ရက်နေ့ (၈)နာရီအချိန်တွင် ကုန်အညွှန်အမှတ်အသား ဖော်ပြခြင်းနှင့် စပ်လျဉ်း၍ ကွင်းဆင်း ဈေးကွက်စောင့်ကြည့် စစ်ဆေးခဲ့ပါသည်။

            ကွင်းဆင်းစစ်ဆေးရာတွင် မြို့နယ်အတွင်း ပြည်သူများ သုံးစွဲနေသော အလှကုန် အမျိုး မျိုးအား ဘေးအန္တရာယ်ကင်းရှင်းစေရေး ဈေးကွက်ရောက်ကုန်စည်များကို စစ်ဆေးဆောင် ရွက်ခဲ့ပြီး ပြည်တွင်းမှာ ရောင်းချနေတဲ့ အလှကုန်ပစ္စည်းတွေမှာ သုံးစွဲဖို့မသင့်တဲ့ အလှကုန်ပစ္စည်းနှစ်မျိုးကို ကျန်းမာရေးဝန်ကြီးဌာနက ထုတ်ပြန် ရန်ကုန် ၊ ဇန်နဝါရီ ၂၆ ၊ ၂၀၂၆ ပြည်တွင်းမှာ ရောင်းချနေတဲ့ အလှကုန်ပစ္စည်းတွေမှာ မှတ်တမ်းတင်ထားခြင်းမရှိသလို ကျန်းမာရေးအရ ဘေးအန္တရာယ်ဖြစ်စေနိုင်သည့် တားမြစ်ဓာတု ပါဝင်ကြောင်း စစ်ဆေးတွေ့ရှိသဖြင့် ရေရှည်သုံးစွဲပါက ခေါင်းကိုက်ခြင်း စိတ်ကျရောဂါတွေအပြင် ကျောက်ကပ်ပါပျက်စီးနိုင်တာကြောင့် ညောင်တုန်း မြို့နယ်အတါင်း အလှကုန်ဆိုင်များတွင် တားမြစ်အလှကုန်အား တင်သွင်းဖြန့်ဖြူး ရောင်းချခြင်း မပြုလုပ်ရန် ကျင့်ဝတ်အရ မပြုလုပ်ရန် လိုက်နာဆောင်ရွက်ဖို့ကို ကျန်းမာရေးဦးစီးဌာနမှ တာဝန်ရှိသူများက စစ်ဆေးခဲ့ပြီး ရောင်းချခြင်းမျိုးတွေ့ရှိပါက ကျန်းမာရေးဦးစီးဌာန ဥပဒေအရ အရေးယူမည်ဖြစ်ကြောင်း လုပ်ငန်းရှင်တို့အားပြောကြားခဲ့ပြီး စားသုံးသူရေးရာဦးစီးဌာနမှ စစ်ဆေးရေး တာဝန်ရှိသူက ရောင်းချနေသည့် အလှကုန်ဆိုင်ရှင်များအား  ကုန်စည်ရောင်းချသူ၊ ဝန်ဆောင်မှုပေးအပ်သူ၏ အချက်အလက် အမည်၊ အမျိုးအစား၊ ကုန်စည်အရွယ်အစား၊ အသားတင်ပမာဏ၊ ထုတ်လုပ်သည့် နိုင်ငံ၊ တင်သွင်းသူ၏ အမည်လိပ်စာ၊ ထုတ်လုပ်သည့်ရက်စွဲ၊ ကုန်အညွှန်းအမှတ် အသားများ ပြည်စုံ မှန်ကန်မှုရှိစေရေး၊ သက်ဆိုင်ရာ ဌာနများ၏ ဖော်ပြရန် သတ်မှတ်ထားသောအချက်များ ပါဝင်မှု ရှိ/မရှိ၊ ဈေးကွက်ရောက်ကုန်စည်များ သက်တမ်းလွန်ကုန်စည်များ ရောနှောရောင်းချခြင်း ရှိမရှိစစ်ဆေးခဲ့ရာ ဆိုင်ရှင်များက သတ်မှတ်ချက်များကို လိုက်နာရောင်းချကြောင်းတွေ့ရှိရပြီး၊ လုပ်ငန်းရှင် လိုက်နာရမည်တာဝန်နှင့် တားမြစ်ချက်ကို အသိပေးပြောကြားခဲ့ပြီး မြေပြင်ကွင်းဆင်း၊ ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

    ၁၇.၂.၂၀၂၆ ရက်နေ့၊ မွန်ပြည်နယ်၊ စားသုံးသူရေးရာဦးစီးဌာန၊ ဘီးလင်းမြို့နယ် တာဝန်ခံ ဒေါ်ဇင်ဖြူဝင်းသည် ဘီးလင်းမြို့နယ်၊ ဝင်းပြန်ကျေးရွာရှိ “ကောင်းပြည့်” အမှတ်တံဆိပ် ယိုမျိုးစုံလုပ်ငန်းအား ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ကွင်းဆင်းစစ်ဆေးခဲ့ပါသည်။

