သတင်းနှင့် လှုပ်ရှားမှုများ

              စားသုံးသူရေးရာဦးစီးဌာနအနေဖြင့် ပြည်တွင်းကုန်သွယ်မှုလုပ်ငန်းများဖွံ့ဖြိုးတိုးတက်ရေးနှင့် စားသုံးသူကာကွယ်ရေးဆိုင်ရာ လုပ်ငန်းများကို ဦးစားပေးဆောင်ရွက်လျက်ရှိပြီး အများပြည်သူ သိသင့်သိထိုက်သည့် ဥပဒေပါအကြောင်းအရာများ၊ ညွှန်ကြားချက်များ၊ အမိန့်များ၊ သတ်မှတ်ချက် များအား နည်းလမ်းပေါင်းစုံဖြင့် အသိပညာပေးဆောင်ရွက်လျက်ရှိရာ ကျောက်ပန်းတောင်းမြို့နယ် တာဝန်ခံ သည် (၁၇.၃.၂၀၂၆)ရက်နေ့၊ နေ့လယ် ၁၃:၃၀ နာရီအချိန်တွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ Online Sale လုပ်ငန်းများမှတ်ပုံ တင်လျှောက်ထားခြင်း ဆိုင်ရာ သိကောင်းစရာများနှင့်ပတ်သက်သောအသိပညာပေး Talk Show အစီအစဉ်အား ဆောင်ရွက် ခဲ့ပါသည်။

          အဆိုပါ Talk Show အား ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာရုံးရှိ လူထုအခြေပြု ဗဟိုဌာန(Community Center) ခန်းမ၌ ကျင်းပပြုလုပ်ရာ စားသုံးသူရေးရာဦးစီးဌာန၊ ‌‌ဒေါ်မြသန္တာထွန်း (ဒု-ဦးစီးမှူး)က အွန်လိုင်းစနစ်ဖြင့် ရောင်းချခြင်းလုပ်ငန်းဆိုသည်မှာ ကုန်စည်ကိုဖြစ်စေ၊ ဝန်ဆောင်မှု ကိုဖြစ်စေ အွန်လိုင်း(Online)စနစ်မှတစ်ဆင့် ဝန်ဆောင်မှုပေး၍ ရောင်းချသည့်လုပ်ငန်းကို ဆိုလိုတာ ဖြစ်ကြောင်း၊ အွန်လိုင်းစနစ်ဖြင့်ရောင်းချခြင်း လုပ်ငန်းဆောင်ရွက်လိုသူသည် ကုန်သွယ်ရေးဦးစီးဌာနက သတ်မှတ်ထားသော လျှောက်လွှာပုံစံတွင် ဖြည့်သွင်း၍ အွန်လိုင်း(Online)စနစ်ဖြင့် ဦးစီးဌာနသို့ မှတ်ပုံတင်လက်မှတ်လျှောက်ထားရမည်ဖြစ်ကြောင်းနှင့် လျှောက်ထားရာတွင် ပူးတွဲတင်ပြရမည့် အချက်များ၊ သတ်မှတ်ချက်များ၊ မှတ်ပုံတင်လက်မှတ်ရရှိသူ၏ တာဝန်များနှင့်အခွင့်အရေးများအား ရှင်းလင်းဆွေးနွေးခဲ့ကြောင်း သိရသည်။     DOCA(မန္တလေး)

