သတင်းနှင့် လှုပ်ရှားမှုများ

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ မော်ကျွန်းမြို့နယ် တာဝန်ခံ ဦးမင်းဇော်လတ်သည် (၂၀.၃.၂၀၂၆)ရက်နေ့ နေ့လယ်(၁၄း၀၀)နာရီအချိန်တွင် မော်ကျွန်းမြို့နယ် အမှတ်(၁၃)ရပ်ကွက် အုပ်ချုပ်ရေးမှူးရုံးတွင် ကျေးရွာနေပြည်သူများအား စားသုံးသူကာကွယ်ရေးအသိပညာပေး ဟောပြောဆောင်ရွက်ခဲ့ကြောင်း သိရသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မော်ကျွန်းမြို့နယ် တာဝန်ခံမှ မိတ်ဆက်စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ဌာနမှ လက်ရှိဆောင်ရွက်နေသော လုပ်ငန်းတာဝန်များ ဆက်လက်ဆောင်ရွက်ရမည့်လုပ်ငန်းတာဝန်များအား ဦးစွာရှင်းလင်းပြောကြားခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသော အစားအသောက်များတွင် ဓါတုဆိုးဆေးများအလွန် အကျုးပါဝင်နေခြင်း၊ သက်တမ်းလွန် အစားအသောက်များအား မိမိ၏အသိဖြင့် ဆင်ခြင်ဝယ်ယူစားသောက်ကြရန် ဟောပြောခဲ့ပါသည်၊။ဟောပြောပွဲသို့ ကျေးရွာနေပြည်သူ စုစုပေါင်း(၅၀)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ အိမ်မဲမြို့နယ်တာဝန်ခံ ဒေါ်ဇင်မာသန်းသည်(၂၃.၃.၂၀၂၆)ရက်နေ့၊ ညနေ(၁၅း၀၀)နာရီအချိန်တွင် အိမ်မဲမြို့နယ်တာဝန်ခံရုံးတွင် အဝတ်အထည်ရောင်းချသည့် လုပ်ငန်းရှင်များအား  online Saleနှင့် ပတ်သက်သည့် စားသုံးသူအသိပညာပေးဟောပြောခဲ့ကြောင်း သိရသည်။

        ထိုသို့ဟောပြောဆွေးနွေးရာတွင် မြို့နယ်တာဝန်ခံမှတက်ရောက်လာသော အဝတ်အထည်ရောင်းချသည့် လုပ်ငန်းရှင်များအား မိတ်ဆက် စကားပြောကြားပြီး online Shopping မှတ်ပုံတင်လျှောက်ထားရန်အတွက် ကုမ္မဏီဖြစ်ပါက ကုမ္မဏီမှတ်ပုံတင်လက်မှတ်၊ SMEမှတ်ပုံတင်လက်မှတ်များတင်ပြရန်လိုအပ်ပြီး တစ်ဦးချင်းဖြစ်ပါက တင်ပြရန်မလိုကြောင်း ရောင်းချမည့်ဆိုင်လိပ်စာမှန်ကန်ကြောင်း ရပ်ကွက်ထောက်ခံစာနှင့် ရဲစခန်းထောက်ခံစာ၊ လိုင်စင်ဓာတ်ပုံ၊ online sale owner၏ မှတ်ပုံတင်၊ နေထိုင်ကြောင်းလိပ်စာမှန်ကန်ကြောင်း၊ ရပ်ကွက်ထောက်ခံစာ လျှောက်ထားရာတွင် email (သို့မဟုတ်)Mobile phone Number ဖြင့်Sing Up(Register)ပြုလုပ်၍ ဆောင်ရွက်ရမည်ဖြစ်ကြောင်း အွန်လိုင်းစနစ်ဖြင့် မှတ်ပုံတင်နိုင်ကြောင်းနှင့်  www.ecomreg.gov.mmမှတစ်ဆင့် မှတ်ပုံတင်လျှောက်ထားနိုင်ကြောင်း၊ online shopping မှတ်ပုံတင်လျှောက်ထားမှုမရှိပဲ onlineမှ ရောင်းဝယ်ခြင်းများစစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေပုဒ်မ(၅)အရ အရေးယူခံရမည် ဖြစ်ကြောင်း အသိပညာပေးဟောပြော ဆွေးနွေးခဲ့ပါသည်။ ထိုဟောပြောပွဲသို့ အဝတ်အထည်ရောင်းချသည့်လုပ်ငန်းရှင်(၇)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ ဦးအောင်လွင် ဦးစီးအရာရှိသည် (၂၃.၃.၂၀၂၆) ရက်နေ့ နေ့လယ် (၁၂:၃၀) နာရီခွဲအချိန်တွင် ညောင်တုန်းမြို့နယ်၊ မြို့မဈေးအတွင်းရှိ ဆေးဆိုင်သို့ ဈေးကွက်စောင့်ကြည့်ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။