   ဘီးလင်းမြို့နယ်တာဝန်ခံက လုပ်ငန်းရှင်အား ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈) တွင် ဖော်ပြထားသောပြဌာန်းချက်အတိုင်း ကုန်အညွှန်း အမှတ်အသားကို ပြည့်စုံစွာ ဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင် ပမာဏ၊ ထားသိုသိမ်းဆည်းမှုအညွှန်းတို့ကို မြန်မာဘာသာဖြင့်ဖြစ်စေ၊ မြန်မာဘာသာ (သို့မဟုတ်) အခြားဘာသာတစ်ခုဖြင့်ဖြစ်စေ ဖော်ပြရန် အသိပညာပေး ဆွေးနွေးခဲ့ပြီး ကုန်အညွှန်းအမှတ် အသားဖော်ပြချက်နှင့်ပတ်သက်၍ အသိပညာပေး ဆွေးနွေးခဲ့ကြောင်း သိရှိရပါသည်။

DOCA (မွန်)

           မအူပင်ခရိုင်၊ ပန်းတနော်မြို့နယ်အတွင်း ရောင်းချနေသော ကိုကျော်သူရ မရှုလျှံ ဆန်ဆိုင်အား ဈေးနှုန်းမြှင့်တင်ရောင်းချမှုမရှိစေရေး၊ သိုလှောင်ဈေးကစားမှုမရှိစေရေး၊ ဈေးနှုန်းတည်ငြိမ်မှန်ကန်စေရေးအတွက် မြို့နယ်ဆန်စပါးလုပ်ငန်းကြီးကြပ်မှု အဖွဲ့ဝင်များနှင့်အတူ ၉-၂-၂၀၂၆ ရက်နေ့ နံနက် (၀၉း၀၀)နာရီအချိန်က ကွင်းဆင်းစစ်ဆေးဆောင်ရွက်ခဲ့ပါသည်။

           ထိုသို့ စစ်ဆေးရာတွင် ပန်းတနော်မြို့နယ်မှ ဆန်အရောင်းဆိုင်အား စားသုံးသူရေးရာဦးစီးဌာနမှ ဆန်သတ်မှတ်ရည်ညွှန်းစျေးများအား ထုတ်ပြန်ပေးသည့် ဈေးဖြင့် ရောင်းချမှု ရှိမရှိနှင့်  ၎င်းစျေးနှုန်းထက်စျေးနှုန်းမြှင့်တင် ရောင်းချမှုဖြန့်ဖြူးခြင်း၊ စျေးကစားရန် ရည်ရွယ်ချက်ဖြင့် ဆန်များကို သိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာ ဆောင်ရွက်ရန်လိုအပ်ကြောင်း ဆန်ဆိုင်လုပ်ငန်းရှင်ကိုမှာကြားခြင်း၊ ဆန်အိတ်များကို ဈေးကစားရန်ရည်ရွယ်ချက်ဖြင့် သိုလှောင်ထားခြင်း၊ ရောင်းချမှုမရှိ ဘဲကြာရှည်စွာ သိုလှောင်ထားခြင်းများ စစ်ဆေးတွေ့ရှိပါက တည်ဆဲဥပဒေအရ အရေးယူခံရမည်ဖြစ်ကြောင်း၊ ဆန်ဆိုင်များအား ဈေးနှုန်းမြှင့်တင်ရောင်းချမှု မရှိ‌စေရေးနှင့် သတ်မှတ်ရည်ညွှန်း‌ဈေး၏ ဒေသတွင်း ကုန်စည်နှင့် အခြားဒေသထွက် ဆန်များကို (၅%)ဖြင့်သာအမြတ်တင်ရောင်းချရန်၊  (၈%)ထက် ပိုမိုရောင်းချ ခြင်းများ ဆောင်ရွက်ပါက အရေးယူဆောင်ရွက်သွားမည် ဖြစ်ပါ‌ကြောင်း၊ ရောင်းချနေသော ဆန်အမျိုးအစားအလိုက် သတ်မှတ်ရည်ညွှန်းဈေးနှင့် ကိုက်ညီမှု ရှိ/မရှိ တိုက်ဆိုင်စစ်ဆေး ခြင်းများဆောင်ရွက်ခဲ့ကြောင်း သိရှိရပါသည်။

           ဆန်လက်လီလက်ကားရောင်းချသူများအား ဆန်များကိုသင့်တင့်မျှတသော နှုန်းထားများဖြင့် ရောင်းချရန်၊ ဈေးကစားရန်ရည်ရွယ်ချက်ဖြင့် သိုလှောင်ရောင်းချခြင်းများမပြုလုပ်ရန် ဆန်ချော ဈေးနှုန်းဈေးကွက်နှင့် လက်ကျန်အိတ်အခြေအနေများ ကွင်းဆင်းမေးမြန်းဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)