သတင်းနှင့် လှုပ်ရှားမှုများ

၈.၁၂.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်းများ၊ မော်လမြိုင်ခရိုင်ဦးစီးမှူးနှင့် မုဒုံမြို့နယ်တာဝန်ခံတို့သည် မုဒုံမြို့နယ်ရှိ ဆန်စပါးသိုလှောင်ရုံ (၂) ရုံအား ကွင်းဆင်းခြင်းလုပ်ငန်းများ ဆောင်ရွက်ခဲ့ကြောင်းသိရှိရသည်။

ထိုသို့ ကွင်းဆင်းဆောင်ရွက်ရာတွင် မုဒုံမြို့၊ မြို့မ (၄) ရပ်ကွက်ရှိ၊ စိန်မေတ္တာဆန်ဆိုင်၏ ဆန်စပါးသိုလှောင်ရုံနှင့် ဦးကျော်သက်၏ စပါးသိုလှောင်ရုံတို့သို့ ကွင်းဆင်းဆောင်ရွက်ခဲ့ပြီး My RO တွင် ကုန်ရ၊ ကုန်ထုတ်၊ ကုန်လက်ကျန် စာရင်းထည့်သွင်းနိုင်ရေး နည်းပညာပိုင်း ဆိုင်ရာကူညီခြင်း၊ သိုလှောင်ရုံရှိ ဆန်စပါးလက်ကျန် စာရင်းကောက်ယူခြင်းများ ဆောင်ရွက်ခဲ့ကြောင်း သိရှိရပါသည်။

                                                                                                                DOCA (မွန်)

   စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း ၍(၇.၁၂.၂၀၂၅)ရက်နေ့ နံနက်(၁၀:၀၀)နာရီအချိန်တွင် ဇလွန်မြို့နယ် ဝါးပတော သက္ကယ်ကျွန်းကျေးရွာ ရှိ အခြေခံပညာအထက်တန်းကျောင်း(ခွဲ)တွင် ဆရာ၊ ဆရာမ နှင့် ကျောင်းသား၊ ကျောင်းသူ ၂၀၀ ဦး အား စားသုံးသူကာကွယ်ရေးဆိုင်ရာအသိပညာပေးဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် မြို့နယ်တာဝန်ခံ ဦးသန့်ဇင်ဦးက စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့် တာဝန်များအကြောင်း၊ အစားအသောက်နှင့် ကုန်စည်တွေပေါ်မှာဖော်ပြရမည့် ကုန် အညွှန်းအမှတ်အသားများအကြောင်း၊ဝယ်ယူအသုံးပြုခဲ့သောကုန်စည်နှင့်ဝန်ဆောင်မှုများကြောင့်နစ်နာ ဆုံးရှုံးမှုများ ဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များ အကြောင်းကို အကျယ်တဝင့် ရှင်းလင်းဆွေးနွေးဟောပြောခဲ့ပါသည်။

          ဟောပြောပွဲအပြီးတွင် မြို့နယ်တာဝန်ခံနှင့်အဖွဲ့သည် ကျောင်းမုန့်ဈေးတန်းကော်မတီဝင်များ နှင့် အတူ ကျောင်းမုန့်ဈေးတန်းများရှိ ရောင်းချနေသော မုန့်များတွင် ကုန်အညွှန်းအမှတ်အသား ပြည်စုံမှုရှိ/ မရှိကွင်းဆင်းစိစစ်ခဲ့ပြီး၊ ကုန်အညွှန်းအမှတ်အသားပြည့်စုံသော မုန့်များကိုသာ ရောင်းချရန် မုန့်ဈေးတန်း   ရောင်းချသူများအား မှာကြားခဲ့ကြောင်းသိရှိရပါသည်။

DOCA (ဧရာဝတီ)

   စားသုံးသူရေးရာဦးစီးဌာန၊ဟင်္သာတမြို့နယ်ဦးစီးမှူးသည်(၇.၁၂.၂၀၂၅)ရက်နေ့ နေ့လည်(၁၃:၃၀)နာရီအချိန်တွင် ဟင်္သာတမြို့၊ ပခန်းရပ်ကွက်၊ လယ်တော်တိုက်သစ်၊ ဘ/ကစာသင်ကျောင်း(အမက)၌ ကျောင်းသား/ကျောင်းသူ(၃၁)ဦးအား စားသုံးသူကာကွယ်ရေးအသိပညာပေးဟောပြောခြင်း ဆောင် ရွက်ခဲ့ပါသည်။