         ထိုသို့ကွင်းဆင်းစစ်ဆေးရာတွင် ညောင်တုန်းမြို့နယ်၊ မြို့မဈေးအတွင်းရှိ ဂန္မာဆေးဆိုင်တွင် ရောင်းချနေသော ဆေးဝါးများသည် ပြည်သူများကျန်းမာရေး လိုအပ်ချက်များအရ ဆေးပစ္စည်းများဝယ်ယူရာတွင် အခက်အခဲမရှိစေရေး ညောင်တုန်းမြို့နယ်တွင်း ရောင်းချနေသော ဆေးဈေးကွက်အခြေအနေများကို ကွင်းဆင်းစစ်ဆေးပြီး ဈေးကွက်အတွင်း ဆေးဝါးပြတ်လပ်မှုမရှိကြောင်း၊ ရန်ကုန်ဆေးဆိုင်လက်ကားဒိုင်ကြီးများမှ ဆေးပစ္စည်းများမှာယူရောင်းချကြောင်း၊ ဆေးဈေးနှုန်းပုံမှန်ဖြစ်လျက်ရှိကြောင်း သိရှိရပြီး ဆေးရောင်းချသူ လုပ်ငန်းရှင်များကို စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်းကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

         ၂၃-၃-၂၀၂၆ရက်နေ့ နံနက် (၀၉:၀၀) နာရီနှင့်(၁၃:၃၀)နာရီအချိန်တို့တွင် မအူပင်ခရိုင်၊ ဓနုဖြူမြို့နယ်ရှိ စက်သုံးဆီဆိုင်များအား မြို့နယ် ပူးပေါင်းစစ်ဆေးရေးအဖွဲ့ဖြင့် စက်သုံးဆီ ရည်ညွှန်းဈေးဖြင့် ရောင်းချခြင်းရှိ/ မရှိ၊ ယာဉ်များစုံ/ မခွဲ၍ စံနစ်တစ်ကျရောင်း‌ချ‌မှု၊ စက်သုံးဆီပြတ်လပ်မှုမရှိစေရေး၊ ကုန်ဈေးနှုန်းတည်ငြိမ်ကျဆင်းရေးတို့အတွက် ကွင်းဆင်းစိစစ် ဆောင်ရွက်ခဲ့ကြောင်း သိရသည်။

        ထိုသို့စစ်ဆေးရာတွင် စက်သုံးဆီလက်ကျန်အနေဖြင့် စက်သုံးဆီများ  သိုလှောင်ထားမှုအခြေအနေများ၊  သတ်မှတ်ရည်ညွှန်းဈေးအပေါ်ရောင်းချနေမှုအခြေအနေကိုစစ်ဆေးခြင်း၊ မြို့နယ်အတွင်း စက်သုံးဆီကျန်ရှိမှု၊ ဆီရောင်းချမှုအခြေအနေများကို လေ့လာဆောင်ရွက်ခဲ့ပြီး၊ ဆီဆိုင်များ တစ်နေ့လျှင် နံနက် (၀၆း၀၀)နာရီမှ နေ့လယ် (၁၅း၀၀)နာရီအထိ ရောင်းချနေမှုများသိရှိရပြီး၊ အချိုဆီဆိုင်များ ဆီပြတ်လပ်၍ ရောင်းချမှုမရှိကြောင်းတွေ့ရှိရပြီး၊ ဆီဆိုင်များ၏ လုပ်ငန်းဆောင်ရွက်ထားရှိမှု အခြေအနေများကို ဌာနများနှင့် ချိတ်ဆက်ဆောင်ရွက် လုပ်ဆောင်နိုင်ရေးကို မှာကြားဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

               စီးပွားရေးနှင့်ကူးသန်းရောင်းဝယ်ရေး ဝန်ကြီဌာန၊ စားသုံးသူရေးရာဦးစီးဌာနသည် စားသုံးသူကာကွယ်ရေးဥပဒေကို အကောင်အထည်ဖော်ဆောင်ရွက်လျှက်ရှိရာ အသိပညာပေး ဟောပြောခြင်း များကို စဉ်ဆက်မပြတ်ဆောင်ရွက်လျှက်ရှိပါသည်။