                   စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး(လက်ထောက်ညွှန်ကြားရေးမှူး)ဦး ဆောင်ကျင်းပသော လစဉ်လုပ်ငန်းညှိနှိုင်းအစည်းအဝေးအား (၁၂.၃.၂၀၂၆)ရက်နေ့ မွန်းလွဲ(၁၄:၀၀) နာရီအချိန်၌ မြင်းခြံခရိုင်ရုံးရှိ အရာထမ်း/ အမှုထမ်းများ၊ ညောင်ဦးခရိုင်ဝန်ထမ်းများနှင့် ကျောက်ပန်း တောင်းမြို့နယ်တာဝန်ခံရုံးရှိ ဝန်ထမ်းများOnlineVirtualစနစ် ဖြင့်ကျင်းပပြုလုပ်ခဲ့ပါသည်။  ခရိုင်ဦးစီး မှူး မှ အဖွင့်အမှာစကားပြောကြားပြီး ဌာနခွဲတာဝန်ခံများ၊ ခရိုင်တာဝန်ခံ/ မြို့နယ်တာဝန်ခံများမှ လုပ် ငန်းဆောင်ရွက်မှုများနှင့် ပတ်သက်၍ အသီးသီးရှင်းလင်းဆွေးနွေးကြရာ ယခင်လအစည်းအဝေးဆုံး ဖြတ်ချက်ဆောင်ရွက်ပြီးစီးမှုများ၊ ခရိုင်ဦးစီးမှူးမှနိဂုံးချုပ်စကားပြောကြားရာတွင် မိမိအနေဖြင့်လစဉ် တင်ပြလျက်ရှိသည့် ရှေ့ဆက်လက်‌ဆောင်ရွက်မည့်အစီအမံများအပေါ် အကောင်အထည်ဖော်ဆောင် ရွက် နိုင်ရေးဝန်ထမ်းအားလုံးမှ အလေးထားဆောင်ရွက်ကြရန်လိုအပ်ပါကြောင်း၊ ဝန်ထမ်းများ၏လုံခြုံ ရေးသည် အဓိကဖြစ်ပါသဖြင့် လုံခြုံရေးကိုဦးစားပေးဆောင်ရွက်ကြရန် အထူးမှာကြားလိုပါကြောင်း၊ တာဝန်ထမ်းဆောင်ရာတွင်ဖြစ်စေ၊ မိမိတို့၏မိသားစုကိုယ်ရေးကိုယ်တာကိစ္စများတွင် ဖြစ်စေထူးခြားမှု ရှိပါက ခရိုင်ဦးစီးမှူးထံ နေ့ညမရွေးသတင်းပေးပို့ရန်လိုအပ်ပါကြောင်း၊ မြင်းခြံခရိုင် ဦးစီးမှူး ရုံးအနေဖြင့် လုံခြုံရေးမကောင်းသည့်အတွက် လုပ်ငန်းများဆောင်ရွက်ရာတွင် အကန့်အသတ်ရှိနေပါသဖြင့် လုံခြုံရေး အရ အဆင်ပြေသည့် မြို့နယ်များမှ ဌာနလုပ်ငန်းများကိုပိုမိုဆောင်ရွက်ပေးခြင်းဖြင့် မိမိတို့ခရိုင်၏ လုပ် ငန်းဆောင်ရွက်ချက်များကို တိုးတက်အောင်ညီညီညာညာ ဝိုင်းဝန်းကြိုးစားကြစေ လိုကြောင်းဆွေးနွေး ပြောကြားခဲ့ပါသည်။ လုပ်ငန်းစဉ်များအား အသေးစိတ်ဆွေးနွေးဆောင်ရွက်တင်ပြ ခဲ့ပြီးမြင်းခြံခရိုင်မှ အရာထမ်း(၃)ဦး၊ အမှုထမ်း(၈)ဦး တက်ရောက်ခဲ့ ကြောင်းသိရသည်။       

DOCA(မန္တလေး)       

         ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် 2026 ခုနှစ်၊ မတ်လ (၂၃)ရက်နေ့ နံနက် (10:30)နာရီအချိန်တွင် ကျောင်းကုန်းမြို့နယ်တာဝန်ခံရုံးတွင် တွေ့ဆုံဆွေးနွေးခဲ့ပါသည်။

        အဆိုပါဆွေးနွေးမှုတွင် ကျောင်းကုန်းမြို့နယ် ဆန်စက်လုပ်ငန်းရှင်များအနေဖြင့် စားသုံးသူပြည်သူများ သက်သာစေရေးအတွက် သက်သာသောဈေးနှုန်းများဖြင့် ရောင်းချပေးရန်၊ ဆန်စက်လုပ်ငန်းရှင်များအနေဖြင့် ဆန်ဈေးနှုန်းများကို မြှင့်တင်ရောင်းချခြင်းမပြုလုပ်ကြရန်နှင့် သတ်မှတ်ရည်ညွှန်းဈေးအတိုင်းရောင်းချပေးရန်၊ ဈေးနှုန်းမြှင့်တင်ရောင်းချခြင်းများမပြုလုပ်ကြရန်၊ MyRo မှတ်ပုံတင်ရန်ကျန်ရှိသည့် ဆန်စက်များအား မှတ်ပုံတင်ရန်၊  MyRo မှတ်ပုံတင်ရန် လိုအပ်ချက်များကိုပြောကြား ဆွေးနွေးခဲ့ကြောင်း သတင်းရရှိပါသည်။