    ဟောပြောပွဲတွင် မြို့နယ်ဦးစီးမှူး ဦးမိုးကျော်က စားသုံးသူကာကွယ်ရေး ဥပဒေကို ၂၀၁၉ ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူ စကားရပ်၏ အဓိပ္ပာယ်ဖွင့် ဆိုချက်၊  စားသုံးသူအခွင့်အရေးနှင့် တာဝန်များအကြောင်း၊ ဝန်ဆောင်မှုနှင့် စပ်လျဉ်း၍ အာမခံချက် ပေးခြင်းများအကြောင်း၊ ကုန်အညွှန်းအမှတ်အသားဖော်ပြခြင်းများအကြောင်း၊ တားမြစ် ချက်များအကြောင်း၊ ပြစ်မှုပြစ်ဒဏ်များအကြောင်း၊ စားသုံးသူတို့အနေဖြင့် အသင့်စားမုန့်များ ဝယ်ယူ စားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးရက်များ အဓိကဖက်ရှု့ရမည် ဖြစ်ကြောင်း၊ စားသုံးသူတို့အနေဖြင့် ကုန်စည်သို့မဟုတ်ဝန်ဆောင်မှုများနှင့် စပ်လျဉ်း၍ နစ်နာဆုံးရှုံးမှုများ ရှိပါက စားသုံးသူရေးရာဦးစီးဌာနသို့ တိုင်ကြားနိုင်မည်ဖြစ်ကြောင်း၊ စားသုံးသူရေးရာဦးစီးဌာန၏ လက်ရှိဆောင် ရွက်နေသည့် လုပ်ငန်းဆောင်ရွက်ချက်များအကြောင်းစသည့်တို့ကို အသိပညာပေးဟောပြောခဲ့ကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး မအူပင်ခရိုင် ဓနုဖြူမြို့တွင် မြို့မဈေးပြင်ပနေရာများတွင် ဈေးများတည်ခင်း ရောင်းချနေမှုအား စည်းကမ်းနှင့်အညီ ဖြစ်စေရေး၊ ဒီဇင်ဘာလ ကုန်ဈေးနှုန်း ဈေးကွက်အခြေအနေများ ကွင်းဆင်းကောက်ယူခြင်း၊ တို့ကို ၇-၁၂-၂၀၂၅ က်နေ့ နံနက် ၇ နာရီက မြို့နယ်စားသုံးသူရေးရာဦးစီးဌာ မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေးဦးစီးဌာန၊ မြို့နယ် တိရိစ္ဆာန်မွေးမြူရေးနှင့် ကုသရေးဦးစီဌာ တို့နှင့်အတူ ကွင်းဆင်းခဲ့သည်။

    ကွင်းဆင်းစစ်ဆေးရာတွင် မြို့နယ်စားသုံးသူရေးရာဦးစီဌာမှ မြို့မဈေးအတွင်းအပြင် ရောင်းချနေသာ ကုန်သည်၊ သားငါး၊ ဟင်းသီးဟင်းရွက် ဈေးနှုန်းအခြေအနေများကို စိစစ်ခြင်း၊ စားသုံးသူ ကာကွယ်ရေး ဥပဒေရ ကုန်မျိုးစုံဆိုင်များတွင် ရောင်းချသည့် ကုန်ပစ္စည်းများ သတ်မှတ်ထားသည့် ကုန်အညွှန်း အမှတ်အသားများ ပြည့်စုံစွာ ဖော်ပြထာခြင်း ရှိ၊ မရှိကို သတ်မှတ်ထားသည့် ကုန်အညွှန်း အမှတ်အသားများ ဖော်ပြထားသော ကုန်ပစ္စည်းများ ရောင်းချခြင်း ရှိ၊ မရှိကို ဈေးကွက်စောင့်ကြည့်ခြင်း၊  မြို့မဈေး ပြင်ပနေရာများတွင် စည်းကမ်းနှင့်အညီ ဈေးရောင်းချနိုင်ရန်၊ ဒေသတွင်းကုန်ဈေးနှုန်း တည်ငြိမ်မှုရှိစေရန် ရောင်းချနေသည့် ဈေးနှူန်းများ မှန်ကန်မှုရှိစေရန် လစဉ် ဈေးနှူန်းသုံးသပ်ချက်အနေဖြင့် စိစစ်ဆောင်ရွက်လျက်ရှိပြီး ဈေးနှုန်း အတက်အကျများကို သုံးသပ်နိုင်ရန် မြေပြင်အခြေအနေမှန်ကို ကွင်းဆင်းစစ်ဆေးဆောင်ရွက်ခြင်းဖြစ်ကြောင်း၊ လုပ်ငန်းရှင်၊ အစိုးရဌာန၊ ပြည်သူများ ပူးပေါင်းပါဝင်ဆောင်ရွက်မှ ဒေသဖွံ့ဖြိုးတိုးတက်မည်ဖြစ်ကြောင်း၊ မြို့နယ်အတွင်းရောင်းချနေသော ကုန်စည်အမျိုးအစားအလိုက် ဈေးနှုန်းအခြေအနေများကို စာရင်းကောက်ယူ၍ ခရိုင်ဦးစီးမှုးရုံးသို့ တင်ပြဆောင်ရွက်နိုင်ရန် အပတ်စဉ်ကွင်းဆင်းစစ်ဆေးခြင်းဖြစ်ကြောင်း ရောင်းချသူလုပ်ငန်းရင်များ အားပြောကြား ဆွေးနွေးခဲ့ကြောင်း သိရသည်။