          စားသုံးသူရေးရာဦးစီးဌာန၊မိတ္ထီလာခရိုင်၊ ခရိုင်ဦးစီးမှူးရုံးမှ (၄.၃.၂၀၂၆)ရက်နေ့တွင် မိတ္ထီလာ မြို့၊ ကြာအင်းကျေးရွာနှင့် လူးခင်းကြီးကျေးရွာတို့တွင် စားသုံးသူကာကွယ်ရေးဥပဒေအကြောင်း သိကောင်းစရာခေါင်းစဉ်ဖြင့် ဟောပြောဆွေးနွေးခဲ့ပါသည်။ (၆.၃.၂၀၂၆)ရက်နေ့တွင် မိတ္ထီလာ မြို့နယ်၊ ပြန်ကြား‌ရေးနှင့်ပြည်သူ့ ဆက်ဆံရေးဦးစီးဌာနနှင့်ပူးပေါင်း၍ အွန်လိုင်းစနစ်ဖြင့် ရောင်းဝယ် ခြင်းလုပ််ငန်းနှင့်စပ်လျဉ်း၍ အသိပညာပေးခေါင်းစဉ်ဖြင့်လည်းကောင်း၊ Talk Show ကျင်းပဆောင် ရွက်ခဲ့ပါသည်။(၁၀.၃.၂၀၂၆)ရက်နေ့တွင် သာစည်မြို့နယ် ၊ ကန့်ဖြူကျေးရွာ၊ (၁၅.၃.၂၀၂၆) ရက် နေ့တွင် မိတ္ထီလာမြို့၊ပညာရေးဒီဂရီကောလိပ်၊ပညာပါရမီခန်းမတွင် စားသုံးသူကာကွယ်ရေးဥပဒေ အကြောင်း ဆွေးနွေးဟောပြောခဲ့ပါသည်။ စားသုံးသူကာကွယ်ရေးအသိပညာပေးဟောပြောပွဲ လုပ်ငန်းများ ဆောင်ရွက်ခြင်းနှင့် စားသုံးသူဘေးအန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှု ရှိစေရေး ညှိနှိုင်းဖြေရှင်းမှုများလုပ်ဆောင်လျှက်ရှိကြောင်း၊ ၂၀၁၉ ခုနှစ် စားသုံးသူကာကွယ်ရေး ဥပဒေအရ စားသုံးသူ အခွင့်အရေးများ၊ လိုက်နာရမည့်တာဝန်များ၊ စားသုံးသူအခွင့်အရေး ဆုံးရှုံးနစ်နာ မှုများအတွက် ဖြေရှင်းပေးမှုများအား အကျယ်တဝင့် ဆွေးနွေးခဲ့ပါသည်။ လုပ်ငန်းရှင်များအနေဖြင့် လည်း တခြားကုန်စည်ကို ဝယ်ယူသုံးစွဲရာတွင် မိမိတို့ကိုယ်တိုင်စားသုံးသူများဖြစ်သည့်အတွက် စားသုံးသူအခွင့်အရေးနစ်နာဆုံးရှုံးမှုများရှိလာပါက တိုင်းဒေသကြီး/ခရိုင်ရုံးများတွင်ဖွင့်လှစ်ထား သော စားသုံးသူသတင်းပြန်ကြားရေး နှင့် တိုင်ကြားမှုလက်ခံဆောင်ရွက်ရေးစင်တာ (CICC)ရုံး များတွင် တိုင်ကြားနိုင်ပါကြောင်း၊ DOCA Myanmar Application နှင့်စားသုံးသူရေးရာဦးစီးဌာန၏ Website www.doca.gov.mmတွင် ဝင်ရောက်လေ့လာနိုင်ကြောင်း၊ Consumer Call Center နံပါတ် (၁၅၃၅ ) သို့လည်း ရုံးချိန်အတွင်း ဆက်သွယ်မေးမြန်းနိုင်ပါကြောင်း ဆွေးနွေးပြောကြားခဲ့ပါသည်။ လက်ကမ်းစာ စောင်များလည်း ဖြန့်ဝေခဲ့ကြောင်းသိရှိရပါသည်။

DOCA(မန္တလေး)