DOCA (ဧရာဝတီ)

              ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ တာဝန်ခံနှင့် ဝန်ထမ်းတို့သည် ၂၀၂၆ ခုနှစ်၊ မတ်လ (၂၃) ရက်နေ့၊ နေ့လယ် (၁၂:၀၀) နာရီအချိန်တွင် ကျောင်းကုန်းမြို့နယ်၊ မြို့နယ်စည်ပင်သာယာရေးဈေးကော်မတီတွင် ကုန်စုံဆိုင်များအား စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှမြို့နယ်တာဝန်ခံ ဦးတင်ကိုသည် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များအကြောင်း၊ စံချိန်စံညွှန်း အရည်အသွေးမှီ ကုန်ပစ္စည်းများထုတ်လုပ်နိူင်ရန်နှင့် အသေးစားကုန်ထုတ်လုပ်ငန်းများ ဖွံ့ဖြိုးတိုးတက်ရေးနှင့် အခန်း(၁၈) ပါ ကုန်အညွှန်းအမှတ်အသားနှင့် ပက်သက်၍ မြန်မာဘာသာဖြင့် ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူစားသုံးရန်နှင့် ကုန်စည်နှင့် ဝန်ဆောင်မှုများကြောင့် စားသုံးသူများ နစ်နာဆုံးရှုံးမှုဖြစ်ပေါ်လာပါက အရေးဆိုတိုင်ကြားနိုင်သည့် စင်တာများ တိုင်း/ခရိုင်/ရုံးချုပ်တို့တွင် ဖွင့်လှစ်ထားရှိကြောင်းနှင့် Call Centre 1535 သို့ ဆက်သွယ် တိုင်ကြားနိုင်ကြောင်း အသိပညာပေး ဟောပြောခဲ့သည်ဟု သတင်းရရှိပါသည်။

DOCA (ဧရာဝတီ)

              ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ တာဝန်ခံနှင့် ဝန်ထမ်းတို့သည် ၂၀၂၆ ခုနှစ်၊ မတ်လ (၂၂) ရက်နေ့၊ နံနက် (၁၀:၀၀) နာရီအချိန်တွင် ကျောင်းကုန်းမြို့နယ် စားသုံးသူရေးရာဦးစီးဌာနရုံးတွင် ကုန်စုံဆိုင်များအား စားသုံးသူ ကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

       အဆိုပါဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုသည် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များအကြောင်း၊ စံချိန်စံညွှန်း အရည်အသွေးမှီ ကုန်ပစ္စည်းများ ထုတ်လုပ်နိူင်ရန်နှင့် အသေးစား ကုန်ထုတ်လုပ်ငန်းများ ဖွံ့ဖြိုးတိုးတက်ရေးနှင့် အခန်း(၁၈) ပါ ကုန်အညွှန်းအမှတ်အသားနှင့် ပက်သက်၍ မြန်မာဘာသာဖြင့် ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူစားသုံးရန်နှင့် ကုန်စည်နှင့် ဝန်ဆောင်မှုများကြောင့် စားသုံးသူများ နစ်နာဆုံးရှုံးမှုဖြစ်ပေါ်လာပါက အရေးဆိုတိုင်ကြားနိုင်သည့် စင်တာများ တိုင်း/ခရိုင်/ရုံးချုပ်တို့တွင် ဖွင့်လှစ်ထားရှိကြောင်းနှင့် Call Centre 1535 သို့ ဆက်သွယ် တိုင်ကြားနိုင်ကြောင်း အသိပညာပေး ဟောပြောခဲ့သည်ဟု သတင်းရရှိပါသည်။

DOCA (ဧရာဝတီ)