DOCA(ဧရာဝတီ)

    စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးလက်အောက်ရှိ ဓနုဖြူမြို့နယ်တာဝန်ခံရုံးမှဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးကော်မတီမှ တာဝန်ရှိသူ များ မြန်မာနိုင်ငံဆန်စပါးအသင်းချုပ်တို့ပူးပေါင်း၍ (၇.၁၂.၂၀၂၅) ရက်နေ့တွင် ဦးမျိုးဆက် ဆန်သိုလှောင်ရုံများ သို့သွားရောက်၍ အွန်လိုင်း(Myro) တွင် မှတ်ပုံတင်ခြင်းလုပ်ငန်းများနှင့် စပ်လျဉ်း၍ ကွင်းဆင်းစစ် ဆေးခဲ့ကြောင်း သိရှိရပါသည်။

      ထိုသို့ကွင်းဆင်းဆောင်ရွက်ရာတွင် ဦးခိုင်လွမ်းမိုး (အကြီးတန်းစာရေးမှ)မြို့နယ်တာဝန်ခံကိုယ်စား စစ်ဆေးရာ သိလှောင်ရုံပိုင်ရှင်နှင့်တွေ့ဆုံ၍ ဆန်စက်သိုရုံမှ ထွက်ရှိသော ဆန်များကို ဒေသတွင်း ရောင်းချမှု အခြေအနေများ၊ လက်ရှိ စပါးဆန်/ သိုလှောင်ရုံလက်ကျန်ကိုစာရင်းကောက်ယူခြင်း၊  ဒေသတွင်း ဆန်ဆိုင်များအား  လက်ကားဖြန့်ဖြူးပါက သတ်မှတ်ရည်ညွှန်းဈေးဖြင့် ရောင်းချရန်၊ ရန်ကုန်တင်ပို့မှု အခြေအနေများကို ကုန်ရ၊ ကုန်ထုတ်ပြေစာဖြင့် တင်ပို့ခြင်းလုပ်ငန်းအကြောင်းကို ဆွေးနွေးခြင်း၊ နေ့စဉ်တင်ပို့မှုရှိပါက မြို့နယ်ရုံးသို့ စာရင်းပေးပို့ဆောင်ရွက်ရန်ကိုလည်းကောင်း၊ မြန်မာနိုင်ငံဆန်စပါးသိုလှောင်မှတ်ပုံတင် ဆောင်ရွက်ထားရှိခြင်းရှိ/ မရှိစစ်ဆေးခဲ့ပြီး သက်တမ်းတိုးပြည့်မီပါက ထပ်မံသက်တမ်းတိုးဆောင်ရွက်နိုင်ရန်၊ လစဉ် ရ၊ထုတ်၊ကျန် စာရင်းဖြည့်သွင်း‌ဆောင်ရွက်ရန်ကို ဆွေးနွေးပြီး ကွင်းဆင်းအသